लिखावट द्वारा रोगों की पहचान व उपचार

likhavat dvara rogon ki pahchan v upchar  

Ank ke aur Lekh | Sambandhit Lekh | Views : 1753 |  
jab vyakti ke sharir ke sabhi vibhag thik prakar se karya karte hon, bhukh khulakar lagti ho, bhojan bhali-bhanti pachta ho, shauch saf hota ho, kam-dhandhe ke lie, utsah ho, badan men alasya na ho aur na hi jarta ho, man men damakham aur utsah ho to uttam svasthya kahlata hai. kisi bhi vyakti vishesh ki likhavat ki visheshtaon ke adhyayan evan vishleshan dvara uske svasthya evan sharirik aur mansik rogon ki pahchan svayan men ek navin anusandhan hai. ab janiye ki kis prakar ki likhavat ki kya visheshtaen hain jo hamen batati hain ki likhavatakarta ka svasthya thik hai arthat unki likhavat men nimnalikhit gun hone chahiye. 1-likhavat ke adhikansh akshar golai lie v sudaul hon. 2-likhavat ke sabhi akshar sarltapurvak likhe gae hon. 3-likhavat ke sabhi aksharon par parne vala dabav lagabhag saman ho. 4-likhavat ki gati samanya ho n to adhik dhimi aur na hi adhik tivra ho. 5-likhavat ke akshar saman aur spasht hone chahie. ab jante hain ki likhavat ke drishtikon se sharirik aur mansik rup se bimar logon ki likhavat men kaun se avgun paye jate hain. 1-nikrisht shreni ke atyant chote aksharon vali likhavat mansik durbalata ki or sanket karti hai. 2-nikrisht shreni ke dhimi gati vali likhavat bhi mansik vikshiptata ki or sanket karti hai. 3-karidar chain jaisi banavat vali likhavat vale logon ka svasthya bhi prayah thik nahin rahta. 4-yadi kisi ki likhavat 150 digri ki ho to ve mansik v sharirik donon prakar ki durbalataane se pirit ho sakte hain. 5-165digri vale aksharon se likhi likhavat vale log prayah viklang dekhe gaye hain. vishesh kisi bhi likhavat ka pratham akshar yadi chota, tuta, aspasht,aur uljha hua ho to, aisi likhavat vala vyakti shirorog se pirit hota hai. vah jivan ki pratyek larai men hara hua hota hai. isi prakar yadi kisi ki likhavat ke madhya ke akshar terhe-merhe, kate hue ya aspasht hon to aisa vyakti hriday se pet tak rogon se pirit ho sakta hai, yadi madhya ka akshar khula hua evan anya aksharon se adhik spashtata lie ho ya ise adhik janchakar aur sanvarakar likha gaya ho to aise vyakti bhayankar uttejna se pirit ho sakte hain. yadi kisi likhavat ke antim akshar adhik lambe ho gaye hon to iska tatparya hai ki us likhavatakarta ko gathiya,bay, evan pairon ke kisi rog se pirit hone ki sambhavna hai aur ye rog jangh, ghutne, pindli, eri, talvon adi se sanbandhit ho sakte hain. kisi bhi rogi ki likhavat dvara rogon ka nidan apne ap men prakriti dvara pradatt ek vishesh upalabdhi hai. sabse pahle likhavat dvara rog ki pahchan karna avashyak hai, aur pahchan karne ke bad likhe aksharon ke usi se sanbandhit bhag ka vishleshan karna chahie. likhavat men se kuch bare shabd chun lijie aur un aksharon ko tin bhagon men bant dijiye. pahle bhag ko sharir ka pahla bhag samjhiye yani sir se lekar kandhe tak ka bhag. iska matalab ye hai ki is pahle bhag se ap kisi bhi likhavat karta ke is bhag ke rogon ka pata laga sakte hain. isi prakar dusre bhag yani madhya hisse ke varg men ane vale rog chati se lekar nabhi tak ke sharirik angon ka pratinidhitva karte hain. iska matalab ye hai ki shabdon ke is madhya bhag ke vishleshan se sharir ke madhya bhag ke rogon ka pata laga sakte hain. tisre aur antim hisse men nabhi se talve tak ke rogon ki pahchan ki ja sakti hai. likhavat ke akshar bariki se janch karni chahiye, islie jin shabdon ka chayan ap karte hain unke akshar lagabhag saman hone chahiye. kisi likhavat ka adhyayan karne ke lie pratyek lain men se ek akshar avashya lijie. likhavat se rogon ka nidan sunakar ajib avashya lagta hai, lekin ap bhi manenge ki manochikitsa hamare jivan men kitni karagar rahi hai aur shraddha evan vishvas se kiye jane vala har karya avashya purn hota hai. anubhav to yahi hai ki in upcharon se anek logon ko labh mila hai, to ap bhi labh uthaiye. ye upay in rogon men ek nishchit sima tak hi labh dete hain, kintu ek bar ko apko labh n bhi ho magar nuksan ki sanbhavna shunya hai. 1. adha shishi ka dard kisi bhi vyakti ko yadi is rog se pira ho to use chahiye ki vah apni manodsha anusar ek kagaj par kuch bhi likhe aur pratyek shabd ke piche niche ki or do bindu jor se lagata jae. ek bare pepar par donon or itna likhe ki pepar bhar jae,is prakar jab bhi dard ho aisa hi kare. 2. sir ka dard ek kagaj par likhna shuru karen aur har shabd ke niche jor se ek bindu lagate jaen, jab tak dard men aram n ae niyamit rup se likhte jaen, aram avashya hoga. 3. chinta ek kore kagaj par bara sa om likhen aur us par apni chinta likh dalen, fir us kagaj ko apne mathe se chuakar chote-chote tukron men farakar fenk den to avashya labh milega. 2- subah shighra ashok ke per ke panch komal patte tor len, un par shahad se om likhen aur achchi tarah chabakar thuk den, aisa niyamit rup se roj karen, labh avashya milega. 4. udar pira amrud ke patton ko jalaen aur uski rakh chat len,fir rakh ko gila karke amrud ki kalam se kagaj par kuch bhi likhen aur us kagaj ko jala den. 5. ankhon ki pira apni likhavat is prakar likhen ki sabhi akshar niche se upar ki or duhre dikhai paren, fir us kagaj ko ankhon se chuakar far kar fenk den. 6. hathon ki pira likhavat karta amrud ke patte par koi shubh sandesh likh kar use hatheli par rakhakar funk marakar ura de. 7. kandhon ka dard ratri men ek kagaj par likhen ki mera kandhon ka dard thik ho raha hai. fir us kagaj ko apne takiye ke bhitar rakh den v subah us kagaj ko ghurakar dekhen aur far kar fenk den. 8. pindliyon ki pira safed kagaj par purush akriti banayane, (pensil ka prayog karane) us par apna pura nam likhakar char khajur rakhakar apni pindli se chukar kisi kachche sthan men dabaen. 9. bukhar hone par ek shvet kagaj par apna nam likhen, 3 bar bukhar ki matra likhen jaise 101,101,101 fir us kagaj par tin chammach chini rakh kar apne upar se sat bar utaren, fir kisi gandi nali men fenk den, nali na ho to flash kar sakte hain. 10. blad preshar ek kore kagaj par (chota sa chaikor kagaj ) koi bhi mantra svayan likhane aur us kagaj ko gulab ke ful par rakhakar uski pankhuriyane sahit chusakar athva chabakar rakh den aisa niyamit karte rahen. 11. ghav, funsi, fora, elarji kisi kagaj par apni bimari likhan (3bar) aur sath hi 3 bar 63,63,63 likhen aur kagaj ko gur ki gajjak ke chure men chupakar kisi nadi, talab, sarita adi ke kinare gaddha khodakar daba den to fayda hoga.
Kya aapko lekh pasand aaya? Subscribe

Kya aapko lekh pasand aaya? Subscribe


hastalekh evan hastakshar visheshank  February 2014

fyuchar samachar patrika ke hastalekh evan hastakshar visheshank men hastalekh se vyaktitva vishleshan, likhavat dvara rogon ki pahchan evan upchar, hastakshar ke prakar evan visheshtaen, bhinn mansikta ki bhinn likhavat, hastakshar evan grah apke hastakshar kya kahte hain, likhavat se janen vyakti vishesh ko tatha hastalipi evan upyog, kaise len hastakshar dvara svasthya v dhan labh adi gurh evan mahatvapurn vishyon par charcha ke atirikt filmon men kariyar, estro pamistri, mahashivratri vrat ka adhyatmik mahatva, panchapakshi ki kriyavidhi, saflta men dishaon ka mahatva tatha adi shakti jivndayini manglrupa man tarini ke tirthasthal par rochak alekh sammilit hain.

Subscribe

Apne vichar vyakt karein

blog comments powered by Disqus
.