शनि कहां शुभ कहां अशुभ

shani kahan shubh kahan ashubh  

Ank ke aur Lekh | Sambandhit Lekh | Views : 1942 |  
aj jyotish jagat men kisi anya vishay par shayad hi itni charcha hoti ho jitni shani ko lekar hoti hai. jahan ek or sarhesati ko lekar log bhay se vyapt hote hain to dusri or shani ko shraddha se pujte hain jyotish men shani ki bahut bari mahatvapurna bhumika hai. manushya jivan ko sanchalit karne vale anekon ghatak shani ke antargat ate hain aur hamare jivan men ane vale bare parivartan shani ki gatividhiyon par hi nirbhara karte hain. jaisa ki ham jante hain shani, surya ke putra hain aur nav grahon men unhen dandadhikari ka pad bhagvan shiv ke dvara diya gaya hai. bhachakra men makar aur kumbh rashi par shani ka svamitva hai tatha tula rashi men shani ko uchch v mesh rashi men nichasth mana jata hai. surya, chandrama, mangal aur ketu ki shani se shatruta, brihaspati sam v shukra, budh, rahu se mitrata mani jati hai. shani ko hamare karm, janta, naukar, naukri, anushasan, tapasya, adhyatm adi ka karak mana gaya hai. ab prashn yah uthta hai ki shani ki hamare jivan men shubh bhumika hogi ya ashubh. vastav men yah hamari janmakundli men shani ki bhinna-bhinn paristhitiyon par nirbhar karta hai samanyatya vrish, mithun, kanya, tula, makar tatha kanubh lagn vale jatkon ke lie shani ko shubh karak grah mana jata hai aur mesh, kark, sinh, vrishchik, dhanu aur min lagn ki kundali men shani ko akarak grah mana jata hai. iske atirikt shani se milne vala shubh ya ashubh fal is bat par nirbhar karta hai ki shani hamari kundali men hai kis sthiti men. shani yadi janmakundli men sva, uchch, mitra adi rashi men balvan hokar baitha hai to nishchit hi aisa shani jatak ko duradrashta, karmapradhan, anushasit evan achche pad vala vyakti banayega. aisa vyakti karm karte hue bhi apne jivn ko prabhu charnon men lagaega aur yadi shani nich rashi (mesh), shatru rashi ya shatru grahon se prabhavit hokr pirit ya kupit sthiti men hai to vah jatak ko alasya, laprvahi, nakaratmak soch, karmon ko kal par chorne ki pravriÿia dekar jivan ko sangharshon se bhar dega kamjor shani vale jatak ko apne kariyar men bahut sangharshon ke bad hi saflta milti hai. shani ki anya grahon se yuti: 1. shani$surya: shani aur surya ka yog shubh fal karak nahin mana jata vishesh rup se pita aur putra donon men matbhed rah sakte hain. aise vyakti men atmavishvas ki kami rahegi tatha yash prapti men badhaen ayengi. 2. shani$chandrama: aise jatak ko mansik shanti ki kami sadaiv anubhav hogi, mansik ekagrata nahin rahegi. jaldi dipres ho jayega, svabhav men alasya rahega aur mata ke sukh men bhi kami ho sakti hai. 3. shani$mangl: aise jatak ko apne vyavsay ya kariyar men apekshakrit adhik sangharsh karna parta hai aur kathin parishram se hi saflta milti hai. 4. shani$budh: aise jatak apni buddhi, vani, buddhi parak karyon se saflta prapt karte hain aur gahn adhyayan men ruchi rakhte hain. 5. shani$brihaspati: yah bahut shubh yog hota hai. aise jatak apne sabhi karya kafi lagan se karte hain tatha jivan men achche pad prapt karte hain. 6. shani$shukra: yah bhi shubhafal karak hota hai. aise jatak vivah uprant vishesh unnati pate hain tatha dhan samapti ke lie yah yog shubh hai. 7. shani$rahu: yah bahut achcha yog nahin hai. sangharshapurn sthitiyon ke pashchat saflta milti hai, utar-charhav adhik ate hain. 8. shani$ketu: shani ki yuti ketu ke sath ho to jatak ka dhyan adhyatm ya samaj seva ki or unmukh ho sakta hai parantu aise jatak ko apni ajivika chalane ke lie athak prayas karne parte hain. shani aur svasthya: hamare sharir men shani visheshtah pachntantra aur haddiyon ke joron ko niyantrit karta hai. iske atirikt, dant, nakhun, bal, tang, panje bhi shani ke antargat ate hain. jin vyaktiyon ki kundli men shani nich rashi (mesh) men kundli ke chathe ya athven bhav men ho ya anya prakar se pirit ho to aise men pachan tantra se juri samasyaen aur jaeints pen ki samasya ka samna karna parta hai. iske atirikta dirghakalin rogon men bhi shani ki bhumika hoti hai. vishesh rup se kark, sinh aur dhanu lagn vale jatkon ke lie shani apni dashaon men svasthya kasht utpanna karta hai. shani aur ajivika: vartaman yug men shani ko ek takniki grah ke rup men dekha jana chahie. yadi shani kundli men achchi sthiti men hai to nishchit hi takniki kshetra men unnati dega. iske antargata mekenikal injiniyaring, mashinon se jura karya, loha, stil, koyla petrol, gais, kachchi dhatuen, kemikl prodakt, simanet tatha puratatva vibhag se jure karya ate hain. shani aur sarhesati: sarhesati ko lekar sabhi vyakti bhay se vyapt rahte hain. jab shani hamari janma rashi se barhvin rashi men ate hain tab sarhesati ka praranbh hota hai. vastav men yah samay hamen sangharsh ki agni men tapakar hamare purva ashubh karmon ko svachcha karne ka karya karta hai. parantu jyotishiya drishtikon se bat karen to sarhesati ka fal sabke lie ek saman kabhi nahin hota. yah kundli men bani grah sthitiyon par nirbhar karta hai. yadi hamari kundli men sthit shani bahut pirit v kamjor aur visheshakar m ngal, ketu ke prabhav men ho to aise men sarhesati bahut sangharsh aur badhapurna hoti hai. kundli men chanradma yadi atipirit ho tab bhi sarhesati men dushparinam milte hain. parantu yadi kundli men shani brihaspati ya mitra grahon budh, shukra ke adhik prabhav men shubh sthiti men hai to sarhesati men adhik samasyaen nahin atin. iske alava sarhesati ke antargat gochar ka shani yadi un rashiyon se gujrta hai jinmen hamare janmakalin shukra, budh v brihaspati baithe hain tab bhi sarhesati shubhafal karak hoti hai. shani shanti ke upay: yadi shani ki dasha ya sarhesati men pratikul parinam mil rahe hon to nimnalikhit upay avashya karen. 1. un shan shanaishcharay namah ka 108 bar jap karen. 2. shanivar ko pipal ke vriksh men jal den. 3. lagatar panch shanivar sabut urad ka dan karen. 4. hanuman chalisa ka path karen. 5. suryast ke bad ghar ki pashchim dish men sarson ke tel ka diya jalaen. 6. mah men ek bar vriddhashram men kuch dhan ya khadya samagri ka dan avashya karen.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2014

Apne vichar vyakt karein

blog comments powered by Disqus
.