वास्तु शास्त्र के मूलभूत तत्व

vastu shastra ke mulbhut tatva  

Ank ke aur Lekh | Sambandhit Lekh | Views : 1745 |  
vastu vigyan prithvi tatvon ke gun vishesh bal, ghurnan, chunbkiya dhruvon, jal, agni v vayu tatvon ke pravah arthat unke bahav ki dishaen, surya-kirnon ki mahatta ya unke udit v ast hone ki prabhavkarita tatha brahmandiya paridhi ke madhya jivatma ya pran tatva ke rup men svikrit avasiya svarup arthat grih nirman ki ekrupta va santulan pradan karne ki ek vishishta siddhantiya prakriya hai jo varshon purva is upmhadvip men rah rahe yaugikiya sadhkon v anusandhanakartaon ke athak prayason v sadhnaon ke madhya ek upalabdhi svarup falit hui jiski pramanikta rigved, matsya puran adi jaise prachinatam granthon men dekhi ja sakti hai. aisa gyat hota hai ki prachin gurukul ki shiksha ke antargat ane vale chaisth kalaon arthat vishyon ke rup men vastu shastra ki vidya bhi sanlagna thi. atah is pariprekshya men bharat ke prachin mandiron men tirupti ke bhagvan venkteshvar, ujjain ke mahakaleshvar, madurai ke minakshi adi mandiron tatha mishra ke piramidon ki nirman kala shaili vastu vidya ke ati mahatvapurna udahrnon men shamil hain. vastu shastra ke arth vishesh vastu vastu se utpann hua ek shabd hai, jiski kalpana ek vishesh satta ke rup men ki gai hai jismen nagar nirman ki yojnaon se lekr bhavan v chote-chote grihon ki nirman tak ki yojnaen bhi sammilit hain. kahin-kahin vastu shabd ki tulna vas shabd arthat ‘‘vas’’ se bhi hui hai. sanskrit bhasha ki shabdikta men vastu shabd ki ganna manushya v devtaon ke nivas sthan ke rup men ki gai hai. atah vastu koi paryayvachi sanbodhn nahin hai aur n hi is prakriya ka tatparya grih nirman ki sundrta, bhavya akash ki chuti unchaiyon, aishvarya, aisho aram jaisi bhautik sansadhnon se paripurnata v usmen sammilit ki gai majbut samagriyon se hai, balki iska tatparya us sthan par rah rahe manushyon ki mansik shanti, apsi sneh, uttam svasthya v sukh-samriddhi se hai. vastu siddhant ka svarup vastu siddhant prithvi ki charo dishaon, unke vargakar charon konon v un konon ke kendra bindu tatha panch mahabhuton akash, bhu, vayu, jal, agni adi v sahayak tatva-chunbkiya do mahadhruvon v uske pravah ke madhya santulit satta ke nirman ki ek prakriya hai, jinke vidhivat vivaran nimnagata kie ja rahe hain- purva disha yah bhag surya ke pratinidhitva ke antargat ata hai. nav udit surya ki svasthya vardhak, mansik v atmik shanti pradayak mahatvapurn rashmiya urja ka pravesh kshetra hone ke karn vastu shastra men is disha ka ati mahatvapurn sthan hai. dusri taraf is disha ko pitri v vanshdayak sthan ki sangya bhi di gai hai. atah navin urja v sfurtidayak tatvon ke pravesh hetu is disha ki or pravesh dvar v bari-bari khirkiyon ka hona atyant anivarya hai. pashchim disha yah shani grah ke pratinidhitva ki disha hai jise sukh-samriddhi, vyaktitva ke vikas, bhavyata, yash vriddhi, dhan, chanchlta v vayu tatva ke suchak ke rup men svikara gaya hai. uttar disha paitrik sthan ke rup men svikrit yah disha dhruv tare ki tarah sthirta ka pratik hai. budh grah v kuber ke pratinidhitva ke antargat ane vali is disha ko dhan-dhanya, vigyan-gyan v sukh-samriddhi hetu mukhya rup se vicharniya mana gaya hai. chunbkiya tatva ya gurutvakarshan shakti ki urja ka sanchar isi disha ki or se hota hai. is disha ki or khali sthan chorna v darvaje, khirki lagana ati labhaprad mane gae hain. dakshin disha is disha ko yam-nivas ke rup men svikara gaya hai jise prithvi tatva ki sangya di jati hai. shatrubhay, rog, kasht adi jaise hanikarak vishy isi disha ke antargat ate hain. is karan is disha ki or khirki, darvaje adi ke nirman ko sarvada varjit mana gaya hai. ishan kon purva v uttar disha ka yah trikonatmak kon guru grah ke antargat ata hai. mukh ya mastishka ke rup men tulya yah kon yash, kamna, paurush, samajik pratishtha, parivarik samriddhi adi jaise vishyon hetu mukhya rup se vicharniya hai. is karan is sthan ki svachchata ko ati anivarya mana gaya hai. bhumigt tanki, boring, jal sthan, adhyayn kaksh v mukhya pravesh dvar ke nirman hetu yah kshetra atyant upyukt hai. agney kon shukra grah ke pratinidhitva ke antargata ane vale is dakshin-purva kon ko tap, urja, agni adi jaise vishyon hetu mukhya rup se vicharniya mana gaya hai. uttam svasthya, tej v sharirik prablta jaise tatva isi kshetra ke antargat ate hain. rasoi, vidyut adi jaise agni ya urja se sanbandhit karya isi kon men sanpanna hone chahie. is kon ki divar ka rang lal athva gulabi hona chahie. vayavya kon uttara-pashchim disha ke is trikonatmak bhag ko vyavharik sanbandh, samajik utkrishtata va parivarik samriddhidayak kon ki sangya di gai hai. mehman-vas, rashan bhandar v manoranjan karyon hetu yah kon atyant upyukt hai. nairritya kon dakshin-pashchim ka yah kon rahu va ketu grahon ke pratinidhitva ke antargata ata hai. achar-vichar, vani adi jaise mahatvapurn vishay isi bhag ke adhin mane gae hain. ati sanvednshil samjhe jane vale is kshetra ko pita, kunvarane v chatron ke nivas hetu atyant upyukt kaha gaya hai. sukh-samriddhi hetu is bhag ke satah ka uncha hona ati anivarya hai. bhari saman ke rakhne, shauchalay, septik taink adi ke nirman karya bhi is sthan par purn karae ja sakte hain. pravesh dvar hetu yah kon varjit hai. kendra charon dishaon v unke charon konon ke bich ki is kendra bindu arthat ‘‘nabhi’’ ko brahm sthan ke tulya mana gaya hai jise prem, sneh, ekikrn arthat sanyukt parivar ki ekta ke pratik ke rup men jana jata hai. chand-sitaron ke karan, shitl tatvon ke pravesh tatha akash-patal ke madhya prakritik santulan ki kriya isi kendra sthan ke dvara niyantrit hoti hai. yah bhag angan ke lie upyukt hai. is bhag ki sath kachchi ya mitti ki honi chahie. akash kshitij arthat akash ya gagan ka tatparya grih ya bhavan par parne vali vriksh, khanbhe, devalay adi ki chaya v unke shubh v ashubh prabhavon se hai. bhu-tal bhutal ka tatparya prithvi tatva ki shuddhata v tatvik gunavatta se hai. is adhar par mitti ke rang, ardrata, gandh, urvarashakti, bhumi ki nishchit gahrai v usmen dabi avanchit samagriyon ke grih ya bhavn par parne vale prakop mukhya rup se vicharniya mane gae hain. vastu vidya ke upyogi sutra - bhumi khudai ke samay chinti, dimak, sanp ki haddi, purane kapre, kauri, rakh ya jali lakri v jang lage lohe ka milna shubh nahin hota. - bhumi ki dhalan uttar se purva tatha ghar ke chat ki dhalan ishan kon ki or honi chahie. - bhukhand ke uttar v purva ki or marg ya raste ka hona shubh mana gaya hai. - grih ke uttara-purva v ishan kon par sarvada halke saman rakhen. - sote samay sir dakshin ki or rakh kar soyen. uttar disha ki or sir rakhakar sona vastu niyamon men varjit hai. - ghar men anupyogi vastu jaise- khali palang, tuta shisha ya darpana v jang lage lohe ki koi vastu na rakhen. - nairritya kon ke bhag men kirayedar ya atithi ko nahin thahraen. - din men uttar tatha ratri kal men dakshin disha ki or mukh karke mal, mutra adi ka tyag karen. - bhojan sarvada purva athva uttara disha ki or mukh karke karen. - dhan arthat tijori ke mukh ko uttar disha ki or rakhen. - sirhiyon ke niche puja ghar, shauchaly v rasoi ghar ka nirman n karen. - ishan kon men sirhiyon ka nirman varjit hai. - darvaje v khirkiyon ke kholte samay avaj ka ana tatha unka svatah khulna ya band hona ashubh mana gaya hai. - agney kon men yadi rasoi ghar n ho to us sthan ki divar par lal balb jalaen. feng shui dvara vastu-doshon ka nirakrn - pravesh dvar ke samne khanbha va gaddha ya anya koi dosh utpanna ho raha ho to mukhya dvar par pakua darpan lagaen. ho to us kaksh ki divar par bagua yantra lagaen. - ghar men bim-da esh ke prabhav ko kam karne hetu lal riban men bansuri bandhakar bim men tangen. dhyan rahe bansuri ka munh niche ki or ho. - ghar se nakaratmak urja ko dur karne hetu pravesh dvar par feng shui dvara vastu-doshon ka nirakrn - shayan kaksh men yadi kisi bhi prakar ka koi vastu dosh utpann ho raha vind chaim arthat pavan ghanti tangen. - mitti ya shishe ke patra men namk rakhakar shauchalay ke andar ki unchi satah par rakhen. aisa karne se is sthan par nakaratmak urja ka prabhav kam ho jata hai. - bhojan kaksh ki divar par darpana lagaen. - rasoi ghar men darpan n lagaen. - ghar men kantedar paudhe nahin lagaen.
Kya aapko lekh pasand aaya? Subscribe
Kya aapko lekh pasand aaya? Subscribe


vastu visheshank  December 2014

fyuchar samachar ke vastu visheshank men anek rochak v gyanavardhak lekh jaise bhavan aur vastu, vastu shastra ka vaidik svarup, vastu shastra ke mulbhut tatva, vastu shastra v dampatya jivan, udyog dhandhe kyon band ho jate hain?, flaita/plaet kharidne hetu vastu tathya, anubhut prayog evan sutra, vastu sammat sirhiyan bhi deti hain saflta, ghar men kya n karen?, vibhinn dishaon men rasoighar, vastudosh samadhan, vastu sanbandhi kahavten, vastu dosh dur karne ke saral upay, panchatatva ka mahatva tatha svasthya sanbandhi vastu tips. iske atirikt vastu par hue ek shodh karya par likha gaya sampadkiya, kariyar paricharcha, sukhi dampatya jivan ka adhar: shadi ke sat vachan, satya katha, hailth kaipsul, pavan sthal men bansvara ka prachin man tripurasundari mandir, jyotish v mahilaen tatha grah sthiti evan vyapar, panchapakshi ke rahasya, mantra v tantra sadhna ka svarup, karnabedhan sanskar, grih sajja evan vastu fengsui adi lekhon ko samayojit kiya gaya hai.sthayi stambh vichar goshthi ke antargat ‘piramid ka vastu men prayog’ vishay par vibhinn vidvanon ke vicharon ko prastut kiya gaya hai. asha hai fyuchar samachar ke pathkon ko yah visheshank vishesh pasand ayega.

Subscribe

Apne vichar vyakt karein

blog comments powered by Disqus
.