बारहवें भाव में सूर्य, चंद्र एवं मंगल का फल एवं उपाय

barhven bhav men surya, chandra evan mangal ka fal evan upay  

Ank ke aur Lekh | Sambandhit Lekh | Views : 4138 |  
barhvan ghar khule akash ka, vyay ka tatha moksh ka bhav hai. surya surya atma ka karak hai. barhven ghar men baitha surya avchetan man men pare hue un dukhon aur sukhon ka sanket deta hai jo pichle janm ki ghatnaon ne avchetan man men dal diye hote hain. yadi barhven ghar ka surya panch-chah digri ka ho to yah ek sanket hai ki pichle janm men 20-21 sal ki umra men maut hui thi. is ghar men surya hone se insan dikhave ke lie kharch bahut karta hai. yadi surya uchch ka ya svarashi ka ho to yah kharch paropkar ke lie hoga. yadi tula ka surya ho to vyarth ke kamon men kharch hoga. surya ashubh ho to najar kamjor ho jati hai. insan genhu, chandi, sona ka kam kare to shubh hoga. yadi bijli ka kam, kachcha koyla ya hathi dant ka kam kare to ashubh hoga. upay - bandron ko gur khilana. - bhuri chintiyon ko satnaja dalna. chandra barhven ghar ka chandrama vyay athva hani ka suchak hai. keval dhan hani hi nahin apitu ayu hani bhi. yadi chandrama shani se drisht ho to aisa insan pichle janm men javan umra men mara hoga aur uski is janm men dhan ki hani bhi hoti hai. shani vish ka karak bhi hai aur chandra pani ka. yah yog taral jahar ke sath hui maut ka sanket hai. yahan chandrama srijnatmak karyon ke sath jura hota hain. aise kam kala ke sath jure hote hai log aise insan se ishrya bhi karte hain. lal kitab men is chandrama ke bare men chota sa bayan hai- pidaram sultan bud. arthat pita badshah tha. aise chandrama vala vyakti apne pita ke bare men, uski daulat ke bare men ya samajik haisiyat ke bare men kafi baten karta hai. ise pita se mili har vastu mitti ho jati hai parantu uski apni kamai men barakat par jati hai. aisa chandrama hone par yadi athven ghar men ketu bhi ho to putra achanak gum ho jata hai ya ghar chorakar chala jata hai. upay - chat ke niche kuan, haindapamp n lagvaen. - barish ka pani matke men bharakar ghar ki chat par rakhen. mangal barhven ghar ke akash men unche ghar par brihaspati ki rashi men baitha mangal takatavar ho jata hai tatha rahu ko niyantrit rakhta hai. aisa mangal insan ko himmat deta hai. jindgi men kitni bhi musibat ae himmat nahin tutti. yah mangal 25 ven sal men shubh fal deta hai. yadi 28 ven baras men putra paida ho jae to mangal aur bhi shubh ho jata hai. isi prakar yadi bhai ke sath achcha sambandh kayam ho to yah mangal aur bhi shubh ho jata hai parantu barhven ghar ke mangal vale ko jhuthi tohmten aur gupt choten lagti rahti hain. yahan mangal mahabharat ke ekalavya ki tarah hai jo apna angutha hi utar kar gurudakshina men de deta hai aur shaktiman hote hue bhi shaktihin ho jata hai. yadi mangal ke sath shukra ho to vivahit jivan men sukh nahin hota. lal kitab men ek farman diya hai ki barhven ghar vale mangal ka bhai jab ghar par ae to vah bhai ki khidamat kare. fir aisa mangal ashubh nahin rahega. upay - apne bhai ko dudh, fal khilaen -dudh men shahad ya chini milakar apne mitron ko ya pandit, mahatma ko pilaen. - 12 din lagatar mandir men 12 batashe den ;yadi dusre ghar men mangal ke dushman grah n baithe hon. - 12 din lagatar bahte pani men 12 gram gur bahaen. -ghar men kund aur jang khaya chaku, hathiyar n rakhen.
Kya aapko lekh pasand aaya? Subscribe

Kya aapko lekh pasand aaya? Subscribe


hastalekh evan hastakshar visheshank  February 2014

fyuchar samachar patrika ke hastalekh evan hastakshar visheshank men hastalekh se vyaktitva vishleshan, likhavat dvara rogon ki pahchan evan upchar, hastakshar ke prakar evan visheshtaen, bhinn mansikta ki bhinn likhavat, hastakshar evan grah apke hastakshar kya kahte hain, likhavat se janen vyakti vishesh ko tatha hastalipi evan upyog, kaise len hastakshar dvara svasthya v dhan labh adi gurh evan mahatvapurn vishyon par charcha ke atirikt filmon men kariyar, estro pamistri, mahashivratri vrat ka adhyatmik mahatva, panchapakshi ki kriyavidhi, saflta men dishaon ka mahatva tatha adi shakti jivndayini manglrupa man tarini ke tirthasthal par rochak alekh sammilit hain.

Subscribe

Apne vichar vyakt karein

blog comments powered by Disqus
.