शंखों का रहस्यमय संसार

shankhon ka rahasyamay sansar  

Ank ke aur Lekh | Sambandhit Lekh | Views : 4064 |  
shankhon ka rahasyamay sansar pan. sitaram tripathi shastri prachin ganrath shankh sanhita evan hindu sanskriti, darshan tatha jyotish vigyan men shankhon ko mahatvapurn sthan prapt hai. sarvavidit hai ki shankhon ki utpatti samudra manthan se hui. shankhon ki utpatti ke rahasya ka sankshipt vivaran yahan prastut hai. shlok: lakshmi kaustubh parijatak sura dhanvantarishchandrama. gavah kamdudhaah sureshvar rambhadidevangnan ashvah saptamukh' haridhenu shankho vishan chambudhe. ratnaniti chaturdash pratidin kurvantu mangalam shankh sadhak ki manokamna puri kar uske jivan ko sukhamay banata hai. ved-puranon men bhi ullekh hai ki jahan niyamit rup se shankhnad hota hai, vahan anishtakari tatvon ka pravesh nahin hota. bhartiya sanskriti men shankh ko manglik chihn ke rup men sthan prapt hai. sabhi dharmik krityon men iska prayog hota hai. nau nidhiyon men shankh bhi ek amulya nidhi hai. gita men ullekh hai ki yuddh men bhagvan shrikrishn ka vishva prasiddh panchajanya shankh mahabharat sangram men vijay ka pratik bana. gita ke pratham adhyay ke shlok 12 se 16 tak shankhon ka mahatmya hai. mahabharat kal men yuddh bhumi men rojana vijay kal par shankhnad kiya jata tha. shankhon ko ayurved chikitsa men bhi mahatvapurn sthan prapt hai. ayurved men shankh bhasm ka prayog aj bhi pramukh rup se prachin kal se hota a raha hai. shankh ki bhasm ke prayog se vibhinn rogon se mukti milti hai. isi prakar shankh se pani pine se bhi vibhinn rogon se bachav hota hai. shankh nad karne vale vyakti ko shvas v hriday ki bimari nahin hoti hai. vaigyanik star par bhi iski pramanikta siddh ho chuki hai. vaigyanikon ka manna hai ki shankh dhvani ke prabhav se aspas ka vatavaran v paryavaran shuddh hota hai. shankhon ke prakar: shankh anek prakar ke hote hain, jinmen pramukh shankhon ka ullekh yahan prastut hai. shri ganesh shankh: yah ek chamatkari shankh hai. iski akriti bhagvan ganpti jaisi hai. yah pitabh hota hai. iski lanbai 2 se 5 inch tak hoti hai. iski utpaÿia himalay men kailash mansrovar men adhik hoti hai. iski sunr se banganga nikli hoti hai. sthapna vidhi: snnanadi se nivritt hokar pramanik ganesh shankh ko bhi snanadi kara den. fir ‘shri ganesh shankhay namah ganesh shankhay mam grih dhanavarsha kuru-kuru svaha.’ mantra ka munge ki mala se 108 bar jap kar pran pratishtha kar apne ghar men ya vyavsay sthal par uski sthapna karen, arthik samasya mukti milegi, ghar men sthir lakshmi ka vas hoga. iske prabhav se bimar udyog punah chalu ho jate hain. yah shankh karj v vastu dosh se mukti ka achuk sadhan hai. iske jal se snan karne se grahon ke pratikul prabhavon se bhi mukti milti hai. dhyan rahe, ise jagrat karne ke lie iski aradhna jal tatva vale munge, moti ya shankh ki mala se hi karni chahie. vishnu shankh: yah shankh shvetabh hota hai. iski rupakriti bhagvan vishnu ke vahan garur jaisi hoti hai. shastron men is shankh ko chandra shankh ki sangya di gai hai. yah shankh adhikatar kailash mansrovar, lakshadvip, gova, arab sagar, hind mahasagar aur prashant mahasagar paya jata hai. vaigyanik shodh ke anusar is shankh faesforas, gandhak, kailsiyam ki matra adhik hoti hai. koi garbhavati nari iske jal ka prayog kare, to uski santan sundar v svasth hogi. iske atirikt is shankh ke prayog se sadhak ke vyavsay men unnati hoti hai aur daridrata se mukti milti hai. vishnu shankh ki sthapna vidhi: snanadi se nivritt hokar pramanik vishnu shankh ko ‘¬ nam: vishnu shankhay mam sarva manovanchit fal pradan kuru-kuru svaha.’ mantra se siddh v pran pratishthit karen. fir is mantra ka 108 bar shankh ki mala se jap kar funk maren tatha vyavsay sthal par ya bhavan men ishan kon men sthapit karen. shankh men jal bharakar 5 bar achaman karen yah kriya niyamit rup se karen, chamatkari prabhav samne aenge. jis vyakti ke ghar men vishnu shankh hota hai, use sansar ke sabhi bhautik sukhon ki prapti hoti hai. purnima ki rat ko vishnu shankh men gangajal bharakar chandra ki sakshi men rakh kar pratah uska sevan karne se hridyaghat jaisi bimariyon se bachav hota hai. gomukhi shankh: is shankh ki utpaÿia mithe pani ke samudron men adhik hoti hai. yah mukhyatah maladvip, andman nikobar dvip samuh, shrilanka, ke hind mahasagar, arab sagar v bangal ki khari ke samudron men paya jata hai. kailas mansrovar men safed rang v pit varn ki abha vale gomukhi shankh pae jate hain. iski akriti gay ke munh jaisi hone ke karan ise gomukhi shankh kaha jata hai. pauranik shastron men iska nam kamdhenu gomukhi shankh hai. shankh ke upar gay singon jaise sing nikle hote hain. ise manokamna purti ka ek pramukh sadhan mana jata hai. yah durlabh v chamatkari hai. gomukhi shankh ki sthapna vidhi: snanadi ke bad ak ke patte par pramanik gomukhi shankh ko rakh kar us par ‘¬ namah kamdhenu gomukhi shankhay mam sarva karya siddhi kuru-kuru svaha.’ mantra ka 108 bar jap kar funk maren. fir shankh men gangajal aur lal gay ka dudh bharakar usse achaman karen tatha ghar aur vyavsay sthal par uska chirkav karen. is kriya se manokamnaon ki purti hoti hai. is shankh ke jal pan karne aur iska nad karne se asadhya rogon se mukti milti hai. panchajanya shankh: yah bhagvan krishn ka shankh hai jiska ninad unhonne mahabharat ke yuddh ke maidan men kiya tha. iska varnan gita ke shlokon men yatra-tatra hai. is shankh ki sthapna se vastu dosh se mukti milti hai aur ghar men prakriti ke panchon tatvon ka samanjasya bana rahta hai. manyata hai ki panchajanya ka nad karne se kort kachhri ke mamlon men vijay milti hai. rajnetaon ko chunavon men vijay ke lie panchajanya ka nad karna chahie. dharm ganrathon men ise vijay pradata aur samriddhi, yash, kirti aur manokamna purti karne vala bataya gaya hai. yah vivadon se mukti dilata hai. iska akar vamavarti shankh ki tarah hota hai. ismen panchanguli bani hoti hai. yah shankh mansrovar v anya samudri taton par milta hai. panchajanya ki sthapna vidhi: ghar, karyalay, karkhane ko vastu dosh se mukt rakhne ke lie is shankh ki sthapna ghar ke madhya ya mukhya dvar par athva ishan kon men ek fut gahre gaddhe men vastupurush ki tarah ulat kar karni chahie. sthapna ke bad is par havan ka vidhan bhi hai. sthapna ke purva shankh ko siddh aur pran pratishthit kar lena chahie. moti shankh: yah shankh moti ki tarah safed aur chamkdar hota hai. iski unchai char se panch inch hoti hai. iska akar piramid jaisa hota hai. iski utpaÿia kailash mansrovar men hoti hai. uchch gunvÿaa ke moti bhi isi shankh men utpann hote hain. iske atirikt yah arab sagar, hind mahasagar tatha kai dvipsmuhon adi men bhi paya jata hai. is shankh men gangajal rakhakar usse niyamit rup se achaman karne se hriday v shvas rogon se raksha hoti hai. moti shankh ki sthapna vidhi: ‘¬ namah moti shankhayah mam sharirasyah asadhya rog shighra mukti pradan kuru-kuru svahaah.’ mantra ka shankh ki mala se 108 bar jap kar moti shankh ko siddh aur jagrat karna chahie. pramanik moti shankh prapt kar apne ghar men puja sthal par sthapit karen. hriday rogi ko yah prayog avashya karna chahie. moti shankh men anek aushdhiya gun bhi hain. hriday rogiyon ko ismen gangajal bharakar kuch samay rakhne ke bad uska sevan karna chahie. manyata hai ki is shankh ke jal se bhojan banane se bhojan roganuon se mukt hota hai. iski bhasm ka karel ke ras aur gay ke dudh ke sath sevan karne se madhumeh se raksha hoti hai. tvacha rog se bachav ke lie iski bhasm ko nariyal ke tel ke sath mila kar lep karna chahie. ek raÿai shuddh shilajit ko garm dudh men milakar use shankh men bharakar sevan karne se sharirik aur smaran shakti men atyant vriddhi hoti hai. dakshinavarti shankh: yah shankh dain taraf khula hota hai. yah jis ghar men rahta hai usmen sthayi lakshmi ka vas hota hai. is shankh ki puja aradhna karne vale vyakti ki sari manokamnaen puri hoti hain. is ati durlabh aur mulyavan shankh men sare brahmand ki kalpana ki gai hai. is shankh ki sthapna se sadhak ki uske shatruon se raksha hoti hai, rog, agyan, daridrata se mukti milti hai aur vah dirghayu hota hai. dakshiavarti shankh ki sthapna vidhi: is shankh ko ‘¬ hin shrin shridhar karasthay lakshmipriyay dakshinavart shankhay mam chintit falan praptarthay namah.’ mantra ka shankh ki mala se 108 bar jap kar siddh aur pran pratishthit kar ghar men athva vyavsay sthal par sthapit karen. ismen safed gay ka dudh rakhakar achaman karne ka vidhan hai. yah shankh sakshat lakshmi ka rup hai. iski sthapna matra se lakshmi ka sthayi vas, vyavsay men unnati aur daridrata ka nash hota hai tatha karj se mukti milti hai. annapurna shankh: yah atyant durlabh aur ati mulyavan hota hai. yah 3 se 20 kilogram tak ka hota hai. yah dekhne men atyant chittakarshak hota hai. prachin kal men siddh rishi-maharshi annapurna shankh ki mahima se purnatah parichit the tatha iska prayog adhik karte the. annapurna shankh ki sthapna vidhi: snanadi se nivritt hokar ekant sthan men shvet ak ke patton par apna nam likhakar ‘¬ namah annapurna shankhay mam grih ann, dhan, jay, vijay, manovanchit falan pradan kuru-kuru svaha.’ mantra ka 108 bar jap kar un patton par is shankh ki sthapna karen. fir 21 din tak niyamit rup se ukt mantra ka ukt sankhya men hi jap karen. is kriya se shankh abhimantrit ho jata hai. abhimantrit ho jane par karya siddhi hetu shankh ke samaksh ‘¬ namah annapurna shankhay mam grih annapurna shankh dehi-dehi svaha.’ ka jap karte hue sadhna karen. annapurna shankh ek ati chamatkari shankh hota hai. jis ghar men yah shankh sthapit hota hai vah dhan dhanya se bhara hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


shankh visheshank  August 2009

jyotish men shankh ka kya mahatva hai, vibhinn shankhon ki upyogita, shankh kahan-kahan pae jate hai, shankh kitne prakar ke hote hai tatha ghar men ya pujasthal par kaun sa shankh rakha jana chahie aur kyon? yah visheshank shankhon se apka purn parichay karane men madad karega.

Subscribe

Apne vichar vyakt karein

blog comments powered by Disqus
.