मानसिक वेदना

mansik vedna  

Ank ke aur Lekh | Sambandhit Lekh | Views : 4046 |  
jyotishiya drishtikon men hamare man ki pratyek avastha ya sthiti janmakundli men sthit chandrama par nirbhar karti hai. kundli men chandrama bali hone par vyakti mansik rup se prasann v sthir hota hai aur chandrama kamjor hone par uski mansik shakti kshin hoti hai. parantu ismen bhi jab kisi vyakti ki kundli men chandrama ati pidit sthiti men ho aur shubh prabhav se bilkul vanchit ho to isse jivan men kuch vishesh nakaratmak prabhav ate hain aur vyakti mansik vednaon se ghirta chala jata hai. yadi janmakundli men chandrama nich rashi (vrishchik) men ho, chathe, athven ya barhven bhav men ho, iske atirikt chandrama, rahu, shani ke sath ho ya inse drisht ho aur brihaspati ki drishti chandrama par na ho to aisa vyakti sadaiv mansik ashanti ka anubhav karega, man kabhi ekagra nahin ho payega, jaldi tanav grast ho jayega. vishesh rup se jab chandrama shani aur rahu ke adhik prabhav men ata hai tab samasyaen adhik hoti hain. kamjor chandrama vala vyakti jaldi hi vyakul ho jata hai ya ghabrahat anubhav karta hai. aise vyakti apne jivan ke sangharsh, samasya ya man ki duvidhaon ko kisi ke sath asani se nahin bant pate aur man hi man men bojh ekatrit karte rahte hain aur yahi sthiti unhen avsad ki or le ati hai. kamjor chandrama se hi man men hin bhavnaen ati hain, nakaratmak soch ka uday hota hai aur kamjor chandrama hi vyakti ke man men svayan ke jivan ko samapt karne jaise hin vichar la deta hai. kamjor chandrama ke karan bachcha chahakar bhi ekagrachitt nahin ho pata, dhyan nahin laga pata ya tanavagrast rahta hai. aise bachchon ka svabhav bhi kuch chidchida ho jata hai. kamjor chandrama vale vyaktiyon ko amavasya v purnima ke nikatatam dinon men bahut mansik vichalan aur iriteshan hoti hai. iske atirikt yadi apki janm rashi men shani ya rahu ka gochar ho raha hai to yah samay bhi apko mansik tanav se grast rakhega. yadi apka bachcha ya anya koi vyakti kamjor chandrama ke karan tanav ya avsadagrast hai to aise men unke sath rukha vyavhar bilkul n rakhen. aise vyaktiyon ko bhavnatmak saport ki bahut avashyakta hoti hai kuch vishesh upay: yadi ap uprokt samasyaon se grast hain to ye upay apko avashya labh denge. 1- un som somay namah ki ek mala jap pratidin karen. 2- shivling ka jal v dudh se abhishek karen. 3- pratyek somvar ko gay ko batashe khilayen. 4- pratidin pakshiyon ko dana dalen. 5- pratah kal bhramri v udgith pranayam avashya karen. 6- prakriti v saumya sangti ke sath juden. 7- pratidin kuch samay ke liye apne isht ke sammukh baithakar unki or dekhen aur man ki bat kahen to avashya labh hoga.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.