अग्नि तत्व राशि सप्तम भाव में सूर्य

agni tatva rashi saptam bhav men surya  

Ank ke aur Lekh | Sambandhit Lekh | Views : 9449 |  
agni tatva rashi saptam bhav men suya acharya kishor saptam bhav se patni (stri jatak ke lie pati), vivah ka sukh, marak, videsh yatra, vyapar aur sajhedari ka vichar kiya jata hai. yadi is bhav men agni tatva rashi men surya ho, to jatak ki stri ghamandi hoti hai. vivah vilanb se hota hai athva vivahit hone ki sthiti men pati ka stri se matbhed hota hai. vyapar men saflta milti hai kintu satta men rahne vale logon men apas men pratidvandvita rahti hai. surya ke fal ka vichar uske bal ke anusar karak, akarak, shubh, ashubh tatha anya grahon ke sath uske sanbandh ke adhar par karna chahie. kalidas ke uttar kalamrit ke ansuar vivah, vyabhichar, kamashakti, vyabhicharini stri se shatruta, vipathagaman, sugandh sangit, ful, paushtik padathorran ke sevan, pan ke sevan, yatra bhang, dahi..........kpra adi ke prapti, virya, pati, pavitrata, pati ke vivahetar sanbandh, gupt ang, mutra, guda, vyapar, mithe pey, sudha, sup, ghi adi ke sevan, dan, shaurya, parajit shatru, vijay, gupt dhan, jhagre, maithun, dattak putra, ghi men bani vastuon ke sevan, bharya, maithun se se utpann sabhi gupt baton, chori adi ka vichar saptam bhav agni tatva rashi men surya ki sthiti ke adhar par kiya jana chahie. saptam bhav ka vivah paksh se vishesh sanbandh hai. vivah dhani parivar men hoga athva nirdhan men, stri hogi athva asundar, vivah pitri-matri paksh men hoga athva anyatra adi ka vichar isi bhav se kiya jata hai. yadi lagn kunbh ho aur surya par shubh grahon ki drishti ho, to vivah apne se bahut achche parivar men hota hai. yadi saptam bhav men vrish rashi ho aur shukra aur chandra kisi sam rashi men ho, to sundar stri ki prapti hoti hai. yadi saptam bhav, saptamesh aur shukra par chaturth, chaturthesh tatha chandra ka prabhav ho, to stri matripaksh se milti hai. saptam bhav men agni tatva rashi mesh men surya: yadi surya mesh rashi men saptam bhav men ho to aisi sthiti men sanbhrant parivar ki hone par bhi stri ka svabhav ugra hota hai, vah ghamandi hoti hai. jatak ko shvasur paksh se prachur dhan-sanpatti ki prapti hoti hai. is yog ka jatak lokapriya neta ho sakta hai. agni tatva rashi men surya ke pitt prakriti ke hone ke karan jatak ka svasthya achcha nahin rahta. karyakshetra men karmashil aur shaktishali logon ke sath sanbandh banta hai. samaj men samman aur pratishtha milti hai. surya se yadi chandra ka sanbandh ho, to jatak ke karyakshetra men atyant unnati hoti hai. vah jis kisi bhi karya men hath dalta hai, use saflta milti hai. yadi surya ka sanbandh budh se ho, to use har kshetra men saflta milti hai, apni buddhi aur kaushal se vah apne shatru ko parajit karta hai. guru ke sath surya ka sanbandh ho, to yah sone men suhage jaisa hota hai. yadi surya ka sanbandh shani se ho to jatak dhani to hota hai, kintu kabhi-kabhi vah nich karm se dhan kamata hai. surya aur shani ki is sthiti men shani kendra trikon ke svami labhesh surya ke sath kendra men ho, to donon papi grah vyapar men vriddhi karta hai, kintu yah tabhi sanbhav hai yadi shani ast n ho. yadi surya ka sanbandh shukra se ho, to shukra ka ashubh fal shighra milta hai. yadi shukra ashtamesh hokar saptam bhav men ho, to shatru surya ke sath hone ke karan vivah sukh nahin de sakta. shukra ki is sthiti ke karan jatak ka svasthya kharab rahta hai. mesh rashi men yadi shani aur chandra surya ke sath hon aur ast n hon, to shubh fal ki prapti hoti hai, kintu vaivahik jivan men ashanti rahti hai. kundli san. 1 men surya aur chandra amne samne hain. chandra par surya, budh, shukra, guru, mangal aur shani ki drishti ke karan lagn atyadhik balvan hai. shani apni hi rashi men kendra men lagn evan chandra se prakritik papi grah shani, rahu aur surya kendra men balvan hain aur charon char rashiyon men bhi grah sthit hain. uchch rashi ka prakri tik papi grah agni tatva rashi men agni tatva grah hokar kendra men param uchch sthiti men hai. vahin, budh evan shukra ke surya ke sath hone ke karan jatak ek bara vyapari hai. saptam bhav se vaivahik jivan ke atirikt vyapar aur sajhedari ke pakshon ka vichar bhi kiya jata hai. yah bhav in pakshon ka fal bhi deta hai. jatak par varsh 2008 se ketu ki mahadsha prabhavi hai, jo varsh 2015 tak chalegi. uske jivan ka yah kalkhand atyant shubh aur utkri sht siddh hoga. yogkarak grah shani ke sath ketu kendra men chandra se chaturth evan surya se dasham hone ke karan athah dhan arjit kar sakte hain. jatak rajniti men bhi nipun hain islie rajyasbha ke sadasya bhi hain. char lagn ka ekadash bhav ka svami surya badhak hai aur jayakarak shukra ke sath budh hai. kintu lagnesh shukra, bhagyesh budh aur ekadash bhav ke svami surya ke lagn evan chandra se saptam hone ke karan jatak ka vaivahik jivan achcha nahin bita kyonki dampatya jivan aur sukh ke grah shukra par surya ka prabhav hai. un par vivahetar sanbandh ka lanchan bhi hai kyonki chandra par papi grah shani aur mangal ki drishti hai jabki pancham men guru ke karan 1972 tak parhai likhai men dhyan diya aur fir shani ke karan 1991 tak vidya men nipun hue. budh ki mahadsha men jatak ne khub dhan kamaya aur ab ketu ki mahadsha men arbpti hone ja rahe hain. paise ke bal par rajniti men bhi saflta mili, kint yadi saptam bhav men surya mesh rashi men ho aur uske sath ashtamesh shukra ho to dampatya sukh nahin mil sakta. is lagn ke lie ekadash bhav ka svami surya badhak hokar saptam bhav men aur ashtamesh shukra saptam bhav men aur saptamesh mangal par shani ki drishti ke karan jatak ka dampatya jivan kabhi sukhamay nahin ho sakta. shani ko panchmhapurush yog prapt hai aur surya aur chandra amne samne hain. guru ki drishti chandra par hai aur rahu kark rashi men dasham bhav men hai. in sab rajyogon aur kendra men grah hone ke bavjud jatak ko kalank laga hai. navansh men saptam bhav men uchch ka chandra aur dashmansh kundli men lagn kundli ka bhagyesh budh ka dasham bhav men hona jatak ke vyapar men barabar vriddhi hoti rahegi, fir bhi vivahetar sanbandh ka kalank laga rahega kyonki sabse balvan grah surya agni tatva rashi men agni tatva grah hokar saptam bhav men sthit hai. surya sinh evan dhanu rashi se trikon sthan men 7 ansh par param uchch sthiti men hai aur apne parakram se apne dampatya jivan ke lie manamarji chala rahe hain. yah kundli ek stri jatak ki hai. jatka mangli hai. saptam bhav mesh rashi men surya ke sath budh evan rahu bhi hain. char lagn ka ekadash bhav ka svami surya badhak hokar saptam bhav men uchch rashi men hone ke karan jatka ki pravritti purush jaisi hai. stri jatak ke lie kalatra karak grah guru nich rashi men chandra ke sath shani ki drishti jatka ko mansik tanav de raha hai. vartaman samay men rahu aur shani ki dasha ke prabhav ke karan athak prayatn ke bavjud jatak ka vivah nahin ho pa raha hai kyonki janmarashi par rahu ka aur chandra se ashtam men shani ka gochar har karya men badha dal raha hai. agni tatva rashi mesh saptam arthat pati ke bhav men pati ke sath vicharon ka mel kabhi nahin ho paega kyonki saptam bhav par kisi shubh grah ki drishti nahin hai jabki uchch ka shukra, jo lagnesh aur ashtamesh bhi hai aur saptamesh mangal ashtam bhav men shani ki drishti men aur adhik dosh lag chuka hai. yadyapi guru ki drishti mangal par hai, kintu guru svayan nich ka hai. anubhav batate hain ki yadi saptamesh ashtam men aur ashtamesh saptam men ho aur us par guru ki drishti ho to vaivahik jivan kabhi sukhamay nahin hota. is kundli men saptamesh mangal ashtam bhav men agni tatva grah mangal adhik balvan hokar dampatya paksh ko kharab kar raha hai. vartaman samay men rahu ki dasha chal rahi hai. rahu saptam bhav men agni tatva rashi men hai jo vaivahik sanbandh ke tutne ka sanket karta hai. agni tatva rashi surya ko yadi lagn mana jae, to surya se saptam bhav men ketu aur ashtam bhav men shani par mangal ki drishti kisi bhi drishti kisi bhi halat men dampatya jivan ka sukh nahin de sakta. yadi vivah ho bhi jae to sanbandh vichched ki sanbhavna prabal hai. stri jatak ke lie saptam ya ashtam bhav men agni tatva grah surya aur mangal ka hona kabhi shubh nahin hota. jahan tak guru ki bat hai, to vah nich rashi men aur shani ki drishti men hai. shukra ka uchchasth hote hue bhi chathe bhav men hona aur ashtamesh hokar chathe bhav men hona aur jivan men shukra ki dasha bhi nahin aegi. tatparya yah ki agni tatva rashi saptam bhav men surya mangal ke saman hi fal dega aur mangal bhi agni tatva hote hue ashtam bhav men hai islie dampatya jivan ke sukhamay hone ki sanbhavna ati kshin hai. saptam bhav men agni tatva rashi sinh men surya: agni tatva rashi sinh men surya saptam bhav men apni hi mul trikon rashi men hone se atyadhik balvan ho jata hai. is bhav men surya saptamesh hokar saptam bhav men balvan hai islie hai kyonki prakritik papi grah surya kunbh lagn ke lie patni bhav men visham rashi men lagn aair visham rashi men sthit surya patni ko balvan banana uchit nahin hai. balvan ka arth stri ke lie bahut adhik shubh nahin hai kyonki shubh grah saptam bhav men jitna balvan hota hai papi grah utna shubh nahin ho sakta islie stri ka ghamandi hona svabhavik hai. sinh rashi ke sthir rashi hone ke karan stri ganbhir pravritti ki hoti hai, vah pati par shasan karti hai, use daba kar rakhti hai. pati-patni men matbhed svabhavik hai. kabhi-kabhi patni ko pati ki bat par majburan chalna parta hai. aise men unka parivarik jivan sukhamay nahin hota. naukripesha hone par jatak ka bar-bar tabadla hota rahta hai. vah bhraman karta rahta hai. vah svayan uchchakankshi hota hai, uska vyavsay sthir hota hai, parantu vah kanjus hota hai kyonki lagn ka svami shani aur saptam ka svami surya ek dusre ke shatru hain. pati aur patni ke kharch par niyantran rahega, arthik sthiti majbut rahegi. parantu parivar men kuch n kuch ashanti bani rahegi. surya ka shani ke sath sanbandh jatak se kabhi-kabhi atyadhik mehanat karvata hai, use karmashil banata hai. ashtamesh budh ho to ayu ki sthiti sandehaprad rahti hai, kintu yadi guru ka sanbandh ho, to jatak ko stri evan santan ka paryapt sukh milta hai. surya ka shukra se sanbandh ho to parivarik sukh bhi paryapt milta hai. kintu shukra ke jayakarak hone ke karan yaun rog hone ki sanbhavna rahti hai. arthik sthiti men kami nahin karta. chandra se sanbandh hone par vyapar men kafi utar-charhav ate rahte hain. prakritik papi grah surya se prakritik papi grah mangal ka saptam bhav men sanbandh vaivahik jivan men katuta aur kabhi-kabhi vichched ki sthiti paida karta hai. kul milakar sinh rashi men surya ke sath kisi shubh grah ki sthiti ke falasvarup kuch shubhatva avashya milta hai. papi grah ki sthiti pap karmon ke prati pravritt karti hai. kintu prakritik shubh grah ashtamesh budh ke sath sthiti ke karan thora bahut sukh islie deta hai kyonki budh panchmesh bhi hai. prakri tik shubh grah shukra karak evan badhak hokar saptam bhav men shatru surya ke sath hone par yaun rogkarak hota hai. uski is sthiti ke falasvarup jatak ka dampatya jivan jitna sukhamay hoga utna hi kashtakarak bhi. iske atirikt apni is sthiti ke karan shukra use rog se pirit karega ya fir kamasakt karega. ais stri jatak ki kundli men guru akarak hokar vakra hai aur saptam bhav ko dekh rahe hanai. saptam bhav men surya, mangal evan budh ki ketu ki drishti hai. prakritik pap grah surya agni tatva grah surya agni tatva, rashi men agni tatva grah mangal ke sath budh bhi papi ho gae. chandra lagn se bhi surya mangal budh-ashtam men hai. islie jatak ka dampatya jivan sukhi nahin raha. jatak ke janm ke samay chandra ki mahadsha 1946 tak rahi. 1953 tak mangal rahu ki mahadsha 1971 se 1987 tak guru ki mahadsha men dhan ki prapti hui aur khyati bhi mili parantu lagnesh shani ki mahadsha 2006 tak jyotish vidya men dhan man samman mila. bharat ke bhut purva pradhanmantri shri bajpeyi ji se ati ghanishth sanbandh raha. budh ki dasha ate hi ashtamesh budh saptam bhav men unka svargavas ho gaya jab surya apni mul trikon rashi men guru ki drishti men sthit hai to surya ka fal shubh milna chahie tha. parantu akarak grah mangal dashmesh kendra ka svami hokar agni tatva rashi hote hue surya ke sath budh bhi papi ho gae. likhne ka tatparya yah hai ki chahe koi bhi grah saptamesh hokar ashtam men hai ya ashtamesh hokar saptam men ho, yadi rashi parivartan nahin karte to unka dampatya jivan sukhi nahin ho sakta. yahan ashtamesh budh saptam bhav men dashmesh mangal ke sath sthit hai. is kundli men lagnesh shani dhanesh guru ne rashi parivartan kiya hai. bhagyesh shukra bhagya sthan men brihaspati ki drishti men hone ke karan bhagya ko bhi chamkaya parantu ek stri jatak ke lie dampatya sukh ke atirikt baki sabhi sukh vyarth hain. budh is lagn ke lie panchmesh bhi hai trikon svami hone ke sath-sath ashtamesh bhi hai. guru ki drishti pancham bhav ko par rahi hai parantu ashtam bhav ko shani ki drishti par rahi hai islie ashtamesh ki dasha ate hi jatak ki mrityu hui. jahan tak agni tatva grah surya ka prashn hai surya lagn se saptam bhav men chandra se ashtam bhav men 200 men pu. fa. nakshatra ka svami shukra bhagya sthan men rahu ke sath guru chandal yog banaya hai. islie jiska bhi guru chandal yog fal milta hai. gyan hote hue bhi chandal ki pravriti a jati hai kyonki guru ko bhi rahu ki drishti par rahi hai. navansh kundli men agni tatva grah surya nich rashi men aur lagn ke ashtamesh budh navansh men pachanm bhav men mangal ke sath baithe hain islie sone men bhi dosh a jata hai. is jatak ki kundli men balvan grah shani jo ki lagnesh hai budh ke nakshatra men hai aur budh chandra lagan se ashtam men hai. raha prashn mangal ka mangal bhi agni tatva grah agni tatva rashi men surya ke sath ketu ke nakshatra men balvan hai islie yadi surya ke sath ketu ke nakshatra men balvan hai islie yadi surya ke sath mangal ya koi bhi agni tatva grah sath men ho aur budh bhi sath men ho to budh papi ho jata hai mangal ketu ke nakshatra men aur ketu tritiya prakray bhav men shukra se drisht hone ke karan mangal ko bhi adhik shakti mili hai. islie is stri jatak men purush lakshan adhik hain. mere vichar men purushon ki kundli men purush grah ka balvan hona aur stri jatak men shubh grahon ka prabhav hona uchit hai. ajakal ke samay men stri purush saman hain parantu yah prakriti ki vindbna hai ki jati badle, dharm badle purush purush aur stri stri hi rahti hai.. prakriti ke viprit karya nahin kar sakte. jab srishti karta ne purush aur stri do banae hain. donon ko apni-apni jagah men karya karna chahie tabhi dampatya sukh mil sakta hai. is kundli men saptam bhav sinh rashi apni mul trikon rashi men surya balvan hai parantu navansh kundli mane surya nich rashi men hai visheshakar saptam bhav vivah se sanbandhit hota hai. is kundli mane shashth, saptam, ashtam bhav men pap grahon ka hona charitra ko bigarta hai aur pancham bhav men akarak grah guru chandra mangal prem prasang ko barha rahe hain. jatak ke vivah ke pashchat bhi sanbandh barkrah hain. pati ke sath bevfai karva raha hai. kyonki vartaman samay men guru ki mahadsha aur guru chandrama se ashtam men chal rahe hain. saptam bhav ko kisi shubh grah ki drishti nahin hai. budh panchmesh ashtamesh hokar saptam bhav agni tatva grah surya ke sath papi bana hua hai. visheshakar pancham, saptam aur ashtam bhav ka balvan hona stri jatak ke lie vishesh shubh nahin hota. jatak ka vivah bahut kam umra men apni pasand se hua fir bhi dusron ke sath bhi sanbandh chalta raha. panchmesh budh ka sanbandh prem se hai aur budh-papi grah ke sath aur pap kartari yog men pirit hai parantu ashcharya ki bat he ki jatak ka sanbandh bahut kam umra ke larkon ke sath hai. mere vichar men chandrama ke sath yadi mangal ho aur kisi shubh grah ki drishti n ho to kam umra ke larkon ke sath sanbandh hona svabhavik hai. budh panchmesh hai aur agni tatva grah surya ke sath budh saptam bhav men sharir men atyadhik garmi deta hai. ashtam bhav men pap grah rahu ko shani mangal ki drishti gupt ang ko bigarta hai islie jatak sharirik sanbandhon ko apne kabu men nahin rakh pati. akarak grah guru ki dasha ane se pahle rahu ki dasha se hi yah sanbandh shuru ho chuka tha kyonki prakri tik pap grah rahu ashtam bhav men sthit hai rahu ki mahadsha ke bad bhi guru pancham bhav men hone se uski dasha men prem ko adhik barhava mila. islie stri jatak ke saptam bhav men agni tatva grah agni tatva rashi men surya sharir ko adhik garmi deta hai. saptam bhav agni tatva rashi dhanu rashi men surya: saptam bhav dhanu rashi men surya stri dharm parayan, kai vidyaon ki gyata, saubhagyavti evan gunvti hoti hai. fir bhi yadi prakritik pap grah surya ke shukra, mangal evan shani ka sanbandh ho to jatak men charitra dosh hota hai. jatak stri ki bat manne vala us par nirbhar rahne vala hota hai. uske bhai gunvan hote hain. samaj men achcha nam rahta hai. bhaiyon ke sukh men sukhi hota hai kyonki dhanu rashi se surya bhagya sthan ka svami hai. islie bhaiyon ke bhagya ka labh bhi unhen milta hai. dhanu rashi dvisvabhav rashi hone se asthir chit aur koi faisla lene men dikkat rahti hai. fir bhi agni tatva rashi men saptam bhav sinh rashi saptam bhav aur dhanu rashi ke saptam bhav men kuch bhinnata hai. surya mesh rashi men uchch ka sinh rashi men mul trikon rashi ka parantu dhanu rashi brihaspati ki mul trikon rashi hai islie krur papi evan ugra dhanu rashi nahin ho sakti. surya aur guru mitra hain islie saptam bhav men dhanu rashi men surya ko brihaspati ke adhik shubh sanbandh ke karan stri ke man ko adhik sukh ka prabhav deta hai. usmen brihaspati ke gun a jaenge aur stri ke gun, vidya, buddhi adi pranshsniya hota hai. fir bhi saptam bhav men surya dampatya sukh ko kuch n kuch jarur bigarta hai kyonki saptam bhav men koi prakritik pap grah ka prabhav kuch n kuch rahta hai. saptam bhav par pap prabhav rahta hai. brihaspati ek dharmik grah hai gunvan grah hai islie patni ke jivan men shubh gunon ko pradarshit karta hai jo ki dusri rashi men sanbhav nahin hai. paraus, ganv, shahar men bhi patni ki pratishtha dekhne ko milti hai. mithun lagn ke lie surya agni tatva rashi men hone ke bavjud mitra guru ke ghar men aur shukra men parivartan yog or mitra mangal ki drishti saptam bhav par par rahi hai. is kundli men mangal aur budh ka bhi parivartan yog hai chandra lagn se shashth saptam bhav men prakritik shubh grah guru shukra baithe hain jise chandra lagnadhiraj ka shubh fal bhi mil raha hai. uchch rashi ka chandra aur budh ek dusre ko dekh rahe hain. bhagya sthan ka shani bhagyesh hokar navansh men uchch ka shani, svagrahi mangal bhi balvan hai. navansh men uchch ka shani evan svagrahi mangal balvan hokar baithe hain. is karan kai rajyogon ke karan pratibha ji bharat ki rashtrapti ban pai parantu hamara tatparya agni tatva grah surya apne ghar se pancham trikon sthan men parakram ka svami hokar saptam bhav men shatru shukra ke sath, agni tatva grah mangal ki drishti pati patni ke madhya nishchit rup se kuch ashanti hogi. mesh rashi ka surya uchch ka char rashi ka aur sinh rashi sthir rashi, apni mul trikon rashi ke svami se dhanu rashi ka surya dvisvabhav rashi men itna adhik kharab nahin karvaya hoga. mere vichar men uchch ke chandrama se surya ashtam bhav men aur chandra lagn se budh saptam hone se pati-patni men algav nahin karvaya kyonki shukra guru ke madhya budh shubh kartari men sthit hai. yahan shani 00 men uchch navansh men hone se bhagya ka labh avashya mila parantu budh ki mahadsha men chandra ki antardasha aprail 2007 men rajya ki garvanar thi. bharat ke rashtrapti ka pad bhi budh ki mahadsha men hi mila lagnesh evan chaturth bhav ka svami budh shashth bhav men chandra se saptam bhav men, budh mangal ke parivartan yog ke karan yah rajyog prapt hua parantu jahan tak surya ka sanbandh hai surya dasham se dasham saptam bhav men balvan hai tabhi itne bare pad ki prapti hui. shastron ke anusar lagn, chandra lagn aur surya lagn tinon men se jo balvan hoga usi se kundli men fal ka vichar karna chahie. yahan par surya jitna balvan hona chahie utna balvan islie nahin hai kyonki surya n uchch ka, na svagrahi aur na hi mul trikon rashi men hai. is kundli men chandrama uchch rashi men 180 men balvan hai. surya aur chandrama lagabhag purnima ke as pas ka janm hai. surya kahin bhi baithe yadi mesh rashi men uchch rashi men ho to mul trikon rashi, svarashi se navam trikon, yadi sinh rashi men ho to mesh rashi se trikon, dhanu rashi men ho to sinh rashi se pancham trikon hai. islie saptam bhav men surya kendra sthan men balvan to hota hai. stri jatak ke lie saptam bhav pati ka sthan hai. mere vichar men budh ki mahadsha tak pratibha ji ko apne pati ke bhagya ka labh avashya milega kyonki saptam se navam bhav ka svami surya sinh rashi ka svami hote hue dhanu rashi men baithe hain. rashtrapti banne ke bad adhik barha-charha kar likhna uchit nahin islie ham itna hi kah sakte hain ki mithun lagn ke lie surya ka dhanu rashi men hona hi shubh hai kyonki stri evan purush jatak men kafi bhinnata hai. likhne ka tatparya yah hai jab se inki budh ki mahadsha shuru hui jatak ko islie rajyog mila kyonki chalit kundli se surya budh shukra saptam bhav men aur chandrama lagn men hai. jis jatak ko itna bara pad mila svabhavik hai ki surya agni tatva grah hokar agni tatva rashi men kendra men hona hi bahut bari bat hai. ashtam bhav men rahu ka hone se ke karan logon se galat afvahen bhi mili. fir bhi jis jatak men surya ke sath-sath chandra mangal guru budh shukra shani ye sabhi grah balvan hone se akela rahu kya kar sakta hai. rahu ki mahadsha 1963 men samapt ho chuki hai.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha visheshank  July 2009

hastarekha visheshank men hastarekha ka itihas, vikas evan upyogita, vivah, santan sukh, vyavsay sukh, vyavsay, shiksha, svasthya v arthik sthiti hetu hastarekha ka vishleshan, hastarekha evan jyotish men sanbandh, kya hastarekhaen badlti hai, bhavishya men badlne vali ghatnaon ko hastarekhaon se kaise jana jae in sabhi vishyon ko ap is visheshank men parh sakte hai.

Subscribe

Apne vichar vyakt karein

blog comments powered by Disqus
.