शंख स्थापना, उपयोग व महत्व

shankh sthapna, upyog v mahatva  

Ank ke aur Lekh | Sambandhit Lekh | Views : 9377 |  
shankh sthapna, upyog v mahatva nagendra bharadvaj bhartiya dharm shastron men shankh ka sthan vishisht evan mahatvapurn hai. shankh ka arth hai sankalp, sunishchay ka praktikaran. puranon men shankh ko ‘¬’ ka pratik mana gaya hai islie puja archana tatha anya manglik karyon par shankh dhvani ki vishesh mahÿaa hai. ek manyata ke anusar bhagvan vishnu ne shankhasur namak ek daitya ka vadh kiya tha, usi shankhasur ke mastak tatha kanpti ki haddi ka pratik hai shankh. dharmik manyata jo bhi ho, parantu vaigyanik drishti kon se kahen to shankh sagar ka ek jalachar hai jo ki jyadatar vamavart ya dakshinavart akar men bana hota hai. shastron men vibhinn sthanon par shankh ko samudra manthan se prapt 14 ratnon men ek mana jata hai. mahatva v upyog: shankh ko nidhi ka pratik mana jata hai. ise ghar men puja sthal par rakhne se anishton ka shaman v saubhagya men vriddhi hoti hai. puja, anushthan, arti, yagya tatha tantrik kriyaon men iska vishesh upyog kiya jata hai. shankh sadhak ke uski ichchit manokamna purn karne tatha abhisht prapti men sahayak hote hain. shankh ko lakshmi ji ka sahodar bhai mana jata hai. jo shankh dahine hath se pakra jata hai, vah dakshinavarti tatha jo baen hath se pakra jata hai vah vamavarti shankh kahlata hai. apni durlabhta evan chamatkarik gunon ke karan ye donan shankh anya shankhon ki tulna men adhik mulyavan hote hain. shankh ko yash, man, kirti, vijay aur lakshmi ka pratik mana jata hai islie ise vaidik anushthanon evan pujan kriyaon, parad tatha parthiv shivling ki sthapna, mandiron ke nirman tatha rudrabhishek karte samay upyog men laya jata hai. iske atirikt arti, havan, dharmik utsav, grih pravesh, vastu dosh shaman pujan adi nagendra bharadvaj shubh avsron par shankh nad kiya jata hai. pitri tarpan men shankh ka atyadhik mahatva hai. upar varnit puja anushthanon ke atirikt shankh ka upyog anya labh ke lie bhi kiya jata hai. ise dukan, makan, aefis, faiktri adi men sthapit karne se vahan ke vastu dosh dur hote hain tatha lakshmi ka vas v vyavsay men unnati hoti hai. shankh ko devtaon ke charnon mane rakha jata hai. puja sthan men dakshinavarti shankh ki sthapna karne se chirasthayi lakshmi ka vas hota hai. kamnapurti hetu shankh ki nar aur mada ki jori ki sthapna karni chahie. kaha jata hai ki ganesh shankh men jal bharakar pratidin garbhavati stri ko sevan karane se santan svasth v rog mukt hoti hai. kachua shankh ki sthapna se ann, dhan, lakshmi ki prapti hoti hai. isi prakar moti shankh ko ghar men rakhne v uski puja karne se adhyatmik unnati aur lakshmi ki prapti hoti hai tatha svasthya anukul rahta hai. shankh ka ayurvedik v vaigyanik mahatva: shankh ka ayurvedik evan vaigyanik mahatva bhi hai. vaigyanikon ke anusar shankh nad karne se vayu shuddh hoti hai tatha nakaratmak urja ka nash aur sakaratmak urja ka srijan hota hai. iski dhvani ke prasar kshetra tak sabhi kitanuon ka nash ho jata hai. hriday aur dama ke rogiyon ke lie shankh nad karna labhdayak hota hai. shankh nad karne se gale se sanbandhit bimariyon se bhi mukti milti hai. ayurved ke anusar shankhodak bhasm ke sevan se pet se sanbandhit bimariyan dur hoti hain aur rakt shuddh hota hai. shankh pujn: shankh devta ka pratik hai. gangajal, dudh, ghi, shahad, gur, panchadravya adi se iska abhishek kiya jata hai. dipavli, holi, navratri, ram navmi, guru pushya yog ya shukravar ko shubh muhurt men lal rang ke vastra par vishisht karmakand vidhi se shankh ki sthapna kar dhup, dip, naivedya se iska pujan nitya karna chahie. aisa karne se sabhi prakar ke asadhya rog, dukh v daridrya dur hote hain. anukul vastu ke lie shankh sthapna: ghar ke ishan kon men asan par shankh ki sthapna is tarah karni chahie ki uska dhara mukh uÿar ki or ho. isse sukh-sanpda aur parivar ke sadasyon men paraspar prem ki abhivriddhi hoti hai aur unka svasthya anukul rahta hai. shankh ko tulsi arpit karne se sabhi prakar ki siddhiyon ki prapti hoti hai. kintu dhyan rahe, yah kriya ravivar ko nahin karna chahie. ghar men ishan kon bahut mahatvapurn hota hai. is disha men dakshinavarti shankh men gangajal bharakar rakhne se ghar men lakshmi ka sadaiv vas rahta hai. ghar ke ishan kon men shankh ki sthapna karne se vidya ka nirantar vikas hota hai v parivar ke sadasyon ka mansik santulan bana rahta hai. is prakar shankh ki vidhivat sthapna aur niyamit puja aradhna se sukh-samriddhi, dirghayu, putra, lakshmi adi ki prapti hoti hai. sanbhvtah isilie kaha gaya hai, ‘‘shankh shabdo bhaved yatra tatra lakshmishch susthira’’..
Kya aapko lekh pasand aaya? Subscribe

Kya aapko lekh pasand aaya? Subscribe


shankh visheshank  August 2009

jyotish men shankh ka kya mahatva hai, vibhinn shankhon ki upyogita, shankh kahan-kahan pae jate hai, shankh kitne prakar ke hote hai tatha ghar men ya pujasthal par kaun sa shankh rakha jana chahie aur kyon? yah visheshank shankhon se apka purn parichay karane men madad karega.

Subscribe

Apne vichar vyakt karein

blog comments powered by Disqus
.