धन प्राप्त करने के अचूक उपाय

dhan prapt karne ke achuk upay  

Ank ke aur Lekh | Sambandhit Lekh | Views : 10704 |  

is manviya jivan men lakshmi ka prabhutva chod den to shesh rah jata hai shunya. ‘‘sarva guna kanchnmashrayante arthavan sarva lokasya bahumtah. mahendra bhapyashanshinnan n bahu manyate lok praridray khalu purushasya jivitan maranam.’’

chanakya ne thik hi kaha hai ki nirdhanata aj ke yug ka sab se bara abhishap hai. sudrirh arth sanpann vyakti ka samaj adar karta hai. samaj ke sanchalak bhi yahi dhanik hain. kalah ka mul karan dhan hi hai. dhani aur sanpann vyakti ke pas hi satta kendrit hai. dipavli ke din nimn upay karne se lakshmi ki prapti hoti hai.

  • dhanteras par shri kuber yantra ka vidhi-vidhan se pujan karen. us yantra par 108 kamalagatte ke bij man lakshmi ka ekakshari mantra ‘‘shri’’ ka jap karen. agle din yantra ke sath un bijan ko bhi kisi lal kapre men bandh kar dhan rakhne ke sthan par rakhen. varsh bhar lakshmi ki kami nahin rahegi.
  • dipavli ki ratri ko 21 hakik ke pattharan ka pujan karen, fir apne nivas men kahin bhi gar den. varsh bhar man lakshmi ka sthai vas rahega.
  • dipavli ki ratri thik 12 baje 11 ghi ke dipak jalakar apne nivas ke madhya bhag men ek chakra bana kar uske madhya roli se ‘‘shri’’ likhen v 108 bar uchcharan karen, man lakshmi se sthai nivas ki prarthana karen.
  • dipavli ke pujan ke samay lal kapre men kali haldi ke sath sindur v kuch sikke ya rupyon ka pujan karen. agle din usi lal kapre men bandh kar dhan vale sthan par rakhen.
  • dipavli ke pujan se pahle kisi bhi garib suhagan stri ko apni patni ke dvara suhag samagri den, sath men koi itra jarur den.
  • dipavli ki ratri men nivas ke pratyek kamre v mukhya dvar par gehun ki dheri bana kar uske upar shuddh ghi ka dipak rat bhar jalayen. lakshmi ka nivas rahega. is upay se berojgar ko rojgar milta hai.
  • yadi arthik karyon men badhayen ati hain to dhanteras se dipavli tak lagatar tin din shri ganesh stotra ka path karen tatha gay ko hari sabji ya ghas khilayen. badhayen samapt hongi tatha man lakshmi ka nivas rahega.
  • dipavli ki ratri sinh lagn men madhya ratri 12 se 2 baje ke bich ek chandi ke gilas men ganga jal bharen, kuch pili mishtann len. purva disha ki or baithakar shri kuber yantra ke samaksh bhog arpit karen aur nimn mantra ki ek mala ya adhik se adhik panch mala ka jap karen. ‘‘un yakshay kuberayah vaishranavay dhan dhanyadipatyai dhanya samriddhi me dehi dapaye svaha’’. mantra jap ke bad ganga jal ko nivas v karyalay ki divaron par chirak den. isse man lakshmi ka sthai vas rahega.
  • dipavli ki ratri se ek asli sfatik ki mala se ‘ain hrin shrin klin’ mantra ka jap 5 mala 40 din tak lagatar karen. 40ven din us mala ko svayan dharan kar len. us din 9 varsh se kam ayu vali kanyaon ko bhojan karayen. ratri ko vah mala puja vali sthan par hi rakh diya karen. dhan ki koi kami nahin rahegi tatha jis kam men hath dalenge saflta milegi.
  • imli ki tahni ko katakar ghar, galle ya almari men rakhne se dhan ki koi kami nahin rahti.
  • dipavli ke din lakshmi pujan ke samay 11 pili kauri ganga jal se shuddh karke, kauriyane par haldi, kumkum lagayen, dusre din lal kapde men bandhakar tijori ya galle men rakhen. man lakshmi ka sthai nivas rahega.
  • narak chaturdashi ke din lal chandan, panch lal gulab ke ful, roli, lal kapre men bandhakar dhup-dip dikhakar dhan rakhne ke sthan par rakh den. ghar men man lakshmi ki sada kripa rahegi.
  • shri yantra, dhanda yantra ya karyasiddhi yantra- inmen se kisi ek ki sthapna dipavli ke din karne se shighra labh milta hai.
  • dipavli se purva nimn yantra chandi par banva len, svarn paelish karva len. dipavli vale din ganga jal se dho kar ise shuddh kar len. lal kapra bicha kar chaval ki dheri par bicha kar rakhen. fir sfatik ki mala se nimn mantra ka jap 11 mala karen. ‘‘un mahalakshmyai namah’’ fir agle din tijori men rakh den. man lakshmi ka nivas sthai rahega.
  • dipavli se ek din pahle ashok vriksh ki puja karen aur agle din jar le jane ka anurodh karen. dipavli ki ratri ko is jar ko bhi vidhi ke sath pujen fir isko tijori men rakhen.
  • riddhi-siddhi ke svami shri ganesh aur dhan ki devi lakshmi hain. in donon ka sanyukt yantra mahayantra kahlata hai. dipavli ko is yantra ki sthapna se man lakshmi ka sthai vas rahta hai.
  • dipavli ke din pati-patni pratah vishnu mandir men jayen aur vahan lakshmi ko vastra charhayen, dhan ki kami kabhi nahin rahegi.
  • dipavli ke agle din gay ke gobar ka dipak bana kar usmen purane gur ki ek deli aur mitha tel dalen aur dipak jala kar ghar ke mukhya dvar ke bich men rakhen, isse sukh-samriddhi varsh bhar bani rahegi.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2014

fyuchar samachar ke dipavli visheshank men sarvopyogi lakshmi pujan vidhi evan dipavli par lakshmi prapti ke saral upay, dipavli evan panch parva, shubh karm se banaen dipavli ko mangalamay, ashtalakshmi, dipavli svaman men hai ek upay v prayog adi lekh sammalit hain. shubhesh sharman ji ka tantra rahasya aur sadhna men saflta asflta ke karan lekh bhi drashtavya hain. masik sthayi stambh men grah sthiti evan vyapar, sheyar bajar, grah spasht, rahukal, pachang, muhutrt grah gochar, rashifal, gyansrita adi sabhi hain. samvatsara-sukshm vivechan jyotish peramiyon ke lie vishesh gyanavardhak sampadkiya hai. samyik charcha men grahan aur uske prabhav par charcha ki gai hai. jyotishiya lekhon men ajivika vichar, falit vichar, lalkitab v makan sukh tatha satyaktha hai. iske atirikt annaprashan sanskar, vastu prashnottari, adarak ke gun aur purva disha ke band hone ke dushparinamon ka varnan kiya gaya hai.

Subscribe

Apne vichar vyakt karein

blog comments powered by Disqus
.