सरस्वती यंत्र/ सरस्वती मंत्र

sarasvati yantra/ sarasvati mantra  

Ank ke aur Lekh | Sambandhit Lekh | Views : 5488 |  
man sarasvati ko vidya, shiksha, gyan, kala, sangit ki devi ke rup men manyata prapt hai tatha anek vaidik jyotishi yah mante hain ki man sarasvati ki kripa ke bina kisi bhi prakar ki kala athva vidya ki prapti nahin ho sakti. gyan ko sansar men sabhi chijon se shreshth kaha gaya hai. is adhar par devi sarasvati sabhi se shreshth hain. sarasvati ji ki upasna se hi indra shabd shastra aur uska arth samajh pae atah gyan prapti hetu devi ki upasna, puja hi shreyaskar hai. sarasvati ke prasad se hi shukracharya sabhi daityon ke pujyaniya guru ho gae. sarasvati kripa se hi bhagvan ved vyas charon vedon ko vibhakt kar sanpurn puranon ki rachna kar pae. vadya manushya ke vyaktitva ke vikas ke lie hai. jis prakar sharirik vikas ke lie bhojan ki avashyakta hoti hai, usi tarah mastishk ke vikas ke lie vidya ki avashyakta hoti hai. bhagvti sarasvati param sukhdayi hanai. inki puja ke prabhav se murkh bhi pandit ban jata hai. sarasvati vani evan gyan ki devi hain. vidya ki devi sarasvati ki aradhna evan kripa drishti prapti ke lie sarasvati yantra dharan karna labhaprad rahta hai. brihaspati dev bhi vidya evan buddhi ke devta hain. islie brihaspati evan sarasvati yantra ek dusre ke paryay hi mane jate hain. isi karan vaidik jyotish hajaron salon se bhi sarasvati yantra ka prayog man sarasvati ka ashirvad prapt karne ke lie tatha anek prakar ke labh prapt karne ke lie karta raha hai tatha aj bhi shri sarasvati yantra ke vidhivat prayog se anek prakar ki manokamnaen purn ki ja sakti hain. shri sarasvati yantra ke sath ki jane vali man sarasvati ki puja ke sath-sath shri sarasvati yantra ka prayog karna vishesh labhkari rahta hai. sarasvati yantra ke madhyam se man sarasvati ke sath pragarh sanbandh sthapit karke unki kripa prapt ki ja sakti hai. shri sarasvati yantra ke vidhivat prayog ke sath kuch anya vishesh prakar ke upay karne se anek prakar ke doshon evan kashton ka nivaran ho sakta hai tatha unhen apne jivan ke vibhinn kshetron men anek prakar ke shubh fal tatha labh prapt ho sakte hain. shri sarasvati yantra ka nitya pujan shiksha se sanbandhit shubh fal prapt karne ke lie, gyan, vidya, kala, sangit, gayan, vani kaushal tatha anya bahut si manokamnaon ki purti ke lie vishesh rup se kiya jata hai tatha is yantra ko vidhitavat sthapit kar puja karne se jivan ke vibhinn kshetron men anek prakar ke labh prapt kiye ja sakte hain. shri sarasvati yantra ko sthapit karne se prapt hone vale labh kisi jatak ko purn rup se tabhi prapt ho sakte hain jab shri sarasvati yantra shuddhi karan, pran pratishtha tatha urja sangrah ki prakriyaon ke madhyam se vidhivat banaya gaya ho, tabhi vah apne purn fal dene men saksham hota hai. vidhivat nahin banae gae shri sarasvati yantra ko sthapit karna koi vishesh labh pradan karne men saksham nahin hota. shuddhikaran ke pashchat shri sarasvati yantra ko shri sarasvati mantran ki sahayta se ek vishesh vidhi ke madhyam se urja pradan ki jati ha jo man sarasvati ki shubh urja ke rup men is yantra men sangrahit ho jati hai. jitne adhik mantron ki shakti ke sath kisi bhi sarasvati yantra ko urja pradan ki jati hai, utna hi adhik shaktishali vah sarasvati yantra ho jata hai. shri sarasvati yantra ki sthapna ke din nahane ke pashchat apne yantra ko samne rakhakar 11 ya 21 bar shri sarasvati mantra ka jap karen tatha tatpashchat apne shri sarasvati yantra par thore se gangajal athva kachche dudh ke chinte den, man sarasvati se is yantra ke madhyam se adhik se adhik shubh fal pradan karne ki prarthana karen tatha tatpashchat is yantra ko iske lie nishchit kiye gaye sthan par sthapit kar den. shri sarasvati yantra sthapit karne ke bad is yantra se nirantar shubh fal prapt karte rahne ke lie, yantra ki niyamit rup se puja karni chahie. pratidin snan karne ke pashchat shri sarasvati yantra ki sthapna vale sthan par jaen tatha is yantra ko naman karke 11 ya 21 shri sarasvati bij mantron ke uchcharan ke pashchat apni ichchit manokamna ka man men smaran karke sfatik ki mala se kisi bhi sarasvati mantra ki shant man se ek mala feren. sarasvati mantra ya kundendu tushar har dhavla ya shubh vastravrita. ya vina var dand mandit kara ya shvet padmasna. ya brahmachyutt shankrah prabhutirbhidevaiah sada vandita. sa man patu sarasvati bhagvti niahshesh jadya paha. -arthat jo vidya ki devi bhagvti sarasvati kund ke ful, chandrama, himrashi aur moti ke har ki tarah shvet varn ki hain aur jo shvet vastra dharan karti hain, jinke hath men vina-dand shobhayman hain, jinhonne shvet kamlon par apna asan grahan kiya hai tatha brahma, vishnu evan shankar adi devtaon dvara jo sada pujit hain, sanpurn jarta aur agyan ko dur kar dene vali aisi man sarasvati ap hamari raksha karen.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  May 2013

fyuchar samachar patrika ke paravidya visheshank men 2014 ke saubhagyashali santan yog, prem-vivah aur jyotishiya grah yog, sanjay datta: sangharsh abhi baki, shubh muhurt manoge to bhagya badlega, bhog karak shukra aur barhvan bhav, santti yog, vishisht dhan yog, janmavar se sharirik akarshan aur vyaktitva, lagn rashi: vyaktitva ka aina, ankon ki utpatti, ank jyotish ke rahasya, mangal ka fal, satyaktha, pauranik katha ke atirikt, lal kitab ke achuk upay, vastu prashnottari, yantra samiksha/mantra gyan, helth kaipsul, prakritik chikitsa, vivadit vastu, adi vishyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.