आर्थिक उन्नति कारक दक्षिणावर्ती शंख

arthik unnati karak dakshinavarti shankh  

Ank ke aur Lekh | Sambandhit Lekh | Views : 28734 |  

shastri hindu sanskriti men shankhon ka vishesh mahatva hai. puja anushthanon tatha anya manglik utsavon men shankhon ka upyog kiya jata hai. iske atirikt inka upyog vibhinn kamnaon ki purti hetu aur vibhinn rogon ki chikitsa men bhi kiya jata hai.

vaise to shankh anek prakar ke hote hain, lekin unmen do mukhya hain- dakshinavarti aur vamavarti.

anek chamatkari gunon ke karan dakshinavarti shankh ka apna vishesh mahatva hai. yah durlabh tatha sarvadhik mulyavan hota hai. asli dakshinavarti shankh ko pran pratishthit kar ke udyog-vyavsay sthal, karyalay, dukan athva ghar men sthapit kar uski puja karne se dukh-daridrya se mukti milti hai aur ghar men sthir lakshmi ka vas hota hai. is shankh ki sthapna karte samay nimnalikhit shlok karna chahie.

dakshinavarteshankhay yasya sadmanitishthati.
manglani prakurvante tasya lakshmiah svayan sthira.
chandnagurukarpuraiah pujyed yo grihedanvaham.
s saubhagya krishnasamo dhandopmah..

yah vishisht shankh shatruon ko nirbal aur rog, agyan tatha daridrya ko dur karne vala aur ayuvardhak hota hai. brahmavaivart puran men kaha gaya hai-

shankh chandrarkadaivatyan madhya varundaivatan.
prishthe prajaparti vidyadagre ganga sarasvatim..
trailokye yani tirthapi vasudevasya chagyaya.
shankhe tishthanti viprendra tasma shankh prapujyet..
darshanen hi shankhasya ki punah shastri sparshanen tu.
vilyan yatin papni himavad bhaskarodyeah..

yah shankh chandrra aur surya ke saman dev svarup hai. iske madhya bhag men varun aur prishth bhag men ganga ke sath-sath sare tirthon ka vas hai. ise kuber ka svarup bhi mana jata hai. atah iski puja avashya hi karni chahie. iske darshan matra se sabhi kasht dur ho jate hain.

maharshi markandey ke anusar dakshiavarti shankh ki puja upasna lakshmi prapti ka sarvoÿam upay hai.

bhagavatpad adyaguru shankracharya ke anusar dakshinavarti shankh ki sthapna ek shreshth tantrik prayog hai, jiska prabhav turant aur achuk hota hai.

is tarah hamare rishi muniyon ne apni apni sanhitaon men dakshinavarti shankh ka vishad ullekh kiya hai.

vanchit fal ki prapti ke lie is shankh ki asht lakshmi aur siddh kuber mantron se pran pratishtha kar sthapna karni chahie.

jis ghar mane yah shankh rahta hai vah sada dhan-dhanya se bhara rahta hai. iske atirikt jis parivar men shastrokt upayon dvara iski sthapna ki jati hai us par bhut, pret, pishach, brahm, rakshas adi ka koi prabhav nahin parta. shatrupaksh kitna bhi balshali kyon n ho us ghar ka kuch nahin bigar sakte. iske prabhav se durghatana, mrityu bhay, chori adi se raksha hoti hai.

shankh ko sukh-samriddhi, yash, kirti tatha lakshmi ka sakshat pratik mana gaya hai. dharmik krityon, anushthan-sadhna, tantrik-kriyaon adi men saflta hetu shankh ka prayog kiya jata hai. doshmukt shankh ko kisi shubh muhurt men gangajal, goghrit, kachche dudh, madhu, gur adi se abhishek karke apne puja sthal men lal kapre ke asan par sthapit karen, ghar men lakshmi ka vas bana rahega. lakshmi ji ki vishesh kripa hetu dakshinavarti shankh ka jora, arthat nar aur mada, dev pratima ke sammukh sthapit karen.

shastron men alag alag prayojnon hetu alag alag shankhon ka ullekh milta hai. is sandarbh men ek sankshipt vivaran is prakar hai.

annapurna shankh sthapit karne se ghar men dhan-dhanya ki vriddhi hoti hai. mani pushpak tatha panch janya shankh ki sthapna se ghar ka vastu dosh dur hota hai. is shankh men jal bharakar ghar men chirkne se saubhagya ka agaman hota hai. ganesh shankh jal bhar kar uska sevan karne se anek rogon ka shaman hota hai. vishnu shankh se karya sthal men jal chirkav karne se unnati ke avasar banne lagte hain.

dakshinavarti shankh kalp karne ke ichchuk sadhkon ko nimnalikhit saral prayog karna chahie.

pujan samagri - doshmukt tatha pavitra shankh, shuddh ghi ka dipak, agrbÿai kunkum, kesar, chaval, jalpatra aur dudh.

vidhi: shankh ko dudh tatha jal se snan karakar saf kapre se use ponch kar us par chandi ka bark lagaen. fir ghi ka dipak aur agaravatti jala len. iske bad dudh tatha kesar ke mishran se shankh par shri ekakshari mantra likhakar use tanbe athva chandi ke patra men sthapit kar den. ab nimnalikhit mantra ka jap karte hue us par kunkum, chaval tatha itra arpit karen. fir shvet pushp charhakar bhog ke rup men prasad arpit karen.

mantra: un hrin shrin klin shridhar karasthaypyonidhi jatay shri.
dakshinavarti shankhay hrin shrin klin shrikray pujyay namah..

ab man se shankh ka dhyan karen.

dhyan mantra - un hrin shrin klin blun shridakshinavartashankhay bhagvte vishvarupay sarvayogoshvaray trailokyanathay sarvakamapraday sarvariddhi samriddhi vanchitarthasiddhiday namah.

un sarvabharan bhushitay prashasyangopangsanyutay kalpavrikshadh- sthitaykamdhenu chintamni-navnidhirupay chaturdash ratn parivritay mahasiddhi-sahitay lakshmidevta yutay krishn devtakar lalitay shri shankhmhanidhiye namah.

dhyan mantra avahan arthat stuti mantra hai. iske atirikt bij mantra athva panch janya gayatri shankh mantra ka gyarah mala jap karna bhi avashyak hai.

bij mantra: un hrin shrin klin blu dakshinmukhay shankhnidhye samudraprabhavay namah.

shankh ka shabar mantra: un dakshinavarte shankhay mam grih dhanavarsha kuru-kuru namah..

shankh gayatri mantra: un panchajanyay vidmahe. pavmanay dhimhi. tann shankhah prachodyat.

riddhi-siddhi tatha sukh-samriddhi ki prapti ke lie prayog karen.

doshmukt dakshinavarti shankh ka upar varnit dhyan mantra se pujan karen. fir gayatri aur bij mantra donon ka shankh ke samne baithakar jap karte rahen. ek mantra pura hone par shankh men agni men samagri hom karne ki tarah chaval tatha nagkesar daen hath ke anguthe, madhyama tatha anamika se chorte rahen. jab shankh bhar jae to use ghar men sthapit kar len. dhyan rakhen ki shankh ki punch uÿar-purva disha ki or rahe. kisi shubh muhurt athva divali se purva dhan trayodshi ke din purane chaval tatha nagkesar upar varnit vidhi se punah badal liya karen. is prakar siddh kiya hua shankh lala kapre men lapetakar dhan, abhushan adi rakhne ke sthan par sthapit karne se jivan ke har kshetra men nirantar shri ki prapti hone lagti hai.

Kya aapko lekh pasand aaya? Subscribe
Kya aapko lekh pasand aaya? Subscribe


shankh visheshank  August 2009

jyotish men shankh ka kya mahatva hai, vibhinn shankhon ki upyogita, shankh kahan-kahan pae jate hai, shankh kitne prakar ke hote hai tatha ghar men ya pujasthal par kaun sa shankh rakha jana chahie aur kyon? yah visheshank shankhon se apka purn parichay karane men madad karega.

Subscribe

Apne vichar vyakt karein

blog comments powered by Disqus
.