नक्षत्र
Ank ke aur Lekh | Sambandhit Lekh | Views : 3026 |  
ashvyadirupan turgasya yoni kshuron enasya manirgrihan ch. prishatkachakre bhavnan ch manchah shayyakro mauktikviduraman ch.. tornan balinibhan ch kundalan sinhpuchchagajadantamanchkaah. tryasri ch trichrnabhamardalau vrimanchymlabhamardalaah.. (muhurt chintamni) arthatah ashvini nakshatra ka svarup ghode ke mukh ke saman, bharni guptangavat, krika chure ke saman, rohini rath ya gadi sadrish (anah), mrigshira hiran ke mukh ke saman, adrra manivat, punarvasu-ghar ke saman, pushya-banavat (prishatka), shlesha-chakravat, magha-bhavanavat, pu.fa.-manchavat ya khatavat, u.fa. bistar, hasta-hath, chitra-moti, svati-munga, vishakha-toran, praveshadvaravat, anuradha-uble chavlon jaisa, jyeshtha-kundal, mul-sher ki punch, pu.sha.-hathi dant, u.sha.-manchavat, mridangavat (mardala), shatbhisha-vrikar, pu.bha.-manch, u.bha.-judvan balak v revti-mridang jaise dikhte hai. prithvi surya ke charon or chakkar lagati rahti hai. ek chakkar lagane men prithvi ko 365.2422 din lagte hain. yahi ek varsh ka man hai. chandrama ki do prakar ki gati hai. ek prithvi ke charon or chakkar lagane men ise 27.32 din lagte hain. dusri gati se chandra surya ke anshon par punah 29.531 dinon men a jata hai, atah lagabhag 30 dinon ke do paksh hote hain. aur do pakshon ka ek mah hota hai. taron ke paripeksh men chandrama pratidin ek nakshatra age chalta hai evan 360 digri chalne men 27.32 din lagte hain. atah chandrama pratidin lagabhag ek nakshatra age chalta hai. is 360 ansh ke vriÿa ko bhachakra kahte hain kyonki sabhi grah prithvi ke ek hi aksh par surya ke charon or chakkar lagate hainy atah inka path 9 anshon ke andar hi simit rahta hai aur isi 9 anshon ki chaidi patti ko bhachakra kahte hain. keval bhachakra ko yadi 30-30 anshon ke 12 bhagon men vibhajit karte hain to ek bhag rashi kahlati hai. in barah bhagon ke atirikt bhachakra ko 27 upvibhagon men bhi vibhajit kiya gaya hai. pratyek upvibhag ka vistar 360/27=13 ansh 20 kala hota hai. in upvibhagon ko nakshatra kaha jata hai. nakshatra bhi kai taron se milakar bana hota hai. jo samuhik rup se vishesh akriti ke dikhai dete hain. inmen sthit pramukh taron ke namon par nakshatron ke nam rakhe jate hain. barah rashiyon ke sais nakshatra hone se ek rashi men nakshatra hote hain. atah ek nakshatra ke punah 4-4 laghu vibhag kiye gaye hain. is prakar 27 nakshatron ke 108 charan hote hain. ise is prakar bhi kaha ja sakta hai ki- akash men chandrama prithvi ke charon or apni kaksha par chalta hua 27 din 32 ghanton men prithvi ki ek parikrama puri karta hai. is prakar ek masik chakra men akash men jin mukhya sitaron ke samuhon ke bich se chandrama gujrta hai. chandrama v sitaron ke samuh ke usi sanyog ko nakshatra kaha jata hai. chandrama ki 360 ansh ki ek parikrama ke path par lagabhag 27 vibhinn tara-samuh bante hain. in 27 nakshatron men chandrama pratyek nakshatra ki 13 ansh 20 kala ki parikrama apni kaksha men chalta hua lagabhag ek din men puri karta hai. sath men di gai talika evan chitra se vibhinn nakshatron ke svarup ko darshaya gaya hai. unke svami nakshatron men taron ki sankhya ko darshaya gaya hai. rat ko in nakshatron ko ham vidit chitranusar akash men pahchan sakte hain. dilli men 01 janvri ko suryast ke bad ashvini nakshatra sir ke upar dekha ja sakta hai. lagabhag 13 din bad usi samay bharni nakshatra sir ke upar a jata hai. is prakar sabhi 27 nakshatra ek-ek karke ratri men dekhe ja sakte hain. ek prakashhin ratri men lagabhag 10 nakshatra purva se pashchim tak dekhe ja sakte hain. yadi prakash ki matra adhik ho to keval sir ke upar panch-sat nakshatra dikhai padte hain.
Kya aapko lekh pasand aaya? Subscribe
Kya aapko lekh pasand aaya? Subscribe


nakshatra visheshank  February 2013

fyuchar samachar patrika ke nakshatra visheshank men nakshatra, nakshatra ka jyotishiya vivaran, nakshatra rashiyan aur grahon ka paraspar sanbandh, nakshatron ka mahatva, yogon men nakshatron ki bhumika, nakshatra ke dvara janmafal, nakshatron se ajivika chayan aur bimari ka anuman, gandmul sangyak nakshatra adi gyanavardhak alekh sammilit kie gae hain. iske atirikt hindu manyataon ka vaigyanik adhar, vastu paramarsh, vastu prashnotri, yantra samiksha/mantra gyan, gun jenetik kod ki tarah hai, damini ka bharat, tarapith, mahakunbh ka mahatmya, lalkitab ke totke, laghu kathaen, jaspal bhatti ki jivnktha, bachchon ko safal banane ke sutra, ank jyotish ke rahasya, man ka kainsar aur upchar v hastarekha adi vishyon par gahan charcha ki gai hai. vichargoshthi men vastu evan jyotish namak vishay par charcha atyant rochak hai.

Subscribe

Apne vichar vyakt karein

blog comments powered by Disqus
.