प्रश्न शास्त्र

prashn shastra  

Ank ke aur Lekh | Sambandhit Lekh | Views : 6283 |  
prashn shastra ka adhar kya hai? prashn kundli banane ke lie tithi, samay aur sthan kaun sa liya jana chahie aur kyon? prashn kundli ke vishleshan hetu kin-kin siddhanton ka palan karna chahie? prashn vichar hetu krishnamurti paddhati ke siddhant kya hai aur yah paddhati kis had tak saksham hai? uttara: hindu pauranik kathaon ke anusar brahmaji, vishnu bhagvan ke pas bhavishya se sanbandh rakhne vali chintaon ke samadhan hetu prashn sikhne ki ichcha se gaye, tab se prashnashastra ki utpatti mani gayi hai. prashn shastra ke dvara bhavishya suniyojan ke lie sahi disha men salah dena, yatha shakti prayatnon ke lie marg batlana hai. bahut se vyakti apne prayason ko ek disha men rakhte hue karya karte hain. lekin vahan saflta nahin milti hai to marg badlne ko vivash ho jate hain. aise men yadi unhen pahle jyotishiya margadarshan mil jata hai to unke jivan ka svarup kuch aur hi hota. ek vyakti apna bhagya uchit kriya prayason karmon se badal sakta hai. bhagya kabhi bhi nirdharit nahin hai. hamare vartaman karm hi bhagya ko achche karmafal ki sima men badal sakte hain. prashn shastra ki avashyakta evan adhar prashn shastra ki avashyakta jab mahsus ki gayi tab jatak ka janm samay, janm tithi tatha janm sthan upalabdh nahin ho pata tha tatha shuddh kundli ka abhav paya gaya aise men sahi fal kathan mushkil tha. jyotish, vedang ke chah angon men se ek hai jismen shiksha, kala, nirukt, chand, vyakaran tatha jyotish hai. jyotish men ganit, sanhita tatha hora tin skandh hai. 1. pratham skandh - ganit- ismen khagol vigyan aur jyotish ganit hai. 2. dvitiya skandh - sanhita-ismen prakritik tatha bhukanp, mausam, akal mahamari hai. 3. tritiya skandh - hora- ismen jatak ki janmakalin falit jyotish ka varnan hota hai. bad men jyotish ko chah skandhon men banta gaya jo ganit, sanhita, hora, shakun, muhurt aur prashn hai. 4. chaturth skandh - ismen shakun ya purvabhas, bhavishya men ghatne vali ghatnaon tatha tathyon ka prabhav ka samavesh hai. 5. pancham skandha: ismen muhurt (nakshatra, tithi, var, yog karn) anukul samay gyan karne ke lie 6. shashth skandh: ismen prashn, ghatna vichar ke samay kundli se jankari le lena shamil hai. is prakar prashn shastra chatha skandh hai, ismen ghatna ki satik bhavishyavani ki ja sakti hai, lekin janmakundli ka mahatva bhi kam nahin hai. jab janmakundli men koi ghatna pratyashit ho aur prashn kundli men uski punravritti hoti ho to ghatit hona nishchit hai. janmakundli aur prashnakundli ka antrik sanbandh pichle tatha vartaman karmon ki sthiti darshata hai. janmakundli par grahon ka shubh prabhav pichle janm ke achche karmon ki or sanket karta hai. jabki ashubh prabhav bure karmon ko batata hai. janmakundli men achchi dasha aur prashn kundli men bura samay vartaman jivan men prabal ashubh karmon ko darshata hai. yadi janmakundli men ek ashubh dasha aur prashn kundli men achcha samay vartaman shubh karyon ko darshata hai. donon kundliyon ka achcha, bura samay purva janm ke achche bure karyon ka sanbandh hai. prashn kundli ke lie tithi, samay sthan kya ho ? prashnakundli banate samay tithi, samay aur sthan ke liye thik usi siddhant ko apnaya jana chahie jis prakar kisi jatak ki kundli banayi jati hai. janmakundli kisi bhi din, samay aur sthan par banayi jaye lekin uske liye janm tithi, samay aur sthan vahi liya jata hai jo vastavik hota hai. isi prakar prashnakundli banate samay bhi prashn ka janm samay, tithi aur sthan vahi liye jane chahiye jis samay jatak ke man men prashn janm leta hai. kyonki yah vah samay aur sthan hota hai jab grah jatak ke man ko prashn ke liye spandit karta hai. uske pashchat prashnakundli banane ke liye ganna kriya kisi bhi samay ki ja sakti hai. parantu prashn ka samay aur sthan pahle vala hi liya jana chahie, jab prashn ne janm liya tha. iske viprit kuch jyotishiyon ka manna hai ki prashn kundli banane ke lie tithi, samay tatha sthan vah liya jana chahie jahan par prashn kiya gaya hai. prashn katrta jab jyotishi ke pas prashn karne aye tab ka samay liya jana chahie chahe prashnakatrta ne yah prashn apne man men kabhi hi soch liya ho. durbhash par kiye gaye prashn samay bhi vahi liya jana chahie. jab prashnakarta ka fon jyotishi ke pas ata ho ya jyotishi ke anupasthiti men uske ghar par aya ho. patra prapti ke mamle men prashn ka samay vah hoga jab jyotish ko vah patra prapt hove. sthan ke mamle men jahan jyotishi prashn kundli taiyar kare tatha falit kare vah sthan liya jana chahie. vastav men jab jatak videsh men ho aur prashn dilli men puch raha ho to hamen prashnakundli banane ke liye vahin ki tithi, samay aur sthan lena chahie, jis prakar janmakundli ka vivaran liya jata hai. koi vyakti bharat men kisi aur shahar se prashn patra dvara puchta hai to bhi prashn ki tithi, samay aur sthan jatak ko likhakar bhejni chahie ki kab prashn uske dimag men aya. aur jab jatak sakshat prashn puchne aya ho to prashnakundli ke liye tithi, samay aur sthan tatkal ka liya jana chahie. jahan tak sanbhav ho, ek bar men sirf ek prashn ka hi uttar diya jana chahie. parantu apat sthiti men jab prashnakarta ek se adhik prashnon ka uttar janna chahe to nimnalikhit vidhi se ek se adhik prashnon ka uttar diya ja sakta hai. pratham prashn lagn se dusra prashn chandrama se tisra prashn surya se chaitha prashn brihaspati se panchva prashn budh/shukra men se jo bali ho. chatha prashn budh/shukra men se jo balhin ho. dakshin bharat men jyotishi ek samay men 12 prashnon ka uttar kundli mane grahon ki sthiti aur iske navansh ke prayog dvara karte hain. pratham prashna- lagn se dvitiya prashn navansh lagn se tritiya prashn chandrama se chaturth prashn navansh chandrama se pancham prashn surya se shashtham prashn navansh surya se saptam prashn brihaspati se ashtam prashn navansh brihaspati se navam prashn shukra/budh jo bali ho dasham navansh shukra/budh jo bali ho ekadash prashn budh/shukra jo balhin ho dvadash prashn navansh budh/shukra jo balhin ho. samanyatya ek prashnakarta ke vividh prashnon ka uttar vibhinn bhav karyesh aur karak se kar sakte hain. yadi dusra prashnakarta bhi usi samay (lagn ke samy) a jaye to hamen us prashn ko chandra lagn se vishleshit karna chahie. yadi tisra prashnakarta ata hai to ham uske sabhi prashnon ka uttar surya lagn se de sakte hain aur isi tarike se brihaspati, shukra aur budh jo bali ho ke anusar kar sakte hain. prashn shastra men vishleshan ke lie drishtiyan tatha yog drashtiyan: prashn shastra men tajik drishtiyan bhi hoti hain jinka vivaran nimn prakar hai. 1. pratyaksh mitra drishti - 5, 9 2. gupt mitra drishti - 3, 11 3. pratyaksh shatru drishti 1, 7 4. gupt shatru drishti 4, 10 5. sama/tatasth drishti - 2, 12, 6, 8 grahon ki ek-dusre se 3, 5, 9 tatha 11 sthanon par drishtiyan mitra drishtiyan mani gayi hain tatha 1, 4, 7 aur 10 sthanon par shatru drishtiyan tatastha/sam drishtiyon ko drishti nahin mana gaya hai. grahon ka diptansh grahon ke prabhav kshetra ko diptansh kahte hain. ismen donon grahon ki ek hi rashi men hona anivarya nahin hai. in grahon ka ek dusre se 3, 5, 9, 11 sthiti men hone par mitra tatha 1, 4, 7, 10 hone par shatru drishti men diptansh sima men hone par mane jate hain pratyek grah ki diptansh is prakar hai. yog: lagnesh ki anya grah ke sath tajik drishti tin prakar ki hoti hai. ishraf, itthasal aur purn itthasal. ishraf: yah pichli ghatna ko suchit karta hai ki kuch na kuch ghatit ho chuka hai. chandrama ka karyesh ke sath ishraf ho tab vyakti man men kuch nishchit kar jyotishi ke pas ata hai. itthasal: yah bhavishya ki or tatha purn itthasal vartaman ko darshata hai. ikbal yog: jab sabhi grah kendra tatha panafar bhavon men ho to ikbal yog banta hai. yah yog shubh parinam deta hai. iska prayog janm kundli, varsh kundli tatha prashn kundli men saman rup se kiya ja sakta hai. prashn kundli men 8 bhav men koi bhi grah karya siddhi men badha utpann karte hain. induvar yog: jab sabhi grah apoklim bhavon (3, 6, 9, 12) men sthit ho to yah yog banta hai. aisa yog pratikul parinam deta hai lekin 9 ven bhav men grah shubh fal pradan karta hai. itthasal yog: jab shighra gati grah, mand gati grah ke piche ho tatha donon grahon yani ki lagnesh aur karyesh men paraspar tajik drishti ho tatha donon grah apne diptansh sima ki ausat men ho jaise surya ke diptansh 150 aur mangal ke 80 hain. in donon ki ausat 15$8 »1105’ hai ye donon grah anya sharton ko pura karne par ek dusre se 1105’ ke bhitar hai atah itthasal yog banta hai. yah bhavishya men ghatit hone vali ghatna ko suchit karta hai. lagnesh tatha ashtamesh bich itthasal vipattiyon badhaon ko darshata hai. ishraf yog: isak nirman tab hota hai jab shighra gati grah mand gati grah se 10 se age ho, donon ki paraspar drishti ho, donon grah apne diptansh sima ki ausat men ho. yah yog pichli ghatnaon ko darshata hai, yah pratikul yog hai. nakt yog: jab lagnesh aur karyesh ke bich koi paraspar drishti n ho aur ye donon ek tisre grah se sanyukt ho tatha ausat diptansh sima men ho, yahan tisra grah tivra gati ka hona chahie. radd yog: ismen lagnesh aur karyesh ka itthasal ho inmen se koi ek vakri, ast, nich ka 6, 8, 12 bhav men ho to ghatna ka sanbandh darshata hai. prashn kundli men vibhinn bhav se bhut, vartaman tatha bhavishya ka gyan is prakar kiya jata hai. bhav 1, 2, 3, 4 vartaman ka gyan 5, 6, 7, 8 bhavishya ka gyan 9, 10, 11, 12 bhut ka gyan prashn kundli ka parikshan karte samay nimn binduon ko drishtigat rakha jana chahie: lagn men udit rashiyon ke anusar shirshoday rashi - 3, 5, 6, 7, 8, 11 fal - karya siddhi ke lie shubh prishthoday rashi - 1, 2, 4, 9, 10 fal - samasyaen, badhaen, asflta ubhyoday rashi - 12 fal - madhyam fal, prayason se saflta prashn men udit char lagn vartaman sthiti men parivartan darshati hai. jaise yatra ke hone, bimari ke thik hone ki sthiti batati hai. char lagn par shubh grahon ki drishti se parivartan nishchit hota hai. ashubh grahon ki drishti hone par matra asha hi hoti hai, purn hona yah nishchit nahin hota. prashn men sthir lagn kisi bhi paristhitiyon men koi badlav nahin batati jaise - rogi hai to thik nahin hoga, yatra nahin hogi ityadi. û prashn men udit lagn dvisvabhav rashi ho to karya men deri tatha kathinaiyan batati hai sath hi iske ansh 0-15’ ho to sthiti sthir hoti hai yadi lagn 150-300 ke bich ho tab ise char lagn ke nikatatam samjha jaye aur uske anusar parinam dega. dvisvabhav lagn donon hi sthiti men deri evan prayason ke bad saflta darshati hai basharte ki vishleshan men karya siddhi lagti ho. sthir karya men sthir lagn sadaiv shubh hoti hai. jaise vyavsay naukri, makan kharidna adi. prashn ke lie lagn men shubh grah achcha hota hai tatha lagn ko bal pradan karta hai, jabki ashubh grah prashn ke lie achcha nahin hota. lagn men ek ashubh grah vivad, jhagra, nyayik mamle men achcha mana jata hai. prashn kundli men prashnakarta lagn hota hai tatha saptam bhav vipaksh ka hota hai. lagn men baitha grah saptam bhav ko tatha saptam bhav men baitha grah lagn ko shubh bana deta hai. lagnesh tatha karyesh ka sanbandh hona ati avashyak lagnesh lagn ka rashi svami tatha karyesh sanbandhit bhav ka svami, jis bhav se sanbandhit prashn hai, inki drishti ya yuti bhav fal dene men anukul mani jati hai. - lagnesh aur karyesh, lagn men sthit ho. - lagnesh aur karyesh karya bhav men sthit ho. - lagnesh aur karyesh men parivartan ho. - lagnesh lagn ko tatha karyesh karya bhav ko dekhe. - karyesh lagn men sthit hokar lagnesh ko dekhta ho. - lagnesh karya bhav men sthit hokar karyesh ko dekhta ho. - lagnesh karya bhav ko aur karyesh lagn par drishti rakhta ho. - lagnesh karyesh ko tatha karyesh lagnesh ko paraspar drishti men ho. - chandrama ki lagnesh, karyesh se yuti ho. - lagnesh tatha karyesh ek dusre ke nikatasth tajik drishti men ho. prashn ki saflta - prashnakarta ki ichchaon ki samanya jankari ho. - bali bhav ki sthiti dekhen. - lagn men shirshoday rashi ho. - lagn, lagnesh, chandrama bali ho tatha shubh bhavon men ho. - lagn, lagnesh shubh grahon dvara drisht ho. - kendra v trikon men shubh grah ho ashubh grah anya bhav men ho tatha 8 van tatha 12van bhav grah rahit ho. - ashubh grah 3, 6, 11 bhav men shubh hote hain. - bhav, bhavesh tatha karak ko shubh hona chahie. - lagnesh tatha karyesh shubh kartari ho. - shubh grah 3, 5, 7, 11 men achcha parinam dete hain. - shubh grah mithun, kanya, tula, kunbh rashi men hona shubh . - chathe bhav men shubh grah shubh hote hain. - uchch, svakshetri ya mul trikon rashi men grah us bhav ke shubh fal dene men saksham hota hai. - naukri vyavsay ke lie dashm/ saptam men shubh grah achcha hota hai. in shubh grahon ki drishti bhi achchi hoti hai. 1, 2, 5 bhav men shubh grah, samman aur samriddhidayak hai. prashn ki asflta - prishthoday lagn ko ashubh grah dekhe to ashubh - lagn lagnesh tatha chandrama balhin ho to ashubh - 6, 8, 12 bhav men lagnesh prashn ki asflta darshata hai. 6, 8, 12 bhav ke svami lagn men ho tab bhi asflta. - bhav ka svami 6, 8, 12 sthan par apne se chala jaye to bhi ashubh. - chandrama sthit rashi svami 6, 8, 12 men ho to bhi ashubh. - jhagre nyayalyon ke mamlon ko chorakar anya mamlon men lagn men krur grah shubh nahin. - lagn se tatha sanbandhit bhav se kendra trikon men ashubh grahon ki sthiti us bhav ke karakatva ko nasht karti hai. 8ven tatha 12 ven bhav par ashubh prabhav v drishti prashn ke lie pratikul hai. - lagn, lagnesh, karya bhav, karyesh pap kartari ho to asflta. - nich, ast, shatrukshetri grah us bhav ka karakatva khatm karta hai. - grah yuddh ke parajit grah pratikul parinam dete hain. - saptam bhav ka uchch, mul trikon athva svarashi ka grah yadi kam ansh ka ya kamjor ho to shubh parinam nahin de pata. - lagn men chandrama shubh nahin. - janm lagn se ashtam lagn, prashn lagn ho to ashubh, isi prakar janm ke chandra se prashn chandra ashtam ashubh hota hai. - lagnesh karyesh ka sanbandh n hona, prashn ki asflta hai. - lagn, lagnesh tatha karyesh par vakri grah ki drishti ashubh hoti hai. - vakri grah jis bhav men sthit hai uske karakatva ko nasht karta hai. vakri grah: jab vakri grah shubh bhav ka svami hokar shubh grah ho to karya ki punravritti deti hai, jo prashn ke lie shubh hai. jab vakri grah shubh bhav ka svami hokar ashubh grah ho to karya ki punravritti deti hai. badhaen tanav dekar shubh hai. jab vakri grah 6, 8, 12 bhav ka svami hokar shubh grah ho to prashn ki anukulta samasya aur badhaon ke karan sandigdh hai. jab vakri grah 6, 8, 12 bhav ka svami hokar ashubh grah ho to tanav, badhaen karya men asflta dete hain. karya bhav ka vishleshan lagn manakar bhi karna chahie. vishleshan ke siddhant lagnesh tatha karyesh ko sanbandh banane vale grah ka vishleshan men vishesh dhyan rakha jana chahie sath hi kundli men banne vale tajik yogon, unki drishti, vakri grah, nich, ast, shatru kshetri tatha 6, 8, 12 bhav ke svami grahon, rahu tatha ketu grah ke nikatatam anshon ki yuti drishti bhi falakathan. prashn kundli vishleshan men mahatvapurn hai jiska varnan upar ankit kiya ja chuka hai. chandrama ka mahatvapurn sthan hai jo ek prashn ki murti ki or ek mansik abhiruchi tatha ichcha ko suchit karta hai. yadi lagnesh tatha karyesh ke bich chandrama ka drishti ya yukti sanbandh ho to sakaratmak parinam samne ate hain. in tinon ka sangam triveni ka udagam sthal ban jata hai. krishnamurti paddhati krishnamurti paddhati ke antargat arurh nishchit karne ke lie prashnakarta se 1 se 249 ke bich ki koi sankhya puchakar arurh rashi sunishchit ki jati hai. iski suvidha ke lie krishnamurti ji dvara ek sarni taiyar ki gayi hai. jismen rashi svami, nakshatra svami tatha up svami ko 12 rashiyon ko 249 bhagon men vibhakt kiya gaya hai. prashn vichar hetu krishnamurti paddhati ke kuch mulbhut siddhant nimnankit hain. pratyek nakshatra ke vinshottari dasha ke anupat men nau bhag kiye gaye hain jinhen sab athva up-nakshatra kaha jata hai. adhik sukshm adhyayan karne hetu in up-nakshatron ke bhi nau-nau bhag kiye jate hain. inhen sab -sab athva up-up nakshatra kaha jata hai. up-up-nakshatra ka upyog visheshakar yugal jatkon ki kundliyon ke adhyayan men kiya jata hai. bhartiya bhav madhya paddhati ke viprit krishnamurti bhav praranbh paddhati pratipadit karte hain. bhav sadhan karne hetu inhonne pashchatya paddhati ko svikar karte hue ‘rafels tebal aef hauses’’ ke upyog par bal diya hai. prashn ke svarup ke adhar par kin bhavon ka adhyayan kiya jana chahie? is vishayak nishchit mat spasht kar diya gaya hai. udahrnartha-vaivahik prashnon ke lie dvitiya, saptam tatha ekadash mata ke lie chaturth evan pita ke lie navam tatha dasham bhavon ka adhyayan kiya jata hai. up-nakshatra svami kundli ke adhar par prapt hone vale fal darshata hai. bhavasth tatha bhavesh grah fal prapti ke margon ka sanket dete hain. up-up nakshatra svami ke sahyog se gyat hota hai ki koi ghatna ghatit hogi ya nahin. is paddhati men nishchit aynanshon ka upyog karne ki salah di jati hai. aynanshon ki varshik gati 50.2388475 vikla mani gai hai. yathasanbhav krishnamurti aynanshon ka hi upyog karna shreyaskar hota hai. kisi bhi grah ko purnatah shubh athva purnatah ashubh nahin mana gaya hai. sabhi grah donon hi prakar ke prabhav utpann kar sakte hain. samay nirdharan ke lie surya, chandra tatha dasha-antardasha svamiyon ke gochar bhraman ka adhyayan kiya jata hai. krishnamurti grahyogon tatha grahdrishtiyogon ko manyata dete hain. ismen uchch grah, svakshetra grah, mul trikon grah, mitra kshetra, shatru kshetra, nich grah adi baton ki apeksha up-nakshatra svami ko adhik mahatva diya gaya hai. kundli ke kisi bhi bhav men sthit vakri grah ko ashubh nahin mana gaya hai. inka manna hai ki kundli men sthit vakri grah napunsak athva balhin ho jata hai. isi prakar vakri grah ke nakshatra men sthit grah bhi vanchit parinam tab tak nahin dete, jab tak vakri grah margi nahin ho jata. krishnamurti paddhati ko adhunik prashn jyotish ke lie ek vardan ke rup men dekha ja sakta hai. is paddhati ki uproktanusar apni niyamavli hai tatha apne siddhant hain. unka gyan ho jane ke bad yah paddhati svatah spasht ho jati hai. dusre shabdon men unke niyam tatha siddhant ka gyan ho jane ke pashchat yah ek saral evan sugamya paddhati hai. inke niyamon ka palan karte hue tatha inke siddhanton par chalte hue ghatit tatha nikat ghat rahi ghatnaon ka vishleshan karne hetu ya fir kisi bhi prakar ke prashn vichar hetu yah paddhati lagabhag purnatah saksham hai a men nipunta/pravinta hetu nimn siddhanton ka palan karna chahie. 1. janm lagn, chandra lagn aur guru lagn se bhi yadi panchmesh budh, brihaspati, shukra ke sath baithe hon (kendra-trikon-ekadsh) to jatak bara vidvan hota hai. 2. ravi se vedant 3. chandra se vaidyak, kavya-kushlta, dharmik vichar aur adhyatm vidya. 4. mangal se nyay evan ganit 5. budh se vidyadhyayan aur vidyagrahan ki shakti, vaidyak. 6. vrihaspati se vidya-vikas, ved, vedant, vyakaran aur jyotish. 7. shukra se prabhav, prabhavshali vyakhyan shakti evan sahitya, gayan vidya. 8. shani se gyan, angreji tatha videshi bhasha. 9. shani aur rahu antarrashtriya (anyadeshiya) vidya. 10. budh tatha shukra se vidvata, panditya, uhapoh tatha kalpana shakti. a men nipunta/pravinta hetu nimn siddhanton ka palan karna chahie. 1. janm lagn, chandra lagn aur guru lagn se bhi yadi panchmesh budh, brihaspati, shukra ke sath baithe hon (kendra-trikon-ekadsh) to jatak bara vidvan hota hai. 2. ravi se vedant 3. chandra se vaidyak, kavya-kushlta, dharmik vichar aur adhyatm vidya. 4. mangal se nyay evan ganit 5. budh se vidyadhyayan aur vidyagrahan ki shakti, vaidyak. 6. vrihaspati se vidya-vikas, ved, vedant, vyakaran aur jyotish. 7. shukra se prabhav, prabhavshali vyakhyan shakti evan sahitya, gayan vidya. 8. shani se gyan, angreji tatha videshi bhasha. 9. shani aur rahu antarrashtriya (anyadeshiya) vidya. 10. budh tatha shukra se vidvata, panditya, uhapoh tatha kalpana shakti. janm lagn, chandra lagn aur budh lagn se bhi yadi budh dasham bhav se sanbandhit ho jo jatak bahut bara vyavsayi hota hai. 2. janm lagn, chandra lagn aur ravi lagn se bhi yadi ravi dasham bhav se sanbandhit ho to jatak bahut bara adhikari hota hai. 3. janm lagn, chandra lagn aur guru lagn se bhi yadi guru dasham bhav se sanbandhit ho to jatak bahut bara rajneta hota hai. janm lagn, chandra lagn aur shukra lagn se bhi yadi shukra dasham bhav se sanbandhit ho to jatak bahut bara sahityakar hota hai. 5. janm lagn, chandra lagn aur shani lagn se bhi yadi shani dasham bhav se sanbandhit ho jo jatak bahut bara sevak hota hai. 6. janm lagn, chandra lagn aur mangal lagn se bhi yadi mangal dasham bhav se sanbandhit ho to jatak bahut bara senadhipti hota hai. 7. janm lagn, chandra lagn aur punah chandra lagn se bhi yadi chandra dasham bhav se sanbandhit ho to jatak bahut bara kalakar hota hai. sa) shaskiya seva hetu nimn siddhanton ka palan karna chahie. 1. dasham bhav se shaskiya ashaskiya seva, udyog-dhandha, vyapar-vyavsay adi ka svarup gyat kiya ja sakta hai. 2. dvitiya shashth evan dasham bhav se seva prapt hone athva vyavsay praranbh hone ka sanbhavit samay gyat kiya ja sakta hai. 3. dasham bhav ka tritiya, pancham athva navam bhav se sanbandh banta ho to vyavsay/seva men parivartan ki sanbhavnaen barh jati hai. 4. seva mukti samay hetu pratham, pancham tatha navam bhav ki or dhyan kendrit kiya jata hai. pratham, pancham tatha navam kramshah dvitiya, shashth tatha dasham bhav ke vyay bhav hote hain. 5. dasham bhav se budh ka sanbandh aur budh ki mahadsha, antardasha aur pratyantar dasha bhi vyavsay praranbh/ seva prapti men sahayak hota hai. (da) rajnaitik saflta hetu nimn siddhanton ka palan karna chahie. 1. tritiya ekadash sanbandh adhikrit ummidvari ke lie kisi rajnaitik sanstha se tikit upalabdh kara sakti hai. 2. chaturth bhav se chunav spadrdha men yash prapt ho sakta hai. 3. shashth bhav vijay ki sanbhavna men vriddhi karta hai. 4. shashth, dasham aur ekadash se anukul parinam prapt hote hain. 5. lagna-ekadash sanbandh se sakaratmak parinam prapt hota hai. (sa) vivah vishayak prashnottar hetu nimn siddhanton ka palan karna chahie. 1. vivah ka kark-striyon ke lie guru aur purushon ke lie shukra hota hai. 2. tula rashi vaivahik sanbandh sthapit karne aur vrishchik rashi vaivahik mel-milap hetu karak mana jata hai. 3. saptamesh ya vivah ka karak shashth, asht ya dvadash bhav men ho to matbhed, prithakatva tatha talak hota hai. 4. saptamesh budh ho, saptamesh dvisvabhavi ho ya dvisvabhavi rashi men sthit ho to bahu vivah yog hota hai. 5. guru/shukra, saptamesh, dvitiyesh, navmesh athva dashmesh ki saptam men sthiti, drishti tatha yuti ki dasha, antardasha, pratyantar dasha men vivah ho sakta hai. mata-pita sanbandhi prashnottar hetu nimn siddhanton ka palan karna chahie. 1. chandra ki kendra men sthiti ganv/muhalle men hi apne sthan par sthir hai. 2. chandra ki kendra se bahar sthiti men vyakti ka apne ghar/ganv/muhalle men hona asanbhavit. 3. anya sthan sthit chandra ke kendra men pravesh, anya rashi men sthit chandra ke char rashi men pravesh ka samay kramshah laut ane ki sanbhavna, laut ane ke lie apne gantavya ki aur khana ho chuka hoga ki sanbhavna vyakt karta hai. 1. chaturth sthan tatha chaturthesh se mata ka vichar hota hai. 2. navama/dasham sthan tatha navmesh/dshmesh se pita ka vichar hota hai. 3. din men janm ho to shukra se aur ratri men janm ho to chandra se mata ka vichar hota hai. 4. din men janm ho to ravi se aur ratri men janm ho to shani se pita ka vichar hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha visheshank  July 2009

hastarekha visheshank men hastarekha ka itihas, vikas evan upyogita, vivah, santan sukh, vyavsay sukh, vyavsay, shiksha, svasthya v arthik sthiti hetu hastarekha ka vishleshan, hastarekha evan jyotish men sanbandh, kya hastarekhaen badlti hai, bhavishya men badlne vali ghatnaon ko hastarekhaon se kaise jana jae in sabhi vishyon ko ap is visheshank men parh sakte hai.

Subscribe

Apne vichar vyakt karein

blog comments powered by Disqus
.