तिथि के देवता करते हैं, कामना पूरी

tithi ke devta karte hain, kamna puri  

Ank ke aur Lekh | Sambandhit Lekh | Views : 4614 |  
hamare shastron men tithi ko bahut mahatvapurn sthan diya gaya hai. jis tithi ke jo devta bataye gaye hain, un devtaon ki puja upasna usi tithi men karne se sabhi devta upasak se prasann ho uski abhilasha ko purn karte hain. pratipda: ise pratham tithi bhi kaha gaya hai, is tithi ke svami agni dev hain. inki upasna se ghar men dhan-dhanya, ayu, yash, bal, medha adi ki vriddhi hoti hai. dvitiya: is tithi ke svami brahma ji hain. is din kisi brahmachari brahman ki puja karna evan unhen bhojan, ann vastra ka dan dena shreyaskar hota hai. tritiya: is tithi men gauri ji ki puja karne se saubhagya ki vriddhi hoti hai. kuber ji bhi tritiya ke svami mane gaye hain. atah inki bhi puja karne se dhan-dhanya, samriddhi prapt hoti hai. chaturthi: is tithi ke svami shri ganesh ji hain jinhen pratham pujya bhi kaha jata hai. inke smaran se sare vighn dur ho jate hain. panchmi: is tithi ke svami nag devta hain. is din nag ki puja se bhay tatha kalasarp yog shaman hota hai. shashthi: is tithi ke svami skand arthat kartikey hain. inki puja karne se vyakti medhavi, sampann evan kirtivan hota hai. alpabuddhi evan haklane vale bachche ke lie kartikey ki puja karna shreyaskar hota hai. jinki mangal ki dasha ho ya koi kort kes men fansa ho uske lie kartikey ki puja shreshth faldayi hai. saptami: is tithi ke svami surya hain. surya arogyakarak mane gaye hain sath hi jagat ke rakshak bhi. islie achche svasthya evan arogyata hetu visheshakar jise ankhon ki samasya ho uske lie is din chakshushi vidya ka path karna mana gaya hai. ashtami: is din ke svami rudra hain. atah is tithi men vrishabh se sushobhit bhagvan sadashiv ka pujan karne se sare kasht evan rog dur hote hain. navmi: is tithi ke din durga ji ki puja karne se yash men vriddhi hoti hai. sath hi kisi prakar ki upri badha evan shatru nash ke lie aj ke din durga saptashati ka path karna chahie. dashmi: is tithi ke devta yamraj hain. is din inki puja karne se ye sabhi badhaon ko dur karte hain evan manushya ka narak tatha akal mrityu se uddhar karte hain. ekadshi: is tithi ke devta vishvedeva hain. inki puja karne se vo bhakton ko dhan dhanya evan bhumi pradan karte hain. dvadshi: is tithi ke svami shri hari vishnu ji hain. inki puja karne se manushya samast sukhon ko bhogta hai, sath hi sabhi jagah pujya evan adar ka patra banta hai. is din vishnu sahasranam ka path karna hota hai. parantu is din tulsi torna nishiddh hai. trayodshi: is tithi ke svami kamdev hain. inki puja karne se vyakti rupvan hota hai evan um v sundar patni prapt karta hai. sath hi vaivahik sukh bhi purnarup se milta hai. chaturdashi: iske svami bhagvan shiv hain. atah pratyek mas ki chaturdashi visheshakar krishnapaksh ki chaturdashi ke din shiv ji ki puja, archana evan rudrabhishek karne se bhagvan shiv manokamna purn karte hain evan samast aishvarya evan samp pradan karte hain. purnima: is tithi ke devta chandra hain. inki puja karne se manushya ka samast sansar par adhipatya hota hai. visheshakar jinki chandra ki dasha chal rahi ho unke lie purnima ka vrat rakhna evan chandra ko aghrya dena sukh men vriddhi karta hai. jinke bachche aksar sardi jukam, nimoniya adi rogon se grasit hon unki man ko ek varsh tak purnima ka vrat rakhna chahie tatha chandra ko aghrya dekar apna vrat karna chahie. amavasya: is tithi par pitron ka adhipatya hai. atah is din apne pitron ki shanti hetu ann vastra ka dan dena evan shraddh karna shreyaskar hai. isse prasann ho pitar devta apne kul ki vriddhi hetu santan evan dhan samriddhi dete hain.
Kya aapko lekh pasand aaya? Subscribe

Kya aapko lekh pasand aaya? Subscribe


hastalekh evan hastakshar visheshank  February 2014

fyuchar samachar patrika ke hastalekh evan hastakshar visheshank men hastalekh se vyaktitva vishleshan, likhavat dvara rogon ki pahchan evan upchar, hastakshar ke prakar evan visheshtaen, bhinn mansikta ki bhinn likhavat, hastakshar evan grah apke hastakshar kya kahte hain, likhavat se janen vyakti vishesh ko tatha hastalipi evan upyog, kaise len hastakshar dvara svasthya v dhan labh adi gurh evan mahatvapurn vishyon par charcha ke atirikt filmon men kariyar, estro pamistri, mahashivratri vrat ka adhyatmik mahatva, panchapakshi ki kriyavidhi, saflta men dishaon ka mahatva tatha adi shakti jivndayini manglrupa man tarini ke tirthasthal par rochak alekh sammilit hain.

Subscribe

Apne vichar vyakt karein

blog comments powered by Disqus
.