आपकी हस्त रेखाएं और रोग

apki hast rekhaen aur rog  

Ank ke aur Lekh | Sambandhit Lekh | Views : 5307 |  
apki hast rekhaen aur rog dae. lakshminarayan sharma ‘mayank’ hatheli men sthit rekhaen evan parvat tatha un par pae jane vale chihn hone vali bimariyon ka sanket dete hain. grahon ke nishchit chihn bhi hote hain. yadi ye chihn hatheli men sanbandhit grah ke parvat par hon to ye shubh evan labhdayak mane jate hain. sharir se malotsarjan kriya ka karya shani se sanbandh rakhta hai. yadi shani, surya ka sanbandh ho jae to vyakti kabj se pirit rahta hai. prajanan ka karya guru ke hisse men ata hai. kamvasna shukra ke antargat ati hai. mahilaon men masik dharm ka niyantranakarta chandrama hota hai. prasav kriya mangal ke adhikar kshetra men hai aur budh nari sansthan aur snayu par niyantran rakhta hai. bhojan pachana surya ka karya isilie ratri men sote samay bayin karavat letne ka niyam hai. jisse hamara surya badlon men rahta hai aur isse surya kamjor ho jata hai aur hamari pachan shakti kamjor ho jati hai. ratri men bhojan karne ke piche yahi karan hai. isilie ham suryast se prayah 3 ghante purva ratri bhojan le lete hain. suryast ke samay bhojan n lene tatha jainiyon men suryast ke bad bhojan lene ke piche bhi sanbhvtah yahi karan pratit hota hai. hamare rishi-muniyon ne gahan ke samay bhi bhojan n karne ki jo bat kahi hai uske piche yahi karan hai ki surya grahan ke karan kamjor par jata hai. bhojan vishakt evan dushit ho jata hai. hamen surya se shakti, chandrama se ras, mangal se rakt, budh se vachlta, guru se buddhi, shukra se virya, shani se gati milti hai. hamari hatheli men shakti dene vali surya rekha evan svasthya rekha surya pavart ke samip hoti hai. yadi hath men hriday rekha kamjor ho aur bhagya rekhabhi spasht ho aur ayu rekha men se koi rekha kanishthika ke tisre parva par jae ya nimn mangal par kraes ka chihn ho ya ubhre hue chandra parvat par khare hue jhande ka chihn ho to vyakti badhjmi, apach, gais adi se pirit hota hai. jiske hath men bhagya rekha ka abhav ho aur umra rekha ke praranbh men yav ka chihn ho ya hatheli chapti ho akela budh parvat ubhar lie ho, umra rekha parkai badha rekhaen chapti hon. mastishk rekha par shani parvat ke niche yav ho inmen se ekadhik lakshan hone par vyakti gunga-bahra ho jata hai. hatheli men gol ghere ko grahon ke parvaton par hona achcha mana gaya hai lekin rekhaon par hona atyant ashubh hota hai. yadi yah hriday rekha par ho to vyakti ko andhapan ho sakta hai. upri mangal par gol hora hone se nantra kasht hota hai. yadi bhagyarekha ke pas bani hui tribhuj men dhan ka chihn ho to vyakti akal mrityu ka shikar banta hai athva is prakar ka chihn chatushkon men ho ya mastishk rekha budh parvat se shani aur surya parvat ke bich tak hi ho. shani parvat par nakshatra ka hona tatha umra rekha ke ant men kraes ya jhabbedar rekha hona vyakti ko asadhya rog hone ka sanket deti hai. yadi svasthya rekha kati piti ho, hriday rekha aur mastak rekha apne bich men ek dusre ke adhik najdik a gai ho to vyakti ko shvas rog hone ki ashanka rahti hai. yadi ayu rekha, hriday rekha aur mastak rekha ke ant men jhabbedar rekhaen hon parvaton par jali, yav ya kraes ka nishan ho, rekhaon par kale ya nile rang ke bindu hon, nakhun kare nilima lie hon ya tutne vale hon ya asvabhavik hon anguliyan muri hui hon, tvacha naram ho tathahath bhiga hua sa dikhai deta hai. to vyakti jivan bhar kisi n kisi rup men asvasth rahta hai. yadi ayu rekha, hriday rekha aur mastak rekha tinon ek jagah mil jaen anguliyon ke nakhunon men khari garariyan ho, nakh kinaron se tute hue hon, ayu rekha se shani parvat tak yav ke kai chihn hon tatha shani parvat par jati ka hona vyakti ko gathiya rog hone ka sanket deta hai. yadi ayu rekha parayav ya kala bindu ho to yah kisi bare rog ki suchna deta hai. rekha par kraes hona kisi durghaana ka heana tatha ant men kala dhabba heane chot lagne ki suchna deta hai. yadi ayu rekha ant men dvishakhi ho jae to yah vyakti ko daybitij hone ka sanket deti hai. yadi ayu rekha chairi ho aur rang pila ho ya janjirnuma ho to vyakt ikhrab svasthya ka malik rahta hai. ayu rekha ka achanak tut jana vyakti ki kisi bimari se achnak mrityu ka sanket deta hai. mastak rekha sidhi chalakar upar ki or mur jae ya mastak rekha ke ant men tvacha dhundhlapan lie hui si pratit ho. upri chandra par svasthya rekha jahan bhagya rekha ko kat rahi ho vahan panch chah nimnagami rekhaen hon in lakshanon vala vyakti jivan men kainsar se pirit ho sakta hai. shukra parvat par jali hona, nakh lanbe, ubhre hue aur tutne layak ho, shukra mudrika par ek nakshatra ka chihn ho aur uski ek shakha guru parvat tak jae, shukra mudrika ki tin rekhaen arddhachandrakar tukron men bikhri hui hon ye chihn vyakti ko sujak rog se pirit hone ke sanket hain. hriday rekh par kala bindu hona ya ayu rekha par nila dhabba hona, hath men svasthya rekha aur vah tuti-futi ho ya mastak rekha ke madhya men kala dhabba ho to vyakti ko visham jvar se pira hoti hai. yadi chandra parvat par dhariyan hon, masatak rekha par nakshatra ho, mastak rekha lahrdar ya tuti hui ho, mastak rekha ke ant men nakshatra ho, mastak rekha par kraes ho ya mastak rekha shani parvat par hi ruk jae. is prakar ke lakshan vyakti ki mansik bimari ka sanket dete hain. yadi vyakti ke hath men nimnalikhit lakshanon men se ekadhik lakshan ho to vyakti pathli rog se pirit ho sakta hai. mastak rekha shani parvat ke niche tuti hui ho aur chandra parvat par nakshatra ka chihn ho, chandra parvat par ast vyast rekhaen hon hriday rekha ka akar janjir jaisa ho hriday rekha aspasht ho. yadi chandra parvat par kala bindu ho aur dusra kala bindu shani parvat ke niche mangal maidan men ho, upri chandra parvat par ek jali ho, ayu rekha se ek shakha nikalakar is jali tak a jae to vyakti ko bhagandar rog hone ki ashanka rahti hai. yadi hatheli men rekhaen pile hon, svasthya rekha men tin char yav hon, guru parvat adhik utha hua ho, nakh lanbe aur gararidar hon tatha kalapan lie ho, mastak rekha shani parvat ke niche janjirnuma ho, koi rekha tinon mukhya rekhaon ko kat rahi hon. inmen se ekadhi lakshanon se yukt hath vala vyakti fefron ke rog se pirit rahta hai arthat use kshay adi rog ho jata hai. shani parvat par jali ho tatha koi rekha ayu rekha evan mastak rekha ko katakar jali tak chali jae, chandrama par kraes ho, nichle chandrama par asta-vyast rekhaen hon, svasthya rekh lahradar ho tatha shukra parvat se akar koi rekha ayu rekha ko katakar mastak rekha ko katti hui hriday rekha se mile aur jahan mile vahan kala bindu ho to vyakti madhumeh se pirit rahta hai. in lakshanon se yukt hatheli vala vyakti mastak jvar se pirit hota hai. yadi hatheli patli evan lanbi ho, anguliyan lachili hon ya hatheli se bari hon, mastak rekha tatha hriday rekha ke bich men chairai ho, parvaton ki taraf jane vali udhrvagami rekhaen adhik hon. yadi chandra parvat kafi ubhar lie ho visheshakar uske niche ka bhag tatha us par kafi rekhaen hon, chandra parvat par jati ho, ayu rekha ke ant me koi rekha nikalakar chandra parvat ki or ja rahi ho. aisa hone par vyakti ko mutra sanbandhi bimariyan pirit karti hain. nimnalikhit lakshanon men se yadi vyakti ke hath men ekadhik lakshan hon to lakva se pirit ho jata hai. donon hathon men shani parvat par nakshatra ka chihn ho, chandra parvat par jali ho, nakhon ki akriti trikon ho, donon hathon men ayu rekha ke ant men nakshatra tatha bhagya rekha ke ant men shani parvat par nakshatra ho, mastak rekha men se koi shakha nikalakar shani parvat tak jae tatha vahan trishakhi ho jae ya tin shukra mudra hon lekin tukron men hon, shani parvat par kraes ho mastak rekha men shani surya parvat ke niche yav hon, chandra parvat par jati ho tatha nakh tukre jaise hon. hast parikshan ka adhar purnatah vaigyani hai. is prakar hatheli ka parikshan bariki se kar vyakti ke jivan ki ghatnaon ka pata lagaya ja sakta hai uska bhavishya parha ja sakat hai usi prakar se is parikshan dvara vyakti ke sharir men pira dene vali vyadhi bimari ka pata lagaya ja sakta hai. lekin yah sab hast rekha vigyanvid ki yogyata par nirbhar karta hai kyonki yah nirantar shodh, manan, chintan evan vyavharik paksh anubhav par nirbhar karta hai.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha visheshank  July 2009

hastarekha visheshank men hastarekha ka itihas, vikas evan upyogita, vivah, santan sukh, vyavsay sukh, vyavsay, shiksha, svasthya v arthik sthiti hetu hastarekha ka vishleshan, hastarekha evan jyotish men sanbandh, kya hastarekhaen badlti hai, bhavishya men badlne vali ghatnaon ko hastarekhaon se kaise jana jae in sabhi vishyon ko ap is visheshank men parh sakte hai.

Subscribe

Apne vichar vyakt karein

blog comments powered by Disqus
.