महामृत्युंजय मंत्र उपासना

mahamrityunjay mantra upasna  

Views : 8968 | May 2009

un tryambakan yajamhe, sugandhin pushtivardhanam.
urvarukmiv bandhananmrityormukshiya ma'mritat..

arthat

samast sansar ke palnhar tin netron vale shiv ki ham aradhna karte hain vishva men surbhi failane vale bhagvan shiv mrityu, n ki moksh, se hamen mukti dilaen.

pauranik kathnanusar devguru brihaspati v shukracharya brihaspatidev ke pita se vidya grahan karte the. brihaspati ke pita ne putra moh ke karan sara shreshth gyan brihaspati ko hi de diya. isse ahat hokar shukracharya ne ghor tapasya kar bhagvan shankar se ashirvad svarup mritsanjivni vidya prapt ki. devasur sangram men asuron ki mrityu ho jane par shukracharya ji unhen is mritsanjivni vidya ke prabhav se amrit chirak kar jivit kar dete the aur punah ran kshetra men bhej dete the. shukracharya ji ne yah vidya dadhichi ji ko di. is sandarbh men ek katha hai ki rishi putra dadhichi aur rajkumar kshuv donon ek ashram men parhte the. donon men achchi mitrata ho gai.

jab ashram se ve grihasth ashram ke lie vida hue to kshuv ne kaha ki ‘main raj sinhasan par baith jaun, tab apko koi avashyakta ho to mere pas ana, main purti karunga.’ yah bat dadhichi ji ko achchi nahin lagi. jab kshuv rajsinhasnarurh hue to kshuv ne dadhichi ko kuch dena chaha aur fir ve hi vakya kahe. dadhichi ne apna apman hote dekhakar krodh se raja ke sir par mushti-prahar kiya. isse kupit hokar raja kshuv ne dadhichi ke vaksh par vajra ka prahar kiya. rishi ahat hokar gir pare aur apni haddiyon ke tut jane se dukhi hokar shukracharya ka smaran kiya v apni svasthata ki prarthana ki.

shukracharya ne mrityunjay mantra ke bal se dadhichi ko svasth kiya aur mahamrityanujay mantra ka vidhivat updesh bhi diya. bad men indra ke dvara unki haddiyon ke mangne par dadhichi ne vishvakalyan ke lie apni asthiyon ka dan kiya tha aur unhin ko astra banakar indra ne rakshasaraj ka nash kiya tha.


apni kundli men rajyogon ki jankari paen brihat kundli riport men


mahamrityunjay mantra svarup

mahamrityunjay mantra ke vibhinn svarupon ka ullekh hamare prachin dharmaganrathon men milta hai. in sabka apna-apna mahatva hai. vishesh sthiti men inka vishesh prakar se anushthan kiya jata hai.

ekakshari mantra: haun (vaksiddhi hetu)

trayakshari mantra: un jun sah (jvaradi se mukti hetu)

chaturakshari mantra: un van jun sah (sankat mukti)

panchakshari mantra: un haun jun sah un (laghu mrityunjay mantra)

navakshari mantra: un jun sah paly-palay (sankat nivarn)

dashakshari mantra: un jun sah man paly-paly

vaidik mantra: trayambakan yajamhe, sugandhin pushtivardhanam. urvarukmiv bandhananmrityormukshiya ma'mritat..

33 aksharatmak mantra: un trayambakan yajamhe, sugandhin pushtivardhanam. urvarukmiv bandhananmrityormukshiya ma'mritat..

54 aksharatmaka: un haun jun sah un bhurbhuvah svah un traiyambakan yajamhe sugandhin pushtivardhanam urvarukmiv bandhananmrityormukshiya ma'mritat un svah bhuvah bhuah un sah jun haun un.

62 aksharatmaka: un haun un jun un sah un bhuah un bhuvah un svah un trayambakan yajamhe sugandhin pushtivardhanam urvarukmiv bandhananmrityormukshiya ma'mritat un svah un bhuvah un bhuah un sah un jun un haun un .. (rog nivaran hetu)

shukra upasit: un haun jun sah un bhurbhuvah svah un tatsaviturvarenyan trayambakan yajamhe bhargo devasya dhimhi sugandhin pushtivardhanam dhiyo yo nah prachodyat urvarukmiv bandhananmrityormukshiya ma'mritat svah bhuvah bhuah un sah jun haun un.. (svasthya labh hetu)

mantra prayog

jab rogi atyant kasht ki sthiti men ho, rog v ashakti ke karan mansik chinta barh rahi ho, vaidya evan daktaron ka koi ek nirnay nahin ho raha ho tatha svayan rogi aur uske parivar ke log kisi ek nirnay par nahin pahunch pa rahe hon, to mahamrityunjay mantra ka jap karna chahie.

kisi bhi grah ke bure prabhav se mukti ke lie, mukhyatah shani v rahu ke ashubh prabhav ko dur karne ke lie, jadu tone ke asar ko samapt karne ke lie shatru pradatt pira ka hanan karne ke lie, durghatana se bachav ke lie v marnasann sthiti men moksh ke lie is mantra ka jap karna chahie. shastrokt vidhan ke anusar mahamrityunjay mantron ka sava lakh ki sankhya men jap kiya jata hai. parantu jap ki sukshm vidhi ka bhi vidhan hai jismen jatak mahamrityunjay mantra ka dashansh jap bhi kar ya kara sakte hain.

aisa karne se bhi jap ka fal milta hai. mahamrityanujay mantra ka jap kisi shivalay men, ghar men, shiv ya vishnu ke siddh sthal par athva kisi dvadash jyotirling mandir men karna ya karana chahie. yah anushthan prativarsh kisi somvar ko, janmadivas par kisi siddh muhurÿa jaise mahashiv ratri, nag panchmi ya shravan mas men bhi kara sakte hain.


kariyar se juri kisi bhi samasya ka jyotishiya upay paen hamare kariyar eksapart jyotishi se.


vidhi

jab rogi atyant sankat ki sthiti men ho, tab kalon ke kal mahakal sahayak bante hain. aisi sthiti men rudrabhishek karane ka vishesh mahatva hai. abhishek jal, panchamrit athva godugdh se karna chahie. atyant ushn jvar, motijhra adi bimariyon men matthe se abhishek kiya jata hai.

shatru dvara koi abhichar kiya gaya pratit ho to sarson ke tel se abhishek karna chahie. am, ganne, mausmi, santre, nariyal adi vibhinn falon ke rason ke mishran se athva alg-alag ras se bhi abhishek ka vidhan hai. aise abhishek se bhagvan shiv prasann hokar sukh shanti pradan karte hain. abhishek ke pashchat mahamrityunjay mantra ka ukt sankhya men jap aur havan karvaen. mahamrityunjay havan men vibhinn prakar ke havniya dravyon ka bhi prayog bataya gaya hai.

achche svasthya ke lie kachche dudh ke sath giloy ki ahuti mantrochchar ke sath di jati hai. iske bad dub, baragad ke paÿo athva jata, japapushp, kaner ke pushp, bilva patra, dhak ki samidha, kali aprajita ke pushp adi ke sath ghi milakar dashansh havan karen to rog se shighra hi mukti aur mrityu ka nivaran hota hai. isi prakar manovanchit fal ki prapti ke lie dron aur kaner pushpon ka havan uttam faldayi hota hai. isi tarah krur grahon ki shanti ke lie janmadin par mrityunjay mantra ka jap karte hue ghi, dudh aur shahad men durva milakar havan karna ati uÿam hota hai. mahamrityunjay mantra ki siddhi ke lie jayafal se havan karna uttam mana gaya hai.

samagri

mahamrityunjay ki puja-archana ka purn fal dirghakal tak prapt karne ke lie parad shiv parivar, mahamrityunjay yantra, rudraksh mala, ekakshi nariyal, ek mukhi rudraksh, kauri tatha mahamrityunjay laeket ka vishesh mahatva hai. jatak ko is anushthan men pratishthit parad shiv parivar ko pratidin jal charhana chahie tatha yantra ko snan karakar chandan ka tilak lagana chahie. ekakshi nariyal v kauri ko pratidin dhup dip dikhana chahie. pratishthit ek mukhi rudraksh, mala v laeket gale men dharan karen. rudraksh mala par mahamrityunjay mantra ka pratidin ek mala jap karen. is prakar mantra ke jap ka fal jatak ko sada milta rahega.


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

mahamrityujay upasna visheshank  May 2009

mahamrityunjay upasna visheshank men mahamrityunjay mantra ki mahima jani ja sakti hai. mahamrityunjay upasna hetu samagri evan sadhna vidhi, sarvarakshakarak mahamrityunjay laket, kavach evan yantra ka mahatva tatha mahamrityunjay upasna ke labh batae gae hai.

Subscribe


.