वास्तु पर एक शोध

vastu par ek shodh  

Views : 4780 | December 2014

yah hamesha se chintan ka vishay raha hai ki vastu ka prabhav hamare jivan v bhagya par kitna parta hai. kai bar vastu visheshagya ate hain aur anek prakar ke parivartan karvate hain jismen bahut dhan ka vyay ho jata hai. inka kitna prabhav jivan par parta hai, is prakar ke parivartan kitne avashyak hain aie janen: -


book navratri maha hawan & kanya pujan from future point


akhil bhartiya jyotish sanstha sangh ke antargat vastu maharshi ke vidyarthi shri siddharth sikri dvara ek shodh karvaya gaya. is shodh men vibhinn dishaon ki or munh vale 200 gharon ka sarve kiya gaya jismen 25-25 gharon ki sabhi athon dishaon ka data ekatrit karke ghar men rahne valon ke vichar ekatrit kie gae jisse yah jana ja sake ki in gharon men rahne vale kaisa mahsus kar rahe hain aur unka jivan kis prakar chal raha hai.

sabhi ghar di. di. e. ke em. ai. ji. flaits the aur un sabmen svayan malik kam se kam char parivarik sadasyon ke sath rah rahe the. jismen kiraedar rah rahe the ve ghar is data men shamil nahin kie gae. in sabhi gharon men rahne valon se puche gaye vibhinn prashnon ke uttar sarni men darshae gae hain.

vastu niyam

uprokt data se prapt vivaran ke anusar vastu ke nimn parinam dekhe gae -

mukhiya ka svasthya: mukhiya ko uttaramukhi makan men adhikatam svasthya sanbandhi pareshani hoti hai v ishanmukhi men sabse kam. vastu shastra ke niyamanusar nairritya mukhi makan men adhikatam samasyaen honi chahie v uttaramukhi men kam honi chahie thi. ishan kon ka niyam to sahi nikla parantu nairritya ka niyam galat siddh hua.

patni ka svasthya: nairritya mukhi makan men patni ka svasthya sarvadhik kharab raha jo vastu niyamanusar hai.

parivar ka svasthya: yadi ham parivar ke kisi bhi sadasya ke svasthya ke bare men chintan karen to uttaramukhi makan svasthya ke lie nikrisht hain. taduprant dakshin v dakshin-pashchim mukhi makan aur uttara-pashchim mukhi makan svasthya ki drishti se kharab hain. uttar ko chor anya tin dishaen vastushastranusar niyam ko siddh karti hain. sath hi ishanmukhi makanon men svasthya sanbandhi pareshaniyan kam pai gain jo vastu ke niyam ko siddh karti hain.

vaicharik matbhed: pashchimmukhi v agneymukhi makanon men sarvadhik vaicharik matbhed pae gae jo shastra sammat hain lekin purvamukhi makanon men bhi utna hi vaicharik matbhed paya gaya jo vastu niyam ke viprit hai.

aivahik samasyaen: sabhi ne ‘na’ men uttar diya jo ki darshata hai ki vyaktigat samasya ko log shighrata se ujagar nahin karte.
naukron se samasyaen: pashchimmukhi makanon men naukron se samasyaen sarvadhik dekhi gain jo vastu sammat hain.

vyavsayik samasyaen: dakshin evam nairrityamukhi makanon men sarvadhik vyavsayik samasyaen dekhi gain jo shastra sammat hain.


janie apki kundli par grahon ke gochar ki stithi aur unka prabhav, abhi fyuchar point ke prasiddh jyotishacharyo se paramarsh karen.


vibhinn dishaon ka jivan par prabhav

vishy u. pu. d. p. i. va. a. nai
mukhiya ka svasthya kharab 7 4 5 4 3 5 4 5
patni ka svasthya kharab 4 3 4 4 3 4 4 6
mata-pita ka svasthya kharab 7 6 6 4 5 6 6 6
santan ka svasthya kharab 3 2 3 2 1 2 1 1
kisi sadasya ka svasthya kharab 21 15 18 15 12 17 15 18
mukhiya uttejit rahta hai 5 6 7 5 6 7 8 8
mukhiya shant rahta hai 8 6 7 7 5 6 5 5
patni se jhagra 1 2 1 2 1 0 1 1
mata-pita se jhagra 0 1 1 1 0 0 2 1
santan se jhagra 1 1 0 2 1 1 1 1
vaicharik matbhed 2 4 2 5 2 1 4 3
vaivahik samasyaen 0 0 0 0 0 0 0 0
naukron se samasyaen 2 1 1 3 1 2 1 1
arthik sthiti kharab 1 0 2 1 1 2 0 1
ghar men ane ke bad unnati 9 11 8 11 14 12 8 11
mukhiya ko vyavsayik samasyaen 1 2 2 1 0 1 0 2
nivesh men hani 0 1 1 1 0 0 0 1
chori 0 0 1 0 1 0 0 0
sarkari samasyaen 2 1 1 0 0 0 2 1
deri se vivah 0 1 0 0 0 0 1 0
bachchon ki parhai ki samasyaen 1 0 1 1 0 3 0 2
parivar men alp mrityu 0 0 0 0 1 0 0 0

uprokt talika men nimn shabdon ko is prakar janen -

u- uttar, pu. - purva, i- ishan (u. pu.), va- vayavya (u. p.) a- agney (d. pu.) nai- nairritya (d. p.)

arthik sthiti: purva v dakshin-purva mukhi makanon men arthik sthiti men kabhi giravat nahin ai jo darshata hai ki purva disha arthik sanpannata pradan karti hai.

grih pravesh ke bad unnati: ishanmukhi makanon men praveshoprant sarvadhik unnati hui jo purnataya shastra sammat hai. dakshin v dakshin-pashchim mukhi makanon men nyunatam unnati hui jo ki anshik rupen shastra sammat hai.

nivesh men hani: uttar, uttara-purva v uttara-pashchim mukhi makanon ko chorakar sabhi men nivesh men hani hui atah kah sakte hain ki uttar v uttar disha se sanbandhi dishaen nivesh ke lie behatar hai. yah purnataya vastu sammat hai.

gharon men chori: dakshinmukhi v ishanmukhi makanon men choriyan huin. ishanmukhi men chori vastu sammat nahin hain lekin dakshinmukhi vastu sammat hai.


apni kundli men rajyogon ki jankari paen brihat kundli riport men


sarkari samasyaen: uttar v agney mukhi makanon men sarkari tantra se sarvadhik samasyaen pai gain jo ki shastra sammat nahin tha.

vivah men deri: purva v dakshinmukhi makan men deri se vivah ka yog aya. dakshinmukhi makan vivah men vilanb karak hota hai.

parhai: parhai ke lie purva, uttara-purva evam dakshin-purva mukhi makan sarvottam pae gae evan pashchim v pashchim sanbandhi disha ki or mukhi makan nikrisht pae gae. is prakar vastu ka niyam ki purva disha parhai ke lie sarvottam v pashchim nikrisht hai satya siddh hua.

alpamrityu: sabhi dishaon ko chorakar ishankon mukhi makan men alpamrityu ka yog drishtigochar hua jo ki vastu sammat nahin tha.

uprokt shodh se vidit hota hai ki sarvapratham kisi bhi disha ko visheshtya achcha ya bura kahna tark sangat nahin lagta. disha ka kuch prabhav hai lekin ham purn rup se us par nirbhar ho jaen aur apne ghar ko vastu sammat n manakar mansik tanav ke shikar ho jaen yah bilkul bhi thik nahin hai.

vastu se hamare jivan men sukh samriddhi ka prabhav to avashya hai parantu yah utna nahin hai ki ham is par purnataya nirbhar ho jaen. atah hamen vastu ka upyog simit rup men karna chahie n ki atyadhik tor-for karke apne dhan ka apavyay karen. yadi ap naya ghar bana rahe hain to avashya vastu sammat banaen lekin yadi purane ghar men rah rahe hane to use torne ki bajae farnichar ko vastu sammat rakhakar v rangon dvara apne jivan ko sukhamay banaen.


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

vastu visheshank  December 2014

fyuchar samachar ke vastu visheshank men anek rochak v gyanavardhak lekh jaise bhavan aur vastu, vastu shastra ka vaidik svarup, vastu shastra ke mulbhut tatva, vastu shastra v dampatya jivan, udyog dhandhe kyon band ho jate hain?, flaita/plaet kharidne hetu vastu tathya, anubhut prayog evan sutra, vastu sammat sirhiyan bhi deti hain saflta, ghar men kya n karen?, vibhinn dishaon men rasoighar, vastudosh samadhan, vastu sanbandhi kahavten, vastu dosh dur karne ke saral upay, panchatatva ka mahatva tatha svasthya sanbandhi vastu tips. iske atirikt vastu par hue ek shodh karya par likha gaya sampadkiya, kariyar paricharcha, sukhi dampatya jivan ka adhar: shadi ke sat vachan, satya katha, hailth kaipsul, pavan sthal men bansvara ka prachin man tripurasundari mandir, jyotish v mahilaen tatha grah sthiti evan vyapar, panchapakshi ke rahasya, mantra v tantra sadhna ka svarup, karnabedhan sanskar, grih sajja evan vastu fengsui adi lekhon ko samayojit kiya gaya hai.sthayi stambh vichar goshthi ke antargat ‘piramid ka vastu men prayog’ vishay par vibhinn vidvanon ke vicharon ko prastut kiya gaya hai. asha hai fyuchar samachar ke pathkon ko yah visheshank vishesh pasand ayega.

Subscribe


.