शंख का महत्व और उपयोगिता

shankh ka mahatva aur upyogita  

Ank ke aur Lekh | Sambandhit Lekh | Views : 9544 |  
shankh ka mahatva aur upyogita pan. sunil joshi junnarakar shankhnad hindu dharm sanskritin men shankhnad ka vishesh mahatva hai. prachin bharat men shankh ghosh kar yuddharanbh ki ghoshna ki jati thi. shankh bhagvan vishnu ka pramukh ayudh hai. shankh ki dhvani adhyatmik shakti se sanpann hoti hai. shankhnad se hamare as-pas maujud asuri evan tamsik shaktiyan, rogon ke kitanu aur hanikarak jiv jantu dur ho jate hain. islie puja anushthanon men vatavaran ki shuddhi ke lie shankh bajaya jata hai. shankh ki utpaÿia shankh ek samudri kire ka raksha kavach hota hai. jab us samudri kire ka vikas ho jata hai to vah apne is avaran ko tyag kar ismen se bahar nikal jata hai. shankh vibhinn prakar ke hote hain jaise- mani pushp, ganesh, vishnu, gomukhi, paundra, moti, taigar, dakshinavarti, vamavarti adi. inmen dakshinavarti shankh atyant durlabh hai. shankhon ke akar-prakar ke anurup unhen mukhyatah tin shreniyon men vibhakt kiya gaya hai - madhyavarti, vamavarti aur dakshinavarti. inka sankshipt vivaran yahan prastut hai. madhyavarti shankh: madhyavarti ka mukh bich se khula hota hai. moti shankh madhyavarti hota hai. vamavarti shankh: yah baen hath se pakarakar bajaya ja sakta hai. iska munh bainn or khula hota hai, islie ise pan. sunil joshi junnarakar vamavart shankh kahte hain. dakshinavarti shankh: dakshinavarti shankh ka munh dain or khula hota hai. is shankh ko yadi ulta khara karke dekha jae to iske shirsh bindu se ghari ki disha men ek lahrdar akriti banti dikhai degi. anek dakshinavarti shankhon ke munh band rahte hain. iski puja ki jati hai. dakshinavarti shankh ka mahatva aur upyogita ¬ shankhadau chandradaivatyan kukshau varundevta. prishthe prajapti vidyadagre ganga sarasvati.. tvan sagrotpanno vidhritahkre. namit sarvadaiveshch panchajanya namo'stute.. dakshinavarti shankh ke shirsh men chandra devta, madhya men varun, prishth bhag men brahma aur agra bhag men ganga, yamuna tatha sarasvati nadiyon ka vas hota hai. shankh men lakshmi ka vas hota hai. islie jis ghar men shankh ki sthapna hoti hai, usmen lakshmi sthayi rup se vas karti hain. pulastya sanhita ke anusar, sthir lakshmi ki prapti ka ek matra upay dakshinavarti shankh kalp (prayog) hi hai. is prayog se rin, daridrata tatha rog adi mit jate hain aur sadhak ke ghar men har prakar se sanpannata ane lagti hai. dakshinavarti shankh ko apne ghar athva vyavsay sthal men vidhivat pran pratishthit karke sthapit kar nitya pratah uske darshan aur nimnalikhat mantra se use namaskar karen, chitt shant hoga, daridrata dur hogi aur lakshmi ki kripa bani rahegi. ¬ hriin shrin klin blun dakshinmukhay, shankhanidhye samudraprabhavay namah. dakshinavarti shankh men jal bharakar kisi stri, purush ya bachche ke upar chirkne se rog, najar dosh, grahon ke kuprabhav, jadu-tona adi se uski raksha hoti hai. dakshinavarti shankh men gay ka dudh bharakar bhagvan shiv ko arpit karne ya usse unka abhishek karne se vah shighra prasann ho jate hain tatha bhakt ki manokamna puri karte hain. dakshinavarti shankh ki puja vidhi grahan kal, holi, dipavli adi ke avasar par athva anya kisi shubh muhurt men dakshinavarti shankh ki nimn vidhi se puja karke sthapna karen. fir niyamit rup se dhup, dip dekar namaskar mantra se prarthana karen, sabhi manokamnaen purn hongi. pratahkal snan kar shuddh vastra dharan karen. fir ek chaiki par lal vastra bichakar haldi se range hue chavlon se asan par ashtadal kamal banaen. fir shankh ko panchamrit aur gangajal se snan kara kar saf kapre se ponch len aur us par dudh, roli aur kesar ke mishran se ekakshari mantra ‘shrin’ likhane. ab tanbe athva chandi ke patra mane rakh kar use asan par shraddhapurvak sthapit karen. ¬ hriin shrin klin shridhar karasthay payonidhi jatay. dakshinavriÿia shankhay hriin shrin klin shrikray pujyay namah.. dhyan mantra: nimnalikhit mantra se shankh ka dhyan karen. sarvabhrnbhushitay, prashasyangopangsanyuktay. kalpavrikshadhah sthitay, kamdhenu chintamni navnidhrupay.. chaturdasharatn parivrittay, mahasiddhi sahitay. lakshmi devtayutay, krishn devtakar lalitay.. shrishankh mahanidhye namah. pujn: upar varnit mantra se shankh ka dhyan, avahan karne ke bad roli, chandan, shvet pushp, dhup, dip, itra, karpur adi se uski puja karen. fir usmen gay ka kachcha dudh bhar den. stuti mantra: shankh ki nimnalikhit mantra se hath jorakar stuti karen. hriin shrin klin blun shri dakshinavartashankhay. bhagvte vishvarupay sarvayogishvaray. sarva ddhi samriddhi vanchitarth siddhiday namah.. shankh bijmantra athva shankh gayatri mantra ka yathashakti jap karen. jap karte samay bich-bich men mantra ke ant men svaha shabd ka uchcharan karte hue shankh ke dudh men nagkesar ki ahuti dete rahen. shankh gayatri mantra: panchajanyay vidmahe pavmanay dhimhi, tanno shankh prachodyat.. ant men mahalakshmi ke nimnalikhit mantra ka ek mala jap karen. ¬ hrin shrin klin blun ene mahalakshmi mam vanchitarthasiddhan kuru kuru svaha.. dusre din shankh ke dudh aur nagkesar ko kele ke vriksh men dal dane athva kisi pavitra nadi men pravahit kar den. ab shankh ki niyamit rup se dhup dikhakar aradhna karen.
Kya aapko lekh pasand aaya? Subscribe

Kya aapko lekh pasand aaya? Subscribe


shankh visheshank  August 2009

jyotish men shankh ka kya mahatva hai, vibhinn shankhon ki upyogita, shankh kahan-kahan pae jate hai, shankh kitne prakar ke hote hai tatha ghar men ya pujasthal par kaun sa shankh rakha jana chahie aur kyon? yah visheshank shankhon se apka purn parichay karane men madad karega.

Subscribe

Apne vichar vyakt karein

blog comments powered by Disqus
.