टोने-टोटके

tone-totke  

Ank ke aur Lekh | Sambandhit Lekh | Views : 72398 |  

prashna: kisi vyakti ke jivan ko sukhi evan samriddh banane ke lie gharelu upchar v tona totka kis had tak karagar sabit ho sakta hai? sukhi vaivahik jivan, dhan prapti, achche svasthya, shatru par vijay, mukdme men jit ya naukri prapti hetu inka kis prakar prayog kiya jata hai? vistrit rup se varnan karen.

vartaman yug men manav bhautikvad v yantrik tatha sanchar sadhnon men vriddhi se mashinon ka gulam ban kar pareshaniyan tatha tanav se grasit hokar jivan jine ke athak prayas men laga hua hai. manvta tatha sansar ke kalyanarth hamare purvajon tatha maharshiyon, siddh yogi janon ne tantra men aise sahaj aur svayansiddh prabhavshali gharelu upchar evan totkane ka srijan kiya jinka prayog karke manushya sharirik, mansik, daivik evan arthik samasyaon tatha rogon se nijat pa sakta hai. bhagvan shankar ne guru gorkhnath ke madhyam se ‘‘bahujan hitay bahujan sukhay’’ ke uddeshya se tantra vidya ka sarlikaran karke shabri tantra totke bataye jinka vivechan nimnavat hai:

dhan prapti ke upay v totke

  • dipavli ke din ek akhandit pipal ka patta tor laen. ise apne puja ke sthan men rakh den. punah shanivar ko ek naya pipal patta tor laen tatha use purane patte ke pas rakh den. is prakar ye kram niyamit dohrate jayen. purana patta ghar ke bahar kisi per ke niche daba den. shri lakshmi ki kripa hone lagegi.
  • pratah kal uth kar donon hathon ki hatheliyon ko kuch kshan dekhakar 3-4 bar apne chehre par feren.
  • ghar ke rasoi men kisi bhi din kali lumbi lakar tang den.
  • guruvar ke din kisi bhi mahila ko suhag samagri dan men dene ka kram banaen.
  • nae karya vyavsay, naukri, rojgar adi shubh karyon par prasthan karte samay ghar ki koi mahila ek mutthi kale urad us vyakti ke upar se utar kar bhumi par chor den to karya siddh hoga.
  • ravi pushya yog men pratah bahere ki jar ya ek patta tatha shankh pushpi ki jar lakar ghar men rakhane. chandi ki dibbi men rakhen to adhik shubh.
  • baragad (bar) ke taje patte saf karke gurupushya ya ravipushya yog men lakar un par haldi se svastik banakar ghar men rakh den.
  • surya dev ko niyamit prasann karne ke lie lal ful, lal chandan, gorochan, keshar, pavitri jau athva tilyukt jal samarpit karen.
  • pratah uthte hi apni donon hatheliyon ko dhyanpurvak dekhne ke bad tin bar chumen. iske pashchat mukhmarjan prakriya karen. yah prakriya shanivar se praranbh karte hue pratidin karen. yah dhan ke sath saflta bhi deti hai.
  • pratah uthte hi chitiyon ko chini, shakkar, khopra, sukhe mevon ka bura milakar pratidin dalen. isse dhan ke sath saflta bhi milegi.
  • pratah uthte hi pakshiyon ko urad, bajra, jvar, mung adi khilakar pani pilayen. isse bhi dhan vriddhi evan saflta prapt hoti hai.
  • chandi ki janjir (chen) gale men dharan karen.
  • shukla paksh budhvar ko alg-alag do dukanon se ek-ek am khariden tatha in donon amon ko ek sath bahte pani men pravahit karen.
  • brihaspativar ko jalkunbhi ghar layen aur use pile kapre men bandhakar kahin par bhi latka den. parantu ise bar-bar chuna nahin hai. pratyek brihaspativar ise nayi jalkunbhi se badal den. aisa 11 brihaspativar tak karna hai.
  • shanivar sayankal (sandhya samy) raranbh karte huye lagatar 7 shanivar tak pipal ke per ke niche jar men thori si urad ki dal ke danon par thori si dahi evan lal sindur dalakar, piche murakar dekhe bagair punah ghar laut ayen. dhan ki prapti hogi.
  • pushya nakshatra men shankhpushpi ki jar ko prapt karke chandi ki dibbi men dalakar use ghar men sthit tijori men rakhne par dhan ki vriddhi hoti hai.
  • khachchar ka dant apne pas men rakhne par dhan men vriddhi hoti hai.
  • ramayan ki nimn chaipai se daridrata dur hokar dhan men vriddhi hoti hai. atithi pujnay priyatam purari ke. kamad dhan darid dvarike.
  • ghar men kamai hai lekin barakat nahin hai yani rupya-paisa tikta nahin hai to jab bhi gehun pisaven tab usmen pahle tulsi ke 11 aur kesar ke 2 patte dalen. fir thore se gehun ko mandir men rat ko rakhen. subah mandir men rakhe gehun ko sare gehun men milakar pisva den. ghar men barakat hogi arthat rupya paisa tikne lagega.
  • shukravar ko kisi garib ko khana khilayen tatha ravivar ko gay ko gur khilayen. yah prayog lagatar karen. jaldi hi achal sanpatti barhegi.
  • pipal ke per ki chaya men khare hokar lohe ke bartan men pani, shakkar, ghi evan dudh milakar uski jar men dalne par ghar men lanbe samay tak sukh-samriddhi rahti hai aur lakshmi (dhan) ka vas ghar men hamesha bana rahta hai.

shighra vivah evan danpatya sukh ke lie totke evan upay

  • sita ram ki tasvir ya murti ke samne ramchrit manas ki nimn chaipai ki pratidin ek tulsi mala jap 41 dinon tak karni chahiye. ‘‘sunisiya satya asis hamari. pujhin man kamna tihari..
  • pushya nakshatra men praranbh karte huye pratidin pratah ya sayan tulsi paudhe ke pas shuddh ghi ka dipak prajjvalit kar lagatar 41 dinon tak nimn mantra ka ek tulsi mala jap karen. ‘‘tab janak pay vashishth aysu byah saji sanvari ke. mandvi shruti ki rati urmila kunari lai hankari ke..’’
  • pratidin ya pratyek manglvar ko pratah uthte hi kanya kale kide-makoran ko chini, til evan chaval milakar niyamit khilayen. kram tutna nahin chahiye.
  • pratidin gay ko hara palak ya chara khilayen.
  • kachcha dudh v jal milakar pratidin : un’’ namah shivay’’ ka jap karte huye shivling par charhayen. - mandir ke prangan men anar ka per lagakar pratidin ise jal se sinchen. seva kar bara karen.
  • kisi admi ki shadi men pareshani ho to use shukla paksh ke pratyek guruvar ko pani men ek chutki haldi paudar milakar nahana chahiye tatha sath hi ‘‘un namo bhagvte vasudevay’’ ka jap karte huye kesar ka tilak lagana chahiye. iske alava pipal evan kele ke per men tanbe ya pital ke lote men shuddh jal lekar inhen sinchna chahie tatha dhup-dip, haldi ganth, chane ki dal se puja karni chahie. guruvar ko kele nahin khayen. rsain ram (shirdi ke baba) ke darshan kar ashirvad len. vivah jaldi hoga.
  • shukla paksh manglvar ko ghar ke mandir ya puja sthal par ‘navagrah mantra’ ki pran pratishtha karvakar sthapit karen. ek nai shadi vale jore ko ghar par bulakar unhen khana evan saunf-mishri khilakar, lal vastra uphar men dekar satkar karen. yah karya karte samay shighra vivah ki kamna jarur karen.
  • bal kand ke 234 dohe ke bad ‘‘jay jay giriraj kishori se manjul mangal vam ang farakan lage’’ 236 prishth tak pratidin shraddha vishvas se parhne tatha parvati ki puja karne se shighra vivah ho jata hai.
  • harsingar ki jar tatha pushp ko purnima ki ratri men vivah yogya putra-putri ke upar se 21 din 3 bar var kar tulsi ke paudhe ke niche dabane se vivah vilanb, rukavat se chutkara mil jaega.
  • danpatya jivan ki madhurta ke lie patni niyamit rup se pratah uthte hi mukhyadvar par 1 lota jal dale. snanadi se nivritti ke bad puja karke mukhya dvar par haldi ya kunkum se svastik ya un ka chihn banaye. isse danpatya jivan men madhurta rahegi tatha pati arthik rup se majbut rahenge.
  • manglik dosh ho to lahsun ko 108 bhaum mantra un angarkay nam!’’ se abhimantrit karke lal dhagon men tabij kar kamar ya banh men bandhen.
  • shukla paksh ke pratham guruvar ko sat kele v 700 gram gur v ek jata vala nariyal lekar kanya nadi men vastra sahit snan kar nariyal ko jal men pravahit kar de. dhyan rakhen ki nariyal kanya ki or nahin aye. surya v chandra ke nam ek kela v gur nadi kinare rakh den. 5 kele gay ko khila den. kanya ka vivah shighra hoga.
  • padmavti devi ke mandir men budhvar ko chaval charhakar 11 bar padmavti mantra ka jap karen.

vyavsay evan naukri men vriddhi ke lie

  • shukla paksh ke pahle brihaspativar se praranbh karte huye sarvapratham vyapar sthal ke mukhyadvar ke ek kone ko gangajal se dhokar svachch evan shuddh karen. iske bad haldi se svastik banayan tatha is par thori si chane ki dal evan gur rakhen. iske bad ise bar-bar n dekhen. ise kam se kam lagatar 11 guruvar karen. dusri bar aur ise age karne par pahle charhaye hue gur evan dal ko mandir men charha den.
  • naukri milne ya vyavsay ki ichcha se pratyek guruvar ko iski dil (hridy) se prarthana karte huye ek sukha evan bina chila nariyal bahte jal ya nadi men pravahit karen. sath men kutton ko biskit ya anya saman khilayen. iske alava santoshi mata ji ke 16 shukravar ke vrat kar udyapan karen. vrat ke din khatte padarth nahin khane ki savdhani avashya rakhen. mahine men ek bar ek kilo sat gram shakkar kisi vidhva ko den.
  • shukravar ki ratri men sava kilo kale chane bhigoyen. shanivar ko pani nikalakar inhane sarson tel men paka len. iska pahla ek hissa isi din shanivar ko ghore ya bhainse ko khilayen. dusra bhag kushth rogi ko khane ko den tatha tisra bhag svayan ke upar se var kar kisi chairahe par rakh den. yah prayog lagatar 40 dinon tak karen. vyavsay men vriddhi, unnati evan labh hoga.
  • vyapar men unnati evan labh ki yojna ko apne man men rakhte huye pratyek shukravar evan shanivar ko kisi bhi mandir men kramshah anar evan mutthi bhar sabut urad charhayen.
  • pratyek mangal ya shanivar ko sidhi danthal vali 7 sabut hari mirchi aur ek nibu lekar inhen kale dore men pirokar apne karyalay ya vyavsay sthal par bahar upar tang den. yah prayog niyamit karen, labh hoga.
  • vyapar, vyavsay, naukri men ane vali badha ya samasya ke bachav ke liye amavasya ko sayankal kisi bhi mandir men khir chadhaven. somvar ko chandi ki thos gali chandi ki janjir (chen) gale men dharan karen. mahine men ek bar vastra, mithai evan dhan nimn star ke vyaktiyon ko den evan achcha bartav rakhen labh hoga.
  • guruvar ko shyama tulsi ke paudhe ke charon or lagi kharptvar ko nikalakar kisi pile vastra men bandhakar vyavsay sthal par rakh den, vyapar, vyavsay men vriddhi hogi.
  • yadi kisi ne apke vyavsay ko bandh diya ho to iski mukti ke liye karyalay ya vyavsay sthal par amrit siddhi yog ya siddh yog men shukla paksh shukravar ko ‘‘shri dhanda’’ evan ‘‘shri yantra’’ pran pratishtha kar sthapit karen tatha pratidin dhup-dip karen. vyavsay men vriddhi evan grahkon ka ana barhakar labh hoga.
  • shanivar ko purane karyalay se lohe ki koi bhi chij naye aefis ya sansthan men lakar, pahle thore se kale urad dalne ke bad rakhen tatha ise bar-bar nahin hatane ki savdhani avashya rakhen. isse purane ke sath-sath naya udyog vyavsay bhi chalta hai.
  • shukla paksh budhvar ko ‘‘sanpurn vyapar vriddhi yantra’’ ko pran pratishtha dvara vyavsay (vyapar, naukri) sthal par uttar disha men sthapit karen tatha gale men somvar ko shivling par sparsh karvakar ek ya terah mukhi rudraksh dharan karen. vyavsay men ghata dur hokar labh hoga.
  • 11 gomti chakra aur 3 laghu nariyal ki vidhi vidhan sahit puja kar inhen pile kapre men bandhakar budhvar ko apne darvaje par latkayen tatha pratyek punam ko dhip dip bhi jalayen. ise niyamit karen. vyavsay ka ghata dur hokar labh hoga tatha grahki evan bikri barhegi.
  • shukla paksh budhvar, manglvar ya ganesh chaturthi ya ann chaturthi (shukla ya krishn paksh ki) ke din ghar men haridra ganeshji ki murti pran-pratishtha dvara puja sthal par sthapit karen tatha nimn ganesh gayatri mantra ka jap karen.-‘‘ekdantay vidmahe vakratunday dhimhi tanno danti prachodyat.’’ isse vyavsayik karya men badha dur hokar labh hota hai.
  • shukla paksh somvar ko amrit siddhi ya sarvarthasiddhi yog men tin gomti chakra chandi ke tar men ek sath bandhakar inhen har samay apne sath rakhen. vyavsay men labh vriddhi hogi. naukri men padonnati hogi. - har somvar ko shiv-mandir men shivling par dudha+jal charhate huye mantra - ‘‘un someshvaray namah’’ ka jap karen. shiv upasna ke sath rudraksh mala se punah isi mantra ka jap karen tatha sath hi purnima ko jal men thora sa dudh milakar chandra ko iska aghrya den. karabaddh prarthana se vyavsay men vriddhi hogi.
  • ek nibu lekar us par char laung gad aur ise hath men rakhakar mantra-‘‘un shri hanumte namah’’ ka 21 bar jap karen. jap ke bad nibu ko apni jeb men ya pas men rakhen. vyapar men vriddhi hogi. iske alava jinse kam karvana ho unse milen to karya bhi pura hota hai.
  • jab gayatri mantra se ghar ya mandir men havan karaven to havan ki rakh ko kisi safed rang ke kapre men rakhakar bandh len tatha ise ghar ya vyapar ya karyalay sthal par rakh den. vyavsay men labh, vriddhi hoti hai.
  • shanivar ko pipal ka ek patta torakar ise gangajal se dhokar hael men rakh den tatha gayatri mantra ka 21 bar jap karen. fir ise dhup dekar tijori ya kaish baeks ya dhan rakhne ki jagah par rakh den. yah prayog naye patte ke sath pratyek shanivar ko karna hai tatha pahle ke patte ko har bar pipal ki jar men rakh den. vyavsay men vriddhi hogi.
  • mantra’’ un shrin hrin shrin mam vyapar vriddhi kuru-kuru svaha’’ ka 42 dinon tak lagatar rudraksh ki ek mala se ‘‘sanpurn vyapar vriddhi yantra’’ ke samne jap karne par vyavsay, vyapar men vriddhi hoti hai.
  • achcha svasthya - ek rupye ka sikka rat ko sirhane rakhakar so jayen. subah use shmashan ki sima men fenk den. sharir svasth rahega.
  • yadi parivar ka koi sadasya rog se grasit hai, davaiyon se labh nahin mil raha ho to chandi ke bartan men kesar mila jal bhar kar sirhane rakhen. fir subah vah jal paudhon men dal den. yah kriya roj karen. svasthya labh milega.
  • yah totka roj karen- subah uthakar surya ki or dekhte huye apne donon hath upar uthakar ‘‘un hrin hrin hraun un mantra ka 11 bar jap karen. pura din tanavmukt aur svasth rahega.
  • shukla paksh ke pratham somvar ko shiv mandir men jakar kali rai ka dan karen. sath men rudraksh ki mala se mahamrityunjay mantra ka jap karen. rog dur honge aur sharir svasth rahega.
Kya aapko lekh pasand aaya? Subscribe
Kya aapko lekh pasand aaya? Subscribe


rajniti visheshank  April 2014

fyuchar samachar patrika ke rajniti visheshank men loksbha chunav 2014, vibhinn rajnetaon v rajnaitik dalon ke bhavishya ke atirikt rajniti men saflta prapti ke jyotishiya yog, kaun banega pradhanmantri, guru karenge modi ka rajtilak, rahul gandhi aur narendra modi ki kundliyon ka tulnatmak vivechan, varsh 2014 men desh ke bhagya vidhata, kiska bajega danka loksbha 2014 ke chunav men tatha sath hi shaskon ke shasak kaun, shubh karyon men muhurt ki upyogita, safal vyapari yog, panchapakshi ki visheshtaen v svabhavagat lakshan tatha ketu grah par charcha adi rochak alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.