विभिन्न लग्नों के लिए रत्न / रूद्राक्ष चयन

vibhinn lagnon ke lie ratn / rudraksh chayn  

Ank ke aur Lekh | Sambandhit Lekh | Views : 6995 |  
pratyek lagn ke lie ek grah aisa hota hai jo yogkarak hone ke karan shubh faldai hota hai. yadi aisa grah kundali men balvan arthat uchcharashisth, svarashi ka ya vargottami hokar kendra ya trikon bhav men shubh grah ke prabhav men sthit ho v is par kisi bhi pap grah ka prabhav n ho to yah akela hi jatak ko unnati dene men saksham hota hai atah iska ratn dharan karna vishesh shubh faldai tatha chamatkari prabhav dene vala hoga parantu yadi yah ashubh bhav men ashubh grahon ke prabhav se grast ho to jatak is yogkarak grah ke chamatkari prabhav se vanchit rah jata hai. aisi sthiti men iski ashubh bhav janit ashubhta ko nasht karne hetu iske liye rudraksh ko dharan kiya jana chahie. ratn pahnne se turant labh hota hai lekin aisa mana jata hai ki ratn dharak ko niyamit rup se puja path karna chahie. aj kal ki bhag daur v ativyastata bhari jivan shaili men kai bar puja path adi ke lie samay de pana sambhav nahin ho pata. aisi sthiti men ratn dharak ko sakaratmak urja ki prapti hetu rudraksh bhi dharan karna chahie kyonki ratn sakaratmak urja vale vyakti ke lie adhik labhkari siddh hote hain. jahan shubh, yogkarak v bali grahon ke prabhav ko barhane ke lie ratn dharan karna chahie vahin akarak, nich rashisth v ashubh bhav men sthit grah ke shubh fal praptrth rudraksh dharan karna shreshth hota hai. mesh- inhen surya ka ratn manikya dharan karna chahie v tinmukhi tatha panchmukhi rudraksh bhi pahnna chahie. jin jatkon ki patri men surya shubh prabhav men bali hokar baitha hai unhen yash, man, kirtilabh v satta ki prapti hogi tatha jinka surya ashubh bhav men baitha hai unhen naukri rojgar v rajadand adi samasyaon ke nirakaran men saflta prapt hogi. apke lie surya, chandra mangal v guru yogkarak grah hain. atah inke lie manikya, moti, manuga v pukhraj dharan kar sakte hain lekin mangal ashtamesh hai atah mangal ke lie 3 mukhi rudraksh svasthavardhak ho sakta hai. guru ke lie dvadshesh hone ke karan panchmukhi rudraksh dharan karna samriddhi karak hoga. budh, shukra v shani is lagn ke lie badhakarak hain atah in grahon ke lie ratn dharan n kar 4 mukhi, 6 mukhi v 7 mukhi rudraksh dharan karna shreshth hai. yadi surya, chandra bhi chathe, athven evan barhven sthan par a jate hain to ratn ki apeksha 1 mukhi v 2 mukhi rudraksh dharan karna hi shreshth hai. vrish- vrish lagn ke lie shani, shukra v budh yogkarak hain islie nilam, hira v panna pahnna apke lie shubh hai. ashtamesh guru evan dvadshesh mangal ke ashubh prabhav se mukti hetu 5 mukhi evan 3 mukhi rudraksh dharan karen. surya v chandrama bhi is lagn ke lie badhakarak hai islie inke lie bhi 1 mukhi v 2 mukhi rudraksh dharan karen. shani, shukra v budh bhi yadi chathe, athven ya barhven sthan par a jate hain to ratn ki apeksha 7, 6 v 4 mukhi rudraksh dharan karna hi shreshth hai. mithun- mithun lagn ke lie budh, shukra v shani yogkarak hain islie ap panna, hira v nilam dharan kar sakte hain parantu shukra dvadshesh v shani ashtamesh bhi hai islie inka purn fal prapt karne hetu 4 mukhi rudraksh bhi sath men dharan karenge to purn fal prapt hota hai. surya, chandrama v mangal ki shubhta ke lie ek, do v tin mukhi rudraksh dharan karen. guru ke kendradhipti dosh ke karan guru ka ratn pukhraj ashubhfldai hota hai atah guru ke shubh fal hetu rudraksh mala ya panchmukhi mala ya panchmukhi rudraksh dharan karen. karka- kark lagn ke lie chandra, mangal v guru yogkarak hain islie moti, munga v pukhraj dharan karna shubh rahega parantu guru ke shashthesh hone ke ashubh prabhav ko kam karne hetu sath men panchmukhi rudraksh bhi dharan karna chahie. shani, budh, shukra is lagn ke lie akarak hain tatha surya men marak prabhav hai atah inke lie 7, 4, 6 v 1 mukhi rudraksh dharan karna hi behatar hoga. yadi chandra, mangal v guru bhi ashubh bhav men a jaen to ratn ki apeksha 2, 3 v panchmukhi rudraksh pahnen. sinh- sinh lagn ke lie surya v mangal yogkarak hain. atah inke lie manikya v munga dharan karen. ashtamesh guru, dvadshesh chandrama tatha akarak shani, budh v shukra ke lie 5, 2, 7, 4 v 6 mukhi rudraksh dharan karna shubh rahega. yadi surya v mangal ashubh bhav men sthit hon to inke lie bhi 1 mukhi v 3 mukhi rudraksh hi dharan karna chahie. kanya- kanya lagn ke lie budh, shukra v shani yogkarak hain islie panna, hira v nilam dharan karna shubh rahega parantu ashtamesh shani v dvitiyesh shukra ke lie sath men 7 v 6 mukhi rudraksh bhi dharan karane. yadi budh, shukra v shani ashubh bhav men baithe hon to ratn k apeksha rudraksh hi dharan karen. kanya lagn ke lie surya, chandra v mangal akarak hain islie inki shanti hetu 1, 2 v 3 mukhi rudraksh dharan karen. guru ke kendradhipti dosh ke nivarnarth panchmukhi rudraksh ya rudraksh mala dharan karna hitakar rahega. tula- tula lagn ke lie shukra, shani v budh yogkarak hain islie hira, nilam v panna dharan karen. ashtamesh shukra v shashthesh budh ke lie inke sath 6 v 4 mukhi rudraksh bhi dharan karna chahie. surya, chandra, mangal v guru is lagn ke lie akarak hain atah inke lie ratn ki apeksha 1, 2, 3 v 5 mukhi rudraksh dharan karen. yadi shukra, shani v budh ashubh bhav men baithe hon to ratn ki apeksha 6, 7 v 4 mukhi rudraksh dharan karna hi uchit hoga. vrishchik- vrishchik lagn ke lie surya, chandra, mangal v guru yogkarak hain islie inke ratn manik, moti, manuga v pukhraj dharan karen. mangal ke shashthesh hone ke ashubh prabhav se mukti hetu 3 mukhi rudraksh dharan karen. akarak shani, shukra v budh ke lie 7, 6 v 4 mukhi rudraksh dharan karen. yadi surya, chandra evan guru ashubh bhav men sthit hon to inke lie 1, 2 v 5 mukhi rudraksh hi dharan karen. dhanu- dhanu lagn ke lie guru, surya v mangal yogkarak hain. atah pukhraj, manikya v manuga dharan karen. mangal dvadshesh bhi hai islie 3 mukhi rudraksh pahnna bhi avashyak hai. ashtamesh chandrama ke lie 2 mukhi rudraksh dharan karen. akarak shukra, budh v shani ke lie 6, 4 v 7 mukhi rudraksh dharan karna shubhatva deta hai. yadi surya, mangal v guru ashubh bhav men baithe hon to inke lie 1, 3 v 5 mukhi rudraksh dharan karen makr- makar lagn ke lie shani, shukra v budh yogkarak hain atah nilam, hira v panna dharan karna chahie. surya, chandra, mangal v guru is lagn ke lie ashubh hain atah 1, 2, 3 v 5 mukhi rudraksh dharan karen. yadi budh, shukra v shani ashubh bhav men sthit hon to inke lie bhi ratn ki apeksha 4, 6 v 7 mukhi rudraksh dharan karen. kumbha- kumbh lagn ke lie shani, shukra v budh yogkarak hain atah nilam, hira v panna dharan karen. shani dvadshesh bhi hai aur budh bhi ashtamesh ka dosh hone se grasit hai islie ratnon ke sath 7 v 4 mukhi rudraksh dharan karen. surya, chandra, mangal v guru akarak hain atah inka shubh prabhav prapt karne ke lie 1, 2, 3 v 5 mukhi rudraksh dharan karna chahie. yadi budh, shukra v shani ashubh bhav men sthit hon to inke lie bhi ratn ki apeksha 4, 6 v 7 mukhi rudraksh dharan karen. min- min lagn ke lie shukra, budh v shani ashubh hain atah inke lie 4, 6, v 7 mukhi rudraksh dharan karna chahie. chandra, mangal v guru karak hain atah inke lie moti, munga v pukhraj dharan karen. ashubh bhav men sthit hone ki sthiti men ratn ki apeksha 2, 3 v 5 mukhi rudraksh dharan karna shubh rahega. shashthesh surya ka shubh prabhav prapt karne ke lie 1 mukhi rudraksh dharan karen. yadi kundali men sabhi grah uchch rashisth, svarashisth ya vargottami hokar shubh bhav men baithe hon to sabhi grahon ke ratn dharan kiye ja sakte hain. iske viprit yadi sabhi grah nich rashisth, shatru rashisth ya nich navansh men sthit hokar ashubh bhavon men sthit hon to inki shubhta hetu 1 se 14 mukhi rudraksh dharan karen. yadi kundali men adhikansh grah uchch rashisth, svarashisth ya vargottami hokar shubh bhav men baithe hon to sabhi grahon ke ratn dharan kiye ja sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.