हस्तरेखा सम्बन्धी कुछ नए तथ्य

hastarekha sambandhi kuch nae tathya  

Ank ke aur Lekh | Sambandhit Lekh | Views : 3183 |  
hastarekha sanbandhi kuch nae tathya dayanand varma aksar pucha jata hai ki yadi kisi vyakti ki hatheli ki tvacha kisi ghav ke karan aur ilaj ke bad nai tvacha bane, to kya us par purani tvacha vali rekhaen punah prakat hoti hain, ya fir unmen koi parivartan hota hai? uttar yahi hai ki nai tvacha ke niklne par rekhaen jyon ki tyon rahti hain, unmen koi parivartan nahin hota. shodhon se pata chala hai ki hastarekhaon ke banne ka karan manushya ka achetan man hota hai. achetan man par purva janm ke karmon ki chap hoti hai. is chap ko samanya bhasha men ‘janmajat sanskar’ kaha jata hai. ye sanskar manushya ke vartaman jivan ki ninv hote hain. is jivan ke karm, mata-pita ke jin tatha vatavaran milakar vyakti ke bhagya ka nirman karte hain. vartaman jivan ke shubh karm bhagya ko saubhagya aur dushkarm ya samaj virodhi karm bhagya ko durbhagya bana sakte hain. hast rekhaen vyakti ke saubhagya ya durbhagya ko pratibinbit karti hain. in rekhaon ke banne men keval achetan man ki bhumika hoti hai, hath ki tvacha ki nahin. achetan man se prerit hokar mastishk ki vidyut dharaen hastarekhaon ka nirman karti hain. jis prakar hriday ki dasha janne ke lie hriday rog visheshagya dvara taiyar isiji ke graf ko dekhakar chikitsak tadnukul dava deta hai, usi prakar mastishk ki vidyut tarangon dvara hatheli par nirmit rekhaon ke graf ka arth koi kushal hast rekha visheshagya hi bata sakta hai. janm ke samay shishu ke hath ki rekhaen uske purva janm ke sanskaron ke adhar par bani hoti hain. uske hosh sanbhalne par in rekhaon men hone vale parivartanon ka karan vartaman janm ke karm hote hain. bhagya vriddhi ke jitne upay shastron men batae gae hain, un upayonp r shraddhapurvak karya karne se bhagya men sudhar ho sakta hai. maran, uchchatan, vashikaran jaise tantrik anushthan bhagya ko durbhagya men badal sakte hain. iske viprit dan, punya, mantra jap adi bhagya men vriddhi kar sakte hain. upyukt ratnon ke dharan se mastishk ki vidyut tarangon par anukul prabhav parta hai. jiska achetan man adhik shaktishali hota hai, uski rekhaon men parivartan ki sanbhavna rahti hai. yah parivartan shubh hoga ya ashubh uske vartaman karmon par nirbhar karta hai. manushya yoni karmapradhan hai, islie karmon ki disha badlne se bhagya badal sakta hai. tatparya yah ki rekhaon men kinchit parivartan sanbhav to hai, kintu jaisa ki upar bataya gaya hai, yah vyakti ke achetan man par nirbhar karta hai. kisi ghav ya chot ke falasvarup inmen koi parivartan nahin hota.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha visheshank  July 2009

hastarekha visheshank men hastarekha ka itihas, vikas evan upyogita, vivah, santan sukh, vyavsay sukh, vyavsay, shiksha, svasthya v arthik sthiti hetu hastarekha ka vishleshan, hastarekha evan jyotish men sanbandh, kya hastarekhaen badlti hai, bhavishya men badlne vali ghatnaon ko hastarekhaon se kaise jana jae in sabhi vishyon ko ap is visheshank men parh sakte hai.

Subscribe

Apne vichar vyakt karein

blog comments powered by Disqus
.