हस्त रेखाओं पर सूक्ष्म चिह्नों का विवेचन

hast rekhaon par sukshm chihnon ka vivechn  

Ank ke aur Lekh | Sambandhit Lekh | Views : 12392 |  
hast samudrik shastra hamare purvajon ki mahan tatha vaigyanik upalabdhi hai aur yah bat dhridhtapurvak kahi ja sakti hai ki is shastra dvara bhavi evan bhavishya ki ghatnaon ka varnan solah ane sahi kiya ja sakta hai. avashyakta hai iski pariksha ekagrachitt ho kar karne ki. hatheli par paye jane vale sabhi chihnon ka mahatvapurn sthan hai. yadyapi bhavishya kathan ki drishti se hatheli par banne vali rekhaen, parvat, anguliyan, angushth aur hath ki tvacha ka rang tatha hath ki tvacha ka komal ya kathor hona adi bhi kam mahatvapurn nahin hain, par sukshm rekhaon dvara nirmit ye chihn bhi apna mahatvapurn sthan rakhte hain. bhartiya hast samudrik shastra ki paddhati ke anusar hath ki hatheli par anek sukshm chihn bante han. atah inki pariksha atyant savdhani se tatha ekagrachitt ho kar karne se fal kathan men pramanikta aur purnata a jaegi. yah ek shramsadhya karya to hai, parantu asanbhav nahin. kras ;gddh jab do sukshm rekhaen apas men ek dusre ko katen, to kraes ka chihn banta hai. yah ganit ke guna chihn ki tarah hota hai. yah chihn mukhya rekhaon ke katne se nahin banta, balki do alg-alag sukshm rekhaon ke katne se banta hai. kraes ke chihn ko hast rekha shastra men ashubh chihn mana jata hai. yah chihn parvat, ya kshetra, athva rekha par banega, to uske gunon ko nyunatam viprit gun vala bana dega. yadi yah kras ka chihn budh parvat par hoga, to jatak buddhiman to hoga, par apni buddhi ka upyog logon ko thagne men karega. yadi budh kshetra par kras ke sath-sath budh ki anguli tedhi bhi ho to jatak pakka thag evan chor tatha tuchcha tatha dusron ke dhan par nigah rakhne vala hota hai. yadi kras ka yah chihn surya parvat par ho to vyakti sattebaj hoga tatha satte athva jue men nuksan uthata hai jis karan ghar men klesh bhi hota rahta hai. yadi kras ka chihn shani kshetra par hota hai to yah jatak ke asvasth rahne ka sanket hai tatha jatak tantra-mantra, jadu aur tone ki sadhna karne ke prati ruchi rakhta hai tatha kabhi-kabhi sadhna karte hue mrityu ko prapt hota hai. yah chihn guru parvat par kuch shubh hota hai. jatak manchahi shadi karne men safal hota hai. yadi koi rekha jivan rekha se akar is guru parvat ke kraes ko kate, ya kat kar age nikal jae to jis ayu men yah rekha jivan rekha se bahar niklegi, us ayu men jatak dhanhin evan padhin ho jaega. mangal ke do parvat hote hain. ek jivan rekha ke andar anguthe ke niche evan shukra parvat ke upar hota hai jise nimn mangal parvat kahte hain. dusra budh parvat ke niche tatha chandra parvat ke upar, hriday tatha mastishk rekha ke bich men hota hai, jise uchch ka mangal kaha jata hai. uchch ke mangal par kraes ka chihn hone se jatak se ladai-jhagde men shatru mara jata hai. chandra ke parvat par kraes pani men dubne se mrityubhay ka chihn hai tatha jatak atmahatya tak kar sakta hai. shukra par kras vyabhichari tatha striyon ke karan badnam hone ka sanket hai. grihasth jivan dukhdayi hota hai. yadi yah kras shukra parvat par jivan rekha ke nikat ho, to sanbandhiyon se mukaddama evan jhagda hota hai. mastishk rekha par sir men chot evan durghatana se mastishk shakti kamjor ho jati hai. hriday rekha par kras hone se kisi priya sanbandhi ki mrityu hoti hai. bhagya rekha par kras hone se jatak dhanhin hota hai evan badnami se uski mrityu hoti hai ya vah atmahatya karta hai. surya rekha par kras se pad evan pratishtha ki hani hoti hai. vivah rekha par kras ho to patni-pati man jhagda hota rahta hai aur ant men talak ho jata hai. hriday aur mastishk rekha ke bich ke kshetra men kras ho to jatak bhakt admi aur gupt vidhaon ki jankari rakhne vala hota hai. vritt surya parvat ko chod kar anya parvaton par vritt ka chihn ashubh hi hota hai. surya parvat par vritt ka chihn ho to jatak saubhagyashali evan asani se saflta pane vala hota hai. guru par vritt ka chihn hone se jatak ghamandi tatha tanashah hota hai aur apne mijaj ke karan sada hani uthata hai. budh par kraes hone se jatak chalak, jhutha evan thag hota hai. paisa kamana uska adarsh hota hai; chahe bhale karyon se kamaya jae, ya bure karyon se. sath hi jab budh ki anguli tedhi ho, to yah gun aur bhi badh jate hain tatha jatak apradhi tak ban jata hai. shani kshetra par vritt chihn ho to jatak jivan bhar duahkhi rahta hai. sanbandhi uska sath chod jate hain tatha uski vriddh avastha kashtadayak hi hoti hai. chandra par vritt hone se pani men dub kar mrityu hoti hai. jatak ko hamesha gahre jal se bach kar rahna chahie. shukra par vritt hone se jatak bhogi, kami aur vasnarat jivan bitata hai. use kai prakar ke rati rog ho jate hain. nimn mangal par vritt jatak ko darpok banata hai, jabki uchch mangal par vritt jatak ko krodhi banata hai. apne krodh par uska niyantran n hone se jatak hatya jaisa apradh tak kar baithta hai. yadi vritt bhagya rekha par ho to jatak us umra tak bhagyahin hoga, jab tak yah bhagya rekha par dikhai dega. kamai ke raste men sada badhaen aengi tatha jatak kuch dhan bhi nahin bacha paega. use sada dhan ki hani hoti rahegi. surya rekha par vritt hone se jatak badnam hota hai tatha pratishtha ki hani hoti hai. yadi hriday rekha par vritt ka chihn najar ae, to hriday ki kamjori evan dil ke daure ki bhavishyavani karni chahie. jivan rekha par vritt ho, to jatak tab tak rogi rahega, jab tak yah vritt ka chihn rahega. svasthya rekha par hone se bhi use yahi fal milta hai. mastishk rekha par vritt ho to yah mastishk ke vikaron ka dyotak hai. jatak paglon jaisa vyavhar karne lag jata hai. yadi is vritt ke bad mastishk rekha pusht ho to jatak kuch samay bad apne ap thik ho jaega. yadi vritt ke bad vah rekha aur bhi kamjor najar ae to jatak rogi hi rahta hai. trikon tin rekhaon ke apas men milne se bani akriti ko trikon ya tribhuj kahte hain. yah mukhya rekhaon ke katne ya milne se nahin banta, apitu sukshm rekhaon dvara iska nirman hota hai. yah chihn hatheli men jitna saf evan nirdosh bana hoga, utna hi shubh mana jaega. guru parvat par trikon hone se jatak sadaiv unnati ki or agrasar hota hai; shani par ekantvasi, tantra-mantra sadhak hota hai. surya parvat par trikon hone se jatak kalakar hota hai evan uchch pad prapt karta hai tatha har karya men safal ho jata hai. budh kshetra par trikon jatak ko safal vyapari, dhani evan pratishthavan banata hai. uchch ke mangal parvat par trikon hone se yuddh men shaurya dvara samman prapt hota hai tatha nimn mangal par atmaraksha karne vala ladaku hota hai. shukra parvat par trikon ho to jatak shreshth kalakar parantu dhan ka lobhi hota hai. chandra parvat par trikon hone se jatak gupt vidya ka jankar tatha maran adi prayogon ko janne evan karne vala hota hai. spasht trikon ya tribhuj shubh faldayi hote hain tatha aspasht trikon ashubh faldayi hota hai. yadi hatheli par aspasht aur tuta hua trikon bana dikhai de, to uparyukt gunon men kami tatha uparyukt gunon ka ulta fal hota hai. dvip yah abhaga chihn hai tatha jis parvat athva rekha par yah paya jata hai uske gunon ko prabhavit karta hai. hriday rekha par dvip hone se hriday rog hone ki sanbhavna hoti hai tatha jatak hriday rogon se pidit rahta hai. mastishk rekha par dvip ho to mastishk ki kamjori evan pagalapan dikhata hai. bhagya rekha par dvip ho to yah ek abhage tatha durbhagyapurn bhagya ka suchak hai. jatak asafal tatha vyavsay men hani uthata hai. surya rekha par chihn hone se jatak kul ko kalank lagane vale karya karte hain. jivan rekha par yah chihn ho to jatak ko rogon se grast rahna padega. jab yah chihn brihaspati ke parvat par hoga to jatak ghamandi, jhagdalu evan fijul bolne vala hoga. shani par dvip ka chihn durbhagya ka suchak hai tatha jatak ki vriddhavastha dukhmyi rahti hai. sabhi sanbandhi ek-ek kar ke, ant men uska sath chod dete hain. surya parvat par yah chihn durbhagya ka suchak hai. surya parvat par yah chihn badnami ka karan evan pratishtha ko dhakka pahunchane vala mana jata hai. budh kshetra par yah bure gunon men vriddhi ka dyotak hai tatha jatak ashubh papi karya karta hai. shukra par yah chihn parastrigami tatha stri ke hathon ant ka sanket hai. is karan jatak ka garhasthya jivan kleshpurn hi rahta hai. mangal ke donon parvaton par yah yuddh men mrityu tatha chandra par yah jal dvara maut ka suchak hai. bindu hatheli men bindu prayah kale rang ke paye jate hain. bindu ke bare men vichar prakat kiya jata hai ki mutthi band karne par jo bindu ya til hatheli ke andar mutthi men a jae, vah prayah ashubh prabhav nahin karta anyatha sada in binduon ka prabhav ashubh hi hota hai. yah chihn jis kisi bhi parvat par ya jis rekha par najar aega, uske gunon ko ekadam viprit kar dega. svasthya rekha athva jivan rekha par yah jatak ke rugn rahne ka suchak hai. bhagya rekha par yah amanglkari bhagya ki suchna deta hai. surya rekha par yah chihn pad evan pratishtha ko dhakka pahunchane vala tatha kalank lagvane vala ek ashubh chihn mana gaya hai. chatushkon yah ek mangldayak tatha shubh chihn hai. jivan rekha par yah chihn bimariyon se raksha karta hai. mastishk rekha par yah chihn mastishk men hone vale rog, pagalapan aur mastishk ko durghatana se hone vali hani ya sir men chot lagne se bachata hai. yah bhagya rekha par hone se bure samay se raksha karta hai tatha surya rekha par ho to pad evan pratishtha ko koi hani nahin hone deta; bhale hi us chatushkon ke samay men surya rekha tuti-futi kyon n ho. chandra parvat par yah jal yatra men athva pani men dubne se raksha karta hai. mangal parvat par yah chihn shatru se raksha karta hai evan yuddh men vijay dilata hai. brihaspati parvat par yah har prakar ke sankton se raksha karta hai. budh ke parvat par yah chihn vyapar men hani hone se raksha karta hai. shukra kshetra par yah jatak ki kam vasna ke karyon se hone vali hani se raksha karta hai. shani par yadi yah chihn ho, to jatak har sankat se ubar kar bach jata hai. tara yah ek mahattvapurn chihn hai. iske mahatva tatha gunon ko iske paye jane vale sthan se anka jata hai kyonki yah bhinna-bhinn jagah evan kshetron par bhinna-bhinn prabhav aur fal deta hai. guru parvat par tare ka chihn hone se jatak safal rajneta evan rajdut hota hai. jatak har taraf se kamyab evan safal jivan jita hai. shani par tare ka chihn thoda ashubh hota hai. jatak ki hatya tak ho sakti hai. aisa jatak tantra-mantra ki siddhi karte hue maut ko prapt ho sakta hai. surya parvat par tare ka chihn hona man ki prapti tatha uchch logon se sanpark hone ka chihn hai. jatak pratishtha evan pad ko asani se prapt kar leta hai. parantu kai jatkane ke lie ankhon men kamjori ka chihn hone se ve apni saflta se kabhi bhi santusht nahin hote. paisa kamana evan paise ka pujari, aisa jatak apne svarth ko pura karne ke lie katla jaise apradh tak kar deta hai. chandra par tare ka chihn hone se jatak kavita tatha sahitya men saflta prapt karta hai tatha kavi hota hai. parantu jatak ko sadaiv gahre jal se pare rahna chahie, kyonki yah tara (chandra par) jal men dub kar mrityu hona bhi batata hai. shukra ke parvat par tare ka chihn ho, to jatak stri ke dvara duahkh bhogta hai. yadi jivan rekha par tara dikhe, to jatak kathin rogon ka shikar hota rahta hai. hriday rekha par tara dil ke daure ki suchna deta hai. mastak rekha par yadi tara ho to durghatana se sir men chot lagti hai. jali yah chihn adi- tedhi rekhaon ke apas men ek duje ko katne se banta hai. yah ashubh, bura aur abhaga chihn hai so iska hath men n hona hi uttam hoga. guru parvat par yah jatak ko svarthi evan ghamandi bana deta hai. shani par jali vale jatak ki mrityu jahar, katla ya hatya dvara hoti hai. surya parvat par yadi jali ka chihn ho to jatak pad evan pratishtha ko kho deta hai. budh ke parvat par yah chihn jatak ke thag evan chor hone ka suchak hai. mangal parvat par yah chihn hone se jatak jhagde men tej hathiyar dvara mara jata hai. shukra par yah chihn jatak ko kami bana deta hai tatha kabhi-kabhi vah stri ke hathon mrityu ka shikar ban jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  May 2013

fyuchar samachar patrika ke paravidya visheshank men 2014 ke saubhagyashali santan yog, prem-vivah aur jyotishiya grah yog, sanjay datta: sangharsh abhi baki, shubh muhurt manoge to bhagya badlega, bhog karak shukra aur barhvan bhav, santti yog, vishisht dhan yog, janmavar se sharirik akarshan aur vyaktitva, lagn rashi: vyaktitva ka aina, ankon ki utpatti, ank jyotish ke rahasya, mangal ka fal, satyaktha, pauranik katha ke atirikt, lal kitab ke achuk upay, vastu prashnottari, yantra samiksha/mantra gyan, helth kaipsul, prakritik chikitsa, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.