शनि की साढ़ेसाती

shani ki sarhesati  

Ank ke aur Lekh | Sambandhit Lekh | Views : 4222 |  
shani ki sarhesati prashna: jab parivar ke kai sadasya ek hi sath sarhe sati ya dhaiya se prabhavit hon to unke jivan, sukh-samriddhi adi par kya asar hoga? ukt sthiti men kya upay karne chahie. vistar se varnan karen. shiv aur shani suryaputro dirghadeho vishalakshah shivapriyah. mandcharah prasannatma pira dahtumeshniah.. -shani piraharastotra srishti ke praranbh men shani atyant din-hin aur upekshit the. navagrah parivar men unhen naukar ka sthan prapt tha. vaidik kal men sabhi manushya surya ki upasna karte the. naisargik pap prakriti ke karan shani ki koi khyati nahin thi. rajputra hone par bhi unka koi samman nahin tha. is apman se dukhi hokar unhonne shiv ki aradhna praranbh ki. shani ki katrtavyanishtha aur bhakti se prasann hokar bhagvan shiv ne unhen yashasvi hone ka vardan diya. shani shiv ko atyant priya hain, islie upar varnit stotra men shani ko shivapriya kaha gaya hai. shani grah ki akriti bhi shivling ki bhanti dikhai deti hai kyonki upasak men upasya ke gun a jate hain. prarabdh karmon ka shubhashubh fal to sabhi grah dete hain, kintu bhagvan shiv ne shanidev ko vishesh taur par sanchit pap karmon ka fal pradan karne ka adhikar diya hai. islie shanidev dandadhikari kahlate hain. ve mrityu ke devta yamraj ke duton men agraj hain, islie maharshi vedavyas ne navagrah stotra men unhen ‘yamagraj’ kaha hai. nilanjnsmabhasan raviputran yamagrajam. chayamartand sambhutan tan namami shanaishcharam.. jyotish shastra men tamogun ki pradhanta vale krur grah shani ko dukh ka karak bataya gaya hai. vah dev, danav aur manushya adi ko tras dene men samarth hanai, shayad isilie unhen durbhagya dene vala grah mana jata hai. kintu vastav men shanidev devta hain. manushya ke dukh ka karan svayan uske karm hain, shani to nishpaksh nyayadhish ki bhanti bure karmon ke adhar par vartaman janm men dand bhog ka pravdhan karte hain. kisi vyakti ko purvakrit ashubh karmon ka dand dene men shani nimitt matra hain, mukhya dosh to uske karmon ka hota hai. ek hi parivar men kai sadasyon ke shani ki sarhesati ya dhaiya se prabhavit hone ki sthiti men parivar ka mukhiya ya sabse bara vyakti hi shani dev ki aradhna kare to sabhi ko labh pahunch sakta hai. kintu kai bar anubhav men paya gaya hai ki parivar ke adhikansh sadasyon par sarhesati ka prabhav hone par parivar ke chote sadasya hi upay karte hain. aise men unhen uchit fal ki prapti men der ya badha ati hai aur ghar men jivan kalhpurn ban jata hai. bhaiyon men jhagre aur vivad ke karan bantvare ki sthiti utpann ho jati hai aur sanyukt vyapar tatha parivar khandit ho jata hai. isse samajik pratishtha bhi dhumil hoti hai. parivar ka sanchit dhan sadasyon ke svasthya par bhi kharch ho jata hai. atah ukt sthiti se bachav ke lie parivar ke jyeshth vyakti ko nitya puja archana karni chahie tatha pratyek shanivar ko shani ki murti ko daen/baen se til ka tel charhana chahie. shri shani chalisa ka path nitya karna chahie. parivar ke sabhi sadasyon ko shani dev ki kripa prapti ke lie prarthana karni chahie. sarhesati kaisa fal degi yah bat mukhya rup se shani ke pad par nirbhar karti hai. shani ke pad fal char prakar ke hain - svarn pad - sukh ka abhav. rajat pad - yash dhan ki prapti hone se ati shubh. tamra pad - samanya shubh. lauh pad - dhan sanpatti ki hani tatha rog ka karak. sarhesati praranbh hone ke samay janm rashi se jis sthan par gochar chandra ho us adhar par shani ke pad ka nirdharan hota hai. janm rashi se yadi gochar ka chandra bhav 1, 6 ya 11 men ho, shani ke rashi parivartan samay men ho, to svarn pad, 2, 5 ya 9 men ho to rajat, 3, 7 ya 10 men tamra tatha 4, 8 ya 12 men lauh pad mana jata hai. ek hi parivar ke vibhinn sadasyon ke sarhesati se prabhavit hone ki sthiti men un par upar varnit yogon ke anurup sarhe sati ke fal saman rup se hi prabhavi honge. shani ki vastavikta: yadi koi vyakti bure karm karta hai to use unka fal bhogna hoga. koi papi vyakti keval shani se hi kyon darta hai? kisi anya grah se kyon nahin? kya keval shani dev hi hamare lie bure hain? nahin aisa kuch nahin, balki hamare apne hi pap hamare lie bhay ka karan ban jate hain, jinka dand dene ke lie shanidev ko niyukt kiya gaya hai. shani grah ka prabhav manav jivan par do prakar se hota hai. ek prabhav sarhe sat sal tak rahta hai isilie ise sarhe sati kahte hain. dusra dhai sal tak jise dhaiya kahte hain. in donon prabhavon ka hamare prachin granthon men do rupon men ullekh hai - vrihatkalyani (sarhesati) aur laghu kalyani (dhaiya). sarhesati ka tatparya: jatak ke janm ke samay chandra jis rashi men ho, usse barhvin rashi men shani ke hone ki sthiti men sarhe sati ka pahla charan shuru hota hai. uske bad chandra ke dusri rashi men ane par janmakalin chandra jis rashi men hoga usse barhvin rashi men tatha dusri rashi men jab shanidev ate hain to sarhesati shuru hoti hai. is prakar dhaiya ko bhi sarhesati ka hi ek bhag mana jata hai. sarhesati v dhaiya ki avdhi: shanidev ek rashi mane dhai varsh tak rahte hain aur unka tin rashiyon par jo prabhav rahta hai to ve tin dhaiye arthat sadhe sat varsh mane jate hain. janm rashi men shanidev yadi dhai varsh rahte hain to shanidev ka prabhav hriday par rahta hai aur jab janm rashi chorakar dusri rashi men jate hain to panv par unka prabhav parta hai. yahan panv ki sarhesati hoti hai. janmarashi se chaithi v athvin rashi men yadi shanidev jate hain to rhai varshon ke lie unka prabhav dhaiya rahta hai. dhaiya ke anya shubhashubh pafl: jab shani gochar men janm rashi se ashtam bhav men ata hai to vyakti vat rog se grast hota hai. uske pairon men dard ki sanbhavna rahti hai, lekin dasha evan mahadsha achchi ho to dard ka anubhav nahin hota hai. kanya lagn vale ko yah dhaiya apar sanpatti deti hai, kyonki dvitiya bhav par shani ki uchch drishti hoti hai. sarhesati ke ashubh pafl: dirghayu logon ke jivan men sarhesati tin bar ati hai. pratham bar ki sarhesati jatak ke sharir evan man bap ko prabhavit karti hai. dvitiya sarhesati karya, ruchi, arthik sthiti evan patni par prabhav dalti hai. tritiya sarhesati jatak ke svasthya par atyadhik prabhav dalti hai. is sthiti men kisi-kisi jatak ki mrityu bhi ho jati hai. ek sarhesati khatm hone ke 30 varsh bad dusri sarhesati ati hai. is prakar kisi dirghayu vyakti ke jivan men tin sarhesati a sakti hai. gochar ka shani sirf tin rashiyon vrish, tula aur kunbh men hi shubhafal deta hai, shesh nau rashiyon men ashubh fal deta hai. vrish, tula, makar ya kunbh rashi ke jatkon ko sarhesati adhik ashubhta pradan nahin karti hai. janmasth shani ke shubh hone par sarhesati kalyankari siddh hoti hai. kark, sinh, vrishchik, dhanu, min ya mesh rashi ke jatkon ko sarhesati sarvadhik kasht pradan karti hai. mithun evan kanya rashi valon ko sarhesati madhyam fal deti hai. vrish aur tula lagn men kendra-trikon ka svami hone ke karan shani akela hi yogkarak hota hai. islie vrish aur tula lagn vale jatkon ko shani ka shubh gochar adhik shubh aur ashubh gochar ka ashubh fal nyun rahta hai. shani ki sarhesati ka vichar: shani jis nakshatra men ho usse apne nakshatra tak ginti karen. yadi vahi nakshatra ho to shani ke us nakshatra par ane ke din se 3 mas 10 din tak anek prakar ki haniyan hongi. dusre se panchven nakshatra tak 13 mas 10 din yuddh men vijay milegi. nakshatra 6 se 11 tak 1 varsh 8 mas ka samay vat rog se pirit v deshatan karaega. nakshatra 12 se 15 tak 13 mas 10 din tak ka samay kashtakarak, nakshatra 16 se 18 tak 10 mas ka samay uÿam raj-yash karak hoga, nakshatra 19 se 20 tak 6 mas 20 din ka samay sukhdayak tatha nakshatra 21 se 22 tak 6 mas 20 din tak ka samay mahakasht v vat rog karak hoga. nakshatra 23 se 27 tak 16 mas 20 din tak ka samay anuchit dhang se dhan-dhanya ka labh dega. vishesh: shani ki sarhesati ya dhaiya hamesha ashubh hi ho yah avashyak nahin. apne vibhinn charnon men yah shubh fal bhi deti hai. vibhinn rashiyon men iske shubh prabhav bhi dekhe ja sakte hain. is tarah dhaiya evan sarhesati donon hi dashaen shubh tatha ashubh donon fal pradan karti hain. lekin jab gochar men shani tritiya, shashth ya ekadash bhav men pravesh karta hai to anukul fal pradan karta hai. kundli men shani bhav 2, 7, 8 ya 12 men ho to jatak sankton men ghira rahta hai. us par sarhesati ka prabhav bura hota hai. bhav 3, 5, 6, 9 ya 11 men sthit shani bhagyashali hota hai. sarhesati ka vaigyanik vivechan ah jis prakar pratyek grah gocharavash, janmasth chandra se sapeksh sthiti ke anusar apna-apna shubhashubh fal deta hai usi prakar shani bhi gochriya bhraman karta hua janmasth chandra ke sapeksh apna shubhashubh fal deta hai. bhav 3, 6 ya 11 men sthit shani shubh fal pradan karta hai. kintu chandrarashi se bhav 12, 1 ya 2 men jab shani gochar karta hai to sarhe sat varsh ka yah samay shani ki sarhesati ke nam se jana jata hai. nakshatra dasha aur din dasha ke atirikt shani ki gochrdsha ko bhi falit jyotish men mahatvapurn sthan prapt hai. is gochriya dasha ko hi shani ki sarhesati ya dhaiya ke nam se jana jata hai. ek anya siddhant ke anusar janmakalin spasht chandra se vartaman gochriya shani ki anshatmak duri 450 purva se sarhesati ka praranbh hota hai, tatha janmarashi (chandra) se 450 (1 rashi, 15 ansh) par kar jane ke bad sarhesati samapt ho jati hai. jab sarhesati men janmakalin chandra apne shatru grah shani se yut hota hai, tab grahan namak ek ashubh yog ka nirman hota hai. chandra ek saumya grah hai, uska pap grah shani se yut hona doshpurn hota hai. atah janmasth chandra se gochar ke shani ki yuti sarhesati ka pramukh karan hai. shani itna vishalkay grah hai ki vah bhachakra men tin rashiyon ko ek sath gher kar chalta hai. jis rashi men vah hota hai, use to prabhavit karta hi hai, uske age-piche vali rashiyon ko bhi nahin chorta. shani ke pind ka vyas to guru se kam hai kintu uske ke charon or 7 valay hain. shani ke bahri valay ka vyas 2,18,000 kimi hai. is karan shani ka akar guru adi sabhi grahon se bara hai. yahi karan hai ki vah tin rashiyon ko gherta hai. shani ki bhanti surya bhi krur grah hai, usmen chandra jaisi komlta nahin hai. islie shani surya ko vedhit karke dushit nahin kar pata hai. surya sarvadhik prachand grah hai. surya se 150 purva hi shani ast ho jata hai tatha 150 tak ast rahta hai. is prakar surya ke samip jakar shani 15$15 anshon tak nishprabhavi ho jata hai. islie janmasth surya se shani ki sarhesati ki ganna nahin ki ja sakti hai. shani ki sarhesati aur dhaiya donon hi dashaen aksar sharirik aur mansik kasht tatha arthik sankat adi sansarik dukh deti hain. unse prabhavit jatak ko sansar dukhamay aur nissar pratit hota hai. uske man men vairagya bhav paida hota hai aur vah adhyatm ki or murta hai. shani pradatt yahi vairagya atmakalyan ka sadhan ban jata hai. sarhesati ka anisht aur svarn kal: jin jatkon ka chandra 150 se adhik ansh ka ho, unke lie sarhesati der se praranbh hoti hai. janmakalin spasht chandra se, gochar ke shani ki anshatmak duri 22’-30’ purva se lekar 00 ansh tak hoti hai. shani-chandra ki yuti tak ka samay vishesh rup se kashtaprad hota hai. shunya ansh ki duri ke pashchat gochriya shani jaise-jaise age sarkta jata hai, vaise-vaise sarhesati ka anisht fal kam hota jata hai. jis prakar sona tapakar nikhar jata hai, usi prakar sarhesati ki samapti ke samay jatak ko shubhflon ka anubhav hota hai. janmarashi se ek rashi bad ke shani ke bhraman tatha janmasth chandra se gochar ke shani ki sarhe 22 ansh ki duri se 45 ansh ki duri tak ka samay (lagabhag 15 mahine) shubhfldayi hota hai. kuch logon ke lie yah samay ati shubh sabit hota hai. shani ki dhaiya dashaon ka vistar: ‘sthan hani karo jiva, drishtihani arkeputraah.’ yah sutra janmasth shani ke falakathan hetu to satik hai, kintu gochar ke shani ki drishti ko rishiyon ne adhik kharab nahin mana hai. unhonne janmarashi se pratham, dvitiya, chaturth, ashtam aur dvadash bhavon (rashiyon) men shani ke gochar ko adhik kharab mana hai. prachlit shastriya manyata ke anusar chandra rashi se chaturth ya ashtam bhav men shani ka gochar laghukalyani ya kantki dhaiya ke nam se jana jata hai. chandra rashi se chaturth men shani ka gochar chaturtha-dasham ke ashubh kendra yog ka nirman karta hai - yahi shani ki chaturth dhaiya ka mul adhar hai. is dhaiya ke kalansh men sukhon men kami, matrikasht, bhumi-bhavan sanbandhi samasyaen, ajivika/karyakshetra men vishesh parishram, asflta aur sthan parivartan adi ashubh fal dekhe gae hain. ashtam dhaiya ke samay, janmasth chandra se ashtam bhav men gochar ke shani tatha shani se chathe bhav men chandra ke hone se shadashtak yog banta hai, jo mrityutulya kasht deta hai. rog evan shatru barhte hain, adhik parishram karne par bhi vanchit labh nahin milta hai. shani-chandra ka ashubh yog hi shani ki vibhinn dhaiya dashaon ka mul karan hai. shani ko 12 rashiyon ka bhraman karne mane lagabhag 30 varsh lagte hain. siddhantanusar 30 varshon men sabhi rashiyon ke logon ko ek sarhesati, ek chaturth aur ek ashtam dhaiya lagti hai. is prakar pratyek vyakti ko 12 varsh 6 mah shani ki dhaiya dashaon ka prakop jhelna parta hai. shani ke anisht prabhav ka nivarn: yadi shani sarhesati evan dhaiya men anisht ya pratikul prabhav kar raha ho to use anukul karne ya uske anisht prabhav ko dur karne ke lie nimn upay karne chahie. tel ke chaya patra ka vidhan karna chahie. lohe ya lohe ki vastuon, tel, chamre ya chamre ki vastuon, patthar adi ka dan karna chahie. bhagvan shiv ki puja karni chahie. range ke tavij men bichue ki jar rakhakar kale rang ke suti dhage men bandhakar shanivar ko baju par dharan karen. range ki anguthi ko sandhyakal men gay ke kachche dudh se snan karakar dahine hath ki madhyama men dharan karen. nilami tatha loha pahanakar, balvan kiya jana chahie. uttam svasthya ke lie pira dene vale grah ki shanti hetu shri mahamrityunjay mantra ka jap aur anushthan karana chahie. shanivar ko brahmacharya ka palan karen tatha yathashakti kali urad, kale til, kulthi, loha, kale kapre, jute aur chate dakshina sahit dan karen. kaue evan kale kutte ko pratidin ek bar bhojan den. ghar men dasharath krit shani stotra ka path shraddhapurvak karen. agar jatak ko kasht bahut ho, to use shanivar ko bhojan men namak nahin lena chahie aur acharan pavitra rakhna chahie. shanivar ko suryoday se purva snanadi se nivritt hokar gur mishrit jal pipal ke vriksh ki jar men arpit karen evan sham ko uske niche hi til ke tel ka dip jalaen. lohe ki katori men tel lekar apni chaya usmen dekhakar yah tel panch shanivar ak ke paudhe par dalen. panchven shanivar ko tel charhane ke bad tel ki katori vahin daba den. har shanivar ko kali vastuon ka dan karen jaise kale til, kali urad, kala kanbal, kala kapra, kali chatri, loha adi. shanivar ko pratah til ke tel men puri aur kale baingan ki sabji banakar pratah mandir ke age baithe rahne vale bhikhariyon aur korhiyon ko khila den. dan sadaiv jarurtmandon ko hi karen. shani ya mangal ko sundar kand, hanuman chalisa, hanuman ashtak athva bajrang ban ka path karen. sarhesati aur dhaiya ke samay jhagre athva vyapar men hani se bachne ke lie kachcha koyla nadi men bahaen. shani ke mantra ¬ shan shanaishcharay namah ka yathasanbhav jap karen. shani ke tantrik mantra ¬ pran prin praun sah shanaishcharay namah ka jap bhi karen. ;japsankhya 23000ddh sarhesati ke kuprabhav ko kam karne ke anya upay sadachari banen. shani mandir jaen aur vahan sham ko shani stotra ka path karen. shanivar ko kale kapre n pahnen. kisi bujurg, viklang (jo tang se viklang ho) brahman ki seva karen. kisi yogya brahman se shubh muhurt men shani ka yagya karvaen. shani ke nimnalikhit stotra ka nitya subah path karen. namaste kon sansthay pinglay namostute. namaste vishnu rupay krishnay ch namostute.. namaste raudra dehay namaste kalkayje. namaste yam sangyay shanaishchar namostute. prasadan kuru devesh dinasya pranatasya ch. kale ghore ke nal ki bina kati v bina jori hui anguthi dharan karen. shanivar ko bhuna chana khaen. sarhesati ke prabhav ko kam karne ke lal kitab ke upay kikar ki datun karen. sarson ke tel men chupri roti kutte athva kaue ko khilaen. bhuri bhains ka palan v seva karen. naukron ko khush rakhen.
Kya aapko lekh pasand aaya? Subscribe

Kya aapko lekh pasand aaya? Subscribe


mahamrityujay upasna visheshank  May 2009

mahamrityunjay upasna visheshank men mahamrityunjay mantra ki mahima jani ja sakti hai. mahamrityunjay upasna hetu samagri evan sadhna vidhi, sarvarakshakarak mahamrityunjay laket, kavach evan yantra ka mahatva tatha mahamrityunjay upasna ke labh batae gae hai.

Subscribe

Apne vichar vyakt karein

blog comments powered by Disqus
.