शरीर पर तिल होने का फल

sharir par til hone ka fal  

Ank ke aur Lekh | Sambandhit Lekh | Views : 9764 |  
prayah sharir ke alg-alg angon par til ke fal bhi alg-alag hote hain. purush ke sharir par dahini or til hona shubh evan labhkari mana gaya hai jabki mahilaon ke bayin taraf vale til shubh evan labhkari mane jate hain. yadi kisi ke hriday par til ho to vah saubhagyavti hoti hai. kisi bhi vyakti ke sharir par barah se jyada til hona achcha nahin mana jata. barah se kam tilon ka hona shubh faldayak hai. til matra saundarya bodhak hi nahin hote hain, ye vyakti ke bhavishya men ghatit hone vali ghatnaon ka sanket bhi dete hain. sharir ke vibhinn angon par til ki sthiti, unke rang aur akriti adi ke adhyayan se jatak ke bhavishya ka anuman lagaya ja sakta hai. vyakti ke chehre par kisi bhi prakar ke ghav adi ke chir inya dag, dhabba adi uske saundarya ka nash karte hain, bhale hi vyakti ke chehre ka rang gora athva sanvla ho. vyakti ke chehre par til to nishchay hi saundaryavardhak hua karte hain. til chehre ki sundrta men char chand laga dete hain. aisi manyata bhi hai ki vyakti ke chehre par kale til use logon ki buri najar se bachate hain. islie ajakal yuvtiyan apne chehre ko sundar banane ke lie krittim til bhi banva leti hain. sharir ke vibhinn angon par pae jane vale tilon ka samanya fal is prakar hai. lalat par til - lalat ke madhya bhag men til nirmal prem ki nishani hai. lalat ke dahine taraf ka til kisi vishay vishesh men nipunta, kintu bayin taraf ka til fijulakharchi ka pratik hota hai. lalat ya mathe ke til ke sanbandh men ek mat yah bhi hai ki dayin or ka til dhan vriddhi karak aur bayin taraf ka til ghor nirashapurn jivan ka suchk hota hai. bhaunhon par til - yadi donon bhauhon par til ho to jatak aksar yatra karta rahta hai. dahini bhaunh par til sukhamay aur bayin par til dukhamay danpatya jivan ka sanket deta hai. ankh ki putli par til - dayin putli par til ho to vyakti ke vichar uchch hote hain. bayin putli par til valon ke vichar kutsit hote hain. putli par til vale log samanyatah bhavuk hote hain. palkon par til - ankh ke palkon par til ho to jatak sanvednshil hota hai. dayin palak par til vale bayin valon ki apeksha adhik sanvednshil hote hain. ankh par til - dayin ankh par til stri se mel hone ka evan bayin ankh par til stri se anaban hone ka abhas deta hai. kan par til - kan par til vyakti ke alpayu hone ka sanket deta hai. nak par til - nak par til ho to vyakti pratibhasanpann aur sukhi hota hai. mahilaon ki nak par til unke saubhagyashali hone ka suchak hai. honth par til - honth par til vale vyakti bahut premi hriday hote hain. yadi til honth ke niche ho to garibi chai rahti hai. munh par til - mukhmandal ke aspas ka til stri tatha purush donon ke sukhi sanpann evan sajjana hone ke suchak hote hain. munh par til vyakti ko bhagya ka dhani banata hai. uska jivnsathi sajjan hota hai. gal par til - gal par lal til shubh fal deta hai. baen gal par krishn varn til vyakti ko nirdhan, kintu daen gal par dhani banata hai. jabre par til - jabre par til ho to svasthya ki anukulta aur pratikulta nirantar bani rahti hai. thori par til - jis stri ki thori par til hota hai, usmen milnsarita ki kami hoti hai. kandhon par til - daen kandhe par til ka hona drirhta tatha baen kandhe par til ka hona tunkmijaji ka suchak hota hai. dahini bhuja par til - aise til vala jatak pratishthit v buddhiman hota hai. log uska adar karte hain. bayin bhuja par til - bayin bhuja par til ho to vyakti jhagralu hota hai. uska sarvatra niradar hota hai, uski buddhi kutsit hoti hai. kohni par til - kohni par til ka paya jana vidvatta ka suchak hai. hathon par til - jiske hathon par til hote hain vah chalak hota hai. hatheli ke til aur unke fal se juri baten... 1. hatheli ke shukra parvat par til hone se vyakti ke vicharon ki pavitrata khatm ho sakti hai. 2. jin logon ki hatheli men chandra parvat par til sthit hai, unhen pani (nadi, talab, kuen, samudra) se savdhan rahna chahie. in logon ke vivah men bhi der ho sakti hai. 3. yadi guru parvat par til hota hai to vivah men pareshaniyan ati hain, kisi bhi kam men uchit saflta prapt nahin ho pati hai. 4. shani parvat par til hone se vivah men vilanb hota hai aur vaivahik jivan bhi santoshjnk nahin rahta hai. 5. surya parvat par til hai to yah man-samman ke lie shubh nahin hota hai. surya parvat par til ho to vyakti ko samaj men apman ka samna karna par sakta hai. 6. yadi kisi vyakti ki hatheli ke budh parvat par til ka nishan ban jata hai to achank koi nuksan ho sakta hai. budh parvat sabse choti ungli ke niche sthit hota hai. jab hatheli men aisi sthiti bane to savdhanipurvak karya karna chahie. rekhaon par til 1. jivan rekha par til svasthya ke lie achcha nahin mana jata hai. is rekha par til ho to ganbhir rog ho sakta hai. 2. hatheli men mastishk rekha par til ho to vyakti ko sir se juri kisi pareshani ka samna karna par sakta hai. 3. hriday rekha par til svasthya ke lie achcha nahin hota hai. 4. bhagya rekha par til hone par vyakti ko bhagya ka sath nahin mil pata hai. aisi sthiti men vyakti ko kari mehanat karni parti hai, lekin asha ke anurup fal prapt nahin ho pata hai. 5. vivah rekha par til hone se vivah men deri ho sakti hai. vaivahik jivan men bhi pareshaniyon ka samna karna par sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe

fes riding visheshank  March 2016

bhavishya kathan ki mahatvapurn paddhatiyan shrashti ke prarambh se hi is dhara ke vibhinn hisson men maujud rahi hain. pratyek sabhyata men kisi n kisi rup men bhavishyavakta athva antardrashta bhut evan bhavishya ke vishay men kisi n kisi prakar se logon ko avagat karate rahe hain. bharat men bhi in vidhaon ki samriddh virasat rahi hai jahan har kal men jyotish, hastarekha shastra, ank shastra, mukhakriti vigyan adi pushpit-pallavit hote rahe hain tatha inhonne logon ke bhavishya ko akar dene men mahti bhumika ada ki hai. fyuchar samachar ke is vartaman visheshank men mukhakriti vigyan par vishesh jor diya gaya hai. is vishay par anek mahatvapurn alekh samavisht kiye gaye hain jinmen se kuch ati mahatvapurn alekh hain: nain antahkaran ke jharokhe hain, banavat ke anusar bhauhen tatha unke fal, ankhe vyaktitva ka aina, nak ki akriti svabhav evan bhavishya adi. in vishisht alekhon ke atirikt purva ki bhanti sabhi sthayi stambh maujud hain jinmen vigya jyotirvidon ke alekhon ko sthan diya gaya hai.

Subscribe

Apne vichar vyakt karein

blog comments powered by Disqus
.