क्यों?

kyon?  

Ank ke aur Lekh | Sambandhit Lekh | Views : 1163 |  
prashna: sanskar kyon kiye jate hain? uttara: (‘sam’ upasarg evan ‘kri’ dhatu) sharir evan vastuon ki shuddhi ke liye unke vikas ke sath samy-samay par jo karm kiye jate hain, unhen ‘sanskar’ kahte hain. sanskaron se papon v doshon ka marjan hota hai tatha navin gunon ki prapti ke sath-sath adrisht fal ki prapti bhi hoti hai. ved vyas ke anusar sanskar solah prakar ke kahe gaye hain- 1. garbhadhan, 2. punsavan, 3. simantonnayan, 4. jatakarm, 5. namakaran, 6. nishkraman, 7. annaprashan, 8. churakarm, 9. karnavedh, 10. yagyaopvit, 11. vedaranbh, 12. keshant, 13. samavartan, 14. vivah, 15. avasashyadhan, 16. shrautadhan. prashna: garbhadhan kyon? uttara: hindu sanatan dharm men vivah vilasita ya kamvasna ki tripti ke liye nahin apitu vansh-vriddhi evan uttam santti prapti ke liye kiya jata hai. iska pahla praman hai, garbhadhan sanskar. is sanskar se bij tatha garbh sanbandhi sanpurn malinta nasht ho jati hai aur kshetra rupi stri ka sanskar bhi ho jata hai. sanatan manyata ke anusar nari vishybhog ki purti ka sadhan nahin hai, yah srishti saundarya ki pavitra pratima hai. garbhadhan sanskar stri-purush sahvas ke liye parasparik sahmti tatha santan ki avashyakta dyotak sanskar hai. prashna: punsavan kyon? uttara: garbh se keval putra ki hi prapti ho, iske liye punsavan sanskar kiya jata hai. prashna: simantonnayan kyon? uttara: iska fal bhi garbhadhan sanskar ki bhanti garbh ki vriddhi hai. prashna: jatakarm kyon? uttara: jatakarm sanskar dvara mata ke khan-pan sanbandhi dosh dur hote hain. prashna: namakaran kyon? uttara: is sanskar se ayu tatha tej ki vriddhi aur lok-vyavhar men nam prasiddh hone se jatak ka prithak astitva kayam hota hai. prashna: nishkraman kyon? uttara: is sanskar men shishu ko samantrak jagatpran bhagvan surya ka darshan karaya jata hai. ise lok vyavhar men surya-pujan kahte hain. isse ayu tatha lakshmi ki vriddhi hoti hai. prashna: annaprashan kyon? uttara: is sanskar dvara matri garbh men malinta bhakshan se jo dosh utpann ho jate hain unhen shant kiya jata hai. prashna: churakarm kyon? uttara: bal, ayu tatha tej ki vriddhi hi churakarm sanskar ka fal hai. prashna: upanayan kyon? uttara: upanayan se balak ‘dvij’ ki shreni men ata hai aur ise vedadhyayan ka adhikar mil jata hai. prashna: vivah-sanskar kyon? uttara: is sanskar ke antargat vyakti sapatnik agni homadi yagyakarm ka adhikari hota hai, jisse svarg labh hota hai. uttam riti se kiye gae ‘brahmana-vivah’ ke falasvarup ghar men kulatarak suputra paida hota hai. jivit pitron ki seva evan marnoprant pitron ke liye shraddha-tarpan adi dvara unka uddhar karta hai. vansh paranpra evan gotra ki raksha vivah-sanskar ka parinam hai. prashna: antyeshti sanskar kyon? uttara: pran nikal jane ke bad shav par yah sanskar vyakti ke moksh evan parlok sudhar hetu kiya jata hai. yah sabse param avashyak evan pavitra sanskar mana jata hai.
Kya aapko lekh pasand aaya? Subscribe

Kya aapko lekh pasand aaya? Subscribe


hastalekh evan hastakshar visheshank  February 2014

fyuchar samachar patrika ke hastalekh evan hastakshar visheshank men hastalekh se vyaktitva vishleshan, likhavat dvara rogon ki pahchan evan upchar, hastakshar ke prakar evan visheshtaen, bhinn mansikta ki bhinn likhavat, hastakshar evan grah apke hastakshar kya kahte hain, likhavat se janen vyakti vishesh ko tatha hastalipi evan upyog, kaise len hastakshar dvara svasthya v dhan labh adi gurh evan mahatvapurn vishyon par charcha ke atirikt filmon men kariyar, estro pamistri, mahashivratri vrat ka adhyatmik mahatva, panchapakshi ki kriyavidhi, saflta men dishaon ka mahatva tatha adi shakti jivndayini manglrupa man tarini ke tirthasthal par rochak alekh sammilit hain.

Subscribe

Apne vichar vyakt karein

blog comments powered by Disqus
.