देश विदेश की सफल हस्तियों के राज दर्शाती हस्तरेखाएँ.

desh videsh ki safal hastiyon ke raj darshati hastarekhaen.  

Ank ke aur Lekh | Sambandhit Lekh | Views : 6660 |  
desh videsh ki safal hastiyon ke raj darshati hastarekhaen bharti anand hath ki rekhaen kisi vyakti ke jivan ko disha deti hain. yadi shubh hon, to use patal ki gahraiyon se uthakar asman ki unchaiyon par pahuncha deti hain, aur ashubh hon, to khak men mila deti hain. jivan ke vibhinn kshetron men jo log asman ki bulandiyon par pahunche hain, unke piche unke hath ki rekhaon ki bhumika aham rahi hai. yahan tin pramukh kshetron, rajniti, sine jagat aur udyog jagat, men shirsh par pahunche safal logon ki hast rekhaon ka vishleshan prastut hai. atal bihari vajpeyi: jaisa ki ap chitra men dekh rahen hain, inka hath samkonik hai v adhar barabar hai. hriday rekha ka ant surya ki ungli ke niche ho raha hai. hriday rekha ki sthiti ke falasvarup log karyakushal hote hain. ungliyan bilkul sidhi hain v surya rekhaen ek se adhik hain jiski vajah se inhonne hamare desh par pradhanmantri ke rup men raj kiya. shani, surya, budh, mangal, rahu, ketu, chandra, shukra, guru adi ke bahut achchi sthiti men hone ki vajah se inhen desh videsh men bahut khyati mili. kintu mangal par rahu ki chaya parne se inhen svasthya sanbandhi shikayton ka samna karna para. advani advani ji ka hath bhi samkonik hai hue hai. hriday rekha spasht rup se guru parvat ke niche ja rahi hai jiski vajah se vah rajniti ki ek sashakt shakhsiyat ke rup men ubhre. soniya gandhi inka hath mishrit hai v mastishk rekha mangal grah tak ja rahi hai. hriday rekha ungliyane se kafi niche hai v mastishk rekha dvibhajit hai inke bhi adhar barabar hain. guru ki ungli surya ki ungli se kafi bari hai. ungliyan sidhi hain. guru, budh, surya evan chadra ki sthiti bahut achchi hai jiske falasvarup ek videsh men janm lene vali mahila ne bharat men apni chap chori v apni pratibha ka loha manvaya. ungliyon ka adhar barabar hone ke falasvarup unmen netritva kshamata apar hai. mastishk rekha ke saf suthri hone ke karan unki buddhi kushagrah hai. aisi striyan kisi bhi bari samasya ka satik samadhan nikal leti hain. inki jivan rekha darshati hai ki niyamon ke prati inka ravaiya sakht hai anushasnhin logon ke lie inke man men koi vishesh jagah nahin hoti hai.surya uchchakareti ka hone ki vajah se hamesha hi karmashil hoti hain. mayavti jaisa ki ap chitra men dekh rahe hain, inka hath mansal hai. jivan rekha, mastishk rekha v bhagya rekha men trikon hai. jivan rekha purn rup se golai nahin lie hue hai, kintu ungliyon ka adhar barabar hai. guru, budh, surya aur mangal hath men puri tarah santulit hain. bhagya rekha jivan rekha se nikalakar shani grah ki taraf ja rahi hai. shani unhen dabal shakti de raha hai, jiski vajah se hast rekhaon men bane dosh inki saflta men badhak banne se ruk gae hain. ek kathin jivan jine vali mahila ki tarakki vakai ashcharyajanak hai kyonki bhagya rekha jivan rekha se nikli hai. aisi mahilaen bahut hi karmath hoti hain aur marte dam tak raj karti hain v hamesha kisi n kisi charcha ka vishay bani rahti hain. manmohan sinh saral, saumya aur antarmukhi vyaktitva ke svami arthik sudharon ke praneta hain jo rijarva baink ke garvanar jaise uchch pad par asin rahne ke bad vishva ke sabse bare loktantra ke pradhan mantri ke rup men 5 sal ka karya kal pura karne ke bad aur adhik shaktishali hokar ubhre aur punah pradhan mantri banne vale shakhs ka nam hai manmohan sinh. jaisa ki ap chitra men dekh rahe hain, inki ungliyon ke charon adhar barabar hain, hath mansal v chaikor hai, jivan rekha dohri hai, mastishk rekha shani parvat ke madhya khatm ho rahi hai v mastishk rekha moti se patli ho gai hai. mangal ka kshetra saf suthra hai. ungliyan ke sabhi parva barabar hain arthat koi bhi parva chota bara nahin hai. hath gulabi v rui ki tarah komal hain. in sabhi lakshanon ki vajah se yah 10 varsh ka apna karyakal purn karenge. desh-videsh men inka samman bana rahega aur inka shatru paksh hamesha nirbal rahega. aise logon ke hathon se hamesha bhalai ke hi karya hote hain yah galat kamon se koson dur rahte hain aur samajik karya karte rahne men vishvas rakhte hain. barak obama amerika ke rashtrapti barak obama sarvashaktiman aur vishva bhar ki arthik aur sainya shaktiyon par niyantran rakhne vale goron ke desh men naslavad v rang bhed ko dhul chatate hue pahle ashvet rashtrapti banne vali shakhsiyat ka nam hai. is sarvochch pad par pahunchne men inke hath ki bhumika aham hai. jaisa ki ap chitra men dekh rahe hain, inki hatheli chairi aur adhar barabar hain. bhagya rekhaen jivan rekha se nikal kar sidhe shani parvat par ja rahi hain. jivan rekha ke sath-sath sashakt mangal rekha hai aur hath samanya se jyada bhari hai. ati balshali chandra, budh, shani, guru, shukra v rahu aur ketu inhen shatruon se larne ki takat de rahe hain. surya rekha ki sankhya ek se adhik hai. hriday rekha bahut hi sashakt hai jisne inhen karmath banaya. taktvar grah v spasht sundar rekhaon ne hi inhen takatavar ke sath-sath vishva prasiddh hasti banaya hai. ane vale samay men ye rekhaen apna aur adhik shubh prabhav dikhaengi. aishvarya ray balivud ki sabse sundar aur safal abhinetri hone ke sath-sath abhinay ki duniya ke shahanshah amitabh bachchan ke ghar ki bahu banne ka saubhagya prapt karne vali shakhsiyat ka nam aishvarya ray hai. aj unki hast rekhaen unhen abhishek bachchan jis kalakar ko dilli akashvani kendra se fel kar diya gaya aur reshma aur shera jaisi film men gunge ka rol diya gaya. kyonki uski avaj ke karan vah shaks bana hindi filmon ka badshah yah unhin ki santan hai abhishek bachchan ko shuruati daur men inhen itna achcha rispans nahin mila kintu hast rekhaon men aye dosh nikal jane ke bad inhen khyati milti chali gai. aj abhishek bachchan ek ‘sailibriti’ hain. to aie janie unki hath ki rekhaen kya kahti hain. jaisa ki ap chitra men dekh rahe hain, inka adhar barabar hai. jivan rekha gol hai, hriday rekha sidhe shani parvat ko chu rahi hai aur bhagya rekha shani se nikal kar shani tak ja rahi hai, jiski vajah se inki ginti safal kalakaron men hoti hai. ritik roshan apni pahli hi film ‘kaho na pyar hai’ se kamyabi ka jhanda garne vale ritik roshan jald hi sabke chahete ban gae aur film jagat ki ek mashhur hasti banne men inhen der nahin lagi. inke sidhe hath men do anguthe hain. mastishk rekha sidhi spasht rup se budh parvat ke niche samapt ho rahi hai jo apne ap men ek adbhut lakshan hai. jivan rekha ke sath mangal rekha bhi hai. hath chaira aur ungliyan lanbi hain. guru, shukra, aur surya grahon ke sath-sath surya rekha bahut spasht hai. budh grah bhi spasht sthiti darsha raha hai jiski vajah se aise log mahan hasti bante hain. ratan tata bhartiya udyog jagat ke lauh purush ka nam hai ratan tata. mul rup se purnataya svadeshi udyogon ko nirbharata dene ka shrey inhin ko jata hai. adhunik yug men ek se ek mahangi aur adhunik alishan karon ke jamane men am admi ke lie ‘lakh takiya’ kar neno ki prastuti ke karan ratn tata in dinon vishesh rup se charcha men hain. inke hath men jivan rekha purn rup se golai lie hue hai aur iske sath purn se se mangal rekha bhi hai jisne inhen bahut karya kushal banaya hai. mastishk rekha chandra kshetra ki taraf jhuk rahi hai v hriday rekha jivan rekha ke andar ja rahi hai jo ki ek vishesh lakshan hai aise vyakti jo sochte hain vah avashya karte hain. surya rekha adhar barabar, surya grah ka unnat hona hriday rekha ka ungliyan se kafi duri par hona, sabhi poron ka barabar hona, hath bhari v, gulani, v guru grah ka bhi atyant sashakt hone bhi manushya ko ek mahan karya karne ke lie janm lena hota hai. v ek mahan hasti ban kar ubhrte hain. anil anbani bhartiya arthavyavastha ka darpan kahe jane vale dhiru bhai anbani ke ghar men janme chote putra ka nam hai anil anbani vishvabhar ke sukh, sanpda v aishoaram ko janm ke samay hi prapt karne ka saubhagya inhen prapt hua. inki ungliyan patli v shukra kafi unnat hain jiske falasvarup inhonne sine jagat ki abhinetri tina munim se shadi ki v apni kanpni ‘ed laib’ kholi. bhagya rekhaon ki sankhya ek se adhik hone ke karan inhen bachapan se hi sabhi prakar ke sukh mile. sabhi ungliyon ka adhar barabar hai. guru ki ungli surya ki ungli se kafi lanbi hai jiski vajah se aj inhen vishva bhar men khyati mil rahi hai. jivan rekha thori si faili hai aur golai lie hue hai jiske falasvarup umra barhne ke sath-sath inhen dhan, yash v samman ki prapti bhi hoti rahi. bil gets vishva ke sabse amir vyakti ka darja prapt karne vale bil gets ne apni pratibha aur gyat ke balbute par kanpyutar taknik ko prasarit kar apar dhan sanpda prapt ki. aj vah kanpyutar jagat men apna ek alag sthan rakhte hain. inke hath men mastishk rekha guru ki ungli ke niche se nikalakar sidhe budh ki ungli ke niche samapt ho rahi hai. surya rekha jivan rekha ko chu rahi hai aur hriday rekha guru ki ungli ke niche samapt ho rahi hai. ungliyan lanbi v patli, hath mansal v adhar barabar hai. bhagya rekha ke sath juri anya barabar rekhaen, surya rekha ke sath chalti kai anya surya rekhaen aur sabhi sashakt grah ye sab unki unnati men sahayak rahe jinhonne unhen apar dhan sanpda tatha khyati di. tatparya yah ki rekhaen, grah, nakshatra, yav adi yadi shubh hon to vyakti ‘selibriti’ ban jata hai. bhagya uska sath deta hai, saflta uske kadam chumti hai, lakshmi uske ghar vas karti hai aur use sabhi sukhon ki prapti hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha visheshank  July 2009

hastarekha visheshank men hastarekha ka itihas, vikas evan upyogita, vivah, santan sukh, vyavsay sukh, vyavsay, shiksha, svasthya v arthik sthiti hetu hastarekha ka vishleshan, hastarekha evan jyotish men sanbandh, kya hastarekhaen badlti hai, bhavishya men badlne vali ghatnaon ko hastarekhaon se kaise jana jae in sabhi vishyon ko ap is visheshank men parh sakte hai.

Subscribe

Apne vichar vyakt karein

blog comments powered by Disqus
.