मुहूर्त प्रश्नावली

muhurt prashnavli  

Ank ke aur Lekh | Sambandhit Lekh | Views : 5112 |  
muhurt kise kahte hain? kisi bhi karya vishesh ke lie panchang shuddhi dvara nishchit ki gai samyavdhi ko ‘muhurta’ kaha jata hai. muhurt nikalne ke mukhya niyam kya hain? tithi, var, nakshatra, yog evan karan inhin ke adhar par shubh samay nishchit kiya jata hai. lagn shuddhi ke sath-sath in panchon ka shubh hona param avashyak hai. in sabke adhar par hi shubh v shuddh muhurt nikala jata hai. kin karyon ka muhurt nikalakar kam karna chahie v kinka nahin? dainik v nitya karmon ko karne ke lie koi muhurt nahin nikala jata hai, parantu vishisht karmon v karyon ki saflta hetu muhurt niklvana chahie taki shubh ghariyon ka adhikadhik labh prapt ho sake. yadi muhurt n nikal raha ho, to avashyakta men kya karen? yadi avashyakta ke anusar muhurt n nikal raha ho, to keval shubh yog dekhakar aur ati avashyakta men abhijit muhurt ya godhuli ke samay athva keval lagn shuddhi kar karya kar sakte hain. godhuli v abhijit muhurt ko itni adhik manyata kyon hai? godhuli v abhijit muhurt men surya kendra men sthit hota hai, jo in muhurton ki mahatta ko barhata hai. kisi varsh vivah grihapravesh muhurt nahin hota - aisa kyon hota hai? vivah muhurt lagabhag 15 janvri se 15 march, 15 aprail se 15 julai v 15 navanbar se 15 disanbar ke bich hi hote hain. ismen bhi kabhi-kabhi guru aur shukra ast ho jate hain. guru lagabhag 3 saptah evan shukra 2 mah ast rahta hai. is prakar jab ye grah ast hote hain lagabhag muhurt ki ek ritu bit jati hai aur aisa lagta hai ki varsh men muhurt hi nahin hai. yadi ek muhurt kisi ek karya ke lie shuddh ho, to kya anya karyon ke lie shuddh nahin ho sakta? muhurt shastra ke anusar pratyek ghari ka apna mahatva hota hai. fir karya ke anurup hi nakshatra, tithi, aur var ka chayan kar muhurt bataya jata hai. islie yah avashyak nahin hai ki ek muhurt kisi ek karya ke lie shuddh ho, to vah anya karyon ke lie bhi shuddh hoga. rahukal, chaighriya, hora evan lagn shuddhi - samay shuddhi ki in char paddhatiyon men se kaun si kab apnani chahie? pratidin lagabhag 1 ghanta 30 minat ki avdhi rahukal ki avdhi mani gai hai. rahu kal men koi bhi shubh karya praranbh karna ya uske lie bahar niklna mana kiya gaya hai. rahukal men praranbh kie gae shubh karya ko grahan lag jata hai. yadi akasmat yatra karne ka mauka a pare, to us avasar ke lie vishesh rup se chaighriya muhurt ka upyog hota hai. isi prakar hora muhurt karya siddhi ke lie purn faldayak v achuk mane jate hain, jo din rat ke 24 ghanton men ghumakar manushya ko karya siddhi ke lie ashubh samay men bhi susamay, suavasar pradan karte hain. surya ka hora raj seva ke lie, chandrama ka hora sabhi karyon ke lie, vad mukdme ke lie mangal ka hora, gyanarjan ke lie budh ka hora, pravas ke lie shukra, vivah ke lie guru v dravya sangrah ke lie shani ka hora uÿam hota hai. pratyek karya ke lie lagn shuddhi shubh bhavishya ko darshati hai. tin jyeshth hon, to kya vivah karna ashubh hai? paranpra ke anusar tin jyeshth hone par vivah karna shubh faldayi nahin mana jata. is yog men vivah hone par var paksh athva vadhu paksh men hani hone ki sanbhavna mani jati hai. lekin muhurt shastra men ullekh nahin hain. kisi karya ko karne ki shubh tarikh gyat karne ke lie shubh yog ki ganna karen ya panchang shuddhi se dekhen? panchang shuddhi ke dvara din nirdharan karna muhurt shastra ke anusar shreyaskar mana gaya hai. yadi samyavdhi ke anusar shubh tarikh n banti ho to shubh yogon ki ganna kar karya karna uchit mana jata hai. vivah kal men yadi sutak pare, to kya vivah karna uchit hoga? vivah kal men yadi sutak par jae, to vivah karna uchit nahin mana jata. aisi sthiti men sutak shuddhi kar leni chahie. sutak kal men shastron ke anusar puja-path v vaidik anushthan varjit hain. abujh muhurt men vivah karna uchit hai ya keval muhurt ki tarikh men ? abujh muhurt men vivah karna uchit hai, parantu muhurt ki tarikhen vivah ke lie upyukt hon, to unmen vivah karna shreyaskar hota hai , kyonki ye muhurt panchang dvara shuddhikaran kar nikale jate hain. abujh muhurt ko keval shubh tarikhen n milne par apnana chahie. abujh muhurt men tara adi dube hon ya anya koi karan ho, to bhi kya inmen vivah karna shubh hoga? abujh muhurt ke samay tara duba ho athva anya koi karan ho, to ismen vivah karna thik nahin hai, kyonki abujh muhurt shubh muhurt se kam faldayi mana gaya hai. yadi var v kanya ka milan shubh n ho, to kya shubh muhurt men vivah kar dosh dur kiya ja sakta hai? shubh muhurt men vivah kar v dosh sanbandhi dan-puja karvakar milan dosh dur to nahin, parantu kam avashya kiya ja sakta hai. shubh muhurt men vivah karvane se dosh kuch avdhi ke lie tal jata hai. yadi vastu dosh ho, to kya shubh muhurt men pravesh kar vastu dosh se mukti pai ja sakti hai? shubh muhurt men pravesh kar vastu dosh se mukti to nahin pai ja sakti, parantu vastu dosh kam avashya kiya ja sakta hai. purn rup se vastu dosh ko tabhi dur kiya ja sakta hai, jab ghar vastu adharit niyamon ke anusar banaya gaya ho. kya muhurt ke dvara bhavishya ko badla ja sakta hai? jis prakar kisi balak ke janm samay ke grah uske bhavishya ko batate hain, usi prakar muhurt ane vale samay men jo karya hona hai, uska bhavishya batata hai. shubh muhurt men karya kar bhavishya to nahin badla ja sakta, parantu kuch dosh avashya kam kie ja sakte hain. shubh muhurt men karya tabhi safal hota hai jabki apke purva janm ke karm v bhagya anukul hon.
Kya aapko lekh pasand aaya? Subscribe
Kya aapko lekh pasand aaya? Subscribe


muhurt visheshank  November 2009

manav jivan men muhurt ki upyogita, kya muhurt dvara bhagya badla ja sakta hai, muhurt nikalne ki shastrasammat vidhi, vivah men muhurt ka mahatva, shraddh, chaturmas, malmas, dhanu ya min ka surya ashubh kyon tatha ast grah kal kaise ashubh ? ki jankari prapti ki ja sakti hai.

Subscribe

Apne vichar vyakt karein

blog comments powered by Disqus
.