भविष्य में होने वाले दहन लाभ कों जानिए

bhavishya men hone vale dahan labh kon janie  

Ank ke aur Lekh | Sambandhit Lekh | Views : 4353 |  
bhavishya men hone vale dhan labh ko janie bharti anand ek kahavat hai- 12 sal bad kuredan ke bhi din badlte hain. yah kahavat manushya par bhi charitarth hoti hai. kabhi-kabhi kisi vyakti ka adhikansh jivan kashton men gujrta hai. is dauran use dhan ke sath-sath anya sari sukh suvidhaon ke abhav ka samna karna parta hai. achanak uske jivan men ek aisa mor ata hai, jab use paryapt dhan aur anya sari sukh suvidhaon ki prapti ho jati hai. ji.tivi ke ek ‘laetri program’ ne chatron, majduron, grihiniyon aur samanya karya karne valon ko akasmat amir bana diya. akhbaron men bhi aksar khabren ati rahti hain ki gurabat men din bitane vale amuk vyakti ko akasmat dher sara dhan prapt hua. lakshmi kis par kab mehrban ho jae, kisi ko pata nahin. bil gets, rilayans ke dhiru bhai anbani, gulashan kumar, kiran bedi, film star akshay kumar, arnold shvarjanegar, lekhika je.ke. roling sab nimn ya madhyam varg ke log the kintu age chalakar inhonne apni mihanat aur kismat ki badaulat daulat, soharat aur ijjat hasil ki aur aj saflta ke shirsh par hain. har vyakti ke hathon ki rekhaon men achanak dhanpti hone ka yog to hota hai, kintu nakshatron ki pratikulta ya dosh ke karan falit nahin ho pata. hathon ki rekhaon, chihnon adi tatha grahon ke kin sthitiyon men akasmat dhan ki prapti hoti hai, iska vishleshan yahan prastut hai. bhagya rekha jivan rekha se dur ho, chandra se nikal kar koi patli rekha bhagya rekha men milti ho, jivan, bhagya v mastishk rekhaon men trikon banta ho aur ye rekhaen dosh rahit hon, ungliyan sidhi hon kintu hath patla n ho grah samuchit rup se viksit ho to jatak ko akasmat dhan ki prapti ki sanbhavna rahti hai. usen videsh, vyapar, yatra adi se bhi dhan prapt hota hai. vivah rekha doshrhit ho aur guru parvat par jae, hath bhari ho, ungliyan sidhi hon, mastishk rekha doshrhit ho aur hath men moti rekhaon ka jal n ho, to jatak ko sasural se ya kisi atmajan se akasmat dhan milta hai. surya rekha doshmukt hon aur anek hon, hath bhari aur komal hane, shani v surya ki ungliyan sidhi hon, bhagya rekha manibandh se sidhi shani par jae, to dhan labh prapti ki prabal sanbhavna rahti hai. chandra parvat se koi doshmukt rekha bhagya rekha men mile, bhagya rekha moti n ho tatha us par dvip n ho aur yah shani grah par samapt ho aur hath bhari tatha komal ho to anya logon se dhan prapt hota hai. bhagya rekha chandra kshetra se shani grah tak jati ho, jivan rekha se koi rekha shani grah tak jati ho, hath komal aur grah unnat hon, jivan rekha gol ho, bhagya rekhaen ek se adhik hon aur shani ki ungli lanbi tatha surya ki sidhi ho, to jatkan ko bare logon se dhan ki prapti hoti hai. jivan rekha gol aur mastishk rekha dvibhajit ho, surya rekhaen do hon, shani ki ungli sidhi tatha guru evan surya ki barabar hon, mastishk rekha doshmukt ho aur usmen trikon ho, hriday rekha men upar trikon ho, hath bhari aur grah uchch ho to akasmat dhan yog banta hai. is tarah akasmat dhan ki prapti ke ye kuch pramukh yog aur lakshan hain. kintu, hath men in tatha in jaise anya lakshanon ke hote hue bhi yadi jatak ko dhan ki prapti nahin ho rahi ho to iska arth hai ki uske grah pratikul hain aur dhan agaman men arachan dal rahe hain. is pratikul sthiti se mukti ke lie kisi guni, vidvan aur kushal hastarekha shastri se salah leni chahie.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha visheshank  July 2009

hastarekha visheshank men hastarekha ka itihas, vikas evan upyogita, vivah, santan sukh, vyavsay sukh, vyavsay, shiksha, svasthya v arthik sthiti hetu hastarekha ka vishleshan, hastarekha evan jyotish men sanbandh, kya hastarekhaen badlti hai, bhavishya men badlne vali ghatnaon ko hastarekhaon se kaise jana jae in sabhi vishyon ko ap is visheshank men parh sakte hai.

Subscribe

Apne vichar vyakt karein

blog comments powered by Disqus
.