हरितालिका व्रत

haritalika vrat  

Ank ke aur Lekh | Sambandhit Lekh | Views : 3226 |  
haritalika vrat pan. brajkishor bharadvaj ‘brajvasi’ haritalika vrat bhadrapad shukla tritiya tithi men sanpann karne ka vidhan hai. pratah kal suryoday se purva hi jagakar nitya naimittik karmon ko purnakar shraddha v bhavpurn hokar sankalp lena chahie ki aj main amuk kamna siddhi ke lie is vrat ka palan karungi. vaise to sanpurn bharatavarsh men is vrat ka vidhan hai, parantu vishesh rup se purvi uttar pradesh, madhya pradesh, rajasthan, bihar aur jharkhand adi pranton men bhadrapad shukla tritiya ko saubhagyavti striyan apne akhand saubhagya ki raksha ke liye bari shraddha, vishvas aur lagan ke sath haritalika vrat (tij)- ka utsav manati hain. jis tyag-tapasya aur nishtha ke sath striyan yah vrat rakhti hain, vah bara hi kathin hai. ismen falahar-sevan ki bat to dur rahi, nishthavali striyan jalatak nahin grahan kartin. vrat ke dusre din pratahkal snan ke pashchat vratparayan striyan saubhagya-dravya vayan chukar brahmanon ko deti hain. iske bad hi jal adi pikar paran karti hain. is vrat men mukhyarup se shiv-parvati tatha ganeshji ka pujan kiya jata hai. is vrat ko sarvapratham girirajanandini uma ne kiya, jiske falasvarup unhen bhagvan shiv pratirup men prapt hue the. is vrat ke din striyan vah katha bhi sunti hain, jo parvati ji ke jivan men ghatit hui thi. usmen parvati ke tyag, sanyam, dhairya tatha eknishth pativrat-dharm par prakash dala gaya hai, jisse sunnevali striyon ka manobal uncha uthta hai. kahte hain, daksh kanya sati jab pita ke yagya men apne pati shivji ka apman n sahan kar yogagrimen dagdh ho gayin, tab ve pan. brajkishor bharadvaj ‘brajvasi’ hi maina aur himvan ki tapasya ke falasvarup unki putri ke rup men parvati ke nam se punah prakat huin. is nutan janm men bhi unki purva ki smriti anunn bani rahi aur ve nitya -nirantar bhagvan shiv ke hi charnarvindon ke chintan men sanlagn rahne lagin. jab ve kuch vayask ho gayin tab manonkul varki prapti ke lie pita ki agya se tapasya karne lagin. unhonne varshon tak nirahar rahakar bari kathor sadhna ki. jab unki tapasya falonmukh hui, tab ek din devarshi nardji maharaj giriraj himvan ke yahan padhare. himvan ne ahobhagya mana aur devarshi ki bari shraddh ke sath saparya ki. kushl-kshem ke pashchat nardji ne kaha- bhagvan vishnu apki kanya ka varan karna chahte hain, unhonne mere dvara yah sandesh kahlvaya hai. is sanbandh men apka jo vichar ho usse mujhe avagat karayen. nardji ne apni or se bhi is prastav ka anumodan kar diya. himvan raji ho gaye. unhonne svikriti de di. devarshi narad parvati ke pas jakar bole-ume ! choro yah kathor tapasya, tumhen apni sadhna ka fal mil gaya. tumhare pita ne bhagvan vishnu ke sath tumhara vivah pakka kar diya hai. itna kahakar nardji chale gaye. unki bat par vichar karke parvati ji ke man men bara kasht hua. ve mucharichat hokar gir parin. sakhiyon ke upchar se hosh men ane par unhonne unse apna shiv vishayak anurag suchit kiya. sakhiyan bolin- tumhare pita tumhen liva jane ke liye ate hi honge. jaldi chalo, ham kisi dusre gahan van men jakar chip jayan. aisa hi hua. us van men ek parvatiya kandara ke bhitar parvati ne shivling banakar upasnapurvak uski archana aranbh ki. usse sadashiv ka asan dol gaya. ve rijhakar parvati ke samaksh prakat hue aur unhen patnirup men varan karne ka vachan dekar antardhan ho gaye. tatpashchat apni putri ka anveshan karte hue himvan bhi vahan a pahunche aur sab baten janakar unhonne parvati ka vivah bhagvan shankar ke sath hi kar diya. antatah ‘baraun sanbhu n t rahaun kuari..’ parvati ke is avichal anurag ki vijay hui. devi parvati ne bhadra shukla tritiya hast nakshatra men aradhna ki thi, isiliye is tithi ko yah vrat kiya jata hai. tabhi se bhadrapad shukla tij ko striyan apne pati ki dirghayu ke liye tatha kumari kanyaen apne manovanchit var ki prapti ke liye haritalik (tij)- ka vrat karti chali a rahi hain. ‘alibhirharita yasmat tasmat sa haritalika’ sakhiyon ke dvara hari gayi- is vyutpatti ke anusar vrat ka nam haritalika hua. is vrat ke anushthan se nari ko akhand saubhagya ki prapti hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


shankh visheshank  August 2009

jyotish men shankh ka kya mahatva hai, vibhinn shankhon ki upyogita, shankh kahan-kahan pae jate hai, shankh kitne prakar ke hote hai tatha ghar men ya pujasthal par kaun sa shankh rakha jana chahie aur kyon? yah visheshank shankhon se apka purn parichay karane men madad karega.

Subscribe

Apne vichar vyakt karein

blog comments powered by Disqus
.