shayad hi sansar men koi ek vyakti ho jo gulab ke ful se parichit na ho aur kisi ko akarshit n karta ho. kaviyon aur shayron ne bhi gulab ko apni shayri men bakhubi istemal kiya hai. gulab ki khushbu vatavrn men ek sammohan shakti paida karta hai. sabhi ke man ko mohne vala gulab ka ful n keval apni sundrta ke lie prasiddh hai, varan anek svasthyavarddhaka gunon ko apne men samae hai. gulab ko sanskrit men shatapatri, taruni mahakumari adi namon se jana jata hai. angreji men gulab ko roj kahte hain.

pure vishva men gulab ke paudhe pae jate hain. gulab ke ful kai rangon men paye jate hain- safed gulab, pila gulab, lal gulab, kala gulab adi. lekin sabse adhik prayog men ane vala gulab gulabi rang arthat pink rang ka hota hai. gulab ke do yog jyada vikhyat hain ek gulakand, dusra gulab jal.

ayurved ke granthon men gulab ke gujre ki charcha ki jati hai. ise vat, pitt, shasak dah, jalan, adhik pyas tatha kabj nashak kaha gaya hai. gulab shitlta pradan karta hai. ismen vitamin ‘si’ kafi matra men paya jata hai. iska sharbat hriday va mastishk ko bal v shitlta pradan karta hai. gulab kantivarddhak aur raktashodhak gun rakhta hai.

gulab svad men katu, tikya, kashay hota hai. gunon men shit, ruksh, rechak, mridu virechak, tridoshahar evan kantivardhaka hota hai. gulab ras rakt dhatu ko shuddh karne vala hai. iske sevan se pachan shakti tej hoti hai. dah, mukh dosh evan mukhpak hone par gulab ki pattiyane se nirmit ‘gulkand’ labhkari hota hai.

gulkand ghar par asani se banaya ja sakta hai. gulkand pasine ki adhik matra evan durgandh ko rokta hai. gulab se nirmit gulab jal netron ke lie amrit tulya mana jata hai. iske alava jal men gulab jal ki buden milakar snan karne se pasine ki durgandh dur hoti hai. gulab ke ful ki pankhuriyon men paryapt matra men vitamin ‘si’ paya jata hai. atah vitamin si ki kami ki purti ke lie iska upyog kiya ja sakta hai.

gulab ke upyog

pratidin dudh ke sath gulkand khane se kabj men aram milta hai. gulkand ki 5-10 gram matra pratidin khane se haddiyon ko bal milta hai. gulkand subah khane se mukhpak (chale) men labh hota hai. ti. bi se utpann sharirik kamjori men gulkand kafi labhdayk hota hai. sath hi iske sevan se fefron ko bal milta hai.

gulab ke fulon ko jal ke sath pisakar yakrit vale bhag par lep karne se sir dard men rahat milti hai. ankhon men jalan athva anya vikar hone par ankhon men gulab jal dalne se labh milta hai.

gulab ke ful, laung, akrkra aur chini ko kut-pisakar churn banakr gulab jal ke sath goliyan banakr chusne se mukhdurgandh men labh hota hai. gulab ki pattiyon ke svaras ki kuch bundane kan men tapkane se karnashul men rahat milti hai. gulab ke ark men chandan tel milakar malish karne se shitpitt se rahat milti hai. garmi ke dinon men kuch logon ko ghabraht aur bechaini mahsus hoti hai. us vakt dil ki dharakan tej ho jati hai. aise men gulab ke fulon ko subh dhokar chabakar khane se aram milta hai. gulab ke ark men shuddh rasaunt, fitkri ka fula churn, sendha namk aur mishri ko saman bhag milakr chan len, bund-banud netron men dalne se netra jyoti tej hoti hai.

gulab ki pankhuriyon ke sevan se masurhe aur dant majbut hote hain. danton se niklne vali durgandh dur ho jati hai sath hi payriya men bhi raht milti hai.

gulab ke aushdhiya gun

ankhon ki jaln

gulab ark ya gulab ke taja ras ko kale surme ke sath ankhon men dalne se ankhon ki jalan se raht milti hai tatha ankhon ki jyoti tej hoti hai.

kan darda

gulab ke ful ka taja ras kan men dalne se kan dard men aram deta hai.

sir darda

1. safed chandan ko gulab ark men pisakar mathe par lep karne se sir dard men aram hota hai.

2. gulab ki 10 gram pattiyon ko do choti ilaychi aur ek chammacha mishri men pisakar pratah basi munh pine se adha sisi sir dard men raht milti hai.

3. gulab jal men nausadar 1ah10 ke anupat men milakar char-panch bund nak men tapka dane, rogi nak se tapkai bundon ko andar khinche. thori der men hi adhe sir dard men chamatkari aram dekhen.

kabja

1. ek se do chammach gulkand subh aur rat sote samay gungune pani ke sath ya dudh ke sath lene se kabja men aram milta hai.

2. gulkand aur amltas ke gude ko saman anupat ke sath ek-ek chammach sevan karne se kabj men aram milta hai.

3. gulkand ko sanay ki patti ke sath sevan karne se bhi kabj men aram milta hai.

munh se chale

gulab ki pankhuriyon ko pani men ubalakar thanda karen. is pani se kulla karen ya munh men bhar thori der bad thuk dene se munh ke chalon men aram milta hai.

payriya, danton ki durgandh, masurhon ki sujan v khun ana

gulab ka pura ful kuchalakar khane se masudhe majbut hote hain. masurhon ki sujan v masurhon se khun ane men aram hota hai. danton se niklne vali durgandh dur hoti hai. payriya rog mane bhi rahat milti hai.

halka bukhar, jalan v garmi

gulab ki pankhuri 10 gram, 5 ilaychi, 5 dana kali mirch tatha 10 gram mishri ko ek sath piskr char-char ghante par pilaen.

dil ki dharkn

gulab ke churn men barabar mishri milakar ek-ek chammach ki matra men is churn ko gay ke dudh ke sath sevan karen. is churn men dhaniya churna bhi mila kar sevan kiya ja sakta hai. dil ki barhi hui dharakan men labh hota hai.

haija

adha kap gulab jal men ek ninbu nichor kar thori mishri mila len. 3-3 ghante par is mishran ko pilane se haija men turant aram hota hai.

sine men jalan, gale men jalan, ji michlana

ek kap gulab jal, chaithai kap chune ka pani, chaithai kap santre ke ras ke sath din men do-tin bar pine se sine v gale ki jalan, ji michlane men aram milta hai.

striyon ke pradar (lyukoriya)

gulab ke 10 gram patton ko piskr mishri milakar din men do-tin bar pilane se pradar, lyukoriya peshab men jalan se rahat milti hai.

purana kabja

char munakka v adha chammach saunf, do bare chammach gulkand saunf ke sath ubalen. jab adha pani bach jae to rat men sote samay pi jaen.

gulkand banane ki vidhi

1. taji gulab ke fulon ki pankhuriyan lekar usmen adhi matra men shahd milakar kanch ke bartan men 21 din tak dhup men rakhen. gulkand taiyar ho jaega.

2. taji gulab ki pankhuriyon men barabar matra men chini milakar 21 din tak dhup men rakhen to gulkand taiyar ho jaega.

3. yadi taji pankhuriyan n milen to sukhi pattiyon ko saf kar thori der pani men bhigokar prayog kar sakte hain.

Kya aapko lekh pasand aaya? Subscribe
Kya aapko lekh pasand aaya? Subscribe


vivah visheshank  March 2014

fyuchar samachar patrika ke vivah visheshank men sukhi vaivahik jivan ke jyotishiya sutra, vaidik vivah sanskar paddhati, kundli milan ka mahatva, vivah ke prakar, vartaman paripekshya men kundli milan, talak kyon, shadi ke samay nirdharan men sahayak yog, shani v mangal ki vaivahik sukh men bhumika, shadi men deri: karn-nivaran, dampatya jivan sukhi banane ke upay tatha kanya vivah ka achuk upay adi vishyon par vistrit jankari dene vale alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.