मोक्षदा एकादशी व्रत

mokshada ekadshi vrat  

Ank ke aur Lekh | Sambandhit Lekh | Views : 1088 |  
2 disanbar 2014 is din bhagvan shrikrishn ne mahabharat yuddh praranbh hone se purva mohit hue arjun ko shrimadbhagavad gita ka updesh diya tha. atah arjun ka moh bhang hone ke karan bhi ise mokshada ekadshi kahte hain. ise mauni ekadshi bhi kahte hain. gita jayanti bhi isi din manayi jati hai. satyavrati,jitendriya, punyatma, dharmatma, devatma dharmaraj yudhishthir ne akaran karunalay, viratvirateshvar, purn brahm, jagatniyanta, atmabhiram, sachchidanand svarup, mata yashoda ke larle bhagvan shri krishn se sanand shri charnon men mastak jhuka kar dharmayukt prashn kiya ki he bhagavan! ap prani matra ko sukh dene vale hain aur jagat ke pati hain. kripa kar mere man-mastishk men vyapt sanshay ko dur kijie. margashirsh (aghn) mas ke shukla paksh ki ekadshi ka nam kya hai? us din kaun se devta ki puja ki jati hai aur uski vidhi kya hai? dharmaraj yudhishthir ke lok kalyankari prashn ko sun kar, mand-mand muskurate hue, bhagvan shri krishn bole: he rajan! apne ati uttam prashn kiya hai. ap ekagra chitta ho kar sunie. margashirsh mah ke shukla paksh ki ekadshi moksha tatha mokshada ke nam se prasiddh hai. is din shri damodar bhagvan ki puja, dhup, dip, naivedya adi se, bhaktipurvak karni chahie. ishvar shraddha aur bhav ke bhukhe hain. kaha bhi hai: bhav ka bhukha hun, bhav hi bas sar hai. bhav se jo bhajai, uska bera par hai.. dashmi ko ek samay bhojan karen. ekadshi ko upvas kar punah dvadshi ko pratah kal damodar bhagvan (vishva rupdhari bhagvan anant) ki, sanpurn upcharon se, puja karen. fir brahmanon ko bhojan karaven aur dakshina de kar vida karne ke pashchat svayan bhai-bandhuon ke sath bhojan karen. is prakar vrat kar ke manushya, ih lok men manovanchit bhogon ko bhog kar, pahle aur piche ki das-das pirhiyon ka uddhar kar ke, bhagvan shri hari ke dham men jata hai. mokshada ekadshi ke din mithya bhashan, chugli tatha parastri gaman adi nahin karna chahie. ek ekadshi vrat ke prabhav se mata-pita, putradi ko svarg ki prapti hoti hai. is sanbandh men puranon ki ek katha hai: prachin gokul nagar men vairvans nam ka ek raja rajya karta tha. vah raja apni praja ka putravat palan karta tha. uske rajya men charon vedon ke gyata brahman rahte the. ratri ko ek din raja ne svapn men apne pita ko nark men pare dekha. is svapn ko dekh kar raja bare vyakul aur udvign ho gaye. pratah kal hote hi raja darbar men brahmanon ke samaksh ratri ke svapn ka vrittant sunane lage ki he brahmanon ! mainne apne pita ko nark men para dekha. unhonne mujhse kaha ki he putra! ab main nark bhog raha hun. meri yahan se mukti karo. ab main kya karun? kahan jaun? is duahkh ke karan mera sharir tap raha hai. ap log mujhe aise tap, dan, vrat adi bataven, jinse pita ki mukti ho. us putra ka jivn vyarth hai, jo pita ka uddhar n kare. raja ke karunapurn vachnon ko sun kar brahman bole: he rajan ! yahan se thori dur par bhut, vartaman evan bhavishya ke gyata, parvat nam ke ek rishi ka ashram hai. ap yah sab baten unse ja kar puch lijie. vah apke prashnon ka uttar bhali bhanti de sakte hain. yah sun kar raja parvat muni ke ashram par gaya. us ashram men anek shant chitt yogi evan muni tapasya kar rahe the. yagya dhumra se vatavaran suvasit ho raha tha. usi jagah charon vedon ke gyata trikalagya, sakshat brahma ke saman, parvat muni virajman the. raja ne vahan ja kar unko sashtang pranam kiya. parvat muni ne raja se sangopang kushl-kshem puchi. raja ne kaha ki bhagvn! apki kripa se mera rajya puri tarah kushal hai, parantu akasmat ek sankat a gaya hai, jisse mere chitt men ashanti cha gayi hai. aisa sun kar parvat muni ne ek kshan ke lie ankhen band ki aur bhavishya ko vicharne lage. fir bole: rajan! mainne apne yog bal se tumhare pita ke sab kukarmon ko jan liya hai. unhonne purva janma men, kamandh ho kar, saut ke kahne par, patni ko ritudan mangne par bhi nahin diya. usi pap ke fal se tumhare pita ko narak bhogna para hai. tab raja bola ki mahatman ! mere pita ke uddhar ke nimitta koi upay bataie. parvat muni bole ki he rajan ! ap margashirsh shukla ekadshi ko upvas kar ke uske punya ko apne pita ke nimitta sankalp kar den. us ekadshi ke punya ke prabhav se avashya hi apke pita ki mukti hogi. muni ke vachnon ko sun kar raja apne mahal men aya aur kutunb sahit mokshada ekadshi ka vrat kiya. fir us upvas ke punya ko raja ne apne pita ko arpan kar diya. us punya ke prabhav se raja ke pita ko mukti mil gayi aur svarg men jate hue apne putra se kahne laga ki he putra! tera kalyan ho. yah kah kar vah svarg ko chale gaye. is ekadshi ka vrat karne vale ke samast pap nasht ho jate hain aur ant men usko svarg lok ki prapti hoti hai. is vrat se barh kar moksh dene vala koi vrat nahin hai. is katha ko parhne tatha sunne se bajpey yagya ka fal prapt hota hai. yah vrat moksha dene vala tatha chintamni ke saman sabhi chintaen dur karne vala hai. is din shri krishn bhagvan aur shrimadbhagavad gita ka pujan evan path sanpurn manokamnaon ko purn karne vala hai. ekadshi ke vrat ko samapt karne ko paran kahte hain. ekadshi vrat ke agle din suryoday ke bad paran kiya jata hai. ekadshi vrat ka paran dvadshi tithi samapt hone se pahle karna ati avashyak hai. yadi dvadshi tithi suryoday se pahle samapta ho gayi ho to ekadshi vrat ka paran suryoday ke bad hi hota hai. dvadshi tithi ke bhitr paran n karna pap karne ke saman hota hai. ekadshi vrat ka paran hari vasr ke dauran bhi nahin karna chahie. jo shraddhalu vrat kar rahe hain unhe rat torne se pahle hari vasr samapt hone ki pratiksha karni chahie. hari vasar dvadshi tithi ki pahli ek chaithai avdhi hai. vrat torne ke lie sabse upyukt samay pratahkal hota hai. vrat karne vale shraddhaluon ko madhyahn ke dauran vrat torne se bachna chahie. kuch karnon ki vajah se agar koi pratahkal paran karne men saksham nahin hai to use madhyahn ke bad paran karna chahie. kabhi kabhi ekadshi vrat lagatar do dinon ke lie ho jata hai. jab ekadshi vrat do din hota hai tab smarta-parivarjnon ko pahle din ekadshi vrat karna chahie. dusre din vali ekadshi ko duji ekadshi kahte hain. sannyasiyon, vidhvaon aur moksh prapti ke ichchuk shraddhaluon ko duji ekadshi ke din vrat karna chahie. jab-jab ekadshi vrat do din hota hai tab-tab duji ekadshi aur vaishnav ekadshi ek hi din hoti hain.bhgvan vishnu ka pyar aur sneh ke ichchuk param bhakton ko donon din ekadshi vrat karne ki salah di jati hai.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2014

fyuchar samachar ke vastu visheshank men anek rochak v gyanavardhak lekh jaise bhavan aur vastu, vastu shastra ka vaidik svarup, vastu shastra ke mulbhut tatva, vastu shastra v dampatya jivan, udyog dhandhe kyon band ho jate hain?, flaita/plaet kharidne hetu vastu tathya, anubhut prayog evan sutra, vastu sammat sirhiyan bhi deti hain saflta, ghar men kya n karen?, vibhinn dishaon men rasoighar, vastudosh samadhan, vastu sanbandhi kahavten, vastu dosh dur karne ke saral upay, panchatatva ka mahatva tatha svasthya sanbandhi vastu tips. iske atirikt vastu par hue ek shodh karya par likha gaya sampadkiya, kariyar paricharcha, sukhi dampatya jivan ka adhar: shadi ke sat vachan, satya katha, hailth kaipsul, pavan sthal men bansvara ka prachin man tripurasundari mandir, jyotish v mahilaen tatha grah sthiti evan vyapar, panchapakshi ke rahasya, mantra v tantra sadhna ka svarup, karnabedhan sanskar, grih sajja evan vastu fengsui adi lekhon ko samayojit kiya gaya hai.sthayi stambh vichar goshthi ke antargat ‘piramid ka vastu men prayog’ vishay par vibhinn vidvanon ke vicharon ko prastut kiya gaya hai. asha hai fyuchar samachar ke pathkon ko yah visheshank vishesh pasand ayega.

Subscribe

Apne vichar vyakt karein

blog comments powered by Disqus
.