अंकों की उत्पत्ति

ankon ki utpatti  

Ank ke aur Lekh | Sambandhit Lekh | Views : 4980 |  
ank ya sankhya ka shabd evan kriya se ghanishth sanbandh hai. (0) shunya nirakar brahm ya anant ka pratik hai. shunya se srishti ki utpatti hui hai evan shunya men hi sab kuch vilin ho jata hai. yah shunya sukshm se sukshmatar evan brihad se brihdakar hai. ham jab bhi apni drishti charon or ghumaenge to hamen sab kuch gol hi gol dikhai deta hai. yah gol hi vishva hai. akash, prithvi, vayu, jal, agni sabhi kuch golakar hai. hamare sharir men sthit vibhinn dvar bhi gol hi hain. isi lie shunya ki shakti sabse badi hai aur is shunya ko hamare rishi-muniyon ne khoja, jise aj pura vishva manta hai. ham aj kanpyutar ke yug men pahunch gaye hain aur is kanpyutar ka adhar bhi hamara shunya hi hai, jise kanpyutar ki bhasha men daet khkvj, kaha jata hai. shunya se hi srishti ki utpatti hui aur srishti ek kahlayi arthat is srishti ko sanchalit karne vali koi ek shakti hai, jo adrishya hai evan vidhipurvak is srishti ka sanchalan kar rahi hai. use hamne brahm ki sangya pradan ki. atah brahm ek hai evan use pukarne ke nam anek hain. manav ne jab ankhen kholin to use surya evan chandra do tare akash men dikhai diye. atah prakashit grah do hi hain, tisra nahin hai jo niyamit manushya ka marg pradarshan karne ki kshamata rakhta ho. surya nitya din ko uday hota hai. atah use pratham sthan prapt hua aur ek sankhya ka pratinidhitva mila. ank 1 ke svami surya ka, atma se sanbandh hai. yah vyakti ya samashti ki atm shakti ka gyan karata hai. chandrama ne rat banayi aur do ki sankhya chandrama ki hui. chandra ka bhautik sukhon se sanbandh hai. yah manav ko man ki vichar shakti pradan karta hai. surya ko purush grah ke rup men svikar kiya gaya. jis prakar purush ek hai evan dvitiya nari hai tatha nari ke do rup pratyaksh hain- ek kanya rup, dusra patni rup. donon jagah uski alag pahchan hai. chandra ko stri grah mana gaya aur chandra ki kalaon ki tarah hi nari ki kalaen hain. jis tarah chandra sattais din men sabhi nakshatron ka bhog karta hai usi tarah nari bhi sattais din ke pashchat shuddh hoti hai. jab manav ne akash, prithvi evan jal athva samudra ko dekha to use brahm ki shakti ka gyan hua aur 3 ki sankhya prachalan men ayi. isilie 3 ke ank ko vistar ka ank mana gaya aur iska svamitva guru ko pradan kiya gaya. guru ka atma se sanbandh hai. yah srishti ke failav tatha atma ke prasar v vistar ke gyan ka bodh karata hai. hamare tin hi dev hain jo trishakti ke adhishthata hain. inmen tin gun samaye hue hain. satoguni brahma, rajoguni vishnu evan tamoguni shiv. inki tin shaktiyan utpatti, palan evan sanhar hain athva ichcha brahmi shakti, kriya vaishnavi shakti evan gauri shakti gyan hai. yahi chandra, surya evan agni hain. bachapan, javani aur budhapa bhi yahi hain. bachapan men sharir chandra kalaon ki tarah viksit hota hai. javani men surya ki tarah prakashit evan vriddhavastha men agni ki or unmukh hota hai. sharir men tin hi pramukh nadi ida, pingla evan sushumna hain. manushya ke tin hi karm hain- sanchit, prarabdh evan agami. jab usne charan or najar ghumayi to use char dishaen dikhai din, jisse char ki sankhya udit hui. yahi charon dishaen hamare charon vedon ka, charon up vedon ka, charon taraf ke admiyon ka, arthat charon varnon ka pratinidhitva karti hain. ise rahu ya harshal grah ka nam diya gaya, jo parivartan evan akramkta ka dyotak hai. manav par jab bhi vipatti ati hai charon or se hi ati hai. rahu/harshal ka bhautik sukhon se sanbandh hai. yah bhautik jagat men sharir ko jivni shakti pradan karta hai. manushya ki jagrit adi char avasthaen isse prakat hoti hain. charon dharm, charon tirth isi sankhya men samahit hain. deh char prakar ki hoti hai ud vriksh, svedaj krimi kit, andaj sarp machli pakshi evan jarayuj manushya. annamay, manomay, vigyanamay aur anandamay yahi hamare char kosh hain jo manav sharir men sthit hain. iske bad manav jivan ne apni mulbhut avashyaktaon men panch tatvon ko pahchana akash, vayu, agni, jal evan prithvi inke gunon ko shabd, sparsh, rup, ras evan gandh ko jana. usne inke alg-alag panch dev nirupit kiye aur panch ke ank ki pahchan hui. dev vidya, buddhi evan vani ke data hain. atah panch ki sankhya ka adhipatya yuvraj budh ko pradan kiya gaya. budh ka sanbandh bauddhik sukhon se hai. yah buddhi evan vivek ka gyan karata hai. panch ki sankhya hamari panch shakti, panch ratn, sammohnadi panch van, panch kamdev, panch kala, panch makar, panch bhut, panch richa evan panch pranon adi ka srijan karti hai. tatpashchat manav ras men lin hua aur chah rasaynon - madhur, amla, lavan, katu, tikt evan kashay ka gyan prapt kiya. yahi hamare chah darshan - shiksha, kalp, vyakaran, nirukt, chand evan jyotish athva vedant, sankhya, mimansa, vaisheshik, nyay evan tark hain. hamare amnay bhi chah hi hain purvamnay, dakshinamnay, pashchimnay, uttaramnay, udhrvamnay evan adhamnay hain. vasantadi chah rituen, chah amodadi gun, chah kosh, chah dakini, chah marg, shatkon yantra evan chah adhar hain. chah ki sankhya shukra grah ko prapt hui. shukracharya mritsanjivni vidya se le kar tantra mantra evan chainsath kalaon ke jankar the, jo shukra grah ke prabhav men darshit hota hai. shukra bauddhik sukh pradan karta hai. iska manav ki bhavna evan sanvednaon par sidha asar hota hai. samagra aishvarya, virya, yash, shri, gyan aur rup inhin chah gunon ki samashti ko bhag kahte hain. sharir ki chah avasthaen bhukh, pyas, shok, moh, jara-vriddhavastha aur mrityu hain. pita ke shukra se snayu, asthi, majja evan mata ke rakt se chamdi, mans, rakt kul chah ka yog sharir men rahta hai. jab usne nirantar akash mandal ko nihara to use sapt rishiyon ke darshan hue, sapt nadiyon ko dekha, nadiyon ki sapt dharaon ko dekha, sangit ke sat svaron ko pahchana aur sat ke ank ka avishkar hua. yahi hamare uchch shreni ke sapt lok hain tatha narak ke bhi sapt dvar hain. ank sat ka adhishthata ketu ya nepachyun grah ko mana gaya. isilie kuch granthon men ketu ko moksh ka pratik mana gaya hai. nepachyun bauddhik sukh pradan karta hai. yah manushya ko kalpana shakti pradan karta hai. sat ki sankhya hamare sat lok, sat parvat, sat dvip, sat patal, sat samudra, sat grah, sat raja, sapt rishi, sapt samidha, agni ki sapt jihva, surya rath ke sat ghode, sat rang evan sapt dhatuon ka pratinidhitva karti hai. in sabki raksha hetu manav ne asht bhairav, asht siddhi, asht pith adi ki upasna ki. yahi ath shani prabhavit ank kahlaya, jo sabko ya to kasht deta hai ya kasht se mukti deta hai. shani ka sanbandh bhautik sukhon se hai. shani ke pas sharir ko kshay karne vali shaktiyan rahtin hain. hamare ath hi vasu (sarpa), asht mataen, asht nadi evan marm, asht gandh ityadi tatha asht pash - ghrina, lajja, bhay, shok, jugupsa, kul, shil evan jati hain. in asht pashon men jiv bandha hua hai aur jo inse mukt hai vah sadashiv hai. iske bad manav ne vibhinn rupon men nau deviyon, nau ratnon, nau nidhiyon, nau rason, nau pran, nau dutiyon evan nau kumariyon ko dekha aur navatmak sabhi varg tatha mandal is nau ke ank se sanchalit hote hain. yah nau ka ank svatantra ank kahlaya aur iska adhishthata mangal grah bana. jo grah mandal ka senapti hai. mangal ka atma se sanbandh hai. yah svatantra bhavna ka gyan karata hai. ham kisi bhi sankhya ko kahin tak le jaen uska kul yog nau se adhik nahin ho sakta. vaise hamari jitni bhi ganna ya jyamitiya sutra hain ve sab nau ke ank par hi viram lete hain. udahrnarth kuch jyamitiya siddhant prastut hain : sat yug praman 1728000 = 9 treta yug praman 1296000 = 9 dvapar yug praman 864000 = 9 kali yug praman 432000 = 9 nakshatra mas 1809 = 9 ek varsh men din 360 = 9 bhachakra men ansh 360 = 9 chandra nakshatra 27 = 9 nakshatra charan 108 = 9 grah 9 = 9 ek mahayug ke saur manav varsh 4320000 = 9 ek kalp men surya ke bhagan 4320000000 = 9 ek kalp men chandra ke bhagan 57753333000 = 9 ham mantra japne ki mala ka prayog karte hain. jo 27, 54 ya 108 dane ki rahti hai. inka yog bhi 9 hi hota hai. manushya din-rat men kul 21600 sansan leta hai, jiska yog 9 hota hai. hamare sharir men 72000 nadiyan mani gayi hain, inka yog 9 hota hai. 18 puran evan 108 upnishdon ka yog bhi 9 hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  May 2013

fyuchar samachar patrika ke paravidya visheshank men 2014 ke saubhagyashali santan yog, prem-vivah aur jyotishiya grah yog, sanjay datta: sangharsh abhi baki, shubh muhurt manoge to bhagya badlega, bhog karak shukra aur barhvan bhav, santti yog, vishisht dhan yog, janmavar se sharirik akarshan aur vyaktitva, lagn rashi: vyaktitva ka aina, ankon ki utpatti, ank jyotish ke rahasya, mangal ka fal, satyaktha, pauranik katha ke atirikt, lal kitab ke achuk upay, vastu prashnottari, yantra samiksha/mantra gyan, helth kaipsul, prakritik chikitsa, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.