कैसे लें हस्ताक्षर द्वारा स्वास्थ्य व धन लाभ

kaise len hastakshar dvara svasthya v dhan labh  

Ank ke aur Lekh | Sambandhit Lekh | Views : 2512 |  
ki svasthya v dhan sanbandhi samasyaon ko hastakshar ke aksharon, grafoloji v grafothairepi ke madhyam se kam kiya ja sakta hai. mastishk ke adesh se anguliyon dvara sanpadit ‘hastakshara’ se kisi vyakti vishesh ke man, soch, vichar, parishram, vyaktitva, sanyam, antahkaran, svabhav, mitrata, shatruta, sukh, dukh, labh, hani, dhan, vaibhav, svasthya adi ka pata chalaya ja sakta hai. visheshtah bhagya v dhan sanbandhi mushkilon se bachne ke liye hastakshar ka shubh v satik hona avashyak hai. prastut lekh men hastakshar ke madhyam se kisi vyakti ke jivan men svasthya v dhan ki sthiti par vichar kiya jayega v yah jana jayega ki aisa hastakshar men kya badlav karen ki bhavishya men svasthya v dhan labh liya ja sake. 1. yadi koi vyakti apne hastakshar sidhe-sidhe yani saral rekha men karta hai to uske svasthya v dhan ki sthiti thik-thak yani sadharan rahti hai. kharch karne ki pravatti bhi kam hoti hai. khan-pan ki adten niyantran men rahti hain. aisa vyakti svasthya ke prati laprvah nahin rahta aur dhanagaman bhi bana rahta hai. 2. jis vyakti ke hastakshar niche se upar ki or 45 digri ka kon banate huye jate hain vah vyakti adhikatar dharmik pravritti hota hai. ishvar ki kripa se uska svasthya v dhan ki sthiti sadharntya achchi rahti hai. jarurat parne par dhan ki upalabdhi ho jati hai. svasthya narm-garam bana rahta hai par bade rog dur rahte hain. 3. jis vyakti ke hastakshar upar se niche ki or ate hain vah vyakti nakaratmak vicharon ka hota hai, svasthya udasin rahta hai. vyakti ko vyasnon ke karan bimariyon ka samna karna par sakta hai aur dhan ki sthiti bhi jivan ke uttarardh men danvadol si ho sakti hai. karj bhi lena par jata hai aur hamesha paise ke liye bhagdaur karni parti hai. 4. yadi vyakti ke hastakshar ka pahla akshar kafi bara hota hai, to vah vyakti guni, dhani, svasth v lokapriya hota hai. svasthya men ve balishth sharir ke malik hote hain. jivan men achanak dhan labh hota rahta hai. 5. yadi hastakshar ka pahla akshar thora bara v baki akshar chote v sundar hon to aise vyakti dhire-dhire uchch sthan pata hai. dhanagaman laga rahta hai v svasthya sundar v achcha rahta hai. ay ke ek se adhik srot hote hain. 6. hastakshar par yadi kalam ka dabav adhik ho to vah vyakti dhan kamane ke liye jor jabaradasti bhi kar jata hai. svasthya men use bi. piki bimari ka samna karna par sakta hai. tanav adhik rahta hai. dhan rahne ke bavjud bhi sanchay karne men pareshani ati hai. 7. hastakshar ke ant men jo vyakti rekha ke bina bindi ya daet lagate hain ve dhan kamane ke mamle men risk lene se darte hain jiskaran ve adhik dhani nahin ban pate. dhan pane ke avasar to anek ate hain parantu ve in avsron ka labh nahin utha pate. aise vyakti svasthya ke prati bhi sachet rahte hain. kuch bhi aisa vaisa khane se darte hain. lekin fir bhi svasthya uttam nahin rahta. 8. jo vyakti apne hastakshar bina kalam uthaye kar dete hain ve vivadakarta tatha rahasyavadi hote hain. aise vyakti apne svasthya v dhan ko bhagvan bharose chorakar jivan jite hain. unka svasthya thanda, garam rahta hai aur kisi n kisi dava se unka sanpark bana rahta hai. dhan ki sthiti samanyatah achchi rahti hai. ay men ek rasta rahti hai. 9. spasht hastakshar vale vyakti sajag, buddhiman hote hanai. svasthya ke prati savdhan rahte hain. kuch bhi rog hote hi ilaj karva lete hain. man ki tarah sharir bhi sanudar hota hai. dhan ke mamle men beiman nahin hote. imandari se bhi kamaya hua dhan unhen santusht rakhta hai. 10. jo vyakti hastakshar karne men jaldabaji karte hain ve tatkalik buddhi vale v urjavan hote hain. jyada samay ve nahin ganvate ki kya khana chahiye aur kya nahin. is karan ve aksar bimar bhi ho jaya karte hain yani svasthya naram rahta hai. dhan kamane men bhi ve alas nahin karte aur lakshmi bhi unhen tanha nahin rahne deti. 11. yadi koi vyakti hastakshar jaldi v aspasht karta hai to aise vyakti ka svasthya samanya nahin rahta aur use kisi n kisi rog ka samna karna parta hai. aisa vyakti dhan kamane ke liye lalayit rahta hai aur kabhi kabhi dhan-hani bhi uthani parti hai. 12. chote v shabdon ko tor-maror kar hastakshar karne vala vyakti chalak hota hai, kisi bhi tarike se dhan kamana janta hai. dhan kamane ki is havas men use badnami bhi jhelni parti hai. aise vyakti ka svasthya uske jivan ke uttarardh men pareshan karta hai. koi bimari use hamesha ke liye lag jati hai. 13. jo vyakti apne hastakshar ke niche puri rekha khinchte hain tatha uske bad ek ya do bindu bana dete hain, unhen dhan kamane men kam mushkilen ati hain aur bachat bhi adhik hoti hai. bhagya unka sath deta hai. aise vyaktiyon ka svasthya bhi achcha rahta hai. rog unhen pareshan nahin karte aur jivan lanba chalta hai. 14. yadi vyakti apne hastakshar men nam ka pahla akshar likhe v fir upnam likhakar niche ek bindu lagaye to aisa vyakti dhani hota hai. paise ki sthiti hamesha achchi rahti hai. unka jivan svasth v sammanit hota hai. vaivahik jivan bhi sukhi rahta hai. 15. yadi vyakti apne hastakshar ke antim shabd ke niche ek bindu lagaye to aise vyakti ko vilakshan pratibha milti hai aur vah prasiddhi pakar dhani ban jata hai. svasthya bhi aise vyaktiyon ka achcha rahta hai. parantu kuch vyasnon ka adi ho jata hai. 16. hastakshar ke niche do rekhayen khinchne vala vyakti asurakshit mahsus karta hai. paisa to jivan men achcha kamata hai par kanjus hota hai. svasthya bhi samanya rahta hai. vaise to rog adhik nahin hote parantu nirogi bhi nahin rahta hai. 17. jo vyakti apne hastakshar ko sundar, saja-sanvar kar likhta hai, vah kalakar sa hota hai. vyasnon ke bavjud bhi svasthya amtaur par thik rahta hai aur vah paisa bhi achcha kamata hai. jivan ke uttarardh men vah alishan jivan jita hai. 18. hastakshar yadi spasht likhe jayen aur antim shabd ki lain ya matra ko is prakar khinche ki vah upar ki aur jati dikhai de to aise vyakti achche svasthya vale v kafi dhani hote hain. jivan men tarakki karte hain aur piche murakar bhi nahin dekhte. uprokt vivaran se yah spasht hota hai ki kisi bhi vyakti ke hastakshar nimn prakar se shubh ban sakte hain - -' hastakshar lanbe v spasht hone chahiye. -' hastakshar ka pahla akshar bada hona chahiye. -' hastakshar 45 digri ke kon banate huye niche se upar ki or jane chahiye. -' hastakshar ke niche lanbi lain ya rekha lagani chahiye. -' hastakshar men dali gai rekha ya lain hastakshar ka koi akshar nahin katni chahiye. -' hastakshar ka pahla akshar gol nahin hona chahiye. -' hastakshar kabhi bhi jaldabaji men nahin karne chahiye. ant men ham kah sakte hain ki hastakshar ka prakar v aksharon ko badal kar ham kai prakar se labh pa sakte hain - svasthya men bhi, kariyar men bhi v dhan sanbdhi mamlon men bhi. yadi hastakshar jyotish ke anusar shubh hai to dhan ke sanbandh men labh liya ja sakta hai. jabki doshpurn v galat hastakshar karne par dhan hani ka samna karna par sakta hai. hastakshar men dikhai dene vali kamiyon ko dur kar vyakti apna bhavishya sanvar sakta hai. svasthya v dhan thik rakhne ke liye yadi upar likhit baton ko apnaya jaye to labh avashya hota hai aur kuch hi samay men sakaratmak parinam milne lagte hain.
Kya aapko lekh pasand aaya? Subscribe

Kya aapko lekh pasand aaya? Subscribe


hastalekh evan hastakshar visheshank  February 2014

fyuchar samachar patrika ke hastalekh evan hastakshar visheshank men hastalekh se vyaktitva vishleshan, likhavat dvara rogon ki pahchan evan upchar, hastakshar ke prakar evan visheshtaen, bhinn mansikta ki bhinn likhavat, hastakshar evan grah apke hastakshar kya kahte hain, likhavat se janen vyakti vishesh ko tatha hastalipi evan upyog, kaise len hastakshar dvara svasthya v dhan labh adi gurh evan mahatvapurn vishyon par charcha ke atirikt filmon men kariyar, estro pamistri, mahashivratri vrat ka adhyatmik mahatva, panchapakshi ki kriyavidhi, saflta men dishaon ka mahatva tatha adi shakti jivndayini manglrupa man tarini ke tirthasthal par rochak alekh sammilit hain.

Subscribe

Apne vichar vyakt karein

blog comments powered by Disqus
.