एस्ट्रो पामिस्ट्री

estro pamistri  

Ank ke aur Lekh | Sambandhit Lekh | Views : 20235 |  
jyotish men ham janm ke samay bhachakra men grahon ki sthiti, yuti v drishti ke adhar par unki urjaon ka vishleshan jatak ki janmakundli dvara karte hain. hastarekha vigyan men in urjaon ka vishleshan hatheli men vidyaman chihnon aur rekhaon se karte hain. dusre shabdon men hamari hatheli men svayanbhu janmapatri vidyaman hoti hai. isi adhar par bahut se vidvanon ne jo jyotish v hastarekha ki barikiyon se avagat hain jatak ki hastarekhaon ke adhar par janmakundli banane ka prayas kiya. isi prakar kuch vidvanon ne janmakundli ke adhar par jatak ke hathon ki rekhaon ka sukshmatam adhyayan karne ka prayas kiya. is prakar ke vidvanon ko .ejtvchansaupeje ka nam diya gaya hai. estropamistri ka vigyan jyotish ke us vibhag ki paricharcha karta hai jo pamistri yani hastarekha vigyan men pratibinbit hota hai. jyotish ki ek prachinatam pustak jise shatabdiyon tak uttar bharat men gopniya rakha gaya aur jo bisvien shatabdi men jyotishiyon ke lie pandit rupchand sharma ke athak prayason se upalabdh ho saki vah lal kitab hai. is pustak men aise anek adhyay hain jahan jyotish ko hastarekha vigyan se jora gaya hai. udaharan ke lie usmen bahut si uktiyon dvara rekhaon aur chihnon ko janmakundli men grahon ki sthiti se jora gaya hai jaise- - yadi koi grah parvat ubhra hua ho aur us par sidhi khari rekha ho to us grah ko svagrihi ya uchcharashisth samjhen. - isi prakar koi grah daba hua ya aviksit ho to use nichrashisth samjhen. - yadi kisi grah kshetra par trishul, shankh, machli, tribhuj ya chaturbhuj jaisi koi akriti ho to us par anya grahon ki shubh drishti par rahi hai. - jab kisi grah kshetra par ashubh chihn jaise dvip, jal, chen, nakshatra ya bindu adi hon to vah grah janmakundli men ashubh grahon se drisht hoga. - jab do grah kshetra kisi rekha se jure hon to un grahon ki kundli men yuti hogi. - jab janmakundli men rahu v ketu ka jivan par bura asar ho raha ho to jivan rekha, mastishk rekha v hriday rekha shrinkhlakar hoti hai. - yadi bhagya rekha ke mul men char shakhaon vali rekha ho. surya ke parvat par budh ki or ek chakra ho ya brihaspati ka chihn ho ya donon hathon ki ungliyon par ek shankh athva ek chakra ho ya brihaspati ke parvat par ek sidhi rekha ho to brihaspati ko khana nanbar ek men samjhen. - brihaspati ke parvat par do sidhi rekhaen ya hath men ghar nanbar do ki jagah guru ka chihn ho to brihaspati ko khana nanbar do men samjhen. - ungliyon par 7 chakra ya hriday rekha guru parvat par jae ya brihaspati ke parvat par 7 sidhi rekha ke hone par brihaspati ko khana nanbar tin men mana jata hai. - ungliyon men char shankh, brihaspati par char sidhi rekhaen athva chandrama par shankh ya chandrama se nikli koi rekha brihaspati par pahunch jae to ise khana nanbar 4 men samjhen. - ungliyon par panch chakra ya svasthya rekha ka bhagya rekha ke aranbh men milan ho raha ho to brihaspati ko khana nanbar panch men mana jae. - ungliyon ke poron men chah chakra hon athva bhagya rekha ki jar men ketu ka chihn hone par guru ko khana nanbar chah men mana jata hai. - brihaspati ka parvat bahut bara ho ya santan rekha vivah rekha ko katti ho, athva bhagya rekha ki jar par budh ka chakra ho to brihaspati khana nanbar 7 men hota hai. - brihaspati ka parvat daba ho, hriday rekha sidhi ho, 8 ya 11 chakra hon ya 6 ungliyan hon, bhagya rekha surya rekha se n mile, bhagya rekha ki jar par trikon ho to guru khana nanbar 8 men hota hai. - bhagya rekha ekadam sidhi aur spasht hone par brihaspati khana nanbar 9 men hota hai. - surya ke parvat par budh ki or ek sip, ungliyon men das chakra, ayu rekha chandra par samapt hoti ho. brihaspati aur shani ke parvat doshakhi rekha se mile to khana nan. das men samjhen. - ungliyon men 9 chakra hone par khana nanbar 11 men samjhen. - chah shankh ya 12 chakra (ungliyan chah hone par) bhagya rekha ki jar men rahu ka chihn ho ya matsya ka chihn shukra parvat par ho to guru khana nanbar 12 men ho. is pustak men aise anek nayab sutra hain jo jyotish v hastarekha visheshagyaon ke lie vishesh upyogi hain. hatheli men rekhaon aur chihnon dvara kundli men grahon ki sthiti ka anuman lagaya ja sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


hastalekh evan hastakshar visheshank  February 2014

fyuchar samachar patrika ke hastalekh evan hastakshar visheshank men hastalekh se vyaktitva vishleshan, likhavat dvara rogon ki pahchan evan upchar, hastakshar ke prakar evan visheshtaen, bhinn mansikta ki bhinn likhavat, hastakshar evan grah apke hastakshar kya kahte hain, likhavat se janen vyakti vishesh ko tatha hastalipi evan upyog, kaise len hastakshar dvara svasthya v dhan labh adi gurh evan mahatvapurn vishyon par charcha ke atirikt filmon men kariyar, estro pamistri, mahashivratri vrat ka adhyatmik mahatva, panchapakshi ki kriyavidhi, saflta men dishaon ka mahatva tatha adi shakti jivndayini manglrupa man tarini ke tirthasthal par rochak alekh sammilit hain.

Subscribe

Apne vichar vyakt karein

blog comments powered by Disqus
.