मोती शंख से हृदय रोग का ईलाज

moti shankh se hriday rog ka ilaj  

Ank ke aur Lekh | Sambandhit Lekh | Views : 4105 |  
shankh thairepi men hriday rogiyon ke lie bladapreshar, hartaataik adi ka ilaj moti shankh dvara kiya ja sakega jismen said ifekt ka koi khatra nahin hai. yah paddhati purn rup se vaikalpik chikitsa hote hue bhi vaigyanik siddhanton par adharit hai. ajakal hriday rog se marne valon ki sankhya adhik barhi hai. asantulit khan-pan, atyadhik mansik tanav, bhay, ghabrahat, chinta, baicheni, hai bladapreshar, achanak nuksan, hriday rog ka mukhya karan ban jate hain. aj ham log prakriti ke anmol niyamon ko bhul gaye hain. prakriti ka adbhut niyam manav ke svasthya par bhi lagu hota hai. prakritik jivan ka parityag karke ghor rakshas rupi adhunik jivnshaili aur anjane khan-pan, buri adton ko apnaya tab se uski nirogi kaya par rogon ka hamla hona shuru ho gaya hai. badlti dinacharya se hi uchch raktachap se lekar hriday rog, madhumeh, dama, asthikshay, kainsar aur mansik rog adhik hone shuru ho gaye hain. prakritik jivan shaili ko tyagne ka fal aj ka manav bhog raha hai. medikal sains ke vaigyanikon ne athak parishram aur bauddhik kshamata se in rogon ka upchar to khoja hai kintu aprakritik karnon ke sahare hone se anubhav batata hai ki aise upchar se labh to turant mil jata hai parantu asthayi rup se tatha rog mukti ke sath hi said ifekt ki jyada mar parti dekhi gai hai. anya dusri kai bimariyan aur utpann ho jati hain. sthai labh pane ke lie prakritik upayon ka sahara lena avashyak ho gaya hai. aniyantrit uchch raktachap hartaataik ka pramukh karan banta hai. kai bar raktachap atyadhik barh jata hai aur raktavahiniyan rakt ke us dabav ko sahan nahin kar pati hain. blad preshar samanya ke mukable adhik rahne lagta hai. rakt dabav adhik hona svasthya ke drishtikon se bilkul bhi thik nahin hai. rakt dabav ke barhne ka asar sharir ke sabhi angane par parta hai. uchch raktachap ka asar sharir ke pratyek ang par mastishk aur hriday se lekar gurda, dil, ankh, antahsravi granthiyon tak hone se tatkal hi dushprabhav akhir men mrityu ka karan ban jata hai. nirantar dabav men kam karte rahne se hriday ki manspeshiyan thakakar kamjor ho jati hain. kamjor hone se hridyaghat ho jata hai. uchch raktachap maut ka pramukh karan ban gaya hai. uchch raktachap ke karan har varsh lakhon logon ko hriday ki viflta, hriday ke daure ka samna karna parta hai tatha logon ko brenastrak ki sthiti ke karan lakva grasit hokar jivan gujarna parta hai. lakhon log gurda rog v andhepan ke shikar bhi ho jate hain. mansik tanav se upje uchch raktachap ka arth hota hai haipar tenshan. dil ki bimariyon men sevan es stres evan stren mansik tanav dabav salt (namk) shugar (chini) spaisi chatpte ahar se jamne vali chiknai se bane ahar, smoking (dhumrapan) v elkohal yukt pey mahatvapurn bhumika nibhate hain. moti shankh se hriday rog ka upchar (shankh thairepi): hriday rogi ko pratah snan se nivritt hokar purvabhimukh hokar surya ki sakshi men sidhe khare hokar rojana moti shankh se lanbi dirghadhvani se nad karna chahie. pratah purva ki or munh karen tatha sayan pashchim ki or karen. pratah 11 bar shankh dhvani v sayan 6 bar shankh dhvani karne ka vidhan hai yah bhi ek prakar shreshth yog hai. rishiyon ne shankh nad yog ko sabhi yogon ka yog kaha hai. pratah sayan shankh nad yog jab samapt ho jaye tab ganga jal moti shankh men dal kar sharir ka marjan karen. aisa karne se hriday rogi ko shighra aram milta hai. jab ham funk marte hain tab fefron men hava bharti hai aur aeksijan fefron dvara blad ke sath aram se hriday men, sancharan karta hai. shankh men lanbi funk marne se sharir men hriday ki band dhamniyan kam karne lag jati hain. un band pari dhamniyon ka rasta khul jata hai. vah sucharu rup se kam karne lag jati hai. yah fefron ka prakri tik alaukik chamatkari pranayam yog hai. lanbi shvans sharir se khaninchna evan vapas shankh men funkna shankh nad pranayam kaha jata hai. moti shankh ka shankhodak jal grahan karne vale ka svasthya sanrakshan hota hai tatha shankh nad karne se hriday rog se mukti hoti hai. saikron hriday rogiyon ko moti shankh nad yog ke dvara upchar se ashatit labh milta hai. yah shankh safed chamkdar abha yukt hota hai. is shankh ki unchai char se panch inch tak, piramidnuma tatha golakar hota hai. is shankh ki utpatti kailas mansrovar ke barfile thande mithe schachch jal men hoti hai. mansik ashanti v tanav se mukti pane ke lie yah moti shankh uÿam mana gaya hai. hriday rogi ke hamesha shankh nad karne par tatha is shankh men ganga jal ka rojana achaman karne se hriday sanbandhi v shvas rog thik ho jate hain. deshi kali gay ke dudh ka achaman shankh se karne par sabhi asadhya rogon ka shaman hota hai. moti shankh ko siddh karne ke lie shankh mala se 108 bar nimn mantron se jagrit karaen un namah moti shankhay mam sharirasya asadhya rog shighra mukti pradan kuru-kuru svahaah.. moti shankh prapt kar apne ghar men puja sthal par sthapit karen. shankh bhasm ko karela ke svaras men evan gay ke dudh ke sath sevan karne se madhumeh rog ka nash hota hai. tvacha rog ke lie moti shankh bhasm ko nariyal tel ke sath lep lagane se mukti milti hai. shuddh shilajit ko shankh bhasm evan shahad ke sath bhi sevan kar sakte hain. bharatavarsh men nana prakar ke shankh paye jate hain aur ve sabhi apne-apne vibhinn gunon tatha prabhav ke lie janmanas dvara prayog kiye jate hain. parantu moti shankh apne ap men durlabh aur mahatvapurn shankh hai. iski chamak moti ke saman hone ke karan hi ise moti shankh kaha jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.