शंख रसायन विज्ञान

shankh rasayan vigyan  

Ank ke aur Lekh | Sambandhit Lekh | Views : 19837 |  
yunani granthon ke anusar vahan ke nivasi shankh men para bharakar agni men tapakar sona-chandi banane men daksha the. dhatu rupantar unke lie sahj karya tha. unhone shankh men pare ki bani bhasm ko siddhasut nam diya aur aise bhasmon ko chamatkarik bataya. yah gyan misra se yurop mane faila. uska uddeshya tha shankh evan pare ke madhyam se aise tarike ko khojna jiske dvara kam kimt vali dhatu ko mulyavan dhatu sona-chandi men badla ja sake. is bhasm ke chamatkarik gunon ke madhyam se vyakti ko burhape se puri tarh mukti dilai ja sakti hai. dhatuon men sarvadhik mulyavan sone ko mana gaya hai. ise nasht nahin kiya ja sakta hai tatha ismen jang nahin lagta hai. ag bhi ise khatm nahin kar sakti hai islie sarvaprathm misra ke logon ne shankh ke madhyam se para v tanbe se sona banane ka kam kiya. isi ke sath ghol taiyar kiya jisse sharir ki bimari thik ki ja sake. unhonne shankh ko manv jivan ka amrit kaha hai. misra ne nai khoj nahin ki hai. bharat se unhonne is vidhi ko liya hai. bharat men himalay ke yogiyon dvara para evan shankh ke dvara aisa ghol taiyar kiya jata hai jo taral hota hai jiska sevan kiya ja sakta hai. sharir men rakt ko barhane sharir ko svasth rakhne men sahyog deta hai. bharat men mahan rasayanagya nagarjun ne is prayog ko bahut pahle karke sansar ko chamatkrit kiya hai. nagarjun bharat ke rasayan vaigyanik the. unhonne apne jivan men 25 granthon ki rachna ki. jo sabhi dhatu parivartan se sambandhit hanai. abhi tak 16 granthon ki khoj ho pai hai. inke madhyam se pure sansar men tahlka machaya ja sakta hai aur bahut asani se ek padarth ko dusre padarth men rupantarit kiya ja sakta hai. nagarjun ne shankh men para, divya vanaspatiyon ke ghol ke madhyam se asambhav v asadhya bimariyon ko dur karne men dakshata hasil ki. prayog vidhi: kamdhenu shankh men para bharakar 11 din tak agni men pakayen. sadhk pratah-sayan ek-ek mala sfatik se purvamukhi lal asan par baithkr un kamdhenu gomukhi shankhayah dhatu parivartan svarn siddhi kuru-kuru svahaah ke mantra ke sath himalay dhup ghi ki 108 bar ahuti den. madhya men kanak dhara ka path karane. 12 vane din shankh evan para ki ek divya bhasma prapt hoti hai. vah siddhasut kahlati hai. tanbe ko garam karke siddhasut dalte hi shuddh sona ban jata hai. yah rahasyamyi vidya age chalkr shankh rasayan vigyan nam se prasiddha hui. prachin granth ‘shankh sanhita’ men is vidhi ka varnan milta hai. yah alaukik prayog lupt pray ho gaya hai. hamare prachin granth aur rasayn vidya se sambandhit granthon men shankh se sona banane ki kai vidhiyan hain. himalay ke sadhu-sannyasi evan yogiyon ne is kshetra men saflta prapta ki hai. unhonne shankh se para garm karke tanbe se sona banaya hai. prachin granth shankh sanhita men bataya hai ki shri sukt lakshmi ji ka priya hai. nagarjun ki tika ke anusar shri sukt men sona banane ki vidhiyan hain. shankh sadhak shrisukt ko samajhakar sona bana leta hai to jivan men karorpti ek hi kshan men ban jata hai. sona banana asambhava karya nahin hai. shankh, para v tanbe ke madhyam se rasayan kriya dvara sona banana sambhav ho sakta hai. prachin granthon men jo nuskhe hain unhane ham samajh nahin pae islie yah vidya gopniya rah gai thi. himaly ke kai sadhu-sannyasi aur rasayn shastriyon ne sona banane ki vidhiyan avashya batain parantu batane ke bad yah kaha ki kisi aur ko yah gopniya vidhiyan mat batana kyonki yah vidya galat logon ki shikar nahin ban jay. dhanvantari aur age chalakar nagarjun ne is kshetra men siddha hastata prapt ki. shankh evan para se sona banane ka jo gyan aur vivechan us yug men hua apne ap men ashcharyajanak hai. shankh ke para aur tanba kafi nikat hai. thori sadhna ki jay to vyakti saflta pa sakta hai. ham apne prachin sahitya ko dekhen to shankh rasayn vidya ka varnan rigved ke shrisukta men milta hai. yah to ab bhali prakar se siddh ho chuka hai ki shrisukt ke pratham tin pad svarna banane ki prakriya se hi sambandhit hanai. atharvaved men bhi pakshi rup urnshil pare ko shankh se svastha sharir men pravesh kar ajr-amr banane v rogon se mukt karne ki vidhi spasht ki gai hai. shankh rasayan vidya ke pravartaka bhagvan shiv hanai jo vaidik kal men shankh dev nam se vikhyat the. unhonne rasayan vidya ka jo spashtikrn kiya vah shankh sanhita rudrayaml tantra v rasmhoddhi granthon men spashtata ke sath ankit hai. bad men ashvinikumar ne in sutron ki vyakhya prastut ki aur unhonne isko saral bhasha men rupantarit kiya. unka granth dhatu ratn mala is drishti se bejor hai. devguru brihaspati ne bhi shankharasachakra nam ke ek rasayan granth ki rachna ki thi jismen shankh aur pare se svarn banane ki pramanik vidhi di hui hai. pauranik kal men bhagvan shiv se dhan ke devta kuber ne yah rasayn vidya sikhi aur sahi arthon men ve devtaon ke koshadhyaksh bane jo us kosh ko akshay banae rakhta tha aur apni rasayan vidya ke dvara kshatipurti kar deta tha. shiv ne apne gan nandi tatha virabhadra ko bhi yah rasayn vigyan sikhaya tha. virabhadra ne shankharas namak granth ki rachna ki thi jo aj bhi upalabdh hai. age chalakar uma namak ras vigyani ne ras mahoddhi tatha shankhrsopnishd granth rache jo is kshetra ke anyatm granth kahe jate hain. brahara ne ek shankhabrahm siddhant namak rasayn granth ki rachna ki thi. sahi arthon men dekha jae to indra svayan rasayn vidya ke acharya the. unke pas do vidya ratn the jinhen kamdhenu shankh aur kalpavriksh kaha gaya hai. kalpa shabd ka ashay navin svarup dene men prayukt hota hai. is prakar kalpavriksh ka tatparya aise vriksh se hua jiske ras ke madhyam se jarjar sharir javan ho jae aur dhatuen jo jang lagne se kharab ho jati hain ve is kalpavriksh ke sanyog se svarn men parivartit ho jaen islie kalpavriksh ko ichchit vastu dene vala bataya gaya. isi prakar indra ke kamdhenu lene ka vivaran bhi aya hai. dhenu ka arth gay hota hai. gau shabd ka tatparya kirnon ke tivragami hone se hai. is prakar shankh se navin padarth parivartan ko hi kamdhenu vidya kaha gaya hai. in kirnon se padartha ko dusre padarth men rupantarit karne ka gyan indra ke pas tha. isi kamdhenu vidya ke bal se vishvamitra ne navin srishti rachne ka vidhan kiya tha. maharshi bhrigu ne apni bhrigusanhita men shankh rasayan vidya ka ullekh kiya hai. jamadagni ne apne putra parshuram ke hathon apni patni ka sir katvakar isi shankh vigyan rupi kamdhenu vidya ke madhyam se hi use punarjivit karne ka safl prayas kiya tha. parshuram ne rasayn vidya ka vistar se ullekh shankh svarnatantra namak granth men kiya hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2014

fyuchar samachar ke vastu visheshank men anek rochak v gyanavardhak lekh jaise bhavan aur vastu, vastu shastra ka vaidik svarup, vastu shastra ke mulbhut tatva, vastu shastra v dampatya jivan, udyog dhandhe kyon band ho jate hain?, flaita/plaet kharidne hetu vastu tathya, anubhut prayog evan sutra, vastu sammat sirhiyan bhi deti hain saflta, ghar men kya n karen?, vibhinn dishaon men rasoighar, vastudosh samadhan, vastu sanbandhi kahavten, vastu dosh dur karne ke saral upay, panchatatva ka mahatva tatha svasthya sanbandhi vastu tips. iske atirikt vastu par hue ek shodh karya par likha gaya sampadkiya, kariyar paricharcha, sukhi dampatya jivan ka adhar: shadi ke sat vachan, satya katha, hailth kaipsul, pavan sthal men bansvara ka prachin man tripurasundari mandir, jyotish v mahilaen tatha grah sthiti evan vyapar, panchapakshi ke rahasya, mantra v tantra sadhna ka svarup, karnabedhan sanskar, grih sajja evan vastu fengsui adi lekhon ko samayojit kiya gaya hai.sthayi stambh vichar goshthi ke antargat ‘piramid ka vastu men prayog’ vishay par vibhinn vidvanon ke vicharon ko prastut kiya gaya hai. asha hai fyuchar samachar ke pathkon ko yah visheshank vishesh pasand ayega.

Subscribe

Apne vichar vyakt karein

blog comments powered by Disqus
.