मानव का आभामंडल एवं उर्जा विज्ञान का रहस्य

manav ka abhamandal evan urja vigyan ka rahasya  

Ank ke aur Lekh | Sambandhit Lekh | Views : 10639 |  
sanpurn brahyand men ek adbhut aur alaukik shakti vidyaman hai jo ki srishti ke pratyek padarth par saman rup se apna prabhav dalti hai. alaukik chamatkari shaktiyan sansar ke pratyek manushya men adrishya rup men vidyaman rahti hai jo ki atmavishvas ka dusra rup hai. sansar ki pratyek jar-chetan, sajiv-nirjiv padarth men sarvavyapt us agyan shakti ka prabhav dusri anya vastuon par avashya hi parilakshit hota hai. jis prakar chanubak lohe ko apni or akarshit kar leti hai. srishti ke samast padarth us sarvavyapak aur alaukik chetna ki shakti aura abhamandal ke karishme se ek-dusre ko paraspar prabhavit karte hain. vaigyanik is brahyandiya urja ko abhamandal ka nam dete hain. sansar ke samast praniyon aur brahyand ke samast grah-nakshatra, samudra, sitaron men vyapt vidyut chunbkiya abhamandal ki akarshan shakti ke madhya kisi n kisi prakar ka ghanishth sanbandh avashya hai. mul rup se ant men yah nishkarsh niklta hai ki sarvavyapak atindriya shaktiyan abhamandal manushya ke man ko prabhavit karti hai. nirvikar, vasnarhit, kamnarhit drirhsankalpi aur satoguni manushya hi apne aura abhamandal purnatah vikas karke alaukik shaktiyon ko prapt kar sakta hai. avchetan man hi samast abhamandal ki adbhut shaktiyon ka kendra aur koshagar hai. sanpurn brahyand men alaukik shaktiyon abhamandal ka astitva vidyaman hai aur manav ke lie un samast shaktiyon par purnatah niyantran sthapit kar lena koi asanbhav karya nahin hai. pratyek manushya men antahshakti hoti hai aur inhin antah shaktiyon ko viksit karke vah akhil bahyand men bah rahi alaukik chamatkari shakti abhamandal ki dhara se sanpark sthapit karke usse ansh prapt karke alaukik shaktiyon ka svami ban sakta hai. vaigyanikon ne gahan anusandhan ke pashchat yah siddh kiya hai ki manushya ka matra ek sharir hi nahin hota hai apitu is bhautik sharir ke atirikt prakashamay aur urjavan ek sharir aur hota hai jise sukshm sharir athva abhamandal aura kahte hain. apne isht dev ki murti ya postar sabhi manushya apne ghar ya karyasthal par avashya rakhte hain. in murti ya postar men jo bhi dev hain unke mastishk ke barabar piche ki or saptarangiya urja tarange nishkasit hoti rahti hai v ek goliya chakra sa pratibinb rahta hai vahi unka abhamandal ya aura chakra hota hai. yah abhamandal jiv matra- manushya, jiv-jantu, pashuane, per-paudhe, padarthon ke irda-gird ek prakash punj rahta hai. pratyek manushya ka apna ek abhamandal ya aura hota hai. jiske karan se hi dusre anya manushya usse prabhavit hote hain. yah abha manushya ke sanpurn sharir se satrangi kirnon ke rup men andakar rup men utsarjit hoti rahti hai. yah divya prakash yukt abha hamen nangi ankhane se dikhai nahin deta hai. ek shodh ke anusar vyakti men atmabal ka is abhamandal se sidha sanbandh hai. is abhamandal aura men kami v vriddhi ke anusar vyakti ke atmabal men bhi nyunadhikta ati rahti hai. is divya prakashyukt abhamandal ko vaigyanik yantron se spasht rup se dekha v fotograf liya ja sakta hai tatha ise napa ja sakta hai. abhamandal ke fotograf ‘‘poli fotografi ‘‘ se lie ja sakte hain jise kirlon fotografi kahte hain. jis prakar se vastrachchadit hone ke bavjud manushya ke bhitri angon ka chitra eksare dvara kiya ja sakta hai. thik usi prakar se manushya kirlon fotografi men ek vishesh prakar ka kaimra dvara manushya ke sharir se utsarjit prakash kirnon abhamandal ya ora chakra arthat sukshm sharir ka chitra khincha ja sakna bhi sanbhav ho gaya hai. is kaimre ki fotografi ke chitra men manushya ki prabhamandal ka spasht darshan kiya ja sakta hai. ye sat rang kabhi bhi ek jaisi sthiti men nahin rahte hain. jaise pratyek manushya v jiv ka di.en.e. alag hota hai thik usi prakar se abhamandal ya aura bhi alag hota hai. abha mandal ki sat rangon ki sthiti kahin jyada gahri kahin halki uski motai kahin kam-jyada, kahin niyamit-aniyamit evan insan ki sthiti ke anusar badlti rahti hai. vyakti ke sukh v prasannata ke samay abha mandal aura bhi adhik pusht ho jata hai vahin vyakti ke kasht v pareshani men abhamandal kam ho jata hai. is divya prakash punj aura se vyakti ke ane vale samay men kaun si bimari hone vali hai ise purva hi jana ja sakta hai aur janakar samay se pahle ilaj kar us rog se bach sakte hanai. ek shodh men paya gaya hai ki vyakti ke rogi hone par abha mandal supt avastha men rahta hai. ane vale samay men dayagnosis ka sabse achcha tarika abhamandal se vishleshan sabit hoga. jaisa ki yah spasht hai ki sabhi sajiv v nirjiv padarth ka bhi apna abha mandal hota hai. hamare sharir ke saman hi makan, dukan, faiktri, aenfis, vyavsay sthal ka bhi abhamandal hota hai. uprokt sabhi tattvon ke abhamandal ko ham sakaratmak evan nakaratmak urja tarangon ke rup men dekhte hain. ap ne bhi apne as-pas dekha hoga ki kisi ek dukan, mandir ya aenfis men logon ki lain lagi rahti hai, tatha kisi mantri ya neta ke piche logon ki bhir umrti hai, vahin dusri or pure din men do-panch vyakti ate hain akhir aisa kyon? iska paroksh karan us sthan, ya vyakti ki abha ya aura majbut hai jiske karan vah logon ko apni or akarshit karta hai. aura abhamandal ke karan vyakti ki prasiddhi failti hai. aura ya abhamandal majbuti ke lie vyakti puja-path, anushthan, yagya, ston, adi ka upyog karte dekhe gaye hain. kai bar dekha gaya hai ki gharon men aise asadhya rog ya bimari a jati hai jiska daektaron ke pas koi ilaj bhi nahin hota hai. medikal janch men bimari pakar men nahin ati hai. vyapar men pragti nahin ho pati hai. durdhatana adi hoti rahti hai. manav jivan ki in sabhi samasyaon ka karan abhamandal men nakaratmak urja ka adhik sanchar hona. yah nakaratmak urja bhi do tarah ki hoti hai ek to prakritik rup se nakaratmak urja tatha dusri apsi shatruta ki bhavna se kisi mele tantrik shamsanik kriya dvara nakaratmak urja sthapit kara di jati hai. iske karan vyakti v ghar ka abhamandal tutta hai aur vah parivar uprokt pareshani men a jata hai. manav jivan ki pareshaniyon ka karan abhamandal hai. mera yah anubhav raha hai ki tantra vidya urja se sidha sanbandh rakhti hai. parantu is nakaratmak urja ko hatane ke lie vyakti ko sprit enarji arthat adhyatmik urja, ishvariya bhakti, puja-path, anushthan dvara abhamandal ko majbut kar nakaratmak urja ke dushprabhav ko hataya ja sakta hai. bhavan, aenfis, dukan, vyakti ke upar nakaratmak urja v sprit enarji adhyatmik urja v divya prakash yukt abhamandal in sabhi urja ka pata men yantron dvara hi jana ja sakta hai. abhamandal men sprit enarji adhyatmik sakaratmak urja v nakaratmak urja ke alava ek anya tisri urja hamare svayan ke as-pas nirmit hoti hai. hamare jivan men bhautik sukh-suvidha ke sadhnon men- mobail, ilektrik evan ilektroniks sadhan hai ye ek vishesh maignetik urja ka nirman kar vikiran paida karte hain. mobail, frij, esi, ti.vi., kanpyutar adi anya sabhi se negetiv urja niklti hai jo hamen nuksan pahunchati rahti hai. yah satya hai ki abhamandal, sprit enarji adhyatmik urja v nakaratmak urja se yah tisri maignetik urja ka prabhav mand gati hone ki vajah se hamen pratit nahin hota hai. dhire-dhire is urja ka prabhav hamare sharir v man-mastishk par hota rahta hai. maignetik urja bhi nakaratmak urja ka bhandar hai. parantu is nakaratmak urja ko sahi mayne men marg parivartan kar de to yah urja bhi sakaratmak urja men parivartit ho jati hai parantu yah bahut hi gahan shodh ki kriya hai. inke alava bhi ghar, aenfis, dukan, faiktri men bhi nakaratmak urja ka ek karan vastu dosh bhi hai. yadi bhavan, aenfis, vyavsay sthal vastu ke niyamon men nahin hai to usse bhi negetiv urjaon ka prabhav bana rahta hai. vastu shastra ke anusar keval bhavan se hi nakaratmak urja nahin niklti hai bhumi se bhi donon hi prakar ki sakaratmak v nakaratmak urja niklti rahti hai. atah vastu ke mulbhut niyamon dvara kai had tak nakaratmak urja ko roka ja sakta hai. tisri maignetik urja jo ilektrik evan ilektroniks sansadhnon se niklne vali urja hai usko rokna bhi avashyak hai aur nahin rok sakte to kai had tak kam karna ati avashyak hai. insan ki vyaktigat achchai karmon se bhi abhamandal viksit hota hai. yahi karan hai ki achche mahapurushon, uchchadhikariyon, udyogptiyon, arthik vishleshkon, adhyatmavettaon ka abha mandal 10 se 15 fit tak pae jate hain. vastav men manav ka abhamandal ka sidha sanbandh uske karmon se jura hua hai. kam, krodh, moh, lobh, mad, ahankar chah manushya ke shatru hain. vyakti dvara in chah karmon men sanlagn hone se abhamandal kshin ya kam hota jata hai. abhamandal ki urja tarangane tut jati hai tatha abhamandal ke kamjor hote hi vyakti men sochne-samjhne ki shakti bhi kshin ho jati hai. ek sadharan insan ka aura ya abhamandal 2 se 3 fit tak mana jata hai. abhamandal ka avaran is map se niche jane par vyakti mansik v bhautik rup se vikrit ho jata hai ya tutne lagta hai. is sthiti men uska atm bal bhi kam ho jata hai. vyakti ki yah sthiti jivan men kasht ya duahkh vali kahlati hai. mrit vyakti ka aura 0.5 ya 0.6 rah jata hai. divya abhamandal men nitya abhivriddhi ke lie hamare dharmik sahitya ved-puranon men puja-path, isht aradhna, anushthan, yagya tatha tratak yog ke abhyas dvara vyakti apne girte hue aura ya abhamandal men vriddhi kar sakta hai. abhamandal men vriddhi ka karm nitya rahna chahiye. mere shodh ke anusar pratah kal nitya 15 minat tak omkar ka dhyan ya nad yog karne se aura majbut hota hai. dharmik tirth sthal, niyamit puja path, isht aradhna, mantrochar, yog, pranayam, kapalbhati, asan, satsang adi se sakaratmak urja se abha mandal ka vikas kiya ja sakta hai. gayatri mantra ya anya mantra dhvani ke uchcharan ya shravan matra se abhamandal men vriddhi hoti hai. sandhya kal men mandir men arti ke samay bhag lene se vahan shankh, garur ganti tatha mantrochar dhvani se man v atm shanti milti hai. us shanti se tatparya abhamandal men vriddhi ka hona. vahi galat sahitya, buri sangti, pashchatya nach-gane, fast fud, madira pan, vichar v vatavaran se viprit ahar se apke abha mandal ka hras hota hai. pratyek manushya ke pas abhamandal ke atirikt ek bhavamandal bhi hota hai yah bhavamandal hamari chetna hai aur tejomay sharir ko sakriya banati hai tab vah kirnon ka vikiran sankrta hai aur ye vikiran vyakti ke charon or valyakar ghera sa bana dete hain sanjise abhamandal ya aura kahte hain. manushya ka jaisa bhavamandal hota hai vaisa hi uska abhamandal hota hai. yah abhamandal us bhavamandal ke anusar parivartit hota rahta hai. sadhna ke bal par aura ya abhamandal ko jagrit karke us shakti ka vikas kar uski urja shakti ko apne andar sanchit manav sharir aur man par ekagrachitta v niyantran karne ki kshamata karne hetu sarvadhik upyukt vidhi pranayam tatha tratak yogabhyas hai. tratak, pranayam, kapalbhanti, dhyan, asan, samadhi aur sadhna ke dvara manushya apne sharir men samast prakar ki antah alaukik chamatkari adrishya shaktiyon ko punah jagrit karke apne atmavishvas evan abhamandal donon ko viksit kar sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


  April 2011

Apne vichar vyakt karein

blog comments powered by Disqus
.