मकान सुख कब?

makan sukh kab?  

Ank ke aur Lekh | Sambandhit Lekh | Views : 2338 |  

lal kitab ke anusar makan ka sanbandh shani se hai. shani janm kundali men jis bhav men hoga usi ke anusar makan ka shubhashubh fal deta hai.

janm kundali men shani lagn men ho, to jatak apne nam se makan banaenge ya kharidenge to ghar-parivar ke lie ashubh fal hoga, vyapar men nuksan hoga.

jab shani ashubh ho (saptama-dasham bhav men koi grah n ho shani shubh fal dega, saptama-dasham bhav men rahu-ketu ho, to saptam dasham bhav khali mana jaega)

janm kundali men shani dvitiya bhav men ho, to jatak ko makan jab aur jaisa mile ya bane banne den, varna ashubh fal honge aur age samay kharab ho jaega aur kismat bhi sath n degi.

janm kundali men shani tritiya bhav men ho, to jatak ko makan banane ke lie upay karna parega, varna dhan hani aur dhan ke dhokhe hone ke karan 55 varsh ki ayu men makan banega.

janm kundali men shani chaturth bhav men ho, to jatak apne nam par makan banayega/khridega to mata/dadi, sas par ashubh fal ho sakta hai ya makan ki ninv khodte samay nanihal, sasural par ashubh fal shuru ho jaenge.

janm kundali men shani pancham bhav men ho, to jatak apne nam se makan banayega to vah makan larke ki bali lenge, magar larke ke banae makan shubh fal denge aur jatak ke lie shubh hoga.

not: 1. 48 varsh ki ayu ke bad makan banayen, varna jatak makan banaega to usko larke ka sukh n hoga. yadi larka hoga to 48 varshayu tak makan ka sukh n hoga. 2. 36 se 39 varshayu ke madhya men makan bane to makan aur larke ka sukh ho sakta hai.

janm kundali men shani chathe bhav men ho, to jatak apne nam par makan 36 ya 39 varsh ki ayu ke bad banayega/khridega to shubh fal hoga, varna byahi hui larkiyon ke sambandhiyon par ashubh fal hoga.

not: makan 36 se 39 varsh ayu ke madhya men ban sakta hai, magar 48 varsh ayu ke bad makan banana bahut hi shubh faldayi hoga.

janm kundali men shani saptam bhav men ho, to jatak ko makan bahut milenge, shubh aur labhdayak honge. chal-chalan kharab ho, to makan bikne shuru ho jaenge.

janm kundali men shani ashtam bhav men ho, to jatak apne nam par makan banayega ya kharidega to uski us makan men lambi bimari bhogne ke bad mrityu hogi.

shani ab rahu-ketu ki sthiti par shubhashubh fal dega.

not: jatak apne nam par makan n banave/n kharide. parivar ke kisi dusre sadasya ke nam par makan kharid/bnva sakta hai.

janm kundali men shani navam bhav men ho, to jatak ki patni ya mata garbhavati ho, to us samay apne nam par makan banayega ya kharidega to uski ya uske pita ki kasht pane ke bad maut hogi.

not: jatak ke 3 rihaishi makan ban jaenge to uski alpayu hone ka bhay rahega.

janm kundali men shani dasham bhav men ho, to jatak apne nam par jab tak makan n banayega ya n kharidega to makan banane ke lie dhan jama hota chala jaega. jab uska makan ban jaega to nakd-dhan ki kami ya nuksan hone shuru ho sakte hain (shani ashubh ho, to).

janm kundali men shani ekadash bhav men ho, to jatak ka makan bahut der ke bad banega lagabhag 55 varsh ki ayu men.

not: makan ka mukhya dvar dakshin disha men ho, to us makan men lambi bimariyan bhogne aur kasht pane ke bad maut ho sakti hai.

janm kundali men shani dvadash bhav men ho, to jatak ke makan bahut banenge jo shubh aur faldayi honge. makan jaisa bane, jab bane, banne den, banta makan n roken, varna age samay kharab ho jaega aur kismat bhi sath n degi (surya ke sath shani bhi chahe is bhav men ho to bhi makan ka shubh fal hoga).

Kya aapko lekh pasand aaya? Subscribe
Kya aapko lekh pasand aaya? Subscribe


Depression and Astrology  सितम्बर 2017

डिप्रेशन रोग एवं ज्योतिष विशेषांक में डिप्रेशन रोग के ज्योतिषीय योगों व कारणों की चर्चा करने हेतु विभिन्न ज्ञानवर्धक लेख व विचार गोष्ठी को सम्मिलित किया गया है। इस अंक की सत्य कथा विशेष रोचक है। वास्तु परिचर्चा और पावन तीर्थ स्थल यात्रा वर्णन सभी को पसंद आएगा। टैरो स्तम्भ में माइनर अर्कानाफाइव आॅफ वांड्स 64 की चर्चा की गई है। महिलाओं के पसंदीदा स्तम्भ ज्योतिष एवं महिलाएं में इस बार भी रोचक लेख सम्मिलित किया गया है।

Subscribe

Apne vichar vyakt karein

blog comments powered by Disqus
.