mansik tanav dur karne ke tips ajakal har kisi ki jindgi bhagdaur se bhari hai. har koi is tarah apne kam men laga hua hai ki mansik shanti to bilkul hi nahin hai. kisi ke bhi pas apne ap ke lie vakt hi nahin hai. agar ap mansik tanav se mukti chahte hain to niche likhe vastu prayog jarur apnaen. inko apnane se ap khud ko sakaratmak urja se bharpur mahsus karenge.
- rat men juthe bartan n rakhen.
- sandhya samay par khana n khaen aur n hi snan karen.
- sham ke samay ghar men sugandhit evan pavitra dhuan karen.
- din men ek bar chandi ke gilas ka pani piyen. isse krodh par niyantran hota hai.
- shayan kaksh men madirapan nahin karen anyatha rogi hone tatha daravne sapnon ka bhay hota hai.
- kantile paudhe ghar men nahin lagaen.
- kichan men agni aur pani sath n rakhen.
- apne ghar men chatkile rang nahin karayen.
- ghar men koi rogi ho to ek katori men kesar gholakar use kamre men rakh den. vah jaldi svasth ho jaega.
- ghar men aisi vyavastha karen ki vatavaran sugandhit rahe. sugandhit vatavaran se man prasann rahta hai. svasthya ke lie vastu tips - subah uthakar purva disha ki sari khirkiyan khol den. ugte suraj ki kirnen sehat ke lie bahut labhdayak hoti hain. isse pure ghar ke baiktiriya evan vishanu nasht ho jate hain.
- dopahar bad surya ki altravoylet kirnon se niklne vali urja tarangen sehat ke lie bahut nuksandeh hoti hain. inse bachne ke lie subah gyarah baje ke bad ghar ki dakshin disha sthit khirkiyon aur darvajon par bhari parde dal kar rakhen kyonki ye kirnen tvacha evan koshikaon ko kshati pahunchati hain.
- rat ko sote samay dhyan den ki apka sir kabhi bhi uttar evan pair dakshin disha men n ho anyatha siradard aur anidra jaisi samasyaen ho sakti hain.
- garbhavati striyon ko dakshin-pashchim disha sthit kamre ka istemal karna chahie. aisi avastha men purvottar disha ya ishan kon men bedrum nahin rakhna chahie. iske karan garbhashay sanbandhi samasyaen ho sakti hain.
- navjat shishuon ke lie ghar ke purva evan purvottar ke kamre sarvashreshth hote hain. sote samay bachche ka sir purva disha ki or hona chahie.
- hai bladapreshar ke marijon ko dakshin-purva men bedrum nahin banana chahie. yah disha agni se prabhavit hoti hai aur yahan rahne se bladapreshar barh jata hai.
- bedrum hamesha khula aur havadar hona chahie. aisa n hone par vyakti ko mansik tanav evan narvas sistam se sanbandhit bimariyan ho sakti hain.
- vastushastra ki drishti se divaron par silan hona nakaratmak sthiti mani jati hai. aise sthan par lanbe samay tak rahne se shvans evan tvacha sanbandhi samasyaen ho sakti hain.
- parivar ke bujurg sadasyon ko hamesha nairritya kon arthat dakshin-pashchim disha men sthit kamre men rahna chahie. yahan rahne se unka tan-man svasth rahta hai.
- kichan men apne kuking renj athva gais stov ko is prakar vyavasthit karen ki khana banate vakt apka mukh purva disha ki or rahe. yadi khana banate samay grihini ka mukh uttar disha men ho to vah sarvaikal spondilaitis evan thayroid se prabhavit ho sakti hai. dakshin disha ki or mukh karke bhojan banane se bachen. grihini ke sharirik-mansik svasthya par iska nakaratmak prabhav parta hai. isi tarah pashchim disha men mukh karke khana banane se ankh, nak, kan evan gale se sanbandhit samasyaen ho sakti hain.