pratyek vyakti ki yahi kamna hoti hai ki mata lakshmi ka agaman hamare ghar men ho aur hamen sarvasmriddhi ki prapti ho. dipavli par ki jane vali vibhinn puja-archana adi ke sath-sath kuch saral vastu prayogon ko bhi yadi apnaya jaye to nishchit hi mata lakshmi ki kripa se apke ghar men dhan ka agaman sadaiv hota rahega.
1. apne ghar ke ishan kon aur uttar disha ko sadaiv saf-svachch, khula aur halka rakhen to arthik samriddhi ki prapti hogi.
2. yadi ghar ke ishan kon aur uttar men kura-kachra ya anavashyak saman ho to ise hatane se dhan agaman ka marg khulega.
3. ghar men purva ya uttar disha ke bich yadi halke v kam unchai vale hare paudhe rakhen jayen to dhan samriddhi dayak hote hain.
4. arthik samriddhi ke liye ghar ke ishan kon men jal se bhara ek stil ka patra avashya rakhen aur saptah men ek bar jal ko badal den.
5. yadi ghar ke nairritya kon aur dakshin disha men boring ya koi gaddha hai to dhan kabhi nahin ruk payega atah is disha men koi gaddha n karen.
6. apne ghar ke brahmasthan arthat kendra ko saf-svachch v khula rakhna bhi dhan prapti men sahayak hai.
7. ghar men sukhe hue ful v paudhe bhi dhanagaman men badhak hote hain. inhen ghar men n rakhen.
8. ghar men sabhi ghariyan aur darpan uttar ya purva ki divar par lagayen.
9. ghar ke ishan kon ya uttar disha men kiya gaya boring (jal srot) bhi dhansmriddhi dene vala hota hai.
10. ghar ke mukhya dvar par svastik lagana bhi arthik badhaon ko nasht karta hai.
11. dipavli par arthik samriddhi hetu lakshmi puja ke uprant ishankon, uttar aur brahmasthan par ek-ek diya avashya jalayen.
jivan men jarurat hai jyotishiya margadarshan ki? abhi bat karen fyuchar point jyotishiyon se!