prashna: antim samay men gangajal aur tulsi dal kyon? uttara: gangajal aur tulsidal tridoshaghn mahaushdhi hai. tulsi men parad v suvarn tattvon ka samavesh hai. gangodak men sarvarog kitanu-sanharini divya shakti hai. frans adi deshon ke vishisht aspatalon men filtar kiya gangodak anek namon se aushdhiyon ki tarah prayog men laya jata hai. tulsi v gangajal donon hi shuchi evan mokshadayak vastuen hain. antim samay men inse barhakar anya koi kalyan akari mahaushdhi nahin ho sakti. prashna: antim samay men dipdan kyon? uttara: dipdan se jivatma ko abhimat prashast marg ki upalabdhi hoti hai. vigyan ka siddhant hai ki ansh apne anshi ke pas pahanuch kar hi vishram leta hai. upar fenka gaya mitti ka dhela punah mitti ki god men ata hai. pani ka rela, nadi anavarat gati se pravahit hokar punah apne utpatti sthal samudra men pahunch kar hi shant hoti hai. isi prakar chaitanyapran vastu ke rup men pravahit agnitatva apne udgam sthal surya pind men pahunchakar hi vishram leta hai. dipak mritak atma ke path ko alokit kar, use gantavya par pahunchne men sahayak hota hai. prashna: kapal kriya kyon? uttara: bhartiya manyataon ke anusar shavdah ke samay jyeshth putra arthi ke dande se kapal sthan ko tin bar sparsh karte huye chot deta hai. ise ‘kapal kriya’ kahte hain. bhartiya rishi keval vansh-paranpra ki raksha hetu grihasthashram men pravesh karte the tatha apne amulya viryaratn ko putrotpadan kritya men prayog kar dalte the. isse kapal forakar pran nikal dalne ki yogyata nasht ho jati hai. jab pita ka dehant ho jata hai to putra pita ke vatsalya bhav ko smaran karke, jo ki usne apne moksh ko bhi nyochavar karke putra-utpadan men dikhaya tha-bar-bar vihval ho uthta hai aur sabhi kutumbiyon ke samne tin-bar manon pratigya karta hai- he pitridev ! apki audhrva daihik karma-kalapon ki kriya-kami ko ab main pura karunga. pura karunga. yahi kapal-kriya ka vastavik bhav hota hai. prashna: sachail (vastra sahit) snan kyon? uttara: mritak ke sath shmashan bhumi tak jane vale sanbandhiyon evan vijatiyon ko sachail snan ki agya shastra dete hain. iska karan yah hai ki mritak n jane kin-kin rogon se biddh hokar sharir tyagne ko vivash hota hai. anek sankramak rogon ke kitanu dagdh hone ke purva uske sharir par chipke rahte hain. shanugami sanbandhiyon ko sachail snan karne se, sankramak rogon se bachav ho jata hai. prashna: asthiyon ko ganga men kyon dalen? uttara: hindu dharmashastron ke anusar mritak ki asthiyan jab tak ganga men rahti hain mritatma shubh lokon men nivas karta hua anandit rahta hai. jab tak mritatma ki bhasm ganga men pravahit nahin karte, mritatma ki parlok yatra praranbh nahin hoti. asthiyon ke vaigyanik parikshan se yah siddh hua hai ki usmen fasforas atyadhik matra men hoti hai jo khad ke rup men bhumi ko upjau banane men vishesh kshamata rakhti hai. ganga hamare krishi pradhan desh ki sabse bari nadi hai. apne nirantar gatishil pravah ke karan iske jal ki upjau shakti nasht n ho jaye, isliye bhi ismen asthipravah ki paranpra vaigyanik sujh-bujh se rakhi gai hai.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2014

fyuchar samachar ke dipavli visheshank men sarvopyogi lakshmi pujan vidhi evan dipavli par lakshmi prapti ke saral upay, dipavli evan panch parva, shubh karm se banaen dipavli ko mangalamay, ashtalakshmi, dipavli svaman men hai ek upay v prayog adi lekh sammalit hain. shubhesh sharman ji ka tantra rahasya aur sadhna men saflta asflta ke karan lekh bhi drashtavya hain. masik sthayi stambh men grah sthiti evan vyapar, sheyar bajar, grah spasht, rahukal, pachang, muhutrt grah gochar, rashifal, gyansrita adi sabhi hain. samvatsara-sukshm vivechan jyotish peramiyon ke lie vishesh gyanavardhak sampadkiya hai. samyik charcha men grahan aur uske prabhav par charcha ki gai hai. jyotishiya lekhon men ajivika vichar, falit vichar, lalkitab v makan sukh tatha satyaktha hai. iske atirikt annaprashan sanskar, vastu prashnottari, adarak ke gun aur purva disha ke band hone ke dushparinamon ka varnan kiya gaya hai.

Subscribe

Apne vichar vyakt karein

blog comments powered by Disqus
.