लक्ष्मी प्राप्ति के सरल उपाय

lakshmi prapti ke saral upay  

Ank ke aur Lekh | Sambandhit Lekh | Views : 7510 |  

is laghu lekh men lakshmi prapti ke totke v upayon ki charcha ki gai hai. inmen lakshmi prapti stotra, dhan lakshmi prapti stotra tatha lakshmi pujan ke mahatva ki charcha shamil hain. lakshmi prapti ke anushthanon men lakshmi yantra, dhan lakshmi yantra tatha shri yantra ki puja, upasna ka prachalan puratan hai. lakshmi stotra tatha dhan lakshmi prapti mantra ka jap v path yadi dipavli adi shubh muhurt men lakshmi yantra athva shri yantra ko apne sammukh rakhakar kiya jae to dugna labh milta hai. nimnankit lakshmi prapti ke totke yadi shraddha v bhaktipurvak kiye jayen to avashya shubh faldayi hote hain.

karen lakshmi ji ko prasanna

yadi apki janmapatrika men dhan yog lakshmi yog kamjor hai, hamesha arthik samasyaen bani rahti hain aur hamesha shikayat rahti hai ki hamne to itne sare upay kiye kuch nahin hua iska arth hai ki apke purva janmanusar lakshmi apse ruthi hain to unhen kaise manaye aiye janen vishesh-

1- shri sukt ke lakshmiji ke 16 mantron ka jap dipavli ki rat sthir lagn men aranbh karen aur yah varsh bhar karen. pratidin subah naha-dhokar deshi ghi ka dip jalakar lakshmi ji ke sammukh ghar ke mandir men baithakar shri sukt ke 16 solah mantron ka jap niyam se pure varsh karen. apki arthik samasya ka samadhan nishchit hoga.

2- vishnu sahasranam jap niyamit karne se dhanmarg men a rahi sari badhaon ka nivaran hoga.

3- shanivar ko majdur varg ko bhojan dene ka niyam banayen v sandhya ke samay ek sarson ke tel ka dipak 7 shanivar tak lagatar pravesh dvar par jalayen. yah shanivar se aranbh karen.

4- dipavli ki rat sthir lagn se puri rat ek dip jalakar lakshmi ji ke kisi bhi mantra ka jap karen.

5- apni man, beti ko lakshmi ka rup man kar prasann rakhen. apni ay ka kuch bhag unhen avashya den. sakshat lakshmi ji prasann hogi kabhi kami nahin rahegi.

dip se dip jalate chalo

dipavli kyon, kaise, kab manayen iske mahatva adi ke bare men ham sab jante hain kintu sabhi karya samanya jan svarth vash hokar hi karte hain kyon n ham ye dipavli niahsvarth lakshmi prapti ke saral upay bhav se dip se dip jalakar prakashman karen.

sabhi apne-apne staranusar dipavli manate hain sajate hain. thora gurh sochen to lakshmi ji ko is prakar bhi prasann karen. jinke ghar andhera ho unko dip dan karen. apne sagar men se ek bund ham bhi bant den. lakshmi ji sahi arthon ki sandhya ko kisi garib suhagan stri ko amantrit kar usko suhag samagri, vastra bhent karen v fal mithai v dipdan karen. apka chota sa prayas lakshmi ji ko sahi arth men prasann kar dega, apki puja sarthak hogi. apke ghar dhan-dhanya ki kami nahin hogi. yah karya dipavli ki subah bhi kiya ja sakta hai.

Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2014

fyuchar samachar ke dipavli visheshank men sarvopyogi lakshmi pujan vidhi evan dipavli par lakshmi prapti ke saral upay, dipavli evan panch parva, shubh karm se banaen dipavli ko mangalamay, ashtalakshmi, dipavli svaman men hai ek upay v prayog adi lekh sammalit hain. shubhesh sharman ji ka tantra rahasya aur sadhna men saflta asflta ke karan lekh bhi drashtavya hain. masik sthayi stambh men grah sthiti evan vyapar, sheyar bajar, grah spasht, rahukal, pachang, muhutrt grah gochar, rashifal, gyansrita adi sabhi hain. samvatsara-sukshm vivechan jyotish peramiyon ke lie vishesh gyanavardhak sampadkiya hai. samyik charcha men grahan aur uske prabhav par charcha ki gai hai. jyotishiya lekhon men ajivika vichar, falit vichar, lalkitab v makan sukh tatha satyaktha hai. iske atirikt annaprashan sanskar, vastu prashnottari, adarak ke gun aur purva disha ke band hone ke dushparinamon ka varnan kiya gaya hai.

Subscribe

Apne vichar vyakt karein

blog comments powered by Disqus
.