दक्षिणावर्ती शंख

dakshinavarti shankh  

Views : 12040 | August 2009

bhartiya sanskriti men shankh ki apar mahima evan upyogita batai gai hai. shankh samriddhidayak, daridrata nashak, ayuvarddhak ke sath-sath devi-devtaon ke pujan ke lie, jyotish aur tantrik sadhnaon men evan shubh karya ke praranbh men iski vishesh upyogita batai gai hai. ye samudra men lagabhag sabhi jagah mukhya rup se pae jate hain. maldiv, shri lanka, andman nikobar, hind mahasagar, arab sagar v prashant mahasagar men mukhya rup se pae jate hain.

mukhyatah shankh vamavarti hote hain evan dakshinavarti shankh das pratishat se bhi kam pae jate hain. isko janne ke lie ki yah dakshinavarti hai ya vamavarti shankh ke mastak ko apni aur v dhara mukh ko bahar ki taraf rakhe aur dayan bhag khula ho to vah dakshinavarti shankh hota hai tatha jiska bayan bhag khula ho vah vamavarti shankh hota hai. samanyatah dakshin aavarti shankh baen hath se pakrne men suvidhapurvak ata hai evan vamavarti shankh ko daen hath se pakrne men suvidha hoti hai. yadi shankh ko bajana ho to vamavarti shankh ko daen hath men pakar kar hi baja paenge. dakshinavarti shankh ko dane hath men pakarakar bajane men asuvidha hoti hai. islie bajane vale shankh vamavarti hi hote hain. prakriti men pachas hajar se bhi adhik prakar ke shankh pae jate hain. kuch khare pani men to kuch mithe pani men inke akar bhi ek mili mitar se lekar chalis inch tak hote hain.

ye anekon rangon men evan ek gram se kai kilo tak ke vajan men paen jate hain. shankh bhagvan vishnu ke chaturbhaj svarup men hast ka ek abhushan hain, mahabharat men bhi bhagvan krishn ne panchajanya shankh bajakar yuddh ki shuruat ki thi. ayurved men shankh bhasm anekon prakar ke rogon ko dur karne ke lie prayog men lai jati hai. bauddh dharm men shankh ko asht mangal (shankh, shrivats, matsya, padm chatra kalash chakra dhvaj) padarthon men se ek hai. dakshinavarti shankh ek bare samudri jiv ka bahri hissa hai jo ki bharat ke dakshin men hind mahasagar men paya jata hai iska jiv vigyan men tarbinela payaram nam hain shankh ko bajane se batavaran ki nakaratmak urja samapt ho sakaratmak urja utpann hoti hai.

isse asha, atmabal, shakti v drirhta barhti hai tatha bhay nasht hota hai. shraddha v vishvas jagrit hota hai. bhagya aur sukh-samriddhi men vriddhi hoti hai. aisa mana jata hai ki brahmand evan shankh ki akriti saman hai. shankh ke andar ka ghera brahmand ki kundli (spairl) ki tarah hota hai. shankh men gunjne vala svar brahmand ki gunj ke saman hai, shabd ki gunj bhi shankh ke dvara gunjayman dhvani jaisi hi hoti hai. yog mane shankh mudra ka bhi varnan hai shankh nand se anekon prakar ke kitanuon ka nash hota hai rudrabhishek karte samay ya kisi devta ke jalabhishek karte samay shankh men jal ya dudh dala jae to pap nasht hote hen v sukh samriddhi barhti hai.

puran men shankh ki utpaÿia samudra manthan se hue thi, iske dhara mukh par ganga, sarasvati, madhya men prajapti evan sir par surya, chandra, varun ka sthan mana gaya hai. varah puran men kaha gaya hai ki mandir ke darvaje khulne se pahle shankh avashya bajana chahie shankh ke bajane se satvik spandan (baiverashn) ati hai aur tamsik v rajsik spandan (vaiverashn) samapt ho jati hai.


apni kundli men sabhi dosh ki jankari paen kampalit dosh riport men


shankh ki maulikta ki pahchan ke lie eksa-re dvara jancha jata hai kabhi-kabhi shankh ke doshon ko dur karne ke lie shankh paudar dvara filing kar di jati hai ya kone adi bana die jate hain lekin keval mahange shankh hi dakshinavarti shankh hote hain aisa satya nahin hai anekon kismon men dakshinavarti shankh pae jate hain. kisi men rekhaen hoti hai kisi men nahin, bina rekhaon vale shankh bhi nakli nahin hote balki anya jati ke hote hai aur inko bhi dakshinavarti shankh ki tarah mana v puja gaya hai.

dkshinavarti-shell

dakshinavarti shankh ke upyog

  • dakshinavarti shankh se lakshmi ji ki puja ki jati hai iske bina lakshmi ji ki aradhna puja safal nahin mani jati.
  • dakshinavarti shankh se pitri-tarpan karne par pitron ki shanti hoti hai.
  • dakshinavarti shankh men jalabhar kar garbhavati stri ko sevan karane se santan svasth v rog mukt hoti hai.
  • dakshinavarti shankh se shaligram v sfatik shri yantra ko snan karane se vaivahik jivan sukhad v lakshmi ka chir sthayi vas hota hai.
  • chandrama grah ki pratikulta se hone vale shvas sanbandhi v hriday rogon ki shanti ke lie dakshinavarti shankh ki nitya puja karen.
  • dakshinavarti shankh ki sthapna se vastu doshon ka nirakaran hota hai

to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

shankh visheshank  August 2009

jyotish men shankh ka kya mahatva hai, vibhinn shankhon ki upyogita, shankh kahan-kahan pae jate hai, shankh kitne prakar ke hote hai tatha ghar men ya pujasthal par kaun sa shankh rakha jana chahie aur kyon? yah visheshank shankhon se apka purn parichay karane men madad karega.

Subscribe


.