दक्षिणावर्ती शंख

dakshinavarti shankh  

Ank ke aur Lekh | Sambandhit Lekh | Views : 21383 |  
shankh bhinna-bhinn akriti v anek prakar ke hote hain. shankh sanhita ke anusar sabhi prakar ke shankhon ki sthapna gharon men ki ja sakti hai. pramukhta se shankh ko tin bhagon men vibhakt kiya gaya hai. jaise vamavarti, dakshinavarti aur madhyavarti. vamavarti bajne vale shankh hote hain unka munh bain or hota hai tatha ye bain or se khulte hain. dakshinamukhi ek vishesh jati ka durlabh adbhut chamatkari shankh dahine taraf khulne ki vajah se dakshinavarti shankh kahlate hain. is tarah ke shankh sahaj rup se sulabh nahin ho pate hain. akash men nakshatra mandal men vishesh shubh nakshatra ke prabhav se dakshinavarti shankh ki utpatti samudra ke garbh se hoti hai. yah shankh apne chamatkari prabhav ke karan durlabh v mulyavan bhi hota hai. shuddh v asli dakshinavarti shankh ko prapt kar, siddh, pran pratishthit, jagrit kar apne vyavsay sthal, udyog, karyalay, dukan, bhavan ke puja sthal par sthapit karen. puja karne ke bad shankh men jal, dudh, ganga jal, bharakar chidkav v shankhodak jal se achaman karne se daridrata, karj aur durbhagya ka nash hota hai aur bhagya pravah men vriddhi hoti hai. chir sthai chanchal lakshmi sukh samriddhi ka sthai vas hota hai. shankh sanhita men dakshinavarti shankh kalp ke bare men likha hai ki jab vyakti sabhi taraf se daridrata ke chakkar men fans jata hai, charon or se nirasha, vyapar men asflta, jab arthik unnati ke upay vifal najar ate hain tab duniya men ek arthik unnati ka adhyatmik upay hai dakshinavarti shankh. iski vidhipurvak sthapna kar labh prapt kiya ja sakta hai. samudra dev dvara nirmit is tejasvi shankh ko jo bhi manushya apne ghar aur vyapar sthal ke puja sthan athva galle, tijori men rakhakar nitya pujan aur darshan karta hai vahan se daridrata, abhav, asflta aur rogon ka nash hota hai. ye shastrokt satya hai. dakshinavarti shankh lakshmi ka sahodar hai. bhagvti mahalakshmi aur dakshinavarti shankh donon ki hi utpatti samudra se hui hai. atah samast aishvarya pradayini bhagvti mahalakshmi ko sanpurn rup se abaddh karne ki ichcha rakhne vale ko is chamatkari daiviya vastu ka upyog karna chahiye. shankh ki mahima aur mahatva pratyek anushthan men vishesh rup se hai. yah vishnu ke char ayudhon men pramukh hai. pratyek vishesh puja men shankh dvara abhishek ka mahatva hai. pratyek puja men ise pavitra mana gaya hai. lakshmi se sanbandhit jitne bhi prayog hain ve dakshinavarti shankh prayog ki tulna men kuch bhi nahin hain. shuddh shreshth asli pramanik dakshinavarti shankh ko ghar men sthapit karen. dakshinavarteshankhay yasya sadmanitishthati. manglani prakurvante tasya lakshmiah svayan sthira. chandanagurukarpuraiah pujyed yo grihedanvaham. s saubhagya krishnasamo dhane syad dhandopmah .. arthat: dakshinavarti shankh jiske ghar men rahta hai vahan sab mangal hote hain. lakshmi svayan sthir hokar nivas karti hai. jis ghar men uttam dakshinavarti shankh ki puja hoti hai vah saubhagyashali tatha dhanpti ban jata hai kyonki chandrama ke amrit mandal se sanchit samudra se utpann antriksh, vayu aur jyoti mandal ko apne bhitar sajane vala yah vishishth shankh shatruon ko nirbal karne vala, rog, agyan alakshmi ko dur bhagane vala aur ayu ka vardhak hai. brahmavaivart puran men ek akhyan aya hai shankh chandrarkadaivatyan madhye tarundaivatan. prishthe prajaparti vidyadagre ganga sarasvatim.. trailokye yani tirthani vasudevasya chagyaya. shankhe tishthanti viprendra tasma shankh prapujyet.. darshanen hi shankhasya ki punah sparshanen tu. vilyan yanti papani himavad bhaskarodyeah. yah shankh to chandrama aur surya ke saman dev svarup hai iske madhya men varun, prishth bhag men ganga ka nivas hai. shankh men sare tirth vishnu agya se nivas karte hain aur yah kuber svarup hai. atah iski to puja avashya hi karni chahiye, iske darshan matra se sabhi dosh nasht ho jate hain. dakshinavarti shankh ke bare men pratyek gyani siddh purushon ne avashya hi vishesh mahima varnit ki hai, is sanbandh men kuch mahatvapurn granthon se pramanik panktiyan nimnavat han- lakshmi ko prapt karna aur use sthayi rup se ghar men nivas dene ka ek matra prayog dakshinavarti shankh hi hai, jo ki apne ap men ashcharyajanak rup se dhan dene men samarth hai. iske madhyam se rin, daridrata aur abhav mit jata hai tatha sabhi drishtiyon se sanpannata a jati hai. 1. maharshi pulastya sanhita se: dakshinavarti shankh prayog ashcharyajanak rup se safltadayak hai, apne ap men advitiya hai, dhan-varsha karne aur sukh-samriddhi pradan karne men uski koi tulna nahin hai. garud vahini lakshmi ko prapt karna aur use sthai rup se ghar men nivas dene ka ek matra sadhan dakshinavarti shankh prayog hai jo ki ashcharyajanak rup se dhan dene men samarth hai. iske prayog se rin, daridrata tatha rogadi adi mit jata hai tatha har prakar se sanpannata ane lagti hai. 2. maharshi vishvamitra sanhita se: dakshinavarti shankh ka prayog sabhi prakar se daridrata, dukh aur abhav ko mitane aur purn saflta dene men samarth hai. yah ek matra prayog hai jo ashcharyajanak rup se saflta pradan karta hai. gauraksha sanhita men likha hai- dakshinavarti shankh kalp prayog ek shreshth tantrik prayog hai. iska prabhav turant tatha achuk hota hai. 3. lakshmi sanhita se: bhagvti lakshmi ke sabhi prayog men dakshinavarti shankh prayog hi pramanik aur dhan varsha karne men samarth hai. 4. maharshi markandey: yadi dakshinavarti shankh mil jaye aur fir bhi vyakti iska upyog n kare to vah vastav men abhaga hi kaha jayega. yah to jivan ka saubhagya hai, satkarmon ka uday hai, lakshmi prapti ka sarvottam upchar hai. 4. bhavagatpad adyaguru shankracharya dakshinavarti shankh upyog shreshth tantrik prayog hai, jiska prabhav turant aur achuk hota hai. 5. shankh sanhita se: ravan aur indra jaise tantrikon ke pas bhi dakshinavarti shankh ki sthapna ke karan hi arthik unnati ka praman milta hai. 6. guru gorkhnath gaurakshasanhita seah dakshinavarti shankh kalp prayog ek shreshth tantrik prayog hai. iska prabhav turant tatha achuk hota hai. kisi bhi madhyam se dhan kamane men achuk prayog hai. 1. dakshinavarti shankh ka svarup: yah mahatvapurn shankh shvet ho vajan men bhari ho tatha dakshin ki or munh khula ho vahi shankh dakshinavarti kahlata hai. ise bhi jagrit karna padta hai, shankh lekar sidhe uski puja karne se labh prapt nahin hota hai, ise vishesh mantrane se abhimantrit karna hota hai, aur ashtottar lakshmi prayog se sanpann evan asht lakshmi mantra siddh kuber mantron se apurit pran pratishtha yukt shankh hi sadhna ke lie purn faldayak rahta hai. - jis ghar men yah shankh rahta hai vah kabhi bhi dhan-dhanya se rikt nahin rahta. - bhagvan vishnu ka ayudh hone se yah atyant manglkari hai. - jis parivar men shastrokt upayon dvara iski sthapna ki jati hai vahan bhut, pret, pishach, brahm, rakshas adi dvara pahunchae ja rahe durbhikshon ka svatah hi samadhan hone lagta hai. - shatru paksh kitna bhi balshali kyon n ho iske prabhav se hani nahin pahuncha pata. - iske prabhav se durghatana, mrityu bhay, chori adi se raksha hoti hai. vishnu puran ke anusar samudra manthan se prapt 14 ratnon mane se shankh bhi ek hai. mata lakshmi samudraraj ki putri han tatha shankh unka sahodar bhai hai. atah jahan shankh hai, vahan lakshmi ka vas hai. svargalok men ashtasiddhiyon evan navnidhiyon men shankh ka sthan mahatvapurn hai. shankh ko vijay, samriddhi, sukh, yash, kirti tatha lakshmi ka sakshat pratik mana gaya hai. dharmik krityon, anushthan-sadhna, tantrik-kriyaon adi men shankh ka prayog sarvavidit hai. saubhagya se yadi apko nirdosh shankh mil jae to use kisi shubh muhurt men gangajal, goghrit, kachcha dudh, madhu, gud adi se abhishek karke apne puja sthal men lal kapde ke asan par sthapit kar lijiye isse lakshmi ka chir sthai vas bana rahega. yadi lakshmi ji ki vishesh kripa ke ap abhilashi hain to dakshinavarti shankh ka joda arthat nar aur mada do shankhon ko dev pratima ke sammukh sthapit kar len. shankh ki vibhinn prajatiyon ke anurup shastron men vibhinn prayojnon ki vyakhya milti hai. annapurna shankh ghar men dhan-dhanya ki vriddhi karta hai. mani pushpak tatha panchajanya shankh se bhavan ke vibhinn vastu doshon ka nivaran hota hai. aise shankh men jal bharakar bhavan men chidkne se saubhagya ka agaman hota hai. vishnu namak shankh se karyasthal men chidkav karne se unnati ke avasar banne lagte hain. jo sadhak dakshinavarti shankh kalp karna chahte hain, vah saral sa yah prayog karen- pujan samagri - mukhya samagri to nirdosh tatha pavitra shankh hi hai, iske atirikt shuddh ghi ka dipak, agarabatti, kunkum, kesar, chaval, jal ka patra, pushp, kachcha dudh, chandi ka bark, itra, kapur tatha naivedya arthat prasad ki vyavastha purva men karke rakh len. pujan vidhi-shubh muhurt men pratah snan kar vastra dharan karen. ek patra men samne shankh rakh len. use dudh tatha jal se snan karaen. saf kapde se use ponch kar us par chandi ka bark lagaen. ghi ka dipak jalakar agarabatti jala len. dudh tatha kesar mishrit ghol se shankh par shrin ekakshari mantra likhakar use tanbe athva chandi ke patra men sthapit kar den. ab nimn mantra ka jap karte hue us par kunkum, chaval tatha itra arpit karen. shvet pushp shankh par chadhakar prasad bhog ke rup men arpit karen. mantra - un hrin shrin klin shridhar karasthaypyonidhi jatay shri. dakshinavarti shankhay hrin shrin klin shrikray pujyay namah. ab man karm tatha vachan se shankh ka dhyan karen. bij mantra: un hrin shrin klin blu dakshin mukhay shankhanidhye samudraprabhavay namah. shankh ka shabar mantra: un dakshinavarte shankhay mam grih dhanavarsha kuru-kuru namah. shankh ka shabar mantra: un dakshinavarte shankhay mam grih dhanavarsha kuru-kuru namah. shankh gayatri mantra: un panchajanyay vidmahe. pavmanay dhimhi. tanno shankhah prayodyat. riddhi-siddhi tatha sukh-samriddhi ke lie ek bahut hi saral sa prayog hai. yadi apke pas koi dakshinavarti shankh hai to uska uprokt dhyan mantra se pahle pujan kar len. gayatri athva bij mantra athva donon mantra shankh ke samne baithakar japte rahen. ek mantra pura hone par shankh men thik agni men samagri hom karne ki tarah chaval tatha nagkesar daen hath ke anguthe madhyama tatha anamika anguli se chodte rahen. jab shankh bhar jae to use ghar men sthapit kar len. dhyan rakhen ki shankh ki punch uttara-purva disha ki or rahe. kisi shubh muhurt athva divali se purva dhan trayodshi ke din purane chaval tatha nagkesar uprokt vidhi se punah badal liya karen. is prakar siddh kiya hua shankh lal kapde men lapetakar dhan, abhushan adi rakhne ke sthan par sthapit karne se jivan ke har kshetra men nirantar shri ki prapti hone lagti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.