पितृ मोक्षधाम का महातीर्थ ब्रह्मकपाल

pitri mokshadham ka mahatirth brahmakapal  

Ank ke aur Lekh | Sambandhit Lekh | Views : 4448 |  
vaidik paranpra ke anusar putra, putratva tabhi sarthak hota hai jab putra apne mata-pita ki seva kare v unke marnoprant unki mrityu tithi v pitripaksh men vidhivat shraddh karen. bhartiya vaidik adi sanatan hindu dharm men manav ke janm matra se hi tin rin (dev, rishi v pitri rin) hote hain. inmen pitri rin se mukti ke lie shraddhapurvak ann, jal, adi samarpit karne ki dharmik kriya ko shraddh kahte hain. apne pitron ke nimitt shraddhapurvak kiye jane vale shraddh se pitri yoni men bhatkti hui atma ko shanti milti hai n ki mukti? yah apne kiye hue karmon ka fal bhogne ke lie ‘‘punrpi jananam - punrpi maranam’’ ke siddhantanusar bar-bar alg-alag yoniyon men janm lekar bhatkte rahte hain. yahi pitriyoni men bhatkti hui atma ka chakra moksh paryant kal tak chalta rahta hai. islie pitriyoni men prithvi aur yamlok ke bich bhatkti hui atma ko moksh ke lie kul vanshaj tripti santushti ke lie shraddhapurvak shraddh karte hain. parantu shraddh se pitron ki mukti sanbhav nahin hai. pret ya pitri yoni men bhatkti hui atma kasht bhogakar apne kul ko shrap deti hai, isi pitrishrap ko shastron men pitridosh kaha gaya hai. pauranik granth puranon men likha hai ki sharir panchatatva men vilin ho jata hai. atma amar rahti hai, marti nahin hai? yahi atma pitr-dosh ke rup men apke parivar ke as-pas madanrati rahti hai. svayan dukhi hokar nakaratmak urja dvara apne parivar ko pareshan karti hai. pitri atma ka moksh nahin hone tak narak se bhi jyada kasht bhogti hai. yahi kasht apke parivar ke dukhon ka karan banta hai. pitri dosh ke karan hi parivar men ashanti, dukh, kasht, kalah, durghatana, rog aur vanshhinta ati hai. yadi apka parivar inhin sabhi pareshaniyon men uljha hua hai to apke parivar par pitridosh ki kali chaya mandra rahi hai aur is dosh se mukti ke lie shraddh karna hi upay hai. pitron ke mokshadham ke lie himalay par svargarohini ke raste alknanda ke kinare badrinath dham ke pas siddh kshetra brahmakapal men pitri moksh karakar pitridosh v pitrin se janma-janmantar ke lie mukt ho jate hain tatha pitri yoni men bhatkti hui atma ko bhi moksh arthat mukti milti hai aur kul vanshaj ko vardan svarup jo prapt hota hai uske vishay men puranon men likha hai... ‘‘ayuah prajan dhanan vidyan, svargan moksh sukhani ch. prayachchati tatha rajyan pitrah mokshatarpita.. arthat: jo log apne pitron ke nimitt shraddhapurvak shraddh karne ke bad bhi pitridosh se mukti ke lie siddh kshetra brahmakapal men apne pitron ke nimitt pitri moksh, pinddan v tarpan adi karne se pitron ko mukti, moksh ki prapti hoti hai tatha pitrimoksh se ayu, vanshvriddhi, dhan-dhanya, svarg, rajyog v anya sabhi bhautik sukh suvidha milti hai. pitridosh shanti ke lie pushkar, haridvar, prayag, kashi, gaya ji hai. prachin granthon men varnit brahmakapal uttarakhand men sthit badrinath dham ke samip alknanda nadi ke kinare yah vishva prasiddh tirth pitrane ki moksh prapti ka suprim kort hai. aisi manyata hai ki bihar men gaya ji men pitar shanti milti hai kintu brahmakapal men moksh milta hai. yahan par pitron ka uddhar hota hai. is sanbandh men puranon v dharm shastron men ullekh milta hai ki is pavan chamatkari siddh kshetra brahmakapal men pitron ke nimittashraddh apurvak pinddan v tarpan karne se pitron ko moksh, mukti milti hai. tatha purvajon ko brahmakapal tirth par pinddan v tarpan karne ke bad shraddhakarm v anya jagah pinddan ki avashyakta nahin hai. is sanbandh men matsya puran men ullekh milta hai. ‘‘pitritirth brahmakapalam sarvatirthavar subham. yatraste dev deveshah svamev pitamh’’.. akshay tritiya se dipavli tak badrinath dham ke samip hi brahmakapal siddh kshetra men pitridosh mukti ke nimitt pinddan v tarpan ka vidhan hai. iske alava barfila pradesh hone se barf se dhanka rahta hai. mai se aktubr-navanbar tak yahan sahaj rup se pahuncha ja sakta hai aur apne pitron ke nimitt pitri dosh mukti kara sakte hain. pitridosh rupi kali chaya se pareshan vyakti apne pitron ke moksh ke lie mukhya rup se har varsh shraddh paksh ashvin krishn pratipda se lekar ashvin amavasya tak lakhon hindu dharmavlanbi apne purvajon ki pitri yoni men bhatkti hui atma ko mukti moksh ke lie pinddan v tarpan ke lie brahmakapal ate hain. parivar ka sadasya chahe vo garbhapat ho, bachcha, budha ya javan ho mrityu hone par pitr-dosh banta hai. yah shastra vachan hai. apne kul, vansh ke jo marnoprant pitri lok men vibhinn yoniyane men bhatak rahe hain unki atma ko unke vanshaj kul ke vyakti is chamatkari siddh kshetra brahmakapal men pitri shanti kar unhen moksh pradan kar sakte hain. pitri shanti vidhi kram nimn prakar hai: ‘‘agnau karnan pinddanan, tarpan tatha ch brahman bhojanam’’.. pitri shanti siddh kshetra brahmakapal men pitri moksh se purva garm taptakund men snan kar badrinath dham ke darshan kar fir uske bad brahmakapal alknanda nadi ke kinare pitri moksh ke lie puja archana karta hai. apne pitron ki mukti ke lie pinddan men kale tilon ka vishesh mahatva hai. aisi bhi manyata hai ki apne pitron ke nimitt shraddhapurvak brahmakapal mane ravivar ko karne se arogya, somvar ko saubhagya, manglvar ko vijay, budhvar ko kama siddhi, guruvar ko dhanlabh, tatha shanivar ke din pitrishanti karne se dirghayu ki prapti hoti hai. garud puran men brahmakapal pitri moksh hetu likha hai- ‘‘dadyat brahmakapale'smin, pindam putrah athva aprah. sarvam brahmalokam yati, nunam iti n sanshyah.. - .. garud puran .. arthat - brahmakapal men jo apne pitron ke nimitt svayan ya koi parivar ka sadasya pinddan v tarpan karta hai to apne kul ke sabhi pitar mukt hokar brahmalok ko jate hain. ismen koi sanshay nahin hai. pitar moksh ke bad shraddhakarm ki avashyakta nahin hai. brahmakapal par pinddan, tarpan, hone ke bad mrit atmaon dvara ashirvad vachan siddhi milne par shastron men svarnadan, annadan, godan, vastradan, bhumidan, dene ka vidhan hai. aisa karte hi apke pitar moksh svarg ke lie antim yatra puri karenge. badrinath dham ke samip sthit brahmakapal tirth men pitron ke mokshadham ke vishay men puranon men ullekh milta hai ki jagat pita brahmaji ki manas putri sandhya badi sundar thi. uske saundarya, rup lavanya ko dekhakar ek bar brahma ji kam-mohit ho gaye. unke is dharm, daivatva, lok viruddh kritya ko dekhakar unke manas putra marichi aur anya rishiyon ne anek prakar se pitamah brahma ji ko samjhane ki cheshta ki. is par bhagvan bholenath shiv dharm ki raksha ke lie nindit karya ko sahan nahin kar sake aur apne trishul se brahma ji ke sir ko dhad se alag kar diya. tabhi se jagtpita brahma chaturmukhi kahlane lage, kyonki is ghatna se pahle unke panch sir the. tabhi ek divya ghatna hui. brahma ji ka vah panchvan sir bhagvan mahadev shiv ke hath se ja chipka aur bhagvan mahadev ko dharm ki raksha ke lie brahm hatya ka dosh laga. bhagvan devadhidev mahadev shiv is pap ke nivaran ke lie sanpurn aryavart bharat bhumi ke anek tirth sthanon par gaye parantu fir bhi is jaghanya pap se mukti nahin mili. jab ve apne dham kailas par ja rahe the to badrikashram men alkapuri kuber nagri se a rahi man alknanda men snan karke bhagvan shiv badrinath dham ki or badhne lage ki 200 mi. purva hi ek chamatkar hua. brahmaji ka panchvan sir unke hath se vahin niche gir gaya. badrinath dham ke samip jis sthan par vah sir (kapal) gira vah sthan brahmakapal kahlaya aur bhagvan devadhidevmhadev ko isi sthan par brahm hatya ke pap se mukti mili. brahmakapal men pinddan, tarpan karne se ghor papon se mukti milti hai tatha pitron ke nimitt shraddha-bhakti purvak pinddan, tarpan karne se purvaj tatha sabhi pitron ko mukti v sadgati prapt hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.