सुखी दाम्पत्य के ज्योतिषीय उपाय

sukhi dampatya ke jyotishiya upay  

Ank ke aur Lekh | Sambandhit Lekh | Views : 9147 |  
sukhi dampatya ke jyotishiya upay bhartiya jyotish shastra ke anusar vaivahik sukh evan sukhi danpatya jivan ke bare men kundli milan ki pradhanta hai. vivah ke bare men lagn kundli ke saptam bhav, saptamesh tatha pati evan patni ke karak grahon ki sthiti ka nirikshan kar yah jankari hasil ki jati hai ki jatak ka vaivahik jivan kaisa hoga. pan. ramesh shastri jab do jatkon ka vivah sanbandh sthapit hota hai, to unki kundli milan ki jati hai. kundli milan se donon ke sujh-bujh, nirnay shakti, sahan shakti, prem, anurag, prajanan shakti, ayu adi kai baton ka pata chal jata hai ki jatak sukhi honge, ya nahin. kabhi-kabhi yah bhi dekhne ko aya hai ki jatkon ki kundli mil nahin rahi hai, parantu vivah karna avashyak hai, ya donon men se kisi ek ki kundli nahin hai, to aisi sthiti men dosh parihar ke upay karne hote hain. kabhi-kabhi bina kundli milan ke vivah ho jate hain. bad men unmen paraspar algav ki sthiti utpann ho jati hai. aisi sthiti men bhi doshon ka parihar karna hota hai. aisi ghatnaen am sunne men ati hain ki amuk vyakti ko suyogya santan nahin hain, amuk ki santan agya manne vali nahin hai. amuk men prem nahin hai, amuk ki larki agya nahin manti, amuk larki asamay vidhva ho gayi hai. iska mukhya karan doshpurn kundli milan hota hai. kundli milan n hone ki sthiti men uska parihar avashyak hai. yadi jatak ki kundli men kuyog ha,e ya milan uttam n ho aur shadi karna avashyak ho, to nirakaran ke lie nimn upay karne hote hanai: shaligram, pipal vriksh, ak vriksh, kunbh se yathavidhi vivah kar ke godan, suvarn dan, mahamrityunjay jap adi kar ke vivah karne se saubhagya ki prapti hoti hai. isi vidhi se mangli dosh, nari dosh evan anya doshyukt kundli vale jatak ka vivah karaya jata hai. kundli milan se labh: kundli milan ke mukhyatah das ang hain, jinse nimn likhit labh hain: varna: barah rashiyon ko brahman, kshatriya adi varnon men banta gaya hai. varn ke milan ko vyakti ke vikas evan jatiya karm ka mapdand mana jata hai. isse vyakti ke vaivahik jivan ka vikas jana jata hai. vashya: kundli men vashya se yah jana jata hai ki jatak ke jivan men paraspar kitna prem aur akarshan hoga. tara: kundli milan ke samay tara se bhagya ke bare men jana jata hai. yoni: yoni se santan ke bare men jana jata hai. grah maitri: grah maitri paraspar sanbandhon ko spasht karti hai. iske dvara sanbandhon ki madhurta-katuta adi ke bare men jana jata hai. ganah kundli milan men gan dvara vaivahik jivan men samajikta ke bare men jana jata hai. nari: nari se vaivahik jivan men prajanan aur parivarik unnati ke bare men jana jata hai. bhakut: bhakut ashubh hone se vah jivan men dhan, santan aur svasthya ko prabhavit karta hai. shighra vivah ke jyotishiya upay: jatak ki kundli men kisi prakar ka kuyog, ya dosh hone se jatak ka vivah vilanb se hota hai. kuch jatkon ke vivah hone men bar-bar archnen ati hain. aisi sthiti men nimn upay karne se shighra hi manonukul vivah sanpann hota haiah var pane ke lie: shighra var prapt karne ke lie, shubh muhurt men, shukravar, guruvar (shubh nakshatra men) firoja ki mala dharan karen tatha mata gauri ka pujan karen. tatpashchat uparyukt mantra ka jap das hajar ki sankhya men karen. mantra jap ke samay mata bhuvneshvari yantra sammukh rakhen. uparyukt yantra ka vidhipurvak pujan kar mantra ka jap karne se shighra vivah hoga. mantra: ¬ klin vishvasurnam gandharvah kanyanamdhiptiah labhami. devadattan kanyan surupan salankaran tasmai vishvavsve svaha.. bhuvneshvari mantra: ¬ vahipreysi svaha. bhuvneshvari yantra ke sammukh yah mantra sava lakh ki sankhya men savidhi jap karne se shighra hi vivah badha nasht hoti hai. vijay sanudri mantra: ¬ vijay sundri klin. shri lalita tripur sanudri yantra ke sammukh vijay sundri mantra sava lakh ki sankhya men japne se vaivahik archnen nasht hoti hain aur manonukul vivah hota hai. kumar mantrah ¬ hrin kumaray namah svaha. shiv yantra ke sammukh kumar mantra sava lakh ki sankhya men japne se vivah badha dur hoti hai. avivahit var ke lie shighra vivahah durga yantra ke sammukh patni manorman dehi - mantra ka 10,000 path karne se shubh fal prapt hota hai aur shighra hi vivah ke prastav ate hain. lakshmi yantra ke samne 108 kanak dhara stotra ka path karne se labh hota hai. saundarya lahri ke 21 path pratidin 30 dinon tak karne se achcha labh hota hai. shri yantra ke sammukh shri sukt ka path 1600 ki sankhya men karne se labh hota hai. sukhi vaivahik jivan hetu ratnaraj pukhraj: pati sukh n milne par pukhraj dharan karne se labh hota hai. kundli men guru evan shukra grah par krur grahon ki drishti hone se vaivahik jivan men katuta ati hai, to pukhraj dharan karne se labh hota hai. santan utpatti men vilanb hone par ya kanya adhik hone par ratn pukhraj ko, sone ki anguthi men banva kar, tarjani ungli men guruvar ko subah ke samay dharan karne se shreshth putra ki prapti hoti hai. jin striyon ke pati bar-bar hani ka samna kar rahen hon tatha rin ke bhar se dabe hon, ve pukhraj dharan se labhanvit hote hain. jin striyon ke lie pukhraj dharan karna sanbhav n ho, ve guru pushya nakshatra men kachchi haldi ki pran pratishtha kar ke, guruvar ko pile kapre men lapet kar, dahini bhuja men dharan karen, to pukhraj ka fal milega. pati se snehpurn vyavhar n hone par firoja ratn ki mala dharan karne se labh hota hai. manglik dosh ka parihar: var-kanya ki paraspar kundliyon men manglik dosh hone par vivah men badhaen utpann hoti hain. manglik dosh kam karne ke lie, mangal grah ke yantra ko sammukh rakh kar, mangal grah ke vaidik mantra ko 10,000 ki sankhya men vidhipurvak jap kar ke, lal chandan ki lakri se 1,008 havan kar ke, savidhi tarpana/marjanadi karne se mangal grah ki shanti hoti hai aur shighra vivah ho kar vaivahik jivan sukhi hota hai. mahamrityunjay mantra dvara dronpushp aur kaner ka havan karne se uttam vaivahik jivan ki prapti hoti hai. manglik dosh hone par anjane men vivah hone ke pashchat manglik dosh ko kam karne ke lie, shubh muhurt men nav grah yantra ko sthapit kar ke, shri mangal chandrika stotra ka path karne se mangal shubh prabhav deta hai. iske atirikt angarak stotra evan mangal kavach ka path karne se bhi shubh fal prapt hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


hastarekha visheshank  July 2009

hastarekha visheshank men hastarekha ka itihas, vikas evan upyogita, vivah, santan sukh, vyavsay sukh, vyavsay, shiksha, svasthya v arthik sthiti hetu hastarekha ka vishleshan, hastarekha evan jyotish men sanbandh, kya hastarekhaen badlti hai, bhavishya men badlne vali ghatnaon ko hastarekhaon se kaise jana jae in sabhi vishyon ko ap is visheshank men parh sakte hai.

Subscribe

Apne vichar vyakt karein

blog comments powered by Disqus
.