अरिष्ट निवारक महामृत्युंजय महादेव

arisht nivarak mahamrityunjay mahadev  

Ank ke aur Lekh | Sambandhit Lekh | Views : 4137 |  
arisht nivarak mahamrityunjay mahadev dae. sanjay buddhiraja bhartiya dharm granthon ke anusar samudra manthan ke pashchat sansar ko vish ki jvala se bachane ke lie jab bhagvan shiv ne vishpan kiya to unka sanpurn sharir krishnavarn tatha svabhav ugra ho gaya. tab sabhi devtaon ne vedmantron ka jap karte hue vividh samagriyon tatha stutiyon se unka abhishek kar unhen prasann kiya. is prakar sansar ko mrityu se bachane vale bhagvan shiv svayan mahamrityunjay kahlae. prachin kal men shukracharya ne kashi men bhagvan shiv ki vividh samagriyon se mrityu ashtak stotron ka path karte hue aradhna ki v unka abhishek kiya. tab bhagvan shiv ne prasann hokar shukracharya ko mritsanjivni vidya ka gyan aur mahamrityanujay mantra ki diksha di. ek bar shukracharya ke mahamrityanujay vidya ka anuchit upyog karne par bhagvan shiv ne unhen nigal liya, to sau varshon tak shukracharya bahar niklne ka rasta nahin dhundh sake. tab vah bhagvan shiv se hi purva men prapt mritsanjivni vidya ka smaran kar mahamrityanujay mantra ka jap karte hue shiv ki aradhna karne lage. isse prasann hokar shiv ne unhen vayumarg se apne ling ke chidra se bahar nikal kar bandhan mukt kiya. mahamrityanujay bhavgvan shiv ko prasann karne ki mahamrityanujay mantra ke jap se barhakar koi sadhna nahin hai. kaha jata hai ki shiv to sidhe hain, unhen shraddhapurvak kinchit aradhna se bhi prasann kiya ja sakta hai, fir mahamrityunjay mantra ka jap to sarvadhik achuk upay hai. vedokt aur pranav sahit mahamrityunjay mantra is prakar hain. 1. vedokt mantra: ¬ tryambakan yajamhe sugandhin pushtivardhanam. urvarukmiv bandhnanmrityormukshiya mamritat.. 2. pranav sahit mahamrityunjay mantra - ¬ haun ¬ jun sah bhurbhuvah svah tryambank yajamhe sugandhin pushtivardhanam. urvarukmiv bandhnanmrityormukshiya mamritat.. bhurbhuvah svaron jun sah haun ¬ mahamrityunjay mantra ka bhavarth vibhinn vidvanon ne mahamrityanujay mantra ki alg-alag vyakhyaen ki hain jinka bhavarth is prakar hai- tin netron vale bhagvan shiv ki ham upasna karte hain, ham sugandhi se yukt aur pushti pradan karne vale bhagvan trinetradhari shiv ki aradhna karte hain jo hamare samast arishton, rag-dvesh jaise vikaron ya bandhnon ko usi prakar dur karen jaise kharbuja ka fal pakne par anayas hi lata se alag ho jata hai. jivan paryant ham sukhi rahen aur marnoprant sadgati ko prapt hon. amrit se nahin, kyonki amrit se mukti ki sima hoti hai parantu shivji ki bhakti, aradhna v mantra jap ke prabhav se akshay fal ki prapti hoti hai. dhyan: dhyan ke mantra is prakar hain. hastabhyan kalashadvayamritrsaiah aplavayantan shiro dvabhyan tau dadhtan mriga'kshabalaye dvabhyan vahantan param ankanyast karadvayamritaghatam kailashkant shivam svachchambhoj gatan navendu mukutabhantan trinetran bhaje. arthat shiv ke vishpan karte samay jab sabhi dev unka abhishek karne lage to bhagvan shiv ne anek hathon se amrit kalash v samagriyon ko svikar kar liya aur prasannata se apna abhishek svayan hi karne lage. us samay bhalchandra ka rup svachch nae kamal ke saman ho gaya tha. aise trinetradhari mahamrityunjay dev ka ham dhyan karte hain. mala pujan dhyan ke bad pujan samagri se mrityunjay mahadev ki puja kar om ain hrin akshamalikayai namah mantra ka jap karte hue gandh, akshat, pushpamala adi se mala ki puja karni chahie. yah puja jatak ko svayan nitya niyampurvak karni chahie aur mantra ka jap rudraksh ki mala par 108 ki sankhya men karna chahie. puja ki yah kriya niyam evan nishthapurvak karne se pareshaniyon aur arishton se mukti milti hai. anushthan men 1100 se 11000 jap ka vidhan hai. sava lakh ke jap se sabhi prakar ki manokamnaen puri tatha arisht dur hote hain. pujoprant is prakar prarthana karni chahie. ‘‘mrityunjay maharudra jaravyadhi vinashkah namastubhyan namastubhyan namastubhyan namo namah mahamrityunjay devay japan arpanan astu ¬ shantiah ¬ shantiah ¬ shantiah’’ tatparya yah ki mahamrityunjay mantra ka anushthan jatak ko sanmarg par le jata hai. is anushthan se is ghor kaliyug mane bhi arishton ka shaman hota hai aur manokamnaen puri hoti hain. atah vanchit fal ki prapti ke lie yah anushthan niyamit rup se nishthapurvak karna chahie.
Kya aapko lekh pasand aaya? Subscribe

Kya aapko lekh pasand aaya? Subscribe


mahamrityujay upasna visheshank  May 2009

mahamrityunjay upasna visheshank men mahamrityunjay mantra ki mahima jani ja sakti hai. mahamrityunjay upasna hetu samagri evan sadhna vidhi, sarvarakshakarak mahamrityunjay laket, kavach evan yantra ka mahatva tatha mahamrityunjay upasna ke labh batae gae hai.

Subscribe

Apne vichar vyakt karein

blog comments powered by Disqus
.