हस्तरेखा और आयुर्विज्ञान

hastarekha aur ayurvigyan  

Ank ke aur Lekh | Sambandhit Lekh | Views : 4969 |  
vidhata ne hamare bhavishya ko hamare sammukh karne ke lie anek vidhiyan prakriti men sanlagn ki hain jinhane ki hamare manishiyon ne ek shastra ke rup men preshit kiya hai, jaise ki jyotish shastra, ank jyotish vigyan, shakun shastra, svar vigyan, ramal shastra, vastu shastra, prashn shastra, muhurt shastra adi, aur inhin men ek hai samudrik shastra. hastarekha shastra samudrik shastra ka ek abhinn ang hai. samudrik shastra men ham manushya ke purn sharir par vichar karte hain aur uske uthne baithne, bolne chalne ke tarike se uske vyaktitva ki jankari prapt karne ke sath-sath bhavishya kathan karte hain, jabki hastarekha shastra men keval vyakti ki hastarekhaon ka adhar lekar bhavishya kathan kiya jata hai. aisi manyata hai ki hamari hatheli par pure sharir ko niyantrit karne ke bindu hain. isi tathya par ekyupreshar ki paddhati bhi adharit hai jismen hatheli ke vibhinn binduon par dabav (preshr) dvara sharir ke vibhinn angon ko thik karte hain. hamare mastishk ka bayan bhag hamare daen hath ko niyantrit karta hai evan dayan bhag baen hath ko. chikitsa vigyan batata hai ki hamara bayan bhag hamari bolchal, likhai, vaigyanik ganna aur vidvata ko niyantrit karta hai jabki dayan bhag hamare sangit aur kala ko sanrakshit karta hai aur yahi karan hai ki purush ko vigyan ka pratik mante hue baen mastishk ko niyantrit karne ke lie daen hath men ratn pahnae jate hain evan stri ko kala ka pratik mante hue daen mastishk ko niyantrit karne hetu baen hath men ratn pahnae jate hain. jyotish shastra men janm kundli shishu ke pratham rudan svar (pratham shvas) ke samay ki banai jati hai. isi prakar prashn vigyan men jis samay prashnakarta ke mastishk men prashn ubhrta hai, us samay ki kundli banai jati hai. shakun ya svar vigyan men kisi bhi karya ko praranbh karne se pahle shakun ya svar dekha jata hai. lekin hastarekha shastra men hastarekhaen shishu ke janm lene se pahle hi vidyaman rahti hain. iska arth hai ki vidhata ne vyakti ka bhagya janm lene se purva hi likh diya hota hai. to yah kab likha jata hai? chikitsa vigyan ka manna hai ki hatheli par mukhya rekhaen dhai se tin mahine ke garbh men hi ban jati hain, aur sukshm rekhaen, jinhen fingar prints (maikro lains) kahte hain, garbh men chah mahine ke hoete-hote purn rup se viksit ho jati hain. ayurvigyan ka manna hai ki hastarekhaon ka vistrit gyan 21ven kromojom men chipa hota hai arthat hamari hastarekhaen purnataya anuvanshik adhar par viksit hoti hain. is karan vyakti ka bhagya to usi din likh diya jata hai, jis din shukranu ki andanuon se yuti hoti hai. shesh samay to keval uske purn rup se viksit hokar sthul rup men dikhai dene men lagta hai. isi gyan ke adhar par hamare rishi muniyon ne svasth evan buddhiman shishu ke prajanan hetu garbhadhan muhurt ki sanrchna ki hai. is muhurt men garbhadharan se svasth shukranu hi svasth andanuon ke sath yuti kar svasth shishu ki utpaÿia karte hain. ayurvigyan men shodh ke anusar 21ven kromojom men aniyamitta ke karan bachchon men mansik aniyamittaen paida ho jati hain aur unki hastarekhaon men mastishk rekha evan hriday rekha donon apas men milakar ek rekha banati hui pai jati hain. ayurvigyan ka aisa bhi manna hai ki hriday rekha aur mastishk rekha apas men tab jurti hain jab garbhavastha ke praranbh kal men mata ko kisi bhi prakar ki mansik pareshani ya tanav ho. yah siddh karta hai ki garbhavastha hastarekhaon men badlav la sakti hai. yah satya bhi hai kyonki anuvanshik tathya to hastarekhaon ka srijan karte hi hain, garbhavastha ka lalan palan bhi jatak ke svasthya evan bhavishya ko badal sakta hai. hastarekha gyan men hast par jo kshetra mastishk ke jis bhag ko kriyanvit karta hai uske anusar hath ke vibhinn kshetron ko vibhinn grahon se jor diya gaya hai. jaise ki tarjani ke niche ke kshetra ko guru parvat kaha gaya hai kyonki iska sidha sanbandh mastishk ke gyan bindu se hai. madhyama ke niche ke kshetra ko shani kshetra kaha gaya hai kyonki yah mastishk ke karm bindu se jura hai. kanishthika ka mastishk ki vaigyanik ganna ke kshetra se sanbandh hai, atah iske niche ka kshetra budh parvat mana jata hai. anamika men do shiraon ka samavesh hai jabki baki sabhi ungliyon men ek shira hi sanchalan karti hai. mastishk ke adhikansh bhag par iska niyantran hai. is tarah sabhi ungliyon men iska mahatva sarvadhik hai aur yahi karan hai ki ise surya ki ungli ki upadhi di gai hai. kadachit isilie adhikansh ratnon ko isi ungli men dharan karne ka vidhan kiya gaya hai aur angreji men ring fingar ki upadhi di gai hai. jap mala ka ferna, tilak, pujan adi bhi iske mahatva ke karan is ungli se kie jate hain. vibhinn rekhaon ko bhi hastarekha shastra men unke fal ke adhar par vibhinn manyataen di gai hain. hriday rekha manushya ki mansikta ko evan mastishk rekha vyakti men sochne samjhne v nirnay karne ki kshamata ko darshati hai. jivan rekha vyakti ke svasthya ko evan bhagya rekha manushya ke karm aur vicharon ke samanjasya see utpann bhagya ko darshati hai. rekhaon mane chipe vistrit gyan ko janne ke lie parhie yah hastarekha visheshank.
Kya aapko lekh pasand aaya? Subscribe
Kya aapko lekh pasand aaya? Subscribe


hastarekha visheshank  July 2009

hastarekha visheshank men hastarekha ka itihas, vikas evan upyogita, vivah, santan sukh, vyavsay sukh, vyavsay, shiksha, svasthya v arthik sthiti hetu hastarekha ka vishleshan, hastarekha evan jyotish men sanbandh, kya hastarekhaen badlti hai, bhavishya men badlne vali ghatnaon ko hastarekhaon se kaise jana jae in sabhi vishyon ko ap is visheshank men parh sakte hai.

Subscribe

Apne vichar vyakt karein

blog comments powered by Disqus
.