दीपावली स्वयं में है एक उपाय

dipavli svayan men hai ek upay  

Ank ke aur Lekh | Sambandhit Lekh | Views : 985 |  
tyauharon ka manav jivan par vishesh prabhav hai. har tyauhar jivan ki antrik aur bahya paristhitiyon ki shuddhi karta hai aur isi ke sath-sath samajik kshetra men bhi sakaratmak urja utpann karta hai. jara dhyan se adhyayan karen ki dipavli ke tyauhar se hamare jivan men vastu aur grahon par kya sambandh ho sakta hai. kuch acharyon ne batlaya hai ki prachin rishi aur acharya yah chahte the ki ane vale samay men har vyakti vishesh sukhi rahe, chote-chote vaigyanik prabhavon vali baton ko bhi unhonne bhay ke madhyam se manav jivan men sucharu karne ka socha. udaharan atah vastu shastra ke anusar ghar men kaiktas ke paudhe nahin hone chahie. isse sharirik evan mansik kasht ki utpatti hogi. ab iska arth samjhen ki kaiktas ka paudha kaise ghar men sharirik aur mansik kasht dega. agar ghar men kante vale paudhe honge aur usi ghar men chote bachche bhi hon n jane kab aisi ghatna ghat jae ki bachchon ko jane anjane men kante vale paudhe se kuch nuksan ho jaye ya chot lag jaye. to, ho gaya n sharirik kasht aur mata pita ko mansik kasht. isi prakar bare- bujurgon ke dvara samanya taur par kaha jata hai ki sham ke bad ghar men jharu n lagayen dhan hani, akasmik nuksan hota hai. ab ise samjhte hain, purane samay men bijli nahin hoti thi, kai-kai jaghon par sirf kabhi-kabhi upalabdh thi sham ke samay jab din dhal jata tha to lalten adi ka istemal hota tha jiski roshni paryapt nahin thi. ab man len ki andhere men vastra badlte samay ya sone ke samay se uthne ke samay tak koi kimti gahna ya vastu jhadu lagate samay ghar se bahar chali gai to kya hoga ? vahi dhan hani evan akasmik nuksan. isi tarah dipavli hindu dharm ka sabse bada aur khushhal tyauhar hai. sabhi jan man lakshmi ki kripa ke patra hokar samriddh hona chahte hain. prachin samay se hi sabhi logon men dipavli se pahle gharon men rangai-putai, naya farnichar adi saman lene ki pratha hai. vastu ke anusar kisi bhi sthan vishesh par jab koi vastu bahut samay se sirf pari rahti hai uska istemal nahin hota ya vah apni jagah se kabhi badlti nahin hai to uske as-pas ka aura nakaratmak hone lagta hai aur yahi nakaratmak urja se utpann hote hain vastu dosh. jab bhi ham dipavli par rangai putai karte hain to ghar ka ek-ek saman bahar nikalte hain, rangai ke bad fir se ghar ke andar use sthan dete hain, pure ghar ke antrik aur bahya urjaon ka navinikaran hota hai. purana kabar, kharab ilektraenik saman jo anavashyak ghar men pare-pare vastu dosh de raha hota hai. use nikalakar naya saman ghar men a jata hai. urja ka badlav hamesha man men jivan men khushi deta hai. har tyauhar isi tarah hamari jivnshaili men ek vishesh uddeshya se apni upasthiti rakhta hai. asha hai sabhi jan is dipavli par apne bhavan ko to achche se sajayenge hi, sakaratmak badlav ke lie apne man aur jivan se bhi burai, hinsa adi kure ko nikalakar prem evan achchai ka dipak prakashit karenge, jiske fal svarup man lakshmi ki kripa ap sab par bikhregi.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2014

fyuchar samachar ke dipavli visheshank men sarvopyogi lakshmi pujan vidhi evan dipavli par lakshmi prapti ke saral upay, dipavli evan panch parva, shubh karm se banaen dipavli ko mangalamay, ashtalakshmi, dipavli svaman men hai ek upay v prayog adi lekh sammalit hain. shubhesh sharman ji ka tantra rahasya aur sadhna men saflta asflta ke karan lekh bhi drashtavya hain. masik sthayi stambh men grah sthiti evan vyapar, sheyar bajar, grah spasht, rahukal, pachang, muhutrt grah gochar, rashifal, gyansrita adi sabhi hain. samvatsara-sukshm vivechan jyotish peramiyon ke lie vishesh gyanavardhak sampadkiya hai. samyik charcha men grahan aur uske prabhav par charcha ki gai hai. jyotishiya lekhon men ajivika vichar, falit vichar, lalkitab v makan sukh tatha satyaktha hai. iske atirikt annaprashan sanskar, vastu prashnottari, adarak ke gun aur purva disha ke band hone ke dushparinamon ka varnan kiya gaya hai.

Subscribe

Apne vichar vyakt karein

blog comments powered by Disqus
.