हस्तरेखा द्वारा ग्रह स्थिति ज्ञान

hastarekha dvara grah sthiti gyan  

Ank ke aur Lekh | Sambandhit Lekh | Views : 13889 |  
hastarekha dvara grah sthiti gyan nagendra bharadvaj jyotish evan hast rekha vigyan men ek pramukh antar yah hai ki jyotish men janm ke samay se hi janmang niyat ho jata hai. jabki hamare karmanusar hamari hast rekhaen badlti rahti hain. is prakar ye rekhaen hamare parivartit bhagya ko darshati hai. hast rekhaon v lakshanon ke adhar par janm patri ke nirman ki vidhi di gai hai. parantu yah shastron ke gurh chintan, manan evan nirantar abhyas se hi siddh hota hai. is vishay ki siddhi ke lie hast tal men sthit svayan hast svarupa bhagvti panchanguli devi ki sadhna ka vishesh mahatva hai. acharyon ne hast rekha dvara janm patri ganna ki vidhiyan batayi hai parantu yah avashyak nahin ki hath dekhakar janm patri ka nirman purn rup se kiya ja sake. parantu gahan adhyayan v hast rekha ke mul ganrath ‘‘hast sanjivni’’ ki sahayta v adhyayan se hath dekhakar grahon ki janm patrika men sthiti ya jin vyaktiyon ko apne janmang patra par sandeh ho to is vidya ke dvara ham janmang men pare grahon ka milan avashya kar sakte hen ki vah sahi bhi hai ya galat hai. is sandarbh men kaha jae to yadi kisi ka hath chapta ya vargakar ho to char lagn ka janm hota hai, nukila tatha lanba hath sthir lagn v darshanik hath hone se dvisvabhav lagnon men janm samjha jata hai. samay gyat karne ke lie yadi vyakti ke donon anguthon men yav ka chihn ho to shukla paksh tatha ek anguthe men yav hone par krishn paksh ka janm samjha jata hai. isi tarah surya ki sthiti ka gyan kiya ja sakta hai parantu ismen mastishk rekha ka samapti sthal vishesh drashtavya hai mastishk rekha yadi chandra parvat par samapt hokar do ya tin bhagon men bant jae ya kras, yav ka chihn bane to vyakti ke janm samay surya kark rashi ya sinh rashi men samjha jata hai. yadi mastishk rekha ka samapan mangal parvat par ho to mesh ya vrishchik rashi men surya mana jata hai isi prakar yadi mastishk rekha shani parvat ke niche se nikli ho ya jivan rekha se chalakar bhi shani parvat ke niche pahanuchakar halki, fiki ya kamjor ho gai ho to vyakti ka janam makar ke surya ya kunbh ke surya men hota hai. is tarah surya ki rashi janakar janm mas bhi jana ja sakta hai. anguliyon ke adhar par kahen to yadi surya ki anguli tarjani se lambi ho to surya ki sthiti chaithe sthan se nave sthan tak hoti hai. yadi tarjani lambi ho to surya prayah dasven sthan se tisre sthan ke bich kahin hota hai. chandra parvat ki sthiti ke lie chandra parvat ke ubhar v chihnon par tatha is parvat se nikalakar kisi dusre parvat ki or jane vali rekhaon ko vishesh rup se dekha jata hai yadi surya parvat ki or chandra parvat se koi rekha ati ho to chandra ki sthiti mitra rashi ya svarashi men samjhi jati hai. isi tarah yadi mangal parvat kuch daba ya kata-fata ho tatha shukra parvat se rekhaen mangal parvat par ati hon to mangal ki sthiti shatru rashi ya shukra ki rashi men samjhi jati hai. budh parvat yadi surya ki taraf v surya parvat budh ki taraf jhuka ho to aisi sthiti janm patrika men budhaditya yog ko darshati hai. guru parvat yadi daba ho tatha jivan rekha se koi rekha guru parvat par ati ho tatha guru parvat par kras ka chihn ho to guru ki sthiti char rashiyon men samjhi jati hai. shukra parvat ki sthiti gyat karne ke lie sukshm adhyayan ki avashyakta parti hai yadi budh parvat se koi rekha shukra parvat tak ati ho tatha shukra parvat par ari richi rekhaen ya jal banta ho to shukra ko mitra rashi ya dvisvabhav rashi men samjha jata hai iske viprit yadi shukra parvat daba hua ho tatha sukshm nariyan najar ati ho to shukra grah ast, nich rashi ya shani rahu ke sath uski janmang men yuti samjhi jaengi. shani parvat mansal ho tatha shani v surya rekha suspasht ho to shani ki sthiti uchch rashi ya svarashi men samjhi jati hai. iske viprit yadi shani parvat daba hua v shani rekha tuti ya khandit ho to shain nich rashi, ast, ya shatru rashi men mana jata hai. parvaton rekhaon v chihnon ka bhali bhanti adhyayan kar v kaun sa parvat apne thik sthan par hai kaun sa parvat dayin ya bayin or jhuka hai. iska sukshmata se adhyayan karen, taduprant yadi parvat apne sahi sthan par ubhar lie hai to ve grah janm kundli men prayah kendra sthanon yadi ye apne sthan se bayi or jhuke hon to (2, 3, 5, 6) sthanon tatha dayin or jhuke hone par (8, 9, 11, 12) sthanon men hote hain. is prakar in mahatvapurn tathyon ke adhar par kaha jae to bhale hi hath dekhakar janmapatri nirman purn rup se n kiya ja sakta ho panrtu gahan adhyayan, abhyas, hathon ki banavat v rekhaon ke adhar par ham grahon ki janmang sthitiyon ko avashya jan sakte hain. nagendra bharadvaj
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha visheshank  July 2009

hastarekha visheshank men hastarekha ka itihas, vikas evan upyogita, vivah, santan sukh, vyavsay sukh, vyavsay, shiksha, svasthya v arthik sthiti hetu hastarekha ka vishleshan, hastarekha evan jyotish men sanbandh, kya hastarekhaen badlti hai, bhavishya men badlne vali ghatnaon ko hastarekhaon se kaise jana jae in sabhi vishyon ko ap is visheshank men parh sakte hai.

Subscribe

Apne vichar vyakt karein

blog comments powered by Disqus
.